新斗記

新鬥記有好多間店，食過嘅呢幾間基本上味道都差唔多。初次是朋友帶我去佐敦間店食嘅，味道好正，尤其是燒乳豬，留下深刻嘅印象。*地理位置：尖沙咀亞士厘道29-39號九龍中心3樓，港鐵尖沙咀/尖東站L5出口步行差唔多5分鐘。*餐廳環境：正常港式風格。*服務態度：新鬥記嘅服務員態度唔錯，基本隨叫隨到，唔會冷臉。*註意事項：尖沙咀/佐敦食客眾多，記得提前打電話book位。*菜品味道：燒乳豬系招牌唔可錯過，皮又薄又脆，咬落去就可以feel到香味，乳豬肉很嫩且不膩，蘸d醬食更佳好味，1/4只就足夠4人享用。作為粵菜餐廳，新鬥記的風味十足，但菜品落糖有d多。…查看更多

之前已來過幾次，今天星期六來幫襯，不用輪候位置，顧客不太多！燒鵝皮脆肉香不肥膩，味道不錯！香煎蓮藕餅內裏蓮藕爽脆，配上豬肉一起絞碎香煎，口感特別！蝦仁炒蛋十分足料，滑蛋配上大大粒蝦仁，性價比高！豆豉雞煲就比較油，不太值得吃！通菜炒牛肉的通菜新鮮，牛肉嫩滑有鑊氣！瑤柱蛋白炒飯有炒工，每粒白飯分明又太油，值得推介！整體來說這一次一家大細五位，結帳也只是剛剛$1000左右，在尖沙咀這個地區的價錢十分超值！…查看更多

生活裏，我很怕遇到一些經常陶醉在自己過去光鮮歲月的人，這些在職場，或娛樂界朋友屢見不鮮。例如經常掛在口邊，我以前「乜乜乜」，「物物物」。某程度上，我可大膽判斷這些人都是帶點自卑。偶一為之開句玩笑：「我以前都做過男一㗎！」，無傷大雅；但成日講就會令人覺得你不懂接受「已成歷史」和 past tense，沒想過去進步。七年前 2012 年5月，我第一次食「新斗記」佐敦店，驚為天人，認定了自己是「新斗記」粉絲。之後前前後後大約一年食一次，不同分店也有，銅鑼灣店，北角店，惜質素每況愈下。早前新聞報道它銅鑼灣分店關閉並欠債 (相關新聞)，惹來一些市民迴響。如何 run 好一間食肆，我不作評論。作為食客，吃中菜不外乎是「質」(色、香、味) ，「量」(份量、價錢比例)，其他環境、服務我算後話。 若只知一味靠食老本，現有水準卻慘不忍睹，始終光環會掉下來。客觀來說，執笠倒不覺出奇，起碼有肯止蝕離場，同埋唔該供番哂欠落員工的強積金。今次來尖沙咀「新斗記」吃飯，是因為上星期行過見到有人在餐廳門口派傳單，我先 recall 到原來呢度有間分店，未食過此分店又見佢落力 sell，就再俾多次機會佢。服務、環境 standard，比北角店稍差。第一碟上枱的小菜「鹽燒安格斯牛柳粒」$178，見到時 O 晒嘴：完全沒有動過它，拍了這張照片留念。這是其他人客吃剩的嗎？？？同埋留意番，這是小菜，不是餐前小吃。男侍應 (或經理) 不停在推銷燒鵝同乳豬，話就嚟賣哂，態度不算特別好，問佢嘢是會駁嘴回應那種。當時正值 7pm，是很早的晚市吧？！乳豬 $698 / 隻個名叫做即燒，卻已唔係太熱，而且每次來隻乳豬係越食越細，縮哂水：依據經驗及目測，雖然四隻腳同個頭齊晒，但估計有扣起部份皮及肉，幾份砌砌埋埋都夠整返碟例牌乳豬啦。這個純粹個人估計，又或者咁講，食乳豬，已經根本唔需要再嚟呢度。以前來「新斗記」必食「粟米斑塊」，用新鮮蘇眉，撲薄薄的粉炸至酥脆，再將斑塊與粟米汁分開奉上，以確保醬汁不會弄濕炸物而影響脆皮口感。昔日高貴的樣子：今天早已悄悄地改名做「粟米大魚塊」$158，斑字不留半點痕跡，外貎高貴不再，大大餅，送埋鑊燶：予其 hea 做，咁我寧願佢用呢的雪藏大魚柳，否則糟蹋了條新鮮靚蘇眉，就像柯德莉夏萍去淘寶買 A 貨衫著一樣，格格不入。。。好吃嗎？不好，茶餐廳質素。大魚肉乾鞋，皮不脆，粟米汁真心可以不用分開上，對食味零影響，反而仲可以洗少隻碗當環保。「椒鹽魷魚」$88像兩個砵仔糕的「蝦子柚皮」$98，有色無味：我們應該是叫西蘭花帶子，來了個甚麼「黑松露炒帶子」$198我絕對相當十分非常肯定，是完全沒有黑松露味道，半滴都無，因為我係食完睇返張單先知道原來係有落黑松露炒，咁完全唔可能連一絲「石油氣」味都無啩？！而且賣此價錢，非常貴和不值，庸脂俗粉。全晩最好吃的叫做「銀生鎮江骨」$108：「豆豉雞煲」$128，骨多肉少：賣相肉酸的「香煎蓮藕餅」$98，甚具毁容 feel：上回吃過有形無神的「啫啫唐生菜煲」，今次「啫啫通菜煲」$88 就相反，有神無形，調味好，也是生啫。上檯時的賣相：份量卻實在少得令人驚訝，輕輕夾起數條，就已見煲底：「生炒上肉排」$108，生炒骨啲 friend :「豉油王炒麵」$98 配余均益辣椒醬：埋單後靜靜地離開。如無意外，這該是我最後一篇「新斗記」，是時候死心了。在此希望所有人和物，若曾有過輝煌的過去，也能迎接光輝的未來。啊，最後一提，依間嘢以前屬米芝蓮星級人馬，而家呢？你自己估下啦。…查看更多

