新南苑私房菜火鍋鷄煲 (華僑商業中心) (已搬遷)

呢間餐廳數年前因為同學聚會而首次認識，之後不定期都會去幫襯吓，近排社交平台見到佢做埋10月唔做（黃大仙分店仍會運作，但就冇火鍋得小菜），決定把握最後時間再食多次。餐廳主要提供3款套餐（海鮮、牛魔王、至尊），今次揀咗海鮮餐（7：30前離座 $258，免加一）。飲品自助出去拎，款式唔算多，但基本汽水、茶、果汁都有。另外仲有幾款餐前小食，螺肉、酸辣雞腳、泡菜、麻辣豬皮魚蛋鴨紅、炸雞翼、炸芋頭波。食緊餐前小食期間，雞煲都炒香了（要咗BB辣），加埋油炸鬼落去兜兩兜，食得。雞煲尚算濃郁惹味，但油多咗少少（但食得雞煲都預咗啦）。食完雞煲換湯底打邊爐，因為今次只得兩位，冇得揀湯底（因為食咗雞煲，或者要三人以上先可以揀湯底），預設係蕃茄粟米湯底。跟住上海鮮併盤，有蟶子、鮑魚、青口、虎蝦、生蠔、脆鯇片。海鮮好新鮮，唔錯。另外仲有一碟本地手切牛頸脊，有八片，切得有啲厚度，牛味濃，肉質嫩，好味道。其他食物就剔紙仔，首推龍躉片，食得出係新鮮的，有魚味又彈牙有口感。其次係小籠包，雖然皮比較厚，但因為厚所以唔易穿，所以入面仲有肉汁，幾得意。其他就係一般嘅火鍋配料，味道正常。最後甜品係牛乳奶凍，微甜香滑，用嚟結尾不錯。…查看更多

雞煲雞真係冇乜味 可能嗌咗中辣嘅關係？叫大辣嘅話都OK嘅 雞煲可以任叫 食完雞煲就可以打邊爐蟹鍋花甲湯底一上到黎勁臭心諗邊度傳出嚟嘅臭味原來係個蟹鍋 我地覺得勁大浸腥臭嘅海鮮味 但蟹係正常我唔受得海鮮味 下次千祈唔好嗌呢個湯底 真係搞唔掂…查看更多

其實幫襯左新南苑好多次 食過好多火鍋店 都覺得係新南苑最抵食又高質 不過見佢地人手得兩個 但服務都好好一黎雞煲好惹味 二黎海鮮好大隻好新鮮 落重本 三黎任點既野食都唔馬虎 湯底揀左花甲湯底 好鮮甜 野食又任飲 最後仲有牛乳奶凍做結尾 真係好享受 希望係疫情下 新南苑可以捱得住…查看更多

聖誕節幾日都忙到抽筋緊係搵下公司附近有咩好食又可以開得夜咁岩搵到新南苑呢間雞煲地點都幾容易搵 同埋價錢真係好抵食同埋佢地有一樣小食 個個人都覺得好味就係一坐低 店員就會擺低個油炸鬼咁我地一班餓鬼 緊係食左先啦 發現真係好好味仲叫D姐姐拎多幾兜比我地其實自助雞煲有好多選擇 但係佢地既服務態度真係好好知道我地有人唔食牛 特登拎D豬過黎比我地可能見我地好傾好玩 所以全程都覺得佢地幾親切總括而言:店員服務態度好 食物質素好 值得推薦我同一班朋友都成日心思思想再去翻兜 可惜約唔到時間因為大家都覺得喺呢度食野真係幾開心同埋抵食…查看更多

4月尾終於可以同朋友一齊食飯，疫情多月，大家冇見幾個月了，當時仲係最多4人一枱，不過餐廳都係全滿。我哋選擇咗個海鮮餐，每位308未加一，有一份四人份量嘅海鮮拼盤同理手切牛頸脊。先食雞煲再打邊爐。雞煲叫咗少辣都幾麻辣下，我哋食完一煲都冇再加，個餐係任食雞煲嘅。湯底叫咗新鮮蟹窩花甲湯底，睇相似蕃茄粟米湯，比較淡，不過打邊爐淡少少就算吧。海鮮拼盤嘅蝦最出色，大隻有蝦膏，蟶子都大大條好飽滿，鮑魚同蠔都可以嘅不過唔好預係新鮮嘅。蝶牛頸脊好靚，呢份只有一條。之後任食款嘅肥牛好肥，同煙肉1⃣️樣肥，今人失望。任食嘅選擇比較少，餃子，丸，豬肉，雞件等等，質素實在水平中下，食得落肚但可以好少少。菜有幾款，例如生菜，旺菜，係出面自取。有些少食同冷盤都係放出面任拎，記得有泡菜，泰式雞爪，魚蛋等。飲品都係自己拎任飲。可以食足3小時，足夠時間朋友聚一聚。…查看更多

