文記車仔麵 (福榮街)

深水埗福榮街有一間經常排長龍嘅車仔麵，相信大家如果經常到深水埗福榮街食嘢嘅都一定知道他的名字😅，文記車仔麵確實係一間會令人久唔久都想去食嘅回頭小店，味道夠地道之餘亦帶有自己特色，感覺每個人食完之後都會有種「啊～呢啲先係香港味道」嘅滿足感 😌🍜 銀針粉 + 陳皮魚蛋 + 豬紅 + 白蘿蔔 + 豬腸（加秘製辣汁）銀針粉依家真係好少地方有，文記嘅口感煙韌又唔會糊，吸晒湯底味好正。陳皮魚蛋彈牙帶少少香氣，豬紅滑得嚟冇腥味，白蘿蔔煮到入味又甜，豬腸乾淨，整碗嘢好有層次 😋 加埋比製辣汁之後成件事升級，辣得香口唔係死辣，食到停唔到口 🔥最驚喜係佢哋嘅荔枝醋汁同辣菜脯，酸香清爽又帶甜味，拌麵或者點餸都好夾，係文記嘅靈魂之一 🍋🌶️ 🍜 朋友嘅油麵大雜燴朋友叫嘅油麵加咗豬腸、陳皮魚蛋、豆卜、紅腸、豬紅同其他餸，基本上係「想食乜就加乜」嗰種豪華版 😂 佢食到好開心，睇佢個碗都知係滿滿誠意同滿滿餸。相信大部分人都會認為車仔麵係唔算健康嘅食物，但係偶爾食一次真係會令人好開心好滿足，尤其是文記呢啲咁有味道、有個性嘅車仔麵店。在深水埗行一轉，食返碗熱辣辣嘅車仔麵，簡單而滿足 😄…查看更多

店舖滲水繼續做生意，有異味但全鋪只開一部冷氣，粗麵太碎要用匙羹食，飲品杯未洗乾淨還有油仍繼續用，冇走冰情況下飲品完全冇冰，要同侍應講再附上一杯冰，食物味道不過不失，並唔係講到咁出色！…查看更多

最近幫襯過幾次，覺得佢個湯唔夠熱，雖然味道唔錯，但感覺質素有下降。今次新店一入去就有位，但見到啢姐姐非常之忙，客人走咗張枱都冇人執，明顯人手不足。講返個車仔麵，今次個湯係熱嘅！但始終唔明點解總係將招牌辣汁雪到硬哂，放入湯溶唔開，搞到個湯凍返。魷魚份量依然慷慨，花膠都大塊有口感。我叫咗米粉，但感覺放咗好耐，食落有啲潺，口感較差。其實鍾意嚟呢度食，除咗湯底好味，就係佢啲辣菜脯夠爽脆，可以自己任落。不過因為偏鹹，所以都唔會一次落太多。…查看更多

是日到北河市政街市辦公，一定要順路去幫襯一下文記實在太耐冇食啦🤭🤭加上近日太多嘅大型連鎖事件咁更加想去支持吓🤭🤭雖然佢就好似唔係好缺客叫咗碗油面要腩汁沙嗲汁底，送走叫咗豬腸牛筋腩同埋白菜豬肉餃片嘅份量都足夠一個成年男士都夠飽，冇鹼水味正常發揮豬腸有𡁻口，餃子都出色，外皮煙靭、內裏多行，調味都適中唔會死咸美中不足嘅就係西洋菜餃子賣晒，呢件真係好可惜每次嚟到都幾乎係必點 。隻腳一齊藍店員好有禮貌，客人係經手機點餐俾錢跟住先上菜，食完客人離開時會同客人講，多謝晒 。其實都已經係基本禮貌，唔知點解係今時今日呢啲會變咗係Bonus…查看更多

✅點餐攻略佢出餐嘅速度非常快，真係非常快。點單前一定要一定要一定要揀定面底，都要事先諗好配料。當你前面淨係得兩個人排隊嘅時候，你就可以同阿姨講你要咩面喇（佢要事先撈好面），等到輪到你嘅時候就可以直接加餸喇。我哋只加咗三個餸，一般可以加到五個餸就會顯得好豐盛。好食好食好好食。個人鍾意腩汁，有啲甜甜嘅味道。必點：店內十大必點都可以試下，個人鍾意蘿蔔，比較清甜。鯪魚肉好食，唔會腥。雞翼有啲太肥喇。⚠️佢哋嘅菜脯超好食！加一兩羹落面度簡直美味升級。…查看更多

