敏華冰廳 (新都會廣場)

喺敏華冰廳食咗個黯然銷魂飯，感覺一般般，唔太令人回味。呢個招牌菜本來應該係叉燒飯加煎蛋同配菜，但叉燒肉質硬邦邦，咬落好費力，唔夠嫩滑，感覺冇處理好，食得出嚟有啲乾柴。蛋煎得太熟，蛋黃完全凝固，冇咗流心嘅滑順口感，變得普通到冇驚喜。整體味道平平，冇特別嘅調味突出，飯粒都唔夠鬆軟，掛汁能力弱，食落有啲乾。價錢方面，一份黯然銷魂飯對於冰廳嚟講算貴咗，份量又唔算大，性價比低。店舖環境典型冰廳風格，乾淨但有啲舊式，座位窄窄地，晚市時段人多，要等位。服務員態度尚可，但上菜慢咗啲，影響心情。但今次體驗唔理想，叉燒同蛋嘅問題係最大缺點。如果想食黯然銷魂飯，可能有更好選擇，下次會考慮試吓其他菜式。…查看更多

晚餐叫咗一碟沙薑雞脾飯和一個例湯,埋單75,總結,飯太硬、一嚿嚿、雞脾肉霉,十分難食,食物無質素,但仍坐滿客,原因就是能有位坐,不用搭枱,啃得落便算！隔離抬來碟麻婆豆腐飯,情侶即o晒咀,豆腐少到得兩三匙,攪乜呀！香港人外出食飯真慘,完全物不所所值！…查看更多

星期日去咗一間敏華茶餐廳食早餐嘅:沙嗲牛肉麵，仲有一杯熱咖啡，真係好滿足！### 沙嗲牛肉麵首先要講嘅就係呢碗「沙嗲牛肉麵」。牛肉煮得剛好，肉質鮮嫩，切得薄薄件，咬落去好有嚼勁。沙嗲醬汁香濃，夠味，帶有少少微辣，真係令人食得津津有味！麵條方面，煮得啱啱好，不會過軟，吸收咗沙嗲醬嘅味道，食落去每一口都充滿咗香料嘅味道，實在好重口味🤪### 熱咖啡配搭嘅熱咖啡亦都唔錯，咖啡香濃，味道正，真係一杯好嘅提神飲品。飲落去有少少苦味，但又唔會太過，正好中和咗早餐嘅味道，令整個早餐更加完美。熱咖啡仲有助消化，食完麵之後飲一口，感覺好舒服。整體而言，呢間敏華茶餐廳嘅早餐「沙嗲牛肉麵」真係好食，無論係牛肉質素定係麵條口感，都非常出色！…查看更多

今日喺葵芳新都會搵野食，呢度真係好多選擇，見敏華有人排隊，於是就一齊排下😅😅第一次試呢個黯然銷魂飯，見到72蚊😨😨😨其實覺得都算偏貴，但都要試一試，叉燒半肥瘦，入口有啲即溶，果然唔錯，轉左太陽旦，有兩隻，旦味亦夠👍🏽👍🏽略嫌唔夠豉油，加多個羅宋湯，羅宋湯亦算中上😋😋😋不過成個餐牌，覺得都算偏貴，但都幾好食…查看更多

抵唔抵見仁見智，但服務質素真係可以好dd😪😪。入去咁耐都係咁唔執下，D水滲出地下跣到呢🥲🥲😪。仲有陣酸宿味不斷湧出黎🤢🤢🤢。D野食味道唔算差既，特別叉燒算OK。但收咁貴，份量又唔算大。D飯係咪可以有d水準唔好一舊舊🤣🤣🤣。咖吔似鮮油多多d，剩得牛油味，但講真重牛油唔會唔好食既，係唔咖吔者🤣🤣。埋單$110，抵唔抵見仁見智啦🫡。Btw咁既質素要排隊真係諗唔明🙄🙄🙄。…查看更多

當晚，我跟好友都忙，大家都比預期遲收工！走到葵芳新都會廣場，看看還有哪些餐廳尚未收舖就幫襯啦！ 我建議茶餐廳或者快餐店都可以！他告訴我，這裡有間 <敏華冰廳>，既然尚未收舖，我們就直接走入去嘞！這間分店算細間，當時，仍有部份吉枱，經過見到有不少食客食一人火鍋，今年第一次幫襯的我，才知連 <敏華冰廳> 也供應一人火鍋！Menu 常餐潮式沙茶牛肉公仔麵 拼炒滑蛋火腿及歐式軟多士 $57潮式沙茶醬別有一番風味，其香氣不遜色給沙嗲醬，公仔麵尚有彈性又掛湯！炒滑蛋火腿及歐式軟多士炒滑蛋帶有蛋漿，軟多士是厚身過坊間的多士，外脆內軟！:)熱奶茶保持水準！…查看更多

