撈家仔

兩點鐘過來食嘢，又話最好味垃沙，最平餐廳。於是我叫左喇沙、豬頸肉、墨魚餅同炒飯。一路等左好耐就飲啤酒先。結果成六點幾先上曬菜。飲左六支啤酒同一杯菠蘿冰。埋單一句sorry都無，盛為$615。原來啤酒$45一支，其他19嘢就係要等四個鐘先食到。大家睇路不要上當。…查看更多

噚日(24-9-2022 Sat)正日生日,同老公行完舂坎角炮台後落赤柱,落到去係tea time,,我哋求祈行到嚟呢邊, 其實我唔肚餓,老公亦只想飲啲特別嘢,佢睇吓menu,老闆就勁介紹嘢飲俾佢,佢就決定咗要南洋菠蘿冰同秘製墨魚餅,咁我哋坐去佢啲枱啦.但我冇理由唔飲嘢啫,於是又睇佢嘅menu,老闆叫我揀紅豆冰,包保我同我亞爺都未飲過,因為佢哋係紅豆冰嘅鼻祖,用椰奶同唔落糖.咁就試吓啦.好快,呢杯$55.00嘅雪糕紅豆冰到嚟,老闆叫我哋唔好撈勻飲,飲咗1/3至好將冰凍雪糕撳落杯嘢喥,否則會潟.咁我哋就聽話啦,椰奶有椰香味,唔太甜;紅豆夠腍;飲到咁上下,食嗰個雪糕,係芋頭味嚟,呢個冇問題吖.味道:5分   抵食:2.5分$66.00嘅秘製墨魚餅到嚟,一客5件,呢個熱騰騰,口感同味道都正常冇問題.味道:3分   抵食:2分$45.00嘅南洋菠蘿冰都到嚟,老闆同我老公講唔係用罐頭菠蘿,係用新鮮菠蘿,呢個同樣唔太甜又唔太酸,冰好似係沙冰.味道:5分   抵食:2.5分之後我哋再叫$35.00嘅青檸七喜原本想要清心薏米冬瓜茶,但冇,所以呢個,呢個冇問題啦.味道:3分   抵食:2.5分$80.00嘅蒜爆雞軟骨端上嚟睇,原以為係炸,但唔係,蒜蓉就係炸,見佢份量唔多,咁就唔係好值咁貴喇.由於佢唔係炸,所以唔係脆口,佢粘粘嘅醬油係甜甜地嘅,感覺膩膩地.味道:2.8分   抵食:2分…查看更多

山長水遠入到黎赤柱，行到好攰👀本身朋友介紹去Cafe Grouchos，點知誤打誤撞嚟咗呢間舖頭😂 叫咗雪糕紅豆冰，菠蘿冰，芒果西米撈，仲有秘製墨魚餅紅豆冰係椰汁🥥底，無糖，我諗好難喺茶餐廳捉到呢個水準！佢個雪糕仲要係意大利雪糕，嗰個侍應教，飲到一半先撈埋個雪糕球落去菠蘿冰又係冇落糖，用菠蘿嘅甜味去打晒成個冰，呢個都好幾驚喜！但係嗰個芒果西米撈，就真係千祈唔好食啦，啲西米硬過我個頭呀😂嗰個秘製墨魚餅就中規中矩，普通質素，但係唔知點解咁多人叫😂…查看更多

店主大力推介華僑整既喇沙,味道正常普通。成間得一個人煮,上菜速度極慢,叫左炒星米、雞串加3杯野飲。以為呢啲普通野食唔會好貴就冇點睇價錢,點知埋單仲要$400，全部麻麻地，又貴， 完全係中伏。…查看更多

前陣子因為在赤柱有聖誕市集才入來逛逛，不然真的很久沒來了~以前會來都是為了BBQ ... 但其實在這裡也有些小店是值得來嚐嚐囉像這家店 ，看似老闆的向我們介紹有些飲品是這裡獨有的!!紅豆雪糕 ($55) - 價錢來說有點貴，不過雪糕說是Gelato來的一開始話不要先吃雪燃，讓它稍微溶一下!!那先吃底下的紅豆，沒想到還頗配椰奶的味道~兩者加起來的甜度可以接受。可能是冰塊有點多再加上天冷的關係，濃郁的抹茶雪糕一直沒怎溶到 ... 菠蘿冰 ($45) - 賣點在使用新鮮菠蘿而不是用罐頭的椰青 ($45) - 有點老，但還可以吧~口開得頗大，可以輕鬆吃到內裡的椰肉！…查看更多

