新南苑私房菜火鍋鷄煲 (華僑商業中心) (已搬遷)

呢间餐厅数年前因为同学聚会而首次认识，之后不定期都会去帮衬吓，近排社交平台见到佢做埋10月唔做（黄大仙分店仍会运作，但就冇火锅得小菜），决定把握最后时间再食多次。餐厅主要提供3款套餐（海鲜、牛魔王、至尊），今次拣咗海鲜餐（7：30前离座 $258，免加一）。饮品自助出去拎，款式唔算多，但基本汽水、茶、果汁都有。另外仲有几款餐前小食，螺肉、酸辣鸡脚、泡菜、麻辣猪皮鱼蛋鸭红、炸鸡翼、炸芋头波。食紧餐前小食期间，鸡煲都炒香了（要咗BB辣），加埋油炸鬼落去兜两兜，食得。鸡煲尚算浓郁惹味，但油多咗少少（但食得鸡煲都预咗啦）。食完鸡煲换汤底打边炉，因为今次只得两位，冇得拣汤底（因为食咗鸡煲，或者要三人以上先可以拣汤底），预设系蕃茄粟米汤底。跟住上海鲜并盘，有蛏子、鲍鱼、青口、虎虾、生蚝、脆鲩片。海鲜好新鲜，唔错。另外仲有一碟本地手切牛颈脊，有八片，切得有啲厚度，牛味浓，肉质嫩，好味道。其他食物就剔纸仔，首推龙趸片，食得出系新鲜的，有鱼味又弹牙有口感。其次系小笼包，虽然皮比较厚，但因为厚所以唔易穿，所以入面仲有肉汁，几得意。其他就系一般嘅火锅配料，味道正常。最后甜品系牛乳奶冻，微甜香滑，用嚟结尾不错。…查看更多

鸡煲鸡真系冇乜味 可能嗌咗中辣嘅关系？叫大辣嘅话都OK嘅 鸡煲可以任叫 食完鸡煲就可以打边炉蟹锅花甲汤底一上到黎劲臭心谂边度传出嚟嘅臭味原来系个蟹锅 我地觉得劲大浸腥臭嘅海鲜味 但蟹系正常我唔受得海鲜味 下次千祈唔好嗌呢个汤底 真系搞唔掂…查看更多

其实帮衬左新南苑好多次 食过好多火锅店 都觉得系新南苑最抵食又高质 不过见佢地人手得两个 但服务都好好一黎鸡煲好惹味 二黎海鲜好大只好新鲜 落重本 三黎任点既野食都唔马虎 汤底拣左花甲汤底 好鲜甜 野食又任饮 最后仲有牛乳奶冻做结尾 真系好享受 希望系疫情下 新南苑可以挨得住…查看更多

圣诞节几日都忙到抽筋紧系揾下公司附近有咩好食又可以开得夜咁岩揾到新南苑呢间鸡煲地点都几容易揾 同埋价钱真系好抵食同埋佢地有一样小食 个个人都觉得好味就系一坐低 店员就会摆低个油炸鬼咁我地一班饿鬼 紧系食左先啦 发现真系好好味仲叫D姐姐拎多几兜比我地其实自助鸡煲有好多选择 但系佢地既服务态度真系好好知道我地有人唔食牛 特登拎D猪过黎比我地可能见我地好倾好玩 所以全程都觉得佢地几亲切总括而言:店员服务态度好 食物质素好 值得推荐我同一班朋友都成日心思思想再去翻兜 可惜约唔到时间因为大家都觉得喺呢度食野真系几开心同埋抵食…查看更多

4月尾终于可以同朋友一齐食饭，疫情多月，大家冇见几个月了，当时仲系最多4人一枱，不过餐厅都系全满。我哋选择咗个海鲜餐，每位308未加一，有一份四人份量嘅海鲜拼盘同理手切牛颈脊。先食鸡煲再打边炉。鸡煲叫咗少辣都几麻辣下，我哋食完一煲都冇再加，个餐系任食鸡煲嘅。汤底叫咗新鲜蟹窝花甲汤底，睇相似蕃茄粟米汤，比较淡，不过打边炉淡少少就算吧。海鲜拼盘嘅虾最出色，大只有虾膏，蛏子都大大条好饱满，鲍鱼同蚝都可以嘅不过唔好预系新鲜嘅。蝶牛颈脊好靓，呢份只有一条。之后任食款嘅肥牛好肥，同烟肉1⃣️样肥，今人失望。任食嘅选择比较少，饺子，丸，猪肉，鸡件等等，质素实在水平中下，食得落肚但可以好少少。菜有几款，例如生菜，旺菜，系出面自取。有些少食同冷盘都系放出面任拎，记得有泡菜，泰式鸡爪，鱼蛋等。饮品都系自己拎任饮。可以食足3小时，足够时间朋友聚一聚。…查看更多