平時喺葵芳想食叉燒飯就會諗起敏華！貪在佢唔貴得黎又幾好食🙂‍↕️有日收工8點幾入到去 諗住叫個黯然銷魂飯嚟食 係QR code落左單 但點知姐姐話叉燒已經賣晒 所以就問侍應姐姐有咩其他選擇 而佢就咁指住個QR code叫我哋自己睇 我哋就係因為個QR code menu唔update先問佢🥲呢個態度真係好勸退 叉燒幾好食都無用🙂‍↔️🙂‍↔️🙂‍↔️🙂‍↔️🙂‍↔️…查看更多

今日 order咗 敏華 四寶飯， 個賣相及質量還差過大x樂( 叉燒十分乾及 薄）、 只得幾片紅腸、 兩片四分一 午餐肉 、 半隻鹹蛋 及兩條菜，除了個白飯稍為ok， 其他 餸菜味道都一般。…查看更多

呢間餐廳我間中都會嚟食，多數食早餐或常餐，午餐之類，算係葵芳一間可以食得人嘅餐廳食過個肉絲米我覺得ok唔錯，起碼唔會咸到飛起熱華田沖得夠濃、濃濃阿華田味，平時飲個啲水勁多，所以呢間係好飲啲多士真係烘完等於冇烘，如果可以俾啲heart 烘返多少少會好啲囉基本上冇服務可言，qr code落單不過間餐廳有個好嚴重嘅問題，成間舖越嚟越臭，食完一餐飯之後，成身都吸咗佢餐廳啲味，成個頭，成件衫，總之成身都係個陣臭味，揮之不去唔知咩事間餐廳會越吸越大陣味，食物尚可，但食親次次都成陣味真係令人卻步…查看更多

今天忙了一個早上，到下午兩點幾先有機會停一停，咁啱路經新都會廣場，見敏華平時排隊條人龍無左，不用等，故就唸住入去食啲野醫肚仔!餐牌依然與主打茶記一樣，沒有變! 我見已過了下午兩點，所以就order 了一個價值$46茶餐 - 榨菜肉絲公仔麵跟兩隻脆皮雞中翼，連一杯熱鴛鴦! 因為我想再叫多個蛋撻但又怕肥，所以就將公仔麵改叫米粉， 罪惡感好似無咁重!首先來了杯熱鴛鴦，但我覺得杯鴛鴦分量好少，沖得唔多夠熱， 觸到落唇邊，熱度好似爭咗啲呀! :(跟住就嚟咗個榨菜肉絲米粉同脆皮雞中翼， 個脆皮雞中翼都算ok，炸得幾夠味，不會太乾:)! 但係個榨菜肉絲米粉就唔係太掂 ， 撩勻成隻碗，湯多過粉 ，米粉好少，而且淨係得榨菜，見唔到有肉絲 ，偶有一兩粒碎碎浮面，確實有啲不對辦! 另外，唸住敏華會定時有新鮮蛋撻出爐，點知個蛋撻來到，酥皮淋曬，而且好似擺左好耐咁，唔好食囉!總括而言，今次嚟敏華食下午茶真係有啲失望，同我之前來食時，確實有點不同，希望佢地可以檢討下啦!🙏🏻…查看更多

好耐冇去過敏華，今日諗唔到食乜嘢，所以今日就去食午餐啦-🌟叉燒意粉配煎雙蛋多士火腿 ｜$63意粉比較少叉燒，得4-5塊，叉燒比較偏肥，但係味道還可以。反而煎蛋火腿多士有驚喜，一拎過嚟好大碟，比碗麵仲大，個多士烘得好靚好乾身，仲有士多啤梨果jam 。-奶茶沖得夠濃，整體份量足夠，但係價錢偏貴。…查看更多

