文興酒家 (曾昭灝大廈)

营业中

休息中

位於中環威靈頓街的文興酒家，開業至今已有超過60年歷史，是香港知名的粵菜館之一。餐廳裝潢典雅高貴，服務周到細緻，深受政商名人和遊客的喜愛。招牌菜包括泰國櫻桃鴨、文興叉燒皇、薑蓉蒸魚頭、砂鍋焗豬腸煲等。其中，泰國櫻桃鴨選用優質櫻桃鴨，皮脆肉嫩，蘸上特製的梅子醬，酸甜可口；文興叉燒皇以蜜汁叉燒聞名，肥瘦相宜，入口即化。其他菜品有日本胡麻拌茄子、芥末脆蝦球、沙地蘆菔燒牛肉、文興招牌炒飯、千層糕。總體而言，文興酒家是一家值得推薦的粵菜館。菜品精緻美味，服務周到細緻，是宴請賓客或品嚐地道粵菜的理想場所。

英國出名的文興餐廳，中環開分店都一排了，呢日同家人特登出來懷念一下味道。餐廳裝修雅潔，典型圓枱，座位闊落坐得舒服唔迫，經理介紹菜式亦會同客人寒暄，員工有笑容服務周到，我好鍾意呢啲人情味中餐廳。🌟泰國櫻桃鴨 & 文興叉燒皇例牌文興出名櫻桃鴨必試，被英國《金融時報》譽為世上最好食燒鴨，鴨肉的確有陣甜香，鴨皮燒得又薄又脆。叉燒肥瘦相間，肉香味甜，好好食。是日燉湯🌟雪梨川貝猴頭菇燉湯燉湯非常香，猴頭菇香味撲鼻而來，用料非常豐富，有雪梨、川貝、猴頭菇、螺頭、雞同豬肉，連雞腳都燉到軟爛，非常好飲！🌟小食：日本胡麻拌茄子茄子輕微炒香，再用胡麻醬凉拌，軟綿開胃。主菜：🌟芥末脆蝦球芥末味道唔會太勁，大蝦球炸得香脆，每人食2隻真係好滿足。🌟沙地蘆菔燒牛肉瓜內包住牛肋條，炆得軟淋入味，醬汁都好特別，送飯食就啱晒。🌟花膠上湯浸時蔬估唔到咁多花膠，仲有菇同紅蘿蔔絲，百零蚊有呢個份量同質素真係超班。🌟文興招牌炒飯招牌炒飯用料多，有大隻蝦乾、魷魚、花膠、雞髀菇粒、翠玉瓜粒同炒雞蛋。用濕炒煮法，老人家同小朋友都好鍾意。🌟甜品：千層糕、馬拉糕、紅棗糕千層糕煙煙韌韌，奶香味濃。馬拉糕軟熟到不得了，而紅棗糕最值得大讚，散發

餐廳位置喺蓮香樓後面，好易搵～前菜要咗燒鴨拼叉燒王燒鴨去埋骨，好方便食。燒鴨同燒鵝唔同，一啲都唔肥冇咁膩，仲有陣鹹香味，好好食。拼埋叉燒王，一鹹一甜啱啱好。驚前菜唔夠食，仲叫多咗個胡麻拌茄子，點知超級大份！茄子好腍，伴埋個醬小小酸味味食好開胃！大家都好想飲湯，就嗌咗個雪梨燉豬展～點知入邊仲有雞腳，幾舊螺頭，個湯勁香超級足料！呢個芥末脆蝦球好好食！啲蝦超級大隻，個炸粉啱啱好，唔會太厚但又食到油炸脆嘅感覺，個芥末醬甜甜酸酸，仲有生果，好好食！佢哋推介咗最近嘅招牌菜，沙地蘆菔燒牛肉～一上枱完全唔知咩嚟，個樣勁搞笑～原來係一種瓜，個味有少少似白蘿蔔，中間好有心思咁樣咗牛肉，個醬辣辣地，牛肉個味滲返入個瓜度，好得意！個招牌炒飯超級好食！！一定要叫！佢係用個花膠汁炒飯，炒飯做得好好，個汁份量控制得好好，小小濕濕地，但又粒粒分明。個炒飯入邊除咗好多花膠之外，仲有蝦乾同魷魚，成個飯都好香！另外再要多咗個花膠浸菜心甜品好貪心地嗌咗好多！因為成家人都係好鍾意食中式嘅糕點～馬拉糕好鬆軟，個紅棗糕勁煙靭，個質感超好食！仲有個椰子千層糕！呢個係勁軟淋淋，同埋好香椰味！呢餐真係超級滿足。嘢食好足料好大份，服務態度

