敘香文昌雞滷水鵝專門店

今日因為趕住做野晨早出咗荃灣，早餐都未食.....做完嘢嗰肚超肚餓😖...咁啱沿住西鐵站繼續向前行唔知行到去邊就見到呢間，唔理三七二十一直接入去呢間嘢試下入到去個樓面姐姐話有鹵水兩三餸飯食，推薦畀我，但係個牌又係出面....我唯有行番出去影完幅相再入番去坐低慢慢揀🙂 雖然麻煩但係個選擇都幾多，有17樣鹵水食品而且透過玻璃望到啲鹵水賣相都唔錯叫咗個鹵水三餸飯配鹹豬手、鵝肝同海蜇($45)，隻鹹豬手OK鹵水味都足幾嫩唔會煮過頭，但鵝肝就有少少唔夠味唔係幾食得出鹵水，而最後個海蜇絲都幾煙韌爽脆有口感總括，還可以…查看更多

今天阿媽生日，經過見到海南第一雞就覺得買隻雞返去慶祝幾好，見到佢地的雞同平時買的都不同，幾獨特。其實附近都有幾間有雞，我最後都選了這一家。生日當然要特別，問了這家，他們的雞又分兩種，一大一小，大的叫扇雞？未聽過，但店家表示味更濃。之後買了一隻大扇雞回家，有一種其他雞沒的味道，加上夠味的蔥油，味道好好食。總括，幾抵食。…查看更多

前幾日經過，朋友說這間滷水好像不錯便打算試下看到門口的位置，那些鵝及豬手都很大很引人注目，看到鹵水小食都好像不錯，鵝掌鵝腳好大隻，豆腐一件件放出來厚到以為是一個個麵包好大的滷水鵝掛著，右下角的豬手都好大隻可惜我一個人食太多食不完，看到門面有寫炸乳鴿，想試下買了一個滷水鵝飯回家，鵝肉少脂肪，咬下去都厚，許多肉，好食飯還送了一件豆腐，半隻蛋，好抵食就是滷水汁和豆腐浸在一起，滷水汁都變了有豆腐味，下次要分汁比較好…查看更多

事源我成日經過見到呢間嘢, 就正正落樓每次都見到, 好似開咗好耐又冇試過咁,今日終於打算去試返次跟住行埋去見到門口一包包喺度裝住曬嘅, 就貪方便直接買返去食認真,買咗包燻蹄返去我唔識食嘅, 就係知道好食, 我阿媽識食嗰啲就話唔錯, 總之下次再試下其他先,今次還可以…查看更多

今日 (27-3-2022 Sun)同老公買餸,由於今日要清潔屋企,冇時間再煮餸,於是斬料,好耐冇食滷水鵝,去永騰買?我記得呢喥有新開未幫趁過,於是嚟睇睇,睇招牌,咦?!文昌雞,冇滷水鵝?唔係,睇埋後面,有滷水鵝,於是行嚟睇.老公睇到佢枱上擺咗已切好嘅食物,滷水鵝定鴨$35.00,$40.00嘅辣海蜇燻蹄,亞姐話唔會好辣,咁就要呢兩樣.而重有一個$40.00嘅德國豬手,咁就買埋佢啦.返到屋企打開睇,有三兜醬汁,兩兜係醋,一兜唔知咩嚟,食吓先,原來係蒜油,幾香幾好味.到夜晚開飯食喇.睇吓滷水鵝定鴨肉嘅橫切面,冇厚油脂,即係鴨,呢個味道同口感都正常唔太鹹.面上幾件鴨胸之下,就係有頭,頸同起咗肉嘅胸骨.味道:5分海蜇燻蹄呢?燻蹄都係口感同味道都正常,一樣唔太鹹. 而海蜇係爽口嘅,至於亞姐講唔係好辣嘅汁,唔止唔係好辣,直情係唔辣,但唔知係咩味,怪怪咁.味道:1分最後德國豬手,肉質係爽口唔覺膩嘅,但味道又食唔出係咩嘢,話佢冇味又唔係,有咩但又唔知係咩味,都係有啲似滷水.味道:2分抵食係3.67分…查看更多

晚上7:45分去到，諗住買個外賣：「文昌雞脾飯吖」點知店員問廚房，「係咪冇飯喇？」然後對我說：「冇飯喎！」考慮了10秒，冇飯就買半邊雞自己返屋企煮飯啦：「半邊文昌鷄吖咁」店員又問廚房，「係咪冇雞呀？」然後對我說：「冇雞喎！」「😑」呢間文昌雞飯，冇飯冇文昌雞，最正嘅係，店員態度仲要好似覺得係你唔啱，似乎我諗住幫襯你，真係好唔啱囉！完。其實之前食過，雞ok，個秘醬好食嘅，可惜今次之後，恐怕再冇回頭了😖…查看更多

平日幫襯開嘅燒味店旁邊開了間賣雞和滷水嘅鋪頭，今日行過買了半隻雞回家試下好唔好食。店名標榜海南第一雞，唔通雞是由海南運來香港?不過都唔考究了，總之好食會就繼續幫襯。半隻雞裝在透明膠盒內，睇起來唔係好多，雞件排得整整齊齊，還附上兩小盒調味醬，分別係蒜香油和蔥油及一小個青檸。雞肉彈牙，雞皮滑，雖然件頭細但也有口感，雞的味道偏淡，所以蘸上醬汁才夠味。其實白切雞配上不同醬汁可吃出不同口味，變化很多。灑上青檸汁來吃，帶點馬來風味，夏天吃開胃。如果蘸上蒜油又令人感到濃郁的香蒜味，像吃芝麻雞。蔥油是最基本味，就像吃蔥油雞。總體來說，一款雞令你有多種口味的吃法都幾好。…查看更多