說起赤柱很多時候都是記得它那些fancy的餐廳、酒吧，漫步於海旁有點餓，就想著找個下午茶填下肚。路過見到幾個展牌八卦一下，除了特色泰國食品外，發現竟然有各式甜品，像是鮮果、手工雪糕etc.椰青 ♥♥♥ 不是很少見的水果，但要開殼真的很困難，像這家店開的口比平時買的要大一點(至少我感覺如此)，令入面的果肉方便食更更更多。旁邊很多人都點了椰青，真受歡迎，就是寒冷的冬天都適合這鮮甜解渴的飲品，可以喝又可以填飽自己。不過是否因為地段關係，其實有點兒貴。…查看更多

上菜速度極慢，落單後等了一小時分鐘才上碟韓式雞肉炒飯，味道一般。一小時十五分再上埋個聲稱係華橋整、好食既喇沙...實際味道未至於難食，係d蝦仔雪味好重，辣椒油味多過喇沙味。咁既質素，完全唔值等一小時。當時都係四至五台客（遲過我地黎既一台等到放棄走左），就算係一個人煮，都無可能咁慢呀⋯⋯…查看更多

見呢間餐廳冇乜人，諗住支持下本地小店。點知大伏。。。叫左芒果沙冰：唔知點解會成陣膠味... 蒜香雞軟骨：一食落就知是雪藏貨色，完全冇香口感覺... 最後店主大力推介華僑主理馬來喇沙：大伏。湯底味道好普通 配料雞肉重大陣雪藏味。真係買即食麵煮都好食過佢... 冇下次。野食太難食 只影了芒果沙冰。店主你睇到麻煩你改善下質素 始終遊客地方代表緊香港，做好少少唔該，真係一d誠意都冇，去7仔食撈面重好過你！！！重有 兩張枱食完都冇人執 好唔衛生。…查看更多

今日行完山好攰，搵間嘢坐低，我們一人四行去完toilet，看見附近一間都幾滿座嘅餐廳就入坐下來。一個中年男人走過嚟好好招呼介紹我哋，介紹我地食喇沙，又介紹我哋飲嘢特飲，叫我哋唔好睇餐牌，係睇圖片。 咁我哋就依照佢介紹叫咗一碗雞翼面，三文治， 喇沙同4杯嘢飲。之後等咗半個鐘都未有嘢，個中年侍應就走嚟同我哋講我哋只有一個廚師，所以啲嘢出得慢， 仲唔急得唔可以吹 。最後每15分鐘出一個菜，問題是好難食。我們被迫坐咗兩個鐘埋，幫去做了人多的假象，埋單仲要444元，全部唔好食，又貴又差，年初一行大運變成行衰運， 完全係大中伏。…查看更多

點左墨魚餅同喇沙米線。墨魚餅同喇沙米線，店主都表示自家制，米線辣度適中，份量足夠，而且用料充足。假日是一個不錯的選擇，而且位置可望海，欣賞海景，店主健談，店鋪亦不需等位。…查看更多

To start on a positive note, the drinks were pretty solid--I really needed that tasty fresh mango slush on a hot day out in the sun. The food, however, is pretty average--had a minced pork in lettuce wrap and it was okay. I'd also look out for hygeine, though it's outdoor food anyway, I suppose.The food took quite a while, even though I was the only customer there at dinnertime. I was seated right away, as all the eateries do that in the area, but had to wait for a bit for the grub to come. The service itself was fine--friendly and accomidating towards my needs when I asked for additional help, actually. All in all, it's okay.…查看更多

