新寶馬餐廳

昨天和朋友重遇在西營盤，行左半條高街決定入新寶馬，揀餐討論了一陣，又自己換過位避冷氣，在人聲踏雜的一點幾時段，兩個人高談闊論，中間舉手攞碗攞水 ... 脆多士碎滿了一枱 ... 直至旁邊聲音静下來，只有單人進餐，最後剩下我哋一枱，又攞左熱水 ... 以為要退場，老闆女話唔使，但阿媽可以坐下 ... 90年代嘅港左西餐廳 just the way I remember it, no more, no less ✌️🫶…查看更多

去咗間大家耳熟能詳嘅西餐廳，我揀咗幾款經典菜式嚟一齊分享下。首先，個蒜蓉包真係好得意，脆口得嚟香蒜味十足，暖笠笠嘅感覺令人忍唔住一片又一片🥖！湯品部分，羅宋湯同番茄湯都各有千秋，羅宋湯夠哂味道，啱啱好嘅濃稠，每啖都咁滋味；番茄湯清新又提神，蕃茄酸酸甜甜，重點係唔會太膩。而主菜嘅牛柳同ribeye，啲肉質做到medium-rare，腍滑爽口，火侯掌握得好準，牛味濃郁，邊d肉食落去鮮嫩多汁，仲有啲輕微嘅炭燒香，嚟緊聖誕節我諗我又會去搏一搏🎅。至於配菜，個人偏愛傳統嘅薯仔，啲薯仔外皮香脆，入口即溶，令人回味無窮😋。最後，一杯清涼嘅凍檸茶，酸酸甜甜，消滯解膩，皆大歡喜。整體嚟講，這家西餐廳係個非常地道嘅選擇，無論是同三五知己，定係一個人享受美食嘅時光，都係咁啱哋🙌。…查看更多

路過此地，$56一個午餐包一片蒜蓉多士、漿水白湯、主食、及凍飲加$2。對比對面一家米芝蘭加持之粉麵店賣$49一碗粉的價錢實屬合理。可惜一代不如一代，此店看其裝修甚具歷史，但此等歷史輕鬆敗給了下一代。店內一肥女子，相信是其店家之女兒，服務態度惡劣，現場呼喝眾多食客。雖價格合理，食物平庸，但隨之附送此等服務享受，勸君慎入。除餐白湯呈漿水狀外，其它食物尚算合格。主食有嫌味道略缺，但份量充足，其急凍扒類之處理方法亦算洽當。…查看更多

這類餐廳裝修舊，燈光暗，又唔係sell 人情味. 人客坐落一杯水都冇. 大部分茶記都奉上水一杯. 飲唔飲係另一件事.好奇怪這類餐廳還可以生存到可能是自己鋪. 全部都好靜有冇背景音樂只聽到老闆娘，其女兒和另一個師奶朋友在閑談.食物也不出色.印像中這間餐廳以前是兩個鋪，現在縮埋一間. …查看更多

一間非常本地嘅港式西餐廳，晚餐主打扒類，當然都會有焗飯焗意粉之類嘅選擇。今晚揀咗幾份牛扒餐，有牛柳，有ribeye ，前菜有熱辣辣，又脆卜卜嘅蒜蓉包，餐湯例牌非紅即白，味道有啲驚喜👍🏻 主菜上場，你要幾多成熟就煮到幾多成熟，恰到好處🙏🏻👍🏻 牛扒夠淋，有牛味，唔錯！可配飯，意粉或薯菜，個人覺得薯菜相當好味😋而最後有啫喱做甜品，夠哂old school! 加埋杯凍檸茶，都係百鬆啲一位，性價比甚高，值得一試👍🏻…查看更多