星期日約了舊同事飲茶，11 點左右到了尖沙咀新斗記。一到就有點舊式茶樓的感覺。我們點了好多點心：香煎蘿蔔糕 - 我最愛，煎得好金黃，夾起不會散 👍🏻混醬米皇腸粉 - 素腸粉配上甜醬花生醬，簡單但好味 櫻花蝦野菌脆皮腸 - 賣相已經十分 ok, 外滑內脆 安納糖心紫薯酥 - 好特別，未見過這款點心，所以點了。外型是紫薯，內面有麻薯，很有嚼口 流沙奶皇豬仔包 - 很 cute 又超流沙，很配合今年豬年，讚 鮮蝦菜苗餃 - 蝦算新鮮，餃子皮再薄一點就更好了新斗水晶蝦餃 - 蝦一樣算新鮮，但這餃子皮比鮮蝦菜苗餃薄點，口感好多了櫻花蝦香煎糯米雞 - 這個不是一般的糯米雞，是煎的，裡面一樣有咸蛋，原來煎糯米雞都好好味 原隻大蝦燒賣皇 - 好多蟹籽呀 椒鹽白飯魚 - 這個超好吃，很香口，加上椒鹽，感覺上不會太易上火吧，哈哈 酥炸鯪魚球 - 平時我不吃的，因為怕鯹，但這裡的鯪魚球一點都不鯹 還有沙薑大雞腳，咖哩蒸土魷 - 由於我都不吃，這個就不太清楚味道如何啦。至於蜜汁叉燒包 - 沒什麼特別，正正常常，沒有說太大驚喜…查看更多

公司開年下午茶，本來懷著過年的好心情已預早一天電話預訂半隻乳豬，到時可以下午3點準時上來取，趕到下午茶時之用，到今天3點16分時上到來,我直接說回我留的姓和電話，那時候有個黑框眼鏡男，貌似經理定部長嘅物體，話係咪要半隻乳豬外賣，我話我有預訂同留咗，現在是上來取的，佢話唔緊要，都係一樣啫，現在幫你落單，現在燒，你等等，果邊俾錢先。 點樣一樣呀？ 我趕時間，預訂係說了3點上來係攞得，唔係坐喺度浪費時間慢慢等你重新落單去燒隻豬，跟住收銀個女人收完錢，竟然冇諗過要找錢，黑框眼鏡男在這時候剛見到食環署主任到了檢查，然後好緊張咁行開了，就咁俾張單我叫我去果邊燒味廚房門口等，我話妳未找錢喎，佢諗咗一陣，眼神和態度也不好的才找了錢，然後我有點想攪清楚，係咪你哋自己漏單定點，我話我訂嘅時候係有個女職員幫我落單嘅，然後個女職員走出來說依家燒緊了，張單一早放了入廚房，佢哋漏了整，喺度互相推卸責任之際，黑框眼鏡男又走過來話（眼神態度極之冇禮貌，輕浮）話都燒緊啦，都燒好喇，我話係燒緊定燒好呀？燒好啦，語帶嘲諷咁，好似想講駛唔駛咁大反應!  我話早就應該要燒好啦，唔係咩叫預訂呀？我唔係要上來坐定定再等你20分鐘去完事嘛！？今時今日咁嘅服務態度，唔怪得之阿士厘道呢間店冇咩客啦，連大圍個間都執埋，你們公司是否要同員工再培訓一下呢？ 唔係你們職員態度咁差，又愛理不理，都唔想浪費時間上來寫食評， 乳豬是好食，好香，皮脆，唔太肥， 但服務態度絕對是負分，唔該檢討吓!…查看更多