今次經外送平台外賣自取發現佢轉咗外賣盒隻盒有啲差， 返到去個盒林曬咁好生意唔該為顧客著想下改良下明明寫咗要加瑞士汁完全沒有比點左魚腐$16得2舊仔8蚊舊係米貴左啲？！魚腐真係咁貴？？午餐肉 價錢合理夠大塊鹵水雞腎都多份量…查看更多

兩碗車仔麵的配料如下：1. 啫喱牛筋腩：經過長時間燉煮，牛筋腩非常軟嫩有彈性，牛筋煮到似啫喱狀更有口感。2. 豬手：豬手經過煮製，肉質鮮嫩、膠質豐富，讓湯頭更為濃郁。3. 蘿蔔：蘿蔔的清甜與軟糯口感，搭配在湯中，讓整碗麵的味道更加清新。4. 沙嗲醬：微辣的沙嗲醬，帶來一絲香辣，提升整道菜的風味。1. 柱侯牛腩：柱侯醬燉煮的牛腩，味道濃郁，充滿香氣。2. 甘香牛粉腸：經過處理和煮製，牛粉腸鮮嫩有嚼勁，香味十足。3. 瑞士雞翼：瑞士雞翼以特製醬汁醃製，香甜中帶點鹹味，味道豐富。4. 韭菜餃：韭菜餃皮薄餡足，韭菜的香氣與餡料的鮮美相得益彰，口感極佳。每次必點鹹檸七喜，鹹鹹甜甜好解渴😋…查看更多

去完石硤尾主教山，度過去深水埗文記食車仔麵，一次過滿足晒小朋友兩個願望。文記嘅車仔麵係人都知好食，長期保持到水準真係值得一讚。縱觀週圍都有車仔麵店，但唔係啲餸唔掂，就係個湯唔掂，或者份量太少食唔飽。唯獨文記係質量兼備，性價比高，值得一食再食，難怪成日排長龍。小朋友話豬大腸同牛腩都好正，啲牛腩又林又多，佢留到最尾好珍惜咁慢慢歎，最尾仲飲晒啲湯。識食車仔麵一定叫油麵，加埋我最鍾意嘅豬紅，同招牌之一嘅大大粒韮菜餃，過足口癮。…查看更多

每次經過也勁多人排隊，今日中午12:00前路經又遇著落雨天，人不多，终於可以試佢一次✌️$79一碗三餸超大碗車仔麵，味道很好，但食完超口喝，一定落咗超多味精，就預咗不健康，但偶爾嘗一嘗也不是大問題吧文記有三間分店，只有一間可用現金，其餘兩間只接受電子支付，自助scan QR Code 點餐並結賬，食品就由店員送上微辣菜脯粒，味覺偏咸三餸車仔麵--- $79餸量多，麵底也多，勁大碗，湯底很好味，但食完勁口渴，味精一定超多點了粗麵，幼麵配沙爹汁，腩汁，配自選三餸鳳爪 --- 3大隻，調味恰到好處白蘿蔔 --- 味鮮清甜豬手 --- 肉質淋滑，入口即溶…查看更多

#文記車仔麵very advance technology for order food.they develop a online payment syatem.u sit down, scan the code. then u will be able to order noodle.very clear menu for each toppings.after, pay via apple pay and foid will deliver to you within 20min.mutiple sauce on top of your desk. crazy u can diy at any combination u want.food portion is large, very big for men eating, girl will super full.Michelin award🫡 very worth this brand. will come back.#food #hkfood #hongkongfood #台灣美食 #日本グルメ #ukfood #澳洲美食 #馬保國 #香港美食 #深圳美食 #hkfoodpoet #閃電五連鞭…查看更多

