撒冒小面

营业中

休息中

留意👀到將軍澳廣場中庭新開左間四川重慶口味餐廳 今晚一於試下! 冒菜：揀咗藤椒湯底- 藤椒帶來獨特既香麻味，麻感突出，層次感豐富。主食揀咗小麵- 吸收左藤椒湯汁既精華。葷菜-基本款2款：牛柏葉：口感爽脆；肥牛：薄片肉香另加左小酥肉，浸係湯底 半軟腍 半酥脆。仲有湯底自帶配料：油麥菜、蓮藕片、青筍片、金針菇、豆腐粒、海帶片紫米豆漿：紫米增添穀物香氣同埋Q糯口感，豆漿本身濃郁微甜，非常解辣解膩。黑豆漿：相比普通豆漿，黑豆漿豆香更濃郁，營養價值都好高，係搭配重口味餐點既好選擇。乾拌抄手雲吞：搭配麻辣紅油、蒜泥、花生碎等調料，少少香辣麻鹹既風味，雲吞皮滑，餡料足。烤串系列 (種類豐富，各具特色)：五花豬肉串 (5串)：肥瘦岩岩好，烤到焦香，油脂滲出，口感豐腴不膩。半肥黃牛肉串 (5串)：牛肉香氣突出，半肥部位帶出油潤感，肉質有少少嚼勁。牛胸標串 (5串)：特色部位! 預期係口感彈牙 帶點爽脆，油脂香氣濃郁。黑椒雞腿肉串 (5串)：雞腿肉嫩滑多汁，黑椒醃料入味。魷魚鬚小串 (5串)：Q彈，仲有燒烤焦香。黑椒豬肉串 (5串)：豬肉搭配黑椒，鹹香微辣，係經典既燒烤風味。

今次專程踩入將軍澳玩～晚餐就選擇呢間主打重慶風味嘅「撒冒」，由湯底到串串都充滿川味靈魂！ 🔥 鎮店冒菜揀咗 藤椒湯底，一上枱就聞到麻香撲鼻，湯底青花椒味突出，麻而不燥，飲咗一啖喉嚨微微顫抖好過癮！配料方面： - 嫩牛肉 薄切滑溜，掛滿藤椒汁又保留肉香 - 牛百葉 爽脆度滿分，吸湯能力一流 - 豬頸肉 厚切有嚼勁- 小麵幼身又彈牙，嗦到停唔到口 🍢 串串系列（每款5串）全部即叫即燒- 牛胸標串 - 油脂爆炸！焦脆邊+奶香肥膏，罪惡感MAX - 黑椒香豬肉串 - 辛香惹味 - 魷魚小串 - 刷咗層麻辣醬，彈牙得嚟夠惹味 - - 半肥黃牛肉串 - 肉汁鎖得靚，肥瘦比例剛好 🍧 自助冰粉 任裝山楂片+葡萄乾+椰果，麻辣後即時降溫～📍撒冒將軍澳唐德街1號將軍澳廣場1樓Kiosk A

好耐冇過黎將軍澳，路過見到呢間好似新開於是入左去試下，本人超級鍾意食麻辣野，呢間既口味岩晒我，個擔擔麵相當正宗，麻麻辣辣好過癮，價錢相宜而且份量好多，有個小蠟燭熱住，食到最尾都仲係熱辣辣。呢間既串燒都好好食，一律要小辣，調味粉好足，食落完全就係經典川渝既味道，每份係5串，用蠟燭仔熱住上，一串接一串停唔到口，搭配上可口可樂或者佢既9蚊自助冰粉一齊食仲可以解辣，簡直完美，鍾意食辣既朋友一定不能錯過！！

這家麻辣香鍋餐廳的環境相當熱鬧，營造出濃厚的文化氣息。桌椅擺放得當，讓人感覺舒適而不擁擠，非常適合與朋友聚餐。麻辣牛肉擔擔麵首先來到麻辣牛肉擔擔麵，麵條彈性十足，搭配濃郁的香辣的湯底，讓人一口接一口。牛肉鮮嫩多汁，麻辣的味道層次分明，辛辣感適中，不會讓人感到過於刺激，反而激發了食慾。冒菜加香滷肥腸和豬頸肉接下來是冒菜，選擇了香滷肥腸和豬頸肉。肥腸經過精心處理，口感滑嫩，醬汁入味，讓人回味無窮。豬頸肉則是肉質鮮美，搭配各種新鮮蔬菜，讓整體味道更加豐富。湯底的麻辣香氣充盈整個碗，吃上一口，瞬間感受到麻辣的熱情。半肥黃牛肉串、雞皮小串、魷魚鬚小串最後，串燒部分的表現同樣不容忽視。半肥黃牛肉串肉質鮮嫩，油花分佈均勻，燒烤後的香氣撲鼻而來。雞皮小串酥脆可口，醬汁香甜，讓人一根接一根。魷魚鬚小串則是彈牙有勁，配上特製的辣椒粉，讓人感受到海鮮的鮮美與麻辣的完美結合。總結整體而言，這家麻辣香鍋的食物不僅味道正宗，而且每道菜品都展現了廚師的用心。無論是麻辣牛肉擔擔麵的香濃，還是冒菜的豐富，抑或是串燒的多樣選擇，都讓人流連忘返。非常推薦喜愛麻辣味道的食客來一試！