今晚同屋企人做節，一早打黎訂檯，點知佢話細檯冇得訂，要WALK IN，結果我地6點鐘黎到，好彩冇人，唔洗等位，2小時要交檯，知道呢度既乳豬出名，但係見到個餐都好吸引，於是叫左個飽魚海鮮燒鵝餐，只係好一般般。但值得一讚既係服務水準，招呼我地個位阿姐非常有禮貌。晚爐燒鵝 –燒鵝都燒得幾香，但係D肉有點UN。薑蔥南非鮑魚煲 –鮑魚有4隻，我地4個人岩岩好一人一隻，鮑魚好新鮮，彈牙，薑蔥味好香，唔錯。豐料老火湯 –今晚係粉葛魚湯，好足料，好濃粉葛味，正﹗生炒上肉排 –即是我地食開既咕嚕肉，都幾好。清蒸沙巴龍躉 - 龍躉都幾大條，好新鮮，D肉好滑，可惜近骨位有少少血，唔係太熟。魚湯鮮茄泡菜苗 –魚湯浸落白菜到好鮮甜。甜品 –可選紅豆沙或蕃薯糖水。另外我地仲叫左個荷葉飯，但荷葉飯實在等得太耐，建議要食既記得一坐低就要叫定。…查看更多

食物質素不錯，但上菜時間太耐，追了三次四次才逐碟上，最大問題系身為部長，點菜時態度超差，問他有冇好餸菜介紹，佢竟然答介紹好野你地都吾會叫啦，這是甚麼服務態度呢😓🤬🤬🤬…查看更多

上年哩個時候都黎過新斗記食飯記得佢個粟米大魚塊同即燒乳豬好好食今次一行五人又黎食飯味道都保持一貫水平 但係出菜真係好慢可能星期五比較多人吧=粟米大魚塊 =魚塊炸粉很薄炸得乾身 不會感覺很油膩 魚肉很厚 有啖啖肉的感覺粟米汁是分開上的 這樣很好自己喜歡加多少都可以 又不會把魚塊浸淋=黑松露炒什菌=黑松露味很出 又有多款菌 很有口感=即燒乳豬=乳豬皮很薄很卜卜脆 有食薯片聲效而且肉不多，也很嫩滑=薑蔥美國桶蠔煲=有四只  雖然覺得有點太少但蠔本身是很大一隻 蠔肉也很肥厚上菜是很熱辣辣 也很惹味=胡椒咸菜豬肚花甲湯=這佪湯上一次都有叫 豬肚花甲都很足料但上一次胡椒味比較出今次略微比較甜了點 總結 即燒乳豬真係無得輸…查看更多

第一次來尖沙咀新斗記 义燒一點也跟好吃談不上服務態度不佳 滷水鵝肝沽清點什麼沒有什麼 有點驚訝 佐敦的燒乳鴿很好吃 這裡很麻麻 蠔仔粥也是我吃過之中最Hea 的我希望用SDRE 結帳 經理說沒有人識用…查看更多

香港一想到食即燒乳豬的話，新斗記的確是一個好地方，分店遍佈港九新界，分別在銅鑼灣、尖沙咀、佐敦、荃灣和屯門，每當週末或假日必高朋滿座！這裡的即燒乳豬脆皮肉嫩，入口香脆唔油膩，1/4隻$188，足夠四位分享。另外點了鹵水豬腳仔$88，廚師起了主要的大骨，只剩下小塊的骨頭，外皮肉質軟稔入味，吃起來是啖啖肉，值得一讚👍燒鵝保持以往水準，外皮脆也不太肥膩，肉質嫩滑但脂肪比例也亳不輸蝕，具有那股濃濃既鵝香。在餐牌上也發現增加了孖寶推介，$688有清蒸東星班約1斤3，全是野生的，新鮮生猛，肉質鮮甜，另外薑蔥美國桶蠔煲，打開煲蓋香味撲鼻，桶蠔分量十足！整體來說，服務員招呼周到，環境寬躺舒服，下次會再約朋友來光臨！…查看更多

