之前系中环食饭经过新开【新京熹老北京涮肉火锅】，趁呢排天气冻就去同fd试下。餐厅系主推北方火锅，讲到北方火锅，向来觉得要围炉先够气氛，但新京熹呢个「一人一锅」嘅老北京涮肉，竟然食出独特嘅精致感！一坐低先见到铜锅摆得靓、搭配特色酱料、同我地平时食既港式同台式好唔同、北方必食麻酱 + 小料。传统塞北口蘑清汤锅：汤底清澈，口蘑鲜味浓郁到渗透每滴汤，涮肉前饮一碗超开胃，鲜而不腻。有料麻辣汤：辣度够劲但唔呛喉，麻香同辣香平衡得好，里面嘅配料吸满汤汁，越煮越入味。麻酱 + 小料：麻酱幼滑唔糊口，咸香适中，加埋香菜、葱花、辣椒油调配，完美衬托羊肉鲜味。锡盟草饲 180 天羔羊肉（300g）：分量超足，肉质纤细纹理均匀，涮 10-15 秒起锅依然嫩到入口即化，脂香醇厚唔滞喉。鲜切宁夏滩羊梅花肉（150g）：鲜切现摆，肉色粉红新鲜，带住淡淡奶香，嚼落爽弹有嚼劲，无膻味超加分。纯洁乌鸡卷：薄厚均匀，口感爽脆，中和咗肉类嘅油腻。原产地蔬菜鲜菌：种类丰富，豆苗脆嫩、白木耳爽口，蔬菜同菌菇都好新鲜，吸汤后鲜味十足。老北京糖油饼：外脆内软，层次分明，甜香适中唔会过腻，浸入汤底入面热辣辣食，越嚼越香。桂花山药酪：收尾甜品绝配！绵密顺滑似豆腐花，桂花味清香淡雅，解腻又爽口，甜度刚好。晚餐时段仲有京剧表演，非常有特色。…查看更多
北方嘅火锅偏向清啲，可以focus返肉嘅鲜味，呢煲传统塞北蘑菇清汤锅，有专人先开灯再倒汤包，好快就滚起得筷
酱汁好讲究，先有三款酱料上台，有内蒙沙葱椒麻汁、昆布豉油汁同香辣酱，分别适用于点羊肉、牛肉同海鲜，调味好特别又开胃
仲有一碗传统芝麻酱，点咩嘢都系劲好食，系百搭嘅魔法
可以自己加啲瑶料落去，更加丰富
锡盟草饲180天羔羊肉好有排场，超长嘅碟装住长长嘅羊肉队，一片片好鲜红，滚15秒就食得，又嫩又有弹性又唔膻，果然系自然放养嘅小鲜肉
鲜切锡盟草饲羊梅花肉，唔系好似平时嘅猪梅花，系羊身上好稀少嘅肉量，肉以罕为贵
口感劲爽脆，点昆布豉油汁味道几级升华
虽然冇听过老北京糖油饼，不过呢个饼真系令人一试爱上，质感似naan，但更松软，甜甜地咁，斋食点酱食或者滚嚟食都正
打京炉品吓茶亦都有feel，一解腻感更能享受到食材嘅原汁原味。更有feel嘅系，会有京剧live可以欣赏，京城mood当场升级