最近好想食下啲濃味道又辣嘅野，經過將軍澳行行下見到呢間---🌟撒冒🌟，專食重慶口味嘅麵食，主打當地最具代表性嘅美食重慶小面同成都冒菜。為求做出百分百地道口味，大部分配料仲由源頭直採抵港，出品由來自重慶的師傅監修，務求味道正宗。🔥 店內仲設有冰粉自助區，加＄9就可以按自己喜好添加配料，包括紅糖汁、葡萄乾、桃膠、薄荷葉等多達12款配料任君配搭。 麵類款式都有唔少，仲可以揀唔同辣度，唔辣都得👍🏻._./麵類/🐂| 麻辣牛肉擔擔麵 |🐂濃濃嘅擔擔麵湯底，好惹味！每碗麵都有個火爐烘熱住，確保一路食都保持熱辣辣，麵嘅份量都多，牛肉好夠味。.🐟| 秘製酸菜魚麵 |🐟酸菜魚數量都多，無骨啖啖肉，湯底係麻麻辣辣，配埋啲麵啖啖都好滋味✨️./串燒/小麵筋小串（5串）雞皮小串（5串）魷魚鬚小串（5串）黑椒香豬肉串（5串）小香腸小串（5串） 串燒嘅選擇都好多，而且多數一份五串，點黎作為小食都好適合，份量唔會太飽，過下口癮啱曬！./飲品/紫米豆漿黑豆漿._.

今晚冇煮飯，所以落街食啲嘢，見到呢間餐廳開咗一段時間，經常有好多人喺度買外賣，睇真啲發現原來佢係有堂食！香滷黃豆豬手飯豬手肉質軟嫩，搭配香滷的黃豆，再加埋有擔擔香辣的蘿蔔絲，開胃又好味。 雞湯抄手抄手皮薄柔軟，裡面餡料鮮嫩多汁，雞湯清淡鮮美，超正！酥脆小酥肉外皮酥脆，香料調味均勻，肉香四溢。魷魚鬚小串口感彈牙又爽脆，仲加咗我最鍾意嘅孜然粉！黑椒香豬肉串串燒好吸引！而且黑椒的香氣濃郁，帶有微微的辛辣，增強了豬肉的鮮美。四川擔擔麵麵條滑順，醬料濃稠，充滿麻香。整餐晚飯食咁多嘢都只係二百零蚊，非常划算！

食物都OK 服務差到令人唔想再食樓面姐姐見到有客就黑口黑面 對客呼呼喝喝 對住長者都一樣 其實客都已經唔多 每枱都係得一兩個客 可能真係好唔想番工😳😳上菜慢 成個大王咁斯斯然慢慢黎 慢慢做 上菜仲要上錯枱 食物今次試左自選冒菜 啲嘢食味道OK 鍾意重口味嘅可以一試餸有得揀唔同肉類 例如牛肉 魚片 小酥肉面同湯都各有3款可以揀湯有辣有唔辣自由組合係幾開心嘅 68蚊又唔貴真係想食嘅就外賣啦 唔好要個樓面送餐執枱咁難受 openrice自取又得其他網上外賣平台外送又得 總之唔建議堂食！

有段時間冇來將軍澳商場搵野食了，今次見到間新野係吃川味菜式，餐廳細細間，價錢合理，菜式選擇亦多。由於呢段時間病了入到嚟只可以揀唔辣，點知吃落又不錯喔，吃完會想下次嚟試吓佢啲辣辣冒菜。香滷肥腸小麵 $59（雞湯底 唔辣）湯底偏芫荽味重整體份量足夠 麵條亦不錯大腸滷水好入味😋 秘製酸菜魚麵 $59（唔辣）雖然揀咗唔辣 但湯底食落好麻 唔覺有酸魚大片同埋好滑整體份量足夠 麵條亦不錯 會越食越麻🤣麻辣鍋巴土豆 $9外脆內軟 好味醬汁係泰式辣醬feel 🌟Encore 指數：6.8/10——————————————————————Total HK$127 （2人）