今日跟家人一起吃午餐，出中環有咩想食，第一時間諗起文興酒家。來的時間比較早，店內未有什麼人，環境很舒適，點了好多個小菜，每一道菜份量很足，並且很好吃。服務員態度非常好，印象很深刻。叫了個招牌炒飯，入邊有海鮮及花膠，濕飯來的，連BB都吃得好滋味。日式胡麻拌茄子，我以為只是一個前菜小食，誰知他是一個主菜的份量，最後竟然五個人吃不完的多。👍是日例湯都很出色，是猴頭菇豬展湯，非常好味的老火湯，連雞爪都燉到可以啃骨吃掉！叉燒燒鵝都很出色

帶左個外國來嘅朋友來食、諗住倫敦嗰間幾好香港呢間都一定好食。點知… 伏 🫠燒味呢就一般，價錢都算貴 😮‍💨 服務態度已經麻麻哋，嘢食又唔平。點知到埋單嘅時候，單上面係多咗個XO醬。我哋本身冇嗌，但係一坐低已經遞上枱。佢哋亦都冇問我哋需唔需要XO醬。買單嗰時候個XO醬係$28 … 仲要再加一… 同侍應講嗰時時候佢話我哋擺低嗰時候你可以唔要㗎。咁如果我知要俾錢梗係唔要啦 🙄 邊有餐廳XO醬辣椒醬嗰啲都要收錢㗎!!!Brought a friend from overseas here for lunch thinking the quality is as good as the one in London - we were totally wrong! The food was very mediocre and it was expensive for roast bbq in hk… The most absurd part is that we had to pay for sauces that we didn’t even order!! We only knew when

屋企人無啦啦提議叫我放半日假，我又傻吓傻吓毫不猶豫咁請咗,其實都冇乜特別嘢做，而係專登過海食咗一餐貴價午餐，原先每個月都計劃好要請一日假陪男朋友而家慳返，可能就係因為咁嬲嬲地話請就請。之前都冇為意，原來就喺以前蓮香樓後面，冇諗過原來要夾成四百幾蚊食個lunch😮又洗大咗我仲以為係普通飲茶食點心，點知⋯先有原條叉燒啦，跟住就嚟一個文興小炒（有韭菜花、腰果，魷魚、鮑魚粒、蝦干，蝦仁🍤等等），再有上湯白菜，薑蔥蠔，瑤柱炒米粉仲有一碟燒肉雞飯同埋馬拉糕。完全顛覆咗我嘅想像😥又唔係特別好好味，諗極都唔明白點解要食啲咁嘅嘢，普通飲個茶啫⋯⋯omg 全條叉燒又冇乜嘢特別，又冇燶邊，雖然而家較為中上嘅酒樓都會有呢一味餸，不過真係好食嘅又有幾多間呢？最好食，我覺得係個米粉，炒得好乾身同埋面頭有啲脆脆唔知係唔係瑤柱碎呢？