朋友極力推薦新斗記的黑毛豬叉燒，聽聞是傳說中最好食的叉燒店，今天來了尖沙咀即管入去一試😉經職員推介後，他話叉燒和乳豬也是非常出名，是必要叫的餸菜，所以我決定一試！叉燒的脂肉分佈非常平均，而且有一點焦香和麥芽的味道👍🏻果然夠特別😍而另一款餸菜就是乳豬，皮不單止薄而脆，而且肉不多，也很嫩滑😋一啖咬落去卜卜脆🤣果然是首選，令一樣餸菜就是碧綠蝦子柚皮，沒有苦澀味😀這個餸菜工序非常繁複，但是他也可以令柚子皮做到軟綿綿，汁又濃😝完全帶出抽子的味道👍🏻…查看更多

今日係和朋友一起慶祝老公生辰，點知服務態度差，食物水準差，乳豬一般，個乳豬醬有奇怪味道，桶蠔煲無味，鹵水大腸十分鹹，叫鵝片好似鵝件無分别十分鞋。（總括來講同佐敦差天共地）…查看更多

6月1日約了朋友食生日飯，打開OpenRice 見亞士厘道新斗記有50like便訂位一試。當晚一行5人19:30安排一房間入坐，點了8個菜而侍應重複說明，很快第一道菜鼓椒炒花甲以到，入口發覺花甲同鼓椒汁味道分開，明顯是花甲先灼熟後加鼓椒汁炒亂。當第二道燒鵝上枱，我跟侍應講鼓椒炒花甲有點問題，她馬上說不關她事，會叫經理過來，不久一個比較高級女侍應過來問究竟，我跟她說花甲炒得味道有點不對，她二話不說便取消，我想說出原因她已走了。跟住黑毛豬义燒，啫啫唐生菜，蒜香蟹飯以上，味道不錯。等到20:45問侍應還有3個菜未到，跟進後說落單出錯，馬上安排，再等到21:15追問情況，她說經理以跟進，多等了一會我從大廳找經理進來，問3個菜情況，他反問還剩那3個菜，我都不想多說叫他埋單吧，當時已21:30分了。一間出名的飯店，可以有咁嘅員工👍有咁多個like🤔算吧…查看更多

一行四人想食中餐, 高級一點的選擇一定是新斗記之前吃過其他地區的分店, 水準都幾高下 燒鵝例一黎就整食個燒鵝過下口癮係燒鵝脾黎!! 睇佢光滑既鵝皮就知唔講得笑食入口一下脆脆的聲音, 加上佢既醬汁都係一流的整個配合起上黎!! 超MATCH 鎮江骨上台已經聞到好濃既酸甜味!! 已經吸引到我流哂口水咁淡淡肉的口感實在是很入味, 令人不禁想扒多2下飯的份量都算幾大 金牌拆肉泥孟粥最近天氣又凍返, 更係想食返D熱野, 粥真係一個不錯的選擇, 這個粥我是高度的推薦, 因為泥孟的味道完全融入了粥內, 超香甜香淡淡的泥孟味, 一煲的SIZE可以分到6-7碗的份量, 超抵吃…查看更多

新斗記出名食既一定係乳豬皮薄脆, 入面既肉唔係厚實, 但係嫩滑非常, 再加埋一層薄薄既皮下脂肪真係無得頂!! 例牌既份量都幾多, 因為乳豬唔可以食太多, 會濟, 所以呢個份量係岩岩好既 上湯浸豆苗豆苗係我最鐘意既蔬菜, 呢個豆苗就非常之岩我心水吸收哂上湯既鮮味, 既淋滑又爽口, 最正係佢雖然冇加咩調味料但係上湯既鮮味將豆苗既味道帶哂出黎, 而且豆苗係好新鮮的值得推薦 金針雲耳牛肉煲呢個煲勁健康, 又金針菇又雲耳, 同埋佢係熱辣辣的整煲送上, 淨係個賣相都已經好得我特別喜歡嫩滑既牛肉, 而且因為個煲係燒到好熱好熱, 當牛肉掂到個煲既時候就會有一種香脆既口感帶左出黎!! 超正的…查看更多