老實講 ！開左一段時間都冇黎過～突然今日好想食辣嘢，於是搵到佢！ 一試愛上😍全程同朋友又讚冇彈！免加一！必定再來！入到去，睇menu 原價價錢親民合理於是叫左秘製酸菜魚麵$59份量十足，味道連朋友都大讚頂瓜瓜魚片大塊 湯足味，魚足料，麵足夠！而我好愛食豬手叫左黃足豬手小麵（小辣）可自選辣度 完全同國內食既味道一樣水準辣而不油！最好味位是豬手好淋，黃豆都食到好滋味，不單一。$9小香腸五串（不辣）手脂尾大小，五串雖小但味道俱全！同樣自選辣度。$28魷魚鬚 叫麵必點香料粉惹味十足，一試愛上😍其餘的有$16 雞翼尖（必點）、$18牛五花、$18牛肉串，細心位有助熱底座，食起上黎更滿足😌甜品精美：紅糖酒釀小丸子養生小甜品，滋潤又養顏。另設$9 自助任食冰粉食完辣嘢可以降溫甜品。你想像唔到嗰啲腸仔變

將軍澳區開了冒菜麵店了，在將軍澳廣場，好方便，以後可以多點來吃。➖冒菜(已包三餸)+ 黃豆豬蹄 $83必吃，一定要選寬粉，入口順滑辣味香。裏面仲有不同的蔬菜底，連肥腸很厚肉。➖秘製酸菜魚麵 $59麵很多，酸菜魚夠滑嫩，性價比高。➖串燒半肥黃牛肉串（5串）$18坨坨羊肉串（5串）$20掌中寶小串（5串）$18坨坨五花肉串（5串）$18玉米小串（5串）$9➖自助解辣冰粉$9/位，有冰粉自助區，可以按自己喜好添加配料包括紅糖汁、葡萄乾、桃膠、薄荷葉等多達12款配料，食冰粉解辣一流。總括嚟講係不錯的川菜麵店，平民食堂，下次一定會再來吃冒菜。

朋友話想食啲重口味搵到呢間將軍澳廣場新開嘅「撒冒」結果一試愛上！有重慶冒菜、川味小麵、炸物燒烤樣樣齊，夠晒過癮！餐廳地方唔大用QR code落單有自助水吧招牌冒菜我揀左藤椒湯底湯底濃郁香辣帶勁但唔會過火本身已有材料多樣有萵荀、蓮藕、金菇、豆卜再加豬頸肉、牛餐肉食落又香又惹味！我特別鍾意豆卜吸滿湯汁入口即爆汁好邪惡！川燒牛腩小麵紅油滲晒入小麵入口係標準川味香辣辣度近譚仔小辣怕辣人士慎選！牛腩粒燉到超入味軟淋唔鞋食一啖即刻開胃！小酥肉外脆內嫩炸得金黃香口灑上椒鹽更惹味！一口接一口停唔到價錢勁平叫多兩份唔肉痛！多款串燒一份有五串每串份量細細價錢唔貴同樣多叫幾款都得最好味係半肥黃牛肉串！辣度可以要中辣更惹味👍食完辣記得點個無限續添冰粉多款配料甜蜜滿足！

呢日黎到將軍澳呢間撒冒,成日都見到佢坐滿哂, 都好想試下佢好唔好食, 原來仲有好多中學生幫襯, 店員都好親切~ 我地都叫左好多野食, 分別係唔同類型既串燒同埋麵類,我地叫左一個冒菜,係豬皮再配魚配寬粉, 個粉配麻辣湯真係一流, 我而家打出黎都吞口水! 好好食! 另外我地仲叫左個牛肉擔擔麵,牛肉既份量都唔少, 個麵都幾好食! 我地仲叫左酥肉, 熱辣辣又炸到好脆咁! 一流! 另外串燒都非常之唔錯,佢又唔係好貴, 可以樣樣食D, 我地仲一人加左$9 任食冰粉, 雖然係任食, 但佢都幾高質,有好多料揀, 我地一人食完一碗都好飽, 食唔到第二碗, 但堅高質!

