摩豆

营业中

休息中

土鳳梨酥雞蛋仔 📍旺角 | 摩豆·作為一個雞蛋仔控不說自己是達人在香港也嘗過不少雞蛋仔了呢間真系麻麻同鳳梨酥不論是口感還是味道都冇乜關係只係加左少少jam而且都冇乜鳳梨味·但即便如此下次行街如果見到都仲想試下流心蜂蜜雞蛋仔·

It's a nice, hidden eggettes Store in the Argyle Centre in Mong Kok. It sells mainly eggettes but also some waffles, both, sweet and salty.I went there on a Sunday. Busy time in the afternoon but only one person there - taking the order, baking,... So you have to wait a bit.I ordered a salty cheese eggette. It tasted good, not like a "wow" but good. I think the prices are a bit too high. A normal, original one for 17$ is rather expensive compared to other places at Mong Kok especially.All in all

猶記得之前在花園街第一次幫襯摩豆個積及橙雞蛋仔果種驚喜: 每粒雞蛋仔都渾圓飽滿，外脆內軟，足料好味，令人一試難忘。及後夏季至，少咗食佢地當甜品，終於入冬，天寒地凍，到適合再食熱辣辣雞蛋仔的時機，於是就去咗幫襯位置旺角中心既分店。可惜，我後悔了，我應該行多幾步，去花園街總店的。當時係星期五晚八點幾，去到已經賣完最後一底積及橙雞蛋仔，不過唔緊要，我地諗住試新野，咪點個伯爵茶唻食。等待時望到佢既製作過程同製成品，已經感到不妙，啲雞蛋仔既shape同質感望落都不太討好。。。果然，等咗大約五分鐘，我接過份雞蛋仔，一份後悔之情油然而生，我從來冇諗過，摩豆雞蛋仔居然水準會跌到落呢個質素。個雞蛋仔每一個都像扁豆，扁撻撻，淋既，唔脆。明明剛整好，但阿店員吹一陣就入袋俾我地，再加上先天料唔夠，所以明明啱啱整好但都完全冇以前果種飽滿同咬落去有聲既脆感，感覺上似街邊檔擺咗成日然返你嗌就整返熱既貨色，但人地賣八蚊，你賣23 蚊。仲有，佢個雞蛋仔底面係痴唔埋，係好似分個兩邊咁既，我唔知係佢煮得唔夠耐定點，總之我食完之後感覺就係失望同憤怒。一間本來做得咁出色既鋪頭點解可以變成咁都可以賣俾客人既鋪頭，好多都係咁，紅咗

行經旺角中心，見到咧間Modos摩豆，Menu𥚃嘅雞蛋仔口味好fusion，什麼羅宋湯口味，綠茶紅豆，肉鬆什麼⋯ 最後決定了爆漿芝士雞仔$25+$5爆多芝士=$30店舖名字爆漿芝士雞蛋仔成品$30食後感真係好多芝士，咬咗一啖好驚喜，外脆內軟，非常值得一試，重囗味，亦唔會太「流」

💰$19.👻斑蘭味雞蛋仔💁🏻好香斑蘭味...個外表超靚，點解雞蛋仔都有超靚？因為佢外表整到好圓滑😂即叫即整都脆卜卜✋🏻#雞蛋仔..............................👇🏻地址👇🏻摩豆 (Modos)旺角彌敦道688號旺角中心一期2樓SA27A

而家旺角中心似足葵涌廣場一樣，除左賣衫、首飾之類，引入左好多既小食店，而家每一層都多左好多小食檔。飯前想食ｄ小食，我地就揀左雞蛋仔喇～ 班蘭雞蛋仔 $19等得唔算太耐，5分鐘左右。雞蛋仔偏淋身呀，本身都有少少外脆既，入面幾軟熟，但過左陣都變淋左，佢既texture唔係我最愛。味道都okay既，有微微既班蘭味，不過唔係太香佢地都仲有好多幾特別既味道，例如 羅宋湯 、肉鬆蝦乾 、芝士味，但我冇咩興趣再試喇。

旺中近排開左好多間小食店，好似變左葵廣咁，變左一個新嘅掃街熱點👅呢間賣雞蛋仔嘅鋪頭非常有創意，出左好多種唔同味嘅雞蛋仔😍由普通啲嘅芝士、朱古力到奇特嘅羅宋湯、鳳梨味都有! 我今次試左宇治金時味🖒雞蛋仔食落都幾香抹茶味，仲會食到粒粒紅豆，個人覺得幾值得試💕