這個餐廳座落在一條出名的街道上，2000年代之前基本上冇人不知道高街鬼屋，我嘅年青時代同呢條街好有淵源，我嘅學業，刻骨銘心嘅愛情，成為負資產人仕，好辛酸咁創業，亦渡過人生最悲涼嘅歲月。以前街道大部份都係一啲舊商店，餐廳，粥店，車房，現在已經變成很多美輪美奐嘅餐廳酒吧，被譽為西環蘇豪區。唯獨這間餐廳屹立至今大概都20至30年，這餐廳是做港式西餐，今次重溫舊夢點了一個羊扒套餐，包括有好傳統嘅港式羅宋湯配蒜蓉包，羅宋湯很足料濃郁，不會水汪汪，薯蓉焗田螺，而家都好似係出邊好難食得到，田螺好香香草牛油味，我喜歡用田螺嘅牛油撈底下嘅薯蓉一齊食又或者將牛油薯蓉塗係蒜蓉包上一齊食，美味層出不窮，仲有一個份量十足嘅羊扒配意粉，三件分量十足嘅羊扒半煎炸香脆可口，肉質雖然唔係最上等，中間仲夾雜少少梳打味，但作為一間街坊餐廳，整個餐只係$80幾蚊(如有記錯請勿怪責)，算係非常之超值。而家整條街上只剩下這間餐廳還有一間傳統麵店，同埋一間依然吾系好友善嘅酒莊(其實系士多)，整條街已人面全非，如果大家都想懷緬下昔日港式西餐嘅味道我覺得都可以嚟試一試。…查看更多

呢間位於西營盤嘅港式西餐廳，店入面嘅裝潢比較暗，感覺偏殘舊，但換個角度係幾有本土特色嘅港式西餐，唔會話好值得打卡，但身為香港文化都值得體驗下。$54食到一個lunch set，有湯（忌廉湯或羅宋湯）有主菜有熱飲，仲有塊蒜蓉包，每樣嘢嘅味道都一般般（認真挑剔太多嘢可以講，相信都係揀得呢啲餐廳會expect到嘅quality），冇咩邊樣係會覺得特別好食，但撇除味道唔提，齋講份量我覺得都ok嘅，我叫嗰份焗龍脷意粉都有好幾塊魚，食完碗意粉再加埋啲蒜蓉包同羅宋湯其實都算夠飽嘅。呢個價錢食到完整嘅set其實都算係咁。…查看更多

|西環經濟扒餐🥩|$54要咩扒有咩扒🤩🥩 蒜蓉牛扒配薯菜 $54牛扒兩大塊，厚度比想像中再薄啲😂 但食落又幾嫩滑有汁 牛味適中 薯條係粗黃波浪形薯條😍 可消除肚餓感 不過未至於好飽 呢個性價比幾高😋🥩 雜扒配薯菜 $54包括豬扒 雞扒 腸仔 火腿相對下較牛扒餐遜色 豬扒雖然鬆弛易咬 但唔太juicy 其他肉扒普通📍新寶馬餐廳西環西營盤高街60-63號地下…查看更多

新寶馬餐廳不論門面或內𥚃裝潢均洋溢港式西餐廳的風格。餐廳提供的食品也相當標準，都是扒餐焗飯一類的食品。蒜蓉多士失溫失脆，羅宋湯略稠身，酸感重，味道一般。[蒜蓉多士][羅宋湯]美式什扒內含牛扒、火腿、腸仔、煙肉等食材。大部份屬現成加工食品，剩下的牛扒食感夠腍，但乏味。美國西冷扒所用上的牛扒較什扒的質素上好少少，但同樣無甚牛香，需依賴醬汁添味。跟餐還有啫喱餐飲，標準港式西餐安排。…查看更多

Food n price are ok. But it got the worst service in town! The women staff in their 50s basically yell at each other, like they're at home n not serving customers in a restaurant. And at 2:30pm, they use some very smelly cleanser to mop the floor while I was still eating my food! I asked the woman to stop mopping the floor just for 5 minutes so I can finish my lunch or I wanna throw up coz of the smell. Another woman said she's finishing work soon n had to still do it. And then they yell to each other again, but I can tell they are teasing me - as a customer!!!!!!It's such a waste because they hire such poor quality staff.I read the reviews from other customers and mostly are bad comments regarding their service.…查看更多

A very local HK style restaurant - friendly staff & decent food. Nice portions and everything was above average! I’d definitely recommend people to give it a try if you want to experience a local style dinner with a good deal. Happy to have randomly walked in here as opposed to other western places nearby :) …查看更多

