新意客

叫食芝士蕃茄焗豬扒飯 (HKD 55)。飯不是炒底，失色，失香，失味。焗飯不用炒底是最為錯誤的情況，就似鐵板用碟上，算嘜野?飯底稍硬，不是焗飯應有的硬度，相信來貨米或未有浸泡的原因。豬扒有其他味道，並不單純。應已事先醃製或煮熟，並不合適用作焗飯。豬扒肉質梅爛，並沒咬口，厚度稍比大家樂少。只有蕃茄汁很酸，但又沒有蕃茄，好失望。其他配料又沒有，好失望。坦白講。永遠食焗豬扒飯，一定會要大家樂比較。有基準就比較到。唯一值得的是芝士量，如牆邊廣告般，可拉絲。…查看更多

第一次食呢間野，諗住應該不太差，點知就失望而回，唔怪得入面咁靜。我坐底無耐有人抹台，可以求其到用毛巾fing到我件外套，不過個服務員都有講sorry，如果唔係我想話佢，佢應都唔講。牛脷無煎過，意大利飯唔可以叫意大利飯！想點先！咁姐係食緊咩？連我自己都唔知，本身碟飯黎到個陣我真係想問呢碟咩黎，不過我知問黎都哂氣！以一個80蚊既一個餐黎講，可以話一啲都唔好食，賣相差，環境差。以呢個價餐食晏可以話大把選擇，從來未食過一個咁難食既意大利飯！！！…查看更多

我今日介紹大家一間冇華麗嘅裝修、可能有少少殘舊嘅食店但係有五星級嘅美食嘅享受價錢雖然低但係一啲都唔會馬虎嘅西式焗飯，我今日食咗係芝士焗鮮茄豬扒飯雖然佢只係＄55但係佢上面嘅芝士覆蓋得異常滿滿嘅一啲都唔孤寒仲有值得一讚嘅係佢嘅醬汁我覺得佢真係天衣無縫甜甜酸酸甜得來又有蕃茄嘅香味，唔似得其他啲食店做得乾乾鞋鞋，而且仲包埋一杯飲品添非常和味。佢仲有其他嘅意粉例如白汁都係做得非常出色嘅。還有特價嘅套餐以供選擇仲有下午茶添我個人覺得這間食店嘅食店，真係超抵嘅值得大家去試…查看更多

食西餐，食氣氛，又平又好食，又有幾多間？今日和朋友去北角食，發現呢間好芝味餐廳！焗芝士珍珠蠔芝士焗完的蠔，勁香，又大啖肉。瑞士汁雞翼需要外面瑞士汁比較有味，但不夠煮得入味，有少少遜色。黑松露雜菌飯友人吃完，話好好食，黄金金，我見她食到芝士不斷地拉絲，可見芝味十足。忌廉海鮮意粉海鮮材料足夠，如果加多點醬會更好。香松露牛扒闊條面上菜的牛扒係一大塊肉，比較難切。意粉伴醬汁，好好味。如果選擇套餐，會有餐湯飲品。不收加一，又有幾多餐廳可做到？…查看更多

今日放工約埋老婆去北角試食新野 叫左客燒汁牛肉長通粉同埋芝士焗黑松露飯，燒汁牛肉長通粉就有少少酸酸地，肥牛都算得上幾多，幾開胃；芝士焗黑松露飯就非常多芝士，黑松露亦都好香，唔錯呢間意大利餐廳於區內算唔錯，價錢亦都好平…查看更多