同兩隻寶貝去赤柱行街街， 行咗陣諗住搵個地方坐低食個下午茶， 神推鬼㧬下入咗去呢間，一坐低老細已表明嘢食要等因為廚房得一個人，ok無問題。食物平均$65~$80, 飲品平均$35~$45, ok fine我明白遊客區係咁上下，叫咗青檸梳打，芒果沙冰，星洲炒米，" 正宗星馬喇沙米線"等咗陣青檸梳打先上，完全唔甜，問問老闆先知原來正宗嘅青檸梳打係唔甜嘅， 甜嘅係唔正宗，長知識了....再過多陣星洲炒米來了，不得之了，自己睇相，大碟到.....味道就真係唔好講啦，我唔想講粗口&?!@$#%又過多陣芒果沙冰終於來了， 冇芒果味不過有少少甜已經好感恩....個星洲炒米我淨係食咗一啖就無好再食，喇沙一路都冇來，其實都等咗差不多半個鐘，"整緊整緊"....過多10分鐘，我想埋單，個喇沙想cancel，"整緊啦喎".....又過多10分鐘個正宗喇沙終於來了....除咗辣之完全無味，果然"正宗".....睇得出老闆一心做遊客生意，無打算做返頭客，但係可唔可以有良心少少呢？…查看更多

同肥髀出赤柱逛下！小朋友想食甜品，在海濱長廊有間！所以兩個人行到去，店員好熱情咁招呼入內，又好親切咁話坐低慢慢睇餐牌，唔啱都唔緊要！ 安排我哋坐店外最外圍嘅小圓枱！金屬枱膠櫈！食物有甜品小食！因為怕食唔落晚餐，所以叫一個甜品分！可惜舉手都無人理，最後肥髀行入舖搵人落單，最近門口嘅坐咗個男人（應該係老闆）即刻叫其他店員幫我落單！落單等一陣食物就到！賣相同相片差不多！可惜⋯ 燕窩椰汁西米露（$65）份量都幾大，綠色嘅西米煮得透，面頭嘅燕窩份量幾多，撈落去椰汁一齊食，椰汁比較淡，唔夠甜（我平時食少甜）因為西米同燕窩本身都無味，連椰汁都唔夠味就太淡！ 最大問題係椰汁內有大量姆指咁大嘅冰粒，如果一兩粒我都當打得唔勻，但十多粒太過分！我𢳂晒出來先可食完！唔係要我人肉打碎冰啩？食完埋單，係嗰個老闆收錢！我向佢反映啲大冰，佢話呢款甜品會打啲沙冰落去，可能打唔散，我話十粒咁多？佢就無再應我行咗去！呢啲態度我已經唔會再幫襯！我都已經比晒錢先反映係想佢哋可以叫廚房改善！ …查看更多

黃昏出赤柱海濱逛下！行過呢間小店，店外放有桌椅及太陽傘，後生仔店員攞住餐牌介紹！本來天氣凍，唔想食凍食（佢大部份都係凍）又比我見到有款「清心薏米冬瓜茶」（$30）仲要有熱！呢排唔夠訓！飲杯都好！ （人要愛護自己）店員入舖落單！我就坐在店外長枱傘下睇風景，呢間店對面係美利樓及卜公碼頭！可以望晒成個灣！風景優美！今日唔係好凍，有微風！之後店員用一隻大杯送上熱飲！同我講無晒鐵匙，要用膠匙（我唔覺得有問題）飲一啖，夠熱！ 不過印證咗健康都唔太好味！冬瓜茶啖啖哋！微甜無乜味！薏米煲得透煙韌！吹住微風慢慢飲！成身暖晒！仲睇埋黃昏先走！好悠閒自得！ 店員好後生！服務仲嫩！有時都唔知做乜好咁！要比老細「指導」不過好勤力拉客！努力！ 海濱長廊其實幾舒服！又比酒吧街相宜！去赤柱都係一個好選擇！ …查看更多

我們走過美利樓和赤柱市集來到海濱小賣亭其實這邊有頗多食店選擇<<撈家仔>>是因為他的休閒feel座位呢面前對著無敵大海景, 心擴神怡!!男友點了椰青解渴, 而我點最喜愛的楊枝金露另外還點了龍蝦燒賣滿足貪吃的我椰青 $40$40一個椰青, 嘩!! 不過真的很清甜, 椰味濃郁但椰肉很實, 很難刮出來, 刮了兩啖便放棄楊枝金露 $35這裡的楊枝金露比較特別我吃得到香濃的椰汁味, 西米採用大粒裝(比普通的大一倍)再加上甜蜜蜜的芒果味道和口感都very good龍蝦燒賣 $25美其名叫龍蝦燒賣, 但一點都不龍蝦味燒賣$25/ 8粒老闆絕對好賺過去搶劫呢~~哈哈哈哈…查看更多