佢哋呢度有好多款唔同嘅粉麵，我哋最後就揀咗冒菜 $68，每碗冒菜可以免費揀兩款餸菜，除咗兩款餸之外，入面已經有好多唔同嘅配菜，包括有海帶、蓮藕、油麥菜、金菇、萵筍、豆卜等，每一款配菜嘅份量都好多，非常大方！湯底方面，我就幾推介藤椒湯底，唔會好辣好油，但係又好惹味！！😋佢哋呢度仲有好多款唔同嘅串燒，大部份都十幾蚊就有五串，見佢咁抵，當然要嗌返幾款試吓啦！🙈🙈我哋分別揀咗 坨坨五花肉串（5串）🐷$18、半肥黃牛肉串（5串）🐮$18、魷魚須小串（5串）🦑$28，雖然每串嘅份量唔係好多，但係除返開大約$3 一串，真係冇咩好挑剔～飲品方面除咗有一般嘅汽水可樂之外，仲有比較少見嘅紫米豆漿 $18，加咗紫米嘅豆漿會比平時嘅更加飽肚🤰🏻～怕佢哋嘅粉麵同串燒太辣❓❗️呢一度加$9就有得任食冰粉🍧，仲有好多款唔同嘅配料可以選擇，$9就可以任食勁抵！

今晚同媽媽去屋企附近食晚飯，食到唔知食乜好，醒起有間餐廳開咗幾個月都未試過，一於就試下先😋 𓂃𓈒𓐍 *ﾟ. 𓂃𓈒𓐍 *ﾟ𝕨𝕖 𝕠𝕣𝕕𝕖𝕣𝕖𝕕ﾟ*𓐍 𓈒𓂃. ﾟ*𓐍 𓈒𓂃 酥脆小酥肉 🥓 外皮炸到金黃酥脆，咬落去肉汁爆出，調味啱啱好，食到停唔到口，媽媽都話下次要encore🤤 四川擔擔麵 🍜 麵條彈牙，湯底香濃帶微微麻辣，花生醬同肉碎撈勻食好惹味，估唔到份量咁大，底下仲有蠟燭保溫，真係好貼心😍 坨坨羊肉串🐏羊肉串烤得香口，肉質嫩滑微羶，孜然味濃郁，食落好有風味，啱晒鍾意重口味嘅人😋 小香腸小串🐖香腸外皮脆卜卜，咬落去肉汁豐富，帶少少甜味，食落好過癮，一串接一串停唔到口🤩 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ 小食份量剛好，可以叫多幾款試下，岩晒三心兩意嘅我🤭 而且價錢仲非常親民🤑成個用餐體驗都好滿意，媽媽都話下次要再嚟試吓其他菜式🙌🏻 🤑 人均消費：～$56🤩 推薦指數：8 / 10📍 餐廳資料：撒冒小面 (將軍澳)將軍澳唐德街1號將軍澳廣場1樓Kiosk A☆.。.:*・°☆.。.:*・°☆.。.:*・°☆.。.:*

喺將軍澳廣場1樓Kiosk A嘅撒冒小面，真係一個隱藏版美食天堂！今次我嚟到呢度，試咗幾款招牌菜，真係令人垂涎欲滴，無論係賣相、香氣，定係味道，都令我感受到咗食物嘅魅力。## 金湯酸菜魚麵首先，金湯酸菜魚麵一上枱，金黃色嘅湯底就已經吸引咗我！湯面上飄浮住幾片酸菜，仲有新鮮嘅魚片，令人忍唔住想即刻試食。湯底香濃，酸酸辣辣，配合魚片嘅鮮味，真係一個完美嘅組合。食落口時，魚片滑嫩，湯底嘅香氣瞬間充滿口腔，令人回味無窮。## 黃豆豬手小麵接住嚟，黃豆豬手小麵就更令人驚喜！豬手燉得非常入味，肉質軟滑得來仲保留住啖啖肉汁。麵條吸收咗豬手嘅精華，整體味道層次分明，真係一啖接一啖，令人唔想停口。## 雞湯抄手再試下雞湯抄手，湯底清澈而鮮美，抄手皮薄餡多，雞肉嘅鮮嫩完全融入湯中，每一口都感覺到雞肉嘅鮮香，真係暖心又滿足。呢種簡單嘅美味，令人忍唔住想再嚟一碗。## 惹味小串燒最後，惹味小串燒絕對係一個驚喜！五花肉串嘅脂肪和瘦肉比例剛剛好，燒得香脆，配上特製醬汁，令人一試成主顧。而黃牛玉串更係肉質緊實，口感豐富，各種風味交織，真係食得令人陶醉。## 健康飲品飲品方面，紫米豆漿同黑米豆漿，唔單止色澤吸引，仲帶