北角其實好多野食，上網見到新意客好抵食，晚餐時間就同朋友食好西。唔洗等位就有得入，原本要答枱，不過後來有空枱，店員好體貼咁幫我地換枱，坐卡位舒服d!兩個人巨肚餓之下，嗌左好多野食。見到menu上既野食價錢唔貴，嗌幾多都唔會肉痛！ 一睇都知店內招牌係蠔同芝士，大部分菜式都有芝士！芝士控就岩哂！ 瑞士汁雞中翼 $36/5隻上菜第一係瑞士雞翼，一上枱就香噴噴！雞翼顏色唔係厄人，絕對入味，好味！另外，店員好細心，上等一道菜已經主動比埋share plate我地，唔洗我地出聲order，抵讚！ 芝士焗珍珠蠔 $50/2隻芝士焗蠔簡直係佢地既鎮店之寶，當然要嗌翻兩隻試下喇！又幾新鮮喎，焗得岩岩好，無焗到乾哂，仲食到蠔既鮮味，堅！ 芝士焗西蘭花 $39諗住一餐食甘多野點都要嗌個蔬菜，如果唔係會好有罪疚感，哈哈。芝士西蘭花好穩陣，意想不到係菜底下有薯蓉，岩我，我中意食薯蓉啊！ 紫蘇辣蒜蜆肉意粉 $52到main dish 喇！首先我唔知咩叫紫蘇，係辣椒的品種嗎？見到有d細細粒粒既辣椒仔，不過我自己食落就唔算辣，可能我食得辣，我習慣仲要加tabasco 添。碟意粉都幾大碟，好夠食，一個人食一定飽，所以好難想像點解果時兩個人可以食到甘多野！蜆肉份量都好多，估計有二三十粒，仲有雜菌混入香蒜，味道不錯！ 芝士焗蒜片牛仔柳飯 $80芝士份量好足，牛仔柳成塊扒甘大塊，要自己切。成個飯都好足料，味道都幾好。本身配意粉，不過已經嗌左另一款都係意粉，所以呢個轉左飯，飯就麻麻地，唔係risotto 果種米，係普通白飯米，有點乾硬，應該係米唔靚。另外，除左轉飯外，仲可以轉天使麵，螺絲粉，尖通粉，而risotto米就要加$12 。 兩個人食左甘多野，埋單二百幾蚊。整體上新意客既食物質素都比價格高，好似茶餐廳甘，款式百變，想點配撘都得，只要諗得出都整得到，岩大眾口味。食物份量都幾大，食完好飽，物超所值，值得推介！…查看更多

前日經朋友多次推薦，終於食到呢間好野，全部有芝士既焗野都鋪滿厚厚一層芝士，一絲絲的，叫人欲罷不能，表面有少少燶，所以飄來陣陣香味，而入面都絕不欺場，一大舊吞拿魚，混1和左芝士濃郁既味道，好搭合，另外螺絲粉因為表面一坑坑，所以藏晒d汁係入面，食落唔會乾痴痴咁，全部我都好滿意，最適合鍾意芝士既朋友仔。…查看更多

今晚約左朋友去新光戲院優先場 因為冇畫位 要排隊 所以預先係附近搵地方醫定肚先朋友提議試呢間一入去 茶仔偏好少少既格局 唔算多位 但我地坐卡位 都算舒服每人一客意粉 加多個腸仔意粉同腸仔 份量比想像中多  特別係腸仔 小食冇諗過有咁多...腸仔配香辣茄蓉汁, 酸酸辣辣 非常開胃惹味意粉較為乾身, 同好重黑椒味 食落D意粉唔會太淋口  好有口感, 夠爽口兩個都食得好飽 滿足 下次會再來…查看更多

咁快又再食過。鮮蕃茄煙鴨胸尖通粉鴨胸就冇咩特別，不過不失啦，因為其實冇得自己整嘅，呢啲野都係形成可以買倒返來。不過佢果番茄汁就整得幾好食，又有蕃茄肉係入邊，好夠味道。不過就嫌啲尖通粉份量少左啲，男仔係可能唔會夠食，不過佢就勝在夠平。…查看更多

二年前係到食過焗飯以前係好好味今次再去好似冇以前甘好食 首先叫左個蒜蓉包 脆就夠脆 但冇嘜味再叫左個芝士焗香草那威三文魚意粉見有推介就試下 點知中伏了入面d source 好淡好似冇味甘 意粉淡到好似冇落過調味 可以話得面個層芝士同d三文魚比較好味 最後要狂落芝士粉先至有翻d味😓希望下次泥可以食得翻以前d水準…查看更多