上個星期日放假同屋企人出街，媽咪話想食燒味，即刻喺Openrice搵到呢間😌我地就試左休閑午市二人套餐 ，平日係$688，假日仲有優惠，價值$520😳套餐包括前菜、是日燉湯、粵式燒泰國櫻桃鴨、主菜、粉/飯 同埋甜品～前菜揀左雞絲粉皮🤪雞肉新鮮嫩滑，味道好清新仲有青瓜絲🥒粉皮比起平時嗰啲更加爽口彈牙，配埋芝麻醬一齊食夠晒開胃🤤燉湯係猴頭菇螺頭雞湯🍲超級滋陰養顏嘅一個湯，啱晒各位女士們😄啲螺頭同埋雞煲完湯之後都唔會好韌，所以全部湯渣都食晒🤣櫻桃鴨基本上每一位客人都會點！真係無令人失望🥰櫻桃鴨外皮烤得酥脆，肉質鮮嫩多汁，鴨肉偏瘦，配上獨特的粵式燒汁，再加埋瀨粉一齊食真係好滿足☺️主菜就係黑毛豬咕嚕肉😍肉質特別有彈性而且豬味濃郁🤭個脆漿唔會好厚👍🏻甜品係千層糕，上枱既時候仲熱辣辣，捲到好似毛巾咁，超煙韌，質地非常綿密彈牙😛有啲似黃金糕～整體來講，價錢都幾划算😃用餐體驗非常滿意。餐廳環境舒適，服務態度友好，菜品既質量同味道都唔錯！尤其係佢地招牌菜櫻桃鴨，絕對值得一試☺️如果咁岩喺中環附近，又想食燒味，不妨去文興酒家試下呢個休閑午市套餐。

趁住年三十同同事一齊嚟文興食餐收爐飯。不得不試嘅叉燒，有少少燶，肉質鬆軟，蜜汁香濃，正！其他餸都非常之出色，兔年最後一日當然要食返餐好㗎啦！Taking advantage of the 30th of the Lunar New Year, I went with my colleagues to Man Hing to have a year-end dinner. The char siu, which is a must-try, was slightly charred with a tender texture and the honey sauce was rich and fragrant – perfect! The other dishes were all exceptionally outstanding. Of course, on the last day of the Year of the Rabbit, we had to have a good meal!

平時幾好，但係今次真係差得有啲過分。雞少肉多骨，叉燒乾柴咁。就算堂食價錢都無可能接受。Quality is not stable at all. At this price I’d expect more than what I am getting in the photo. This restaurant used to be exceptional but probably not anymore after this experience. Better luck next time.

休閒午市二人套餐 假日優惠$520猴頭菇螺頭燉雞湯 呢個燉湯非常足料～仲超香😍飲落清甜唔油膩，超高質👍🏻我連湯渣都食埋😋青瓜海蜇海蜇份量多，充滿麻油香氣，仲有少少微辣，好清爽又開胃粵式燒泰國櫻桃鴨（半只）泰國櫻桃鴨系餐廳招牌菜，基乎每一張枱都食！燒鴨已經去骨，食落啖啖肉超爽😆色水超靚～油光閃閃👍🏻食落好有驚喜～外皮好脆，而且唔似一般燒鴨咁油膩，肉質緊致有彈性👍🏻另外燒鴨醬汁都好正，點埋有提鮮作用意大利黑醋一字骨味道酸酸甜甜，一字骨肉質嫩滑，另外加咗芝麻同埋花生碎，更加香😋千層糕懷舊千層糕捲成毛巾狀，好煙韌～ 文興酒家 (曾昭灝大廈) (中環)中環威靈頓街160-164號曾昭灝大廈2樓

有一個週末約咗同成班屋企人飲茶親人book咗呢一間聽講話係英國開返過嚟香港嘅中式酒樓 都算係一間新派嘅中菜一行八人叫咗大概7，8樣嘢大部份都幾有特色 幾好食.尤其係嗰個金沙四季豆撈左鹹蛋黃超級邪惡勁好送酒仲有一個意大利黑醋一字骨酸酸甜甜勁開胃，每人一嚿係唔夠食嘅叉燒，煲仔菜都係水準之上.美中不足嘅係甜品方面只有一款合時糖水完全冇其他糕點小甜品咁樣食完大魚大肉想食啲甜品都揀唔到希望遲啲有多一兩款甜品選擇啦