今次唔係第一次去呢度打邊爐，今次見夜晚堂食開番，就即刻book位去食。今次叫咗牛魔王，見次次都食海鮮諗住今次試下其他。雞煲係好食既，不過之後既經驗太差幾好食都無用。食完雞煲就嗌咗個麻辣湯底，湯底正正常常無咩特別。之後黎一碟牛，有好幾種唔同位置既，每一個位置都試咗一塊。試完覺得怪怪地有陣怪味，再俾多次機會試真d，陣味似係d肉放咗係冰格好耐好唔新鮮再吸咗冰格陣雪味。我諗梗係咪我味覺問題，但男友都覺得有陣怪味。我地同店員反映，佢攞走唒d肉送咗一碟真係新鮮切既牛俾我地，個碟就無怪味。不過食完d奇怪味牛肉已經搞到無咩胃口，我地叫咗少量蔬菜食完就離開，去咗第二度食其他野。真係好失望，d肉係有d啡色，唔新鮮都算，有陣怪味真係接受唔到，點可以拎出黎俾人食。我知道任食唔可以expect太多，但連基本野都無，唔會推介去食。…查看更多

係我食過最高質嘅雞煲店，食完呢間唔會再想食其他😂😂雞煲有得比你揀辣度，我哋就揀咗小辣，雞肉好嫩滑而且好入味，佢仲會附送油炸鬼，呢個又係必食之選，索晒啲汁好好食🤤🤤仲可以無限任加。食完雞煲就可以轉邊爐啦，我哋四個人食仲附送咗海鮮拼盤，啲料好新鮮，尤其是鮑魚，超級彈牙爽口。…查看更多

180分鐘任食雞煲同時又可打邊爐的放題就是朋友介紹這間 新南苑私房菜火鍋鷄煲，我們吃的是旺角店，港島區就灣仔有店網上訂座後會有電話打來確認Booking，順道說明放題收多少錢要注意的是這間餐廳在2021年12月1起就只做晚市，由下午5點開始到凌晨2點座位都算舒服，另外6人或以上的好像可以安排坐房間，訂房價每位+$203位或以上就可免費享用雞煲！而且有不同的辣度可以選擇我們一行6個人於是便有兩個雞煲，選了一個小辣、一個中辣，都有配油炸鬼。明顯從辣椒數量可以分別辣度，中辣在打開鍋蓋一刻便能聞到嗆鼻的味道大概要反復四次蓋鍋、翻炒和最後再落油炸鬼後可開吃，有稍微加水煮的雞肉會更滑而且不會只有骨，是真的有肉食且十分惹味，最後兩款辣度都有添食！以前吃過雞煲+火鍋是直接在吃完的雞煲倒入湯，但這裡不是，是分開再上湯底。個人來說比較喜歡這種吃法，感覺吃起來相對沒那麼油膩嘛湯底選了 椰青花膠蟲草花，另外一個就是普通的粟米番茄菇湯底前者是整個椰青，不過個底有開洞來放在鍋裡煲出味，亦有幾片煮極都不爛掉的花膠是屬於比較清的湯底，我倒是覺得夠味。若不夠其實也有自助醬料可取。火鍋放題有海鮮或是專吃牛的餐，當然也有混合餐。我們選的是 牛魔王餐 ($298/位) 首先會有一大盤的牛肉拼盤送上桌當中有本地手切牛頸脊，這款不是任食就每4位送一碟的喔其他如美國SRF黑毛和牛肉眼、安格斯肩胛肥牛、安格斯牛小排和美國肥牛則是任食肉味濃郁且軟嫩，只是肥牛的話再點是覺得過份肥就是囉 ...隨牛肉拼盤一起上的還有 灌湯小籠包，外皮稍厚一些，內餡是豐富的肉汁！套餐亦有不少的任食配料，這些則是劃紙仔下單，每次可以點8款雖然是牛肉餐，但任食配料中其實都有海蝦、魷魚另外丸類都有數款、魚皮餃、芋絲等，就平時一般會吃到的火鍋料也有。菜的話是自己夾，有生菜、白菜仔、金菇、 粟米等，全加起來都有40多款選擇。飲品也是任飲的，有汽水、沒氣的飲品或是沒糖的茶都有最後還有一人一杯 - 北海道3.6牛乳奶凍！…查看更多