呢間野成日經過都未食過，所以就試吓啦。見佢門口有個牌寫住＄43個餐，不過呢就for take out only。 香辣蒜香蘑菇蜆肉意粉一打開個盒就有好香噴噴嘅蒜香味出晒嚟，食落去有啲辣，好開胃。而且啖啖都係蜆肉，啲肉又冇沙，而且都好有質感，一啲腥嘅味都冇。啲意粉嘅份量都OK，唔會話好多不過都會飽嘅。下次可以再去食過。…查看更多

如果只能推薦一款北角新意客美食的話，我一定會毫不猶疑地選擇以下這道芝士焗豬扒飯。曾幾何時，我深深地迷戀著香港某間連鎖快餐店的焗豬扒飯。但江河日下，那款焗飯愈來愈貴，質素卻已經大不如前。直至有一次經同事介紹，我不經意地點了這一道午餐，感覺真可以用「驚為天人」來形容。新意客的焗豬扒飯最成功的地方在於對芝士毫不吝嗇。如照片中所見，豬扒飯上金黃色的部份很多，全是巴馬臣芝士來的。這種芝士十分柔軟、香味明顯，很適合用在烤焗類的美食上，在意大利素有「芝士之王」的美譽。坊間很多意式餐廳所售賣的料理中都可以發現它的存在。除此之外，豬扒也經事先煎過，所以入口略帶焦香；加上惹味開胃的蕃茄醬襯托之下，令焗飯的層次升華到另一個境界。總結：這可算是我目前吃過最好吃的焗豬扒飯之一，真要來個排名戰的話，必定在三甲之列。滿意度：(5個為滿分)…查看更多

北角的新意客一向以高質素意式食物為招徠，今天我卻一時心癮起，蠢蠢欲動想試試它的皇牌咖喱。標準的午餐餐牌只會提供一款「咖喱魚柳」。若要嘗試其他配菜，可以參考店內的掛牆餐牌。記憶中可供選擇的有雞、牛脷、蝦、及羊架等等 (牛脷因為超鹹所以不建議)。而今次點選的，是餐牌上最貴的紐西蘭羊架 (HKD $90大元！)咖喱汁比較類似馬來西亞式，香料味並不重，但略為鹹了一點；與此同時，偏偏羊架也醃得比較重手，所以兩者加在一起，吃上來會鹹上加鹹。幸而羊架份量不算少，總算挽回一些分數。總結：下次嘛…我還是選最愛的芝士焗豬扒飯算了。…查看更多

新意客又黎新意客！焗意粉/飯永遠都咁惹人喜愛，呢排心癮起，好想食肉醬意粉，見新意客下午茶$42 有肉醬意粉食，就試下啦。芝士焗肉醬意粉 $42哇，好多芝士呀！焗到熱辣辣，上枱時芝士仍然在沸騰，試一啖發現好有哈迪斯德州肉醬意粉的感覺😍佢呢隻肉醬好足料好惹味，有好多牛肉粒，配埋芝士真係幾正，係略嫌意粉硬左少少。餐廳冷氣都幾大，想坐多陣都唔得，食完就凍到即走...--------------------------------新意客 (北角)北角琴行街6A地舖…查看更多

新意客又放break啦！！食咩好呀......呢個問題每日都係度煩住我，要諗食咩其實真係令人覺得好懊惱。今次行呀行，係公司樓下見到呢間新意客，見下午茶時段唔太貴，一於試試！餐牌選擇都幾多，有個百搭意粉餐，我就要左白汁菠菜煙鴨胸肉醬尖通粉，店員聽到我白汁配肉醬，個樣有少少驚訝，哈哈，大家對望我又忍唔住笑左出黎！白汁菠菜煙鴨胸肉醬尖通粉 （$45）碟尖通粉份量都幾大，煙鴨胸有三大塊，白汁都幾多，食一啖，我覺得好驚喜呀！因為我食到哈迪斯德州肉醬意粉的味道！佢的肉醬味道好濃郁，完全係哈迪斯果隻味！煙鴨胸都煎得幾香口，咬落幾juicy，尖通粉做到微微al dente，以$45黎講，質素算ok!…查看更多