朋友介紹蓮香樓背脊位置有間過江龍，一般聽過江龍一定以為係什麼西日韓餐廳，竟然係中菜，嚟自英國🇬🇧沒有寄望之下，每道菜都好有水準！首先選了肴肉同黃金豆腐粒作為前菜，不錯。之後半隻鴨上枱，由於起哂骨所以啖啖肉，差不多每枱必點，皮脆肉嫩，配合秘製醬汁，又係一口接一口既。再嚟係意大利黑醋一字骨，排骨炸至酥脆，加上黑醋汁濃厚重口味，忍唔住食咗3件！之後既黑松露蝦餃炒蛋，黑松露不欺場，炒蛋又嫩，蝦仁大隻又爽口！惹味四季豆炒嫩牛肉，牛肉真係嫩，四季豆好味，全碟清！可惜已經飽到上心口，如果唔係一定會試吓吉士糕。有老店情懷但係服務十分到位，沒有傳統店那種傲慢反而十分親切！中菜都有plating, 事實係真心好味，近期大推之中菜廳。

英國開業30多年嘅傳統酒家，London開返返嚟香港但絕不鬼佬的唐餐🫡 Decades ago 曾被UK Financial Times譽為世上最好食嘅燒鴨，就係出自於West London 嘅Four Seasons Chinese Restaurant，就連查理斯王子之前都食過。而位於中環衣間鄰近九如坊嘅就係Four Seasons 香港分店！燒櫻桃鴨 🦆 由泰國盤谷牧場入口，每隻鴨都無注入激素及抗生素。櫻桃鴨燒鴨皮下脂肪均勻不會太肥膩，肉質啖啖嫩滑，肉香突出，而且全部都去晒骨，食落啖啖肉。衣碟明爐燒鴨絕唔鬼佬，好味！蜜汁叉燒王 🐷 脂肪肥瘦分布均匀，肉質相當鬆軟細嫩，肥度適宜。甜中更帶淡淡燻香，整體甜度唔會過高，值得推介！酥炸生蠔 🦪 外脆內軟，但略嫌炸得太乾身花膠野菌浸菠菜 🥬 清清地，中規中矩文興乾炒牛河🍝 鑊氣十足📍 文興酒家 Four Seasons 中環威靈頓街160-164號曾昭灝大廈2樓

文興酒家有多年歷史，成立於1990年，從英國首家食店延伸至世界吾同角落。今次趁週末去咗食佢地嘅二人午市套餐，假日優惠價只需要$520😳有前菜、貴妃雞、主菜、甜品。✿ 雞絲粉皮涼拌雞絲粉皮，系吾少中菜館都受歡迎嘅前菜，雞絲肉口感滑溜🐔加入胡麻醬增添許多滋味，然後呢度雞絲粉皮特別在仲落咗芥末，少少辣又幾過癮。✿ 是日炖湯是日炖湯估吾到咁足料，有大大舊翅、雞腳、瘦肉，炖湯啲油系雞肉新鮮滲出黎，瘦肉食完都飽飽哋😬✿ 貴妃雞貴妃雞半隻已經好大隻🐔雞肉大部分部分都滑溜，沾上薑蓉香氣十足🫚用黎送飯一流👍🏼✿ 黑毛豬咕嚕肉用黑毛豬整嘅咕嚕肉果然高級🐷欣賞佢外層好脆卜卜，內裡肉件做到有咬口。菜式本身冇以拔絲命名，但亦做到拔絲效果，打卡效果十足～酸甜醬令人十分開胃。✿ 合時甜品甜品系椰汁千層卷，個樣似卷蛋咁好得意😁好多洞洞透氣度十足，吾會太甜加上軟綿濕潤。

文興酒家被英國《金融時報》譽為世上最好食的燒鴨，連查理斯王子都食過，一定要去試試啦！二人套餐｜$520雞絲粉皮炖湯(兩位)粵式燒泰國櫻桃鴨(半隻)鴛鴦帶子蒸豆腐(兩位)瀨粉(兩位)燒鴨皮薄餡靚，皮下脂肪均勻不會太肥膩，肉質啖啖嫩滑，而配備既肉汁好香，加落瀨粉/米飯都好好食😋最令我驚艷係起骨上碟！食鴨時完全享受啖啖肉而需要吐骨，真係高級享受。另外炖湯非常足料，鮮甜美味，令我一口接一口不為意的好快就飲完。最後食埋回彈力極高而不會過甜既千層糕作結尾。