因為本人唔喜歡食雞煲所以就直接要個所謂海鮮湯底，如果你揀咗湯底就冇雞煲食個湯底係有幾隻蜆，同一隻半隻手掌大嘅三點蟹，一兩舊蕃茄我哋成晚打邊爐啲食材都要點豉油，其實真係用豉油打邊爐，垃圾到暈以後一定唔會再去…查看更多

作為一個雞煲愛好者 咁耐冇食當然又要去食番餐👀👀新南苑呢度人流好多 平日都滿座咁濟 好彩有book位🤫我地揀左298嘅牛王餐 先食雞煲 我地唔想食太辣所以叫左bb辣 但都唔會冇晒味 仲有好香嘅花椒味 惹味哦 而雞食得出好新鮮嫩滑 味道亦好適合香港人口味 唔夠喉仲可以再加添😋食完雞煲戲肉就黎啦 會有一大盤牛肉拼盤 有唔同嘅靚靚部位 全部都牛味香濃但唔騷 食完叫工作人員添就可以 除左牛肉 其他必食嘅邊爐配料當然唔少得 餃子 雲吞 肉丸 蔬菜 響鈴都係樣樣齊 食得好滿足哦 🤣另外值得一提嘅係一大班friends黎呢度嘆雞煲仲可以睇英超，足球嘅直播 餐廳範圍內邊個角落都有大電視 堪稱0死角 足球迷可以黎試試🤫🤫2個人埋單600幾有唔錯嘅質素 會番黎再食…查看更多

呢個十二都幾凍下 最岩就一定係食雞煲 打邊爐嫁啦今次黎到呢間任食雞煲 火鍋配料既店 仲要二百幾蚊真係好抵讚既係佢地既火鍋配料種類有好多成40+款 唔係任食既海鮮都幾高質 會翻兜👍🏼👍🏼👍🏼…查看更多

自從疫情之後，很少在晚上10點之後還可以吃晚飯，不過最近在網上看到這裏可以開到凌晨兩點，加上9:30後，貓頭鷹宵夜時段仲有優惠，所以便選擇了這裏。海鮮餐火鍋放題$238 ，八點前離座或9:30後入座。飲品有果汁、汽水，款式有10多種。首先上場嘅係雞煲，侍應教我們每兩、三分鐘返一次，便可吃到香、麻、辣的雞件了。這裏用的醬汁比較少，比較乾身，不過沒有影響雞肉的味道。等待雞煲再炒幾次之後，便加入油炸鬼，油炸鬼會吸收煲內的油，是這裏的特色。時令活海鮮拼盤、大蝦、脆鯇片、鮑魚、生蠔、花甲和蟶子。這個拼盤非常給正，由於大蝦的尺寸比手掌的長度還要大，加上肉質爽口彈牙，只吃這個拼盤，已經值回票價了。本地手切牛頸脊，牛肉味道十足，脂肪甘香無比，可惜不是任點任吃。其餘可以任點任食的，以龍躉片、海蝦和鯇魚腩最為鮮甜美味。飯後還有一道甜品是免費的，吃完這個甜品，已經很飽了。…查看更多