美式什扒 跟湯 薯菜($98)美國西冷扒 跟田螺 湯 薯菜($134) 以前讀書果陣好似食過一次就無再食佢，啱啱諗緊食咩又行過就決定食佢。好舊式既西餐廳，唔算好大。可能因為有啲晏，客唔多，除咗我哋仲有兩枱。塊蒜蓉包唔好睇佢咁細塊，鈉含量一定超標😂😂😂好咸真係，點完湯好少少，不過好脆既，anyway我都係食晒白湯有雞肉，薯仔，洋蔥，有啲粉絲咁係幾特別的。田螺配薯蓉好夠熱。西冷扒都幾大塊，好軟冧。什扒較薄身不過都有好多。儘管身上已有咁多肉，仍然都仲係食咁多肉😂🐖薯菜部分係焗薯同一舊西蘭花同一舊蕃茄，正常咁，其實食肉就夠飽杯檸水個杯幾可愛，特意影咗一下$234 埋單算係咁啦，幾有趣既餐廳…查看更多

高街開左好多新餐廳，裝修係靚，但大多中門大開，大熱天時坐外面太熱，空調太弱。所以行行下就入左呢間餐廳。係80年代的格局同餐點，我們點了焗豬扒飯及紙包龍鯏，加一客焗田螺。份量非常大，味道好有小時候風味，但都唔錯，焗飯有炒底，汁亦有茄香。魚有煎香先再焗。田螺好香，如果薯蓉多啲更好。不少街坊外賣，同店員好熟，服務的姐姐亦態度好好，感受到一份人情味。埋單約200元，咁嘅價錢來說，不能有太多要求，可算物所價了。…查看更多

今日是星期日要上堂。一早起床梳洗後，就趕著出門很快便到西營盤。由於很早到達，附近食肆仍未營業。行過高街，見「新寶馬餐廳」有早餐吃於是內進坐下。店內環境及格調好像古典味重。仔細看餐牌早餐堂食送橙汁。侍應生服務態度有善和座位寛濶。我點了吉列魚柳公仔麵，多士及熱奶茶。吉列魚柳是一整塊薄片的魚柳。外面炸得金黃鬆脆。內𥚃魚肉嫩滑，鮮甜美味。點少許沙律醬，酸酸味味，胃口頓時大增。公仔麵有粟米粒，青豆粒，紅蘿 蔔粒及公仔麵。麵質軟硬度適中，湯底味清淡，可以接受。多士有兩塊。多士內散發著香滑的牛油味，脆卜卜，鬆軟好吃。凍橙汁是隨餐贈送的。有橙肉渣，酸酸味味。在餐前喝，頓時醒胃。熱奶茶。紅茶和淡奶比例有偏差。茶味重，奶味淡，苦澀味濃。總括而言，吉烈魚柳卜卜脆。可惜，不夠厚及口感遜色。公仔麵彈牙爽口，多士脆口又鬆軟。奶茶苦得來，澀味重。…查看更多

2017除夕夜我哋選擇咗人少嘅西營盤食晚餐，本來諗住去一間頗有名氣嘅台灣食肆，點知當天提早四點收爐，我們最後搵咗一間餐廳，見門口餐牌價錢唔貴，於是入咗去試吓。這是一間80年代格局嘅舊式西餐廳，裝修平實，內裏空間不大，座位只有十數張枱，若果坐滿客人，感覺非常擠迫。我們點了三個套餐，餐湯羅宋湯，主菜有蒜蓉牛柳，法式燒羊架和芝士海鮮焗飯，甜品則是啫喱，還有咖啡或茶。單單就餐廳格局就吾會對食物抱有好大嘅期望，但係食落又有啲驚喜。除了份量足外，羅宋湯雖然碗中餸料不多，但湯底濃郁，茄味十足。羊架和牛扒勝在燒得外面有些焦燶，而肉質嫩滑，肉汁豐富。海鮮焗飯飯底味道唔錯，但唯獨是材料有些「行」，雖有蝦肉、蜆肉、魚粒，還有鳳鳴卷片、蟹柳粒、青豆和紅蘿蔔粒，但全都是雪藏食品。奶茶夠香濃，拍得上大排檔出品。結賑單只是草草寫上總額，吾知以前D餐廳係吾係興咁樣呢！有咁嘅食物質素價錢亦唔貴，難怪我眼見多數是街坊熟客仔。…查看更多