又嚟到深水埗的文記車仔麵～之前去仲係人手送餐，今次去已經變左自動化送餐～一間車仔麵…機械化都幾重本😂不過文記都好多人食過，都知道算好食，不過碌柚皮就整得麻麻地，水準未夠，略嫌有啲粉粉地🤣而魚肉就有啲魚骨，唔太鐘意～其他餸就OK~正正常常😍但整體都算好食㗎啦😝簡簡單單又一餐❤️❤️#黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評搜尋ig黃怪獸覓食 #車仔麵 #文記車仔麺 #麵 …查看更多

文記一連4間分店，老鋪最多人排，其他就睇彩數今次依間只可以用電子支付，如果要比現金就要去其他分店啦好耐冇黎食，依加已經進化到有運輸帶送餐不過我就見到有兩次送錯左位置，我個碗就係其中一次。。。食之前記得睇清楚啲料齊唔齊，我個碗就少左隻蛋不過同店員講聲後就好快手補返比我豬腸叫左瘦腸～比肥既更彈牙亦冇咁膩。糖心蛋好好食蛋白入味蛋黃流心豬紅冇以前好食，冇咩味牛柏葉都冇以前大塊，可能跟通漲🥲整體嚟講都仍然好食既，少少忙中有錯都可以理解。…查看更多

次次行過都想試，今次過左放飯時間黎，終於都食到啦。如果大家有電子支付，就建議去只提供電子支付個間到食，咁就唔洗排隊。今次叫左࿂豬耳豬大腸雞翼腩汁米線࿂湯頭清甜又唔油，幾香牛腩味。平時食車仔麵都唔叫雞翼食，見白鍾元叫先跟叫🤣又真係幾大件而且好入味。最有驚喜係豬腸，洗得乾淨又唔肥同好爽口。食到尾先記起要落文記菜蒲，菜蒲唔辣，撈埋麵食就口感更好。豬耳都好爽口。見好多人都有介紹食蘿蔔，大家都可以試下整體都幾好食，如果得閒過黎，都會食多次。…查看更多

撲鼻而來嘅香氣令我嗅覺瞓醒！文記分店嘅車仔麵，真係一啖難忘！嗰啲沾滿鮮美腩汁嘅米線🍜，順滑得滯，滑過喉嚨之後，個胃好似話你多謝。個牛柏葉，嫩滑得嚟，有咬口得嚟又唔洗咬爆牙，真係爽呀！🐮魚片頭鮮味逼人，每一口都感受到海洋嘅第一手禮物。文記個辣菜單簡直係讚到噴泉🌶️👍，特辣唔算過火，刺激得嚟又可以享受到底下嘅味道，冇嗰種辣到你諗住搶救室。米線同牛柏葉配搭得天衣無縫，真係一哥一弟咁好搭檔。講到飲品嘅凍檸茶🍋，清新得嚟又唔會講到你「哎吔！」過甜，見証到平衡嘅藝術。環境方面出乎意料，比總店整齊，就算人多，依然坐得舒適。呢間分店值得黎一探再探，美食與舒適全包！下次唔使排長龍，直接撲食記分店，滿足個胃又慳時間！👌…查看更多

今日上網見到韓國著名YouTuber都嚟香港食嘅車仔麵店，梗係要專登去深水埗試一試啦！本身6:00去到好驚要排隊，但係同一條街其實文記車仔麵都有幾間分店，有一間分店大約一半客滿左右，店員就即刻招呼入內坐低。麵店環境比想像中好，全自助QR code點餐，點餐嘅時候直接可以用唔同嘅方法俾錢，相當方便。我就點咗一個兩餸車仔麵，辣嘅玻璃魷魚相當爽脆，另外不得不試嘅酸齋亦都索晒啲湯汁，個湯底我就點咗瑞士汁辣嘅豉油湯底，湯底唔會太鹹微甜。加埋自家製嘅辣菜鋪，味道真係唔錯。另外一碗麵就點咗腩汁小辣，亦都嗌咗唔同嘅餸嘗試，瑞士汁雞翼大隻入味，自家製水餃都係十分大粒飽滿，加上滷大腸亦都份量彼得相當多，招牌豬手亦都係好入味。整體嚟講，身邊食嘅多數都係遊客，但係味道亦都係唔錯，價錢亦都合理，本地人如果係唔使排隊嘅時候都可以一試。…查看更多