約左舊同事打邊爐，揀左新南苑貪佢就腳價錢又唔貴，麻甩佬多冇乜要求，唔洗裝修靚或者野食精緻嗰啲，最緊要係抵食。已經唔係第一次黎喇，大家都熟晒架步，一坐低先每人拎罐野飲先。汽水涼茶果汁每樣有啲啦，哩款果汁係第一次見，都唔錯唔會太甜。人齊先上雞煲，揀左小辣，煮佢六分鐘加埋油炸鬼炒兩野就食得，油炸鬼好脆，雞件唔會太多，鹹鹹辣辣幾惹味。椰青花膠蟲草花湯底 - 湯底入面有原個椰青、花膠、蟲草花同紅棗，都幾足料，不過可能煲得唔夠時間，所以味道就比較清淡。有四條花膠，腍得黎又唔會好易煲爛。海鮮拼盤($238/八點前離座) - 哩度嘅打邊爐套餐有分兩款，有海鮮餐同牛魔王餐，前者有一次性嘅海鮮拼盤同牛頸脊，另外仲有幾十款火鍋料任食，而後者除左一次性嘅牛頸脊，仲會有多三款牛肉可以任食，我地就揀左海鮮餐，入面包左個海鮮拼盤，拼盤有六款唔同海鮮，全部件頭十足，淨係哩盤海鮮都已經值回票價。牛頸脊 - 肥瘦適中，幾有咬口，同埋牛味都幾濃。另外仲有約二十款火鍋料可以剔紙仔任食，普通放題質素，其中一定要食嘅係美國肥牛同脆骨腩。蔬菜、響鈴同魚皮就可以喺自助吧拎。另外亦有幾款小食。埋單每人會送一杯牛奶布甸，都幾滑。總結，八點前離座每位$238仲免加一確係抵，火鍋料方面，除左一次性嘅海鮮盤同牛頸脊質素比較高，其他火鍋料唔算多選擇，都係一般放題質素，如果鍾意食海鮮都抵嘅，淨係盤海鮮都抵返數。…查看更多

三黃雞配油炸鬼的雞煲，就可以在新南苑私房菜食到，特別之處，就在吃雞同時，又能吃到油炸鬼的香脆，先夠特別。此外，吃完雞煲就可選上牛肉餐火鍋或海鮮餐火鍋，還有些涼拌和炸物小食，仲有咖哩魚蛋豬皮鴨血，飲品任飲，仲可以睇英超等足球直播，和朋友飯聚也是不錯的選擇。******************************食完雞煲再食火鍋，已經無人不知，這次來到位於旺角新南苑私房菜，就試一下其雞煲特別之處。餐廳地方都幾大，坐位非常充足，還有不少大枱，還有電視播放，也可以睇英超等足球直播，都幾吸引。前來吃飯都是以一個價錢收費，先食雞煲，再自選火鍋湯底，點選任食4款靚牛的牛肉餐還是指定海鮮盤的海鮮餐，然後任食配料，小食和飲品。無論是牛肉餐或海鮮餐，都是收HKD298/位，限食180分鐘，每位還送3.6北海道牛乳奶凍。飲品櫃都以罐裝汽水或涼茶為主，也有紙包涼茶供應。火鍋醬汁都有10款選擇。小食有炸物、涼拌前菜和咖哩魚蛋豬皮鴨血，在等候雞煲之時，最合適的醫肚小食。咖哩魚蛋豬皮鴨血非常入味，很濃的咖哩味，又不會很辣。涼拌前菜都幾惹味，泡菜又不會很辣，幾開胃。炸物是炸芋丸和單骨雞翼，都一樣好食。飲品見到有包裝熱情果味道，在巿面上比較少見，便選了一包來試，熱情果味都幾清又不會很甜。飲品櫃都有菊花茶、甘庶水、馬蹄爽等涼花，但還有烏龍茶、冬瓜茶、檸檬茶等，還有些水果味道飲品和忌廉汽水，最特別就是一款較少有供應的清熱檸檬飲，吃辣雞煲又再吃火鍋，所以來一罐試下，喝上口淡淡檸檬味，不會很甜，反而帶點咸味，有點像飲咸柑桔的味道，一般清熱飲品都帶點咸味降火。雞煲，有微辣和大中小辣選擇，我們點選了小辣。雞煲會附上脆脆油炸鬼，等雞煲差不多夠熱時，加入脆脆油炸鬼拌勻一起吃。沒想到油炸鬼非常脆口，小辣雞煲内有洋蔥和蒜粒，雞又不會很辣，都幾惹味，最重要雞煲可以再加，不過還是留肚吃火鍋主打食材，海鮮。吃完雞煲就可點選湯底，6選1，葯膳醉雞、椰青蟲草花膠、蟹鍋花甲、澳門豬骨、四川麻辣和四式火鍋湯底，我們選了椰青蟲草花膠湯底，清潤一下。送到上枱，海底放了一隻椰青，還有蟲草及花膠，喝上一口湯帶著少許清香椰青水味道。海鮮餐包括了一碟牛頸脊，海鮮盤當中是時令海鮮，脆鯇片、鮑魚、蜆、蠔、蟶子和大大隻虎蝦，所有海鮮都很新鮮，單是吃上這海鮮盤都很滿足。牛頸脊入口很腍又香牛肉味，好想再來一碟。海鮮虎蝦無論是蝦頭還是蝦身都有膏，大大隻啖啖肉好好味。脆鯇片夠爽脆。蠔都幾大隻，蠔味香濃好食。蟶子入口夠爽口好食。蜆鮮甜味十足，鮑魚又不會韌口，單是吃這海鮮鎜都已經飽肚到7成。再另外選了些火鍋配料、豚肉、冰豆腐、脆骨腩、龍躉片、牛柏葉、鮮蝦雲吞、小籠包、魚皮、嚮鈴和2款菜等，冰豆腐又可以吸入湯汁的味道，最愛就是食龍躉片，那魚皮又多膠原魚肉又嫩滑，直得再翻點之選。魚皮都薄脆又不會太咸，嚮鈴都不錯，不會很油。小籠包打邊爐都幾特別，吃上口還會爆汁。無論是娃娃菜或是唐生菜都一樣新鮮清甜。最後便每人送上一杯3.6北海道牛乳奶凍，味道不會很甜口感都幾滑，整晚還有電視睇，如果有足球直播，吃著雞煲火鍋睇比賽都不錯，絶對是可以吃飽飽回家。…查看更多