今次當我行入呢家食肆，就點咗個人氣爆燈嘅黯然銷魂飯。啲叉燒嘅味道簡直正到出奇，鹹香中帶點微微甜，肥而不膩，嗰種焦香啖啖肉嘅感覺勁過癮！白飯就彈牙得嚟唔會過分軟綿，嗰種金鳳米係真係蓋過癮嘅選擇😊。蛋嘅部分就小小失望😔，因為我期待中嘅半熟流心變成咗熟透嘅蛋。但嗰豉油撈飯嘚瑟味道，一啖飯一啖喜，真係滿足到我個食魂。話說個榨菜肉絲雞翼米粉我一啲都唔放喺心上，點知個味嚟得出奇集中！榨菜嘅鹹香同肉絲嘅嫩滑交織得宜，而啲東莞米粉爽滑適中，同雞翼一齊嘅口感簡直一流，仲有湯頭，真係要多嚟幾碗。至於凍奶茶，無冰嘅出現真係令我開心到彈起🤤，因為佢保持咗茶香同濃厚嘅味道，啱晒我呢種怕水嘅人嘅口味。而家講翻個酥皮蛋撻，先嘅鬆脆酥皮同濃郁嘅蛋香，每次食都令我心思思，今次買四個回家，仲熱乎乎咁，唔食都難！如果你想搵返嗰種老香港嘅味道，嚟呢度準冇錯喇👍。…查看更多

多年來光顧過貴集團不同餐廳，深感食物質素及服務優良，不幸地，本人於二零二三年十一月二十一日晚上六時三十分選擇了光顧葵芳新都會敏華冰廳,滿心歡喜點了晚市火鍋套餐, 但火爐燃燒了十五分鐘, 湯底還未滾起來，火已經熄滅，於是要求待應協助更換，更換後，這位待應不停在我身旁徘徊並說道: 小姐我見你食得好慢，快Ｄ落D肥牛落去滾，如果唔係我一陣又要換第三個爐, 其他客人都要用架。本人對以上安排及態度表示非常不滿:第一點， 火爐燃燒了十五分鐘, 湯底還未滾起來，是餐廳配套的問題第二點，本人沒有特意拖長用膳時間，只是貴餐廳配套的問題導致客人用膳時間延長, 間接浪費本人寶貴時間第三點，貴餐廳如果縑棄客人用膳時間長短，理應設定用膳時間，而非以言語催趕。第四點，爐具不夠是貴餐廳的問題，而非催趕客人盡快用餐由於被貴餐廳經理催趕，因此忘了拿走收據及記下經理的名字。是次晚餐經驗令我感到非常不愉快，不會再光顧。…查看更多

同朋友響葵芳做完嘢諗住搵個地方簡單食個下午茶，響地鐵站附近最方便唔係葵涌廣場就係新都會廣場，朋友想搵個地方坐得舒服啲，所以就去咗新都會廣場嗰邊搵嘢食，結果去咗敏華冰廳，好處係起碼下午茶唔使等位。我在叫咗個最基本嘅菠蘿油炒蛋，加杯紅豆冰。唔知係咪錯覺，好似菠蘿油以前裏面夠牛油大嚿啲，同埋可能下午茶唔係新鮮出爐，菠蘿包晏咗啲。炒蛋基本上都可以。杯紅豆冰好處就係花奶味好濃， P 冰亦都唔算太多對我嚟講啱啱好，但係有啲人可能會嫌佢少冰，紅豆相對份量唔算好多，不過都叫做可以接受。…查看更多

I recently stumbled upon Men Wah Ben Ting while walking by and was pleasantly surprised by the variety of options available. Since I couldn't decide what to have for dinner, the one-man hot pot caught my attention immediately. This unique offering boasted an array of ingredients, allowing me to choose between beef and pork as my protein. Additionally, the customizable soup flavors, with three options to choose from, added an extra level of personalization to the dining experience.However, what truly impressed me was their iced milk tea. The texture was incredibly smooth, and each sip was a refreshing delight. It perfectly complemented the hot pot meal and provided a pleasant contrast to the flavors. It's worth noting, though, that individuals who are sensitive to caffeine should exercise caution with this beverage, as it caused some insomnia for me. Nevertheless, the taste was so appealing that I would definitely return for another round of their delectable milk tea.One aspect that stood out to me was the reasonable pricing. At around $70 per person, the meal offered great value for the variety and quality of ingredients provided. Men Wah Ben Ting managed to strike a balance between affordability and satisfying portions, making it an attractive option for a satisfying dinner.…查看更多