影片
以上资料只供参考，请与餐厅确认详情
嚟九龙城除咗食泰国菜，仲有得食正宗潮州打冷😎同事呢日介绍咗佢嘅爱店－新城潮州饭店，人气程度可见一斑🔥呢度嘅卤水菜式、镬气潮州菜都系大件夹抵食🤑店舖走大排档街坊格局，略嫌出餐慢少少。🧆潮州卤水拼 $128/小 $158/大除咗鹅片，仲有鹅肠、猪大肠、红肠、豆腐、墨鱼等，好丰富。鹅片颇入味、唔嚡👍🏻鹅肠份量甚多，爽口无噏味，忍唔住系咁食🤪平时我唔食猪大肠，见同伴食得咁滋味都要挑战下，点知有惊喜，非常入味，食到卤水汁嘅咸甜香，毫无内脏噏味😋🍕驰名蚝仔饼 $88可能唔系蚝仔饼，系肥蚝饼🤣蚝仔全部都劲肥劲大粒劲饱满😽蚝饼煎得香脆不油腻，中间包住蚝仔嘅位置仲会咬到啲软心，亦食到蛋香，出色😋🍚驰名蚝仔粥 $68/碗 $118/窝同样系肥蚝粥，蚝仔饱满😻粥底仲有冬菇、咸鱼、肉碎等，咸鱼嘅香味令到粥底味道更有层次🤤🔴韭菜猪红 $58呢度嘅内脏做得几好毫无内脏噏味，猪红都推荐✅用胡椒辣招僻腥，所以食落带点辛辣感，猪红几爽滑🫶🏻🍠高沙反沙芋 $118 而家香港好少地方有得食反沙芋，呢度竟然有呢道功夫菜😆芋头好粉，不过可惜外层嘅糖已结成块，食嘅时候同芋头好似分开咗，无𠮶种糖浆包覆芋头嘅感觉，有啲失色。推介指数（10分为满分）：8分
继续阅读
每个星期都朋友小聚一次 老板娘很热情 食物素质都很好 卤水鹅片嫩滑入味 椒盐虾都很新鲜 蚝仔饼干身 脆 反沙芋头甜香 现在打冷店有这样的素质 性价比 食少见少 人情味浓厚 饮杯酒 在门口吹下风 愉快的假期就这样过了
继续阅读
特登落九龙城打冷，咁啱拣咗间难食又服务差嘅舖头😵💫嗌咗个蚝饼，上菜速度慢，等咗劲耐一嚟到已经见到碟蚝饼又湿又淋，仲要劲油🤮平时劲钟意食嘅蚝饼，今次半碟都食唔晒，真系啃唔落！另外嗌咗条鹅片同大眼鸡，大眼鸡唔系好新鲜，不过算系好食过蚝饼。鹅片就正常发挥，但系两碟份量都好少。到埋单𠮶吓最嬲…去得打冷都唔预咗平，点估到佢咩电子支付方式都冇（舖头里面完全冇标明只收现金），收银个阿婶净系识话「有现金就俾现金啦」，但是实而家呢个世代冇咁多现金喺身都唔出奇吖…问佢有冇支付宝又话冇，微信支付又话冇，信用卡又话冇，净系识得叫你去对面间七仔揿，仲要语气劲差劲晦气！真正嘅贴钱买难受！
继续阅读
今日去咗呢度食，佢哋安排咗个位喺厕所出边，都算啦。但系，头上面有个灭蚊器，成日有蚊飞过去，而且佢哋又冇清理过，结果成日食食吓跌啲蚊嘅尸体落个头上边。同佢讲换位，佢个样串过码头咕喱，啲位又逼到死。之后叫咗个嘢食，又漏单，等咗成个几两个钟都唔嚟，之后够胆死喺我哋埋单𠮶阵，想收我哋𠮶碟冇嚟嘅嘢食。啲态度劲差仲想乱收钱，地下线个溜冰场、满满叠叠油个油站，好似俾钱去坑渠度食嘢咁。以后都唔会再去，喺九龙城都好难揾到一间态度差、劲污糟、逼到癫、乱收钱嘅餐厅。其实九龙城仲有其他潮汕嘢，亦都比佢好食，真系唔好信啲KOL讲嘅推介。
继续阅读
之前食过一次，平日六点冇乜人正常。今次星期五7-8点黎食，一开始仲问我哋搭唔搭枱。叫咗两个卤水，好明显个卤水档应付唔切，个师傅仔系老板娘个仔，仲慢过屋企呀妈切嘢，然后老板娘又系咁叫佢做外卖单，结果我两碟卤水等咗接近半个钟，仲要吹咗佢三次先至做我𠮶张单。叫咗两个卤水，本身谂住食一阵再叫，慢到咁都唔敢再叫。然后个卤水拼盘系鹅肠拼墨鱼，Ko墨鱼「拿」到淋晒冇味，仲要系啲头头尾尾。两个𩠌再叫支啤酒三百五十几，性价比超低。
继续阅读