相信12月係全年最開心，最令人期待嘅月份，因為真係好多假期呀！而放假就梗係要約埋朋友或者屋企人好好興祝，例如開聖誕party、一齊例數同食團年飯啦！位於旺角嘅新南苑私房菜火鍋鷄煲除咗任食雞煲打邊爐之外，近期推出時令嘅任食流浮山生蠔，仲有團年飯最愛嘅盆菜添，重點當然係餐廳開到凌晨兩點鐘，啱晒大家食住倒數直落啦！牛魔王餐餐廳有唔同嘅套餐選擇，包括：咩都有得食，食材最豐富嘅至尊餐、主打肥牛同和牛嘅牛魔王餐、任食鮮蝦同深海龍蠆嘅海鮮餐等！今日我哋就揀咗牛魔王餐，套餐除咗本地手切牛頸脊之外，仲有任食嘅美國SRF黑毛和牛肉眼、安格斯肩胛肥牛、安格斯牛小排、美國肥牛同其他打邊爐配料。湯底打邊爐最重要就梗係湯底，湯底有澳門豬骨湯底、椰青花膠蟲草花湯底、藥膳醉雞湯底、新鮮蟹窩花甲湯底同四川麻辣湯底。但貪心嘅我哋就叫咗四式火鍋湯底，有齊皮蛋芫茜湯、麻辣、沙嗲同蕃茄湯底。自取區喺等緊上菜嘅時候，可以去到自助區領取冷盤小食，例如泡菜、鳳爪同螺肉。流浮山生蠔生蠔除咗廣島蠔、美國蠔、法國同澳洲生蠔之外，其實仲有Made in Hong Kong嘅流浮山生蠔！近期係流浮山生蠔嘅當造季節，所以我哋都upgrade咗，叫埋任食流浮山生蠔啦！上枱見到啲流浮山生蠔，真係好驚喜，隻隻都半隻手掌咁大，超肥美，而且用冰墊起，以確保新鮮。蠔身豐滿，漲卜卜，食嘅時候，味道鮮甜，勁多肉汁，好好味！本地手切牛頸脊、美國SRF黑毛和牛肉眼、安格斯肩胛肥牛、安格斯牛小排、美國肥牛第一轉上枱嘅時候，所有肉會一次過奉上，除咗本地手切牛頸脊之外，其他都係任叫任食。本地手切牛頸脊色質紅潤，雖然脂肪少，但勝在肉味超濃；美國SRF黑毛和牛肉眼嘅油花分佈平均，完全無筋，所以食嘅時候軟腍，接近入口即熔；安格斯肩胛肥牛唔會太油膩，肉汁juicy，肉味濃香。所以美國SRF黑毛和牛肉眼同安格斯肩胛肥牛都係encore之選。任食火鍋配料除咗蔬菜自取任食之外，新南苑私房菜火鍋鷄煲仲提供超過40款嘅任食火鍋配料，可以任點任食：灌湯小籠包、豚肉、雞件、響鈴、鮮蝦雲吞、魚皮餃、韮菜餃、丸類、讚岐烏冬、出前一丁等等。…查看更多