旺中新開左好多間小食店，傳出最多香味既應該係呢間啦今次終於忍唔到手，買左一個泥食下太多古靈精怪既味道不過我淨係對朱古力味有興趣等左都一段時間，終於有得食啦今次香味唔算太多，但食落去真係落足朱古力架差唔多食完先發覺紙袋底都有好多朱古力碎

呢期雞蛋仔又係愈出愈多新搞作😏呢間modos出左名好耐架啦～之前試過佢既伯爵茶味宜家試下佢既👍🏿👍🏿流心蜂蜜雞蛋仔 hkd 23 🐝 佢每粒雞蛋仔入面都會有兩粒蜂蜜爆殊😂一咬落去會爆啲蜂蜜出黎😳甜又唔會話好甜，剛剛好✨係幾特別架～個口感好新鮮～值得一試架🤔

今日中午黑雨夜晚已經無再落可以照樣約fd食飯七半已經食完 就去旺中睇下有咩小食上次食過佢地流心蜂蜜雞蛋仔覺得唔錯所以再黎一試可惜今次鳳梨酥雞蛋仔都係賣哂叫左 斑蘭雞蛋仔 $19等左8分鐘就有不過唔知係因為雞蛋仔攤得唔夠凍定係烘得唔夠耐呢個係我食過最淋最淋既雞蛋仔大佬我諗八點未夠 你唔係趕收工呱旺角xx蚊兩底既雞蛋仔仲有「型」過佢人地起碼唔係毛巾咁軟淋淋我自己盡量攤開塊雞蛋仔嘗試救下佢 俾佢吹下風不過呢個雞蛋仔宣告失救 一蹶不振 呢塊係一塊「蛋糕」 由外軟到內平心而論 味道幾好架斑蘭味淡淡地 但無蓋過蛋味兩者比例啱啱好不過斑蘭fans就會嫌斑蘭唔夠喇其實只要佢個雞蛋仔整得脆呢舊雞蛋仔就可以好高分但願佢係一時失手因為上次個流心蜂蜜雞蛋仔 雖未算最脆 但至少企得起 今次俾個「ok」 希望下次唔再係軟過爛泥既雞蛋仔

其實好耐之前已經聽講旺中新加了好多小食店，但一直都冇去試，今日係突登去搵食嘅。上到去，原來吾係全部變食店，仲好似舊時嘅咁多時裝店，見到小食店都有好多，有食韓式炸雞，日本手卷，甜品pancake等，最後選了modos呢間專賣雞蛋仔嘅，佢有好多口味，我食左佢芝士雞蛋仔，喜歡佢係即買即整，可以嗌左order再行一陣返嚟拎，仲有玫瑰，朱古力等等。芝士雞蛋仔一到手，熱辣辣，又好脆，入面又真係好香芝士，咸咸地，又幾甲，不過少少貴，要25蚊，出面都係十幾蚊，當新口味試下啦。

細細個要默書100分，阿媽先會買雞蛋仔我食，所以對於細個嘅我來講，雞蛋仔係得來不易的亦都因為咁，對雞蛋仔總係有一種情意結！行過旺中，見到有雞蛋仔，又忍唔住想食啦!雖係佢有好多特別味，不過我都係鍾意傳統，所以叫左一個原味朱古力雞蛋仔（$21）！等左5分鐘到，就有得食啦，都算快！唔好講笑，都幾足料基本上每一粒都會食到朱古力，味道濃郁唔太甜！不過略嫌皮唔夠脆，似食蛋糕仔，同埋食得多會有少少膩，挐果兩個人Share 一底，應該會好好多！

和朋友在旺角中心找松饼，结果转角遇见了摩豆，想著之前有朋友說這家店評分很高，就進來試試本來想買流心蜂蜜雞蛋仔，但是今日沒有了，只好試試宇治紅豆雞蛋仔綠茶味其實不濃，勝在紅豆粒粒飽滿，甜度岩岩好，只不過可能他們家太著急出品，沒有吹很涼，個雞蛋仔本身不是很脆，拿久了會有種濕答答的感覺，很影響雞蛋仔本身的味道，反正我朋友是食了一半就不願意再吃了，全部丟比我雖然軟了失分不少，但是一個食下去正好飽肚，加杯熱奶茶都還是感覺好幸福，但是實在不值這個價格，適合想要嘗試新鮮口味的朋友啦

依家旺中真係多左好多野食不過今日就係沖住依間Modos黎 試下佢d雞蛋仔正5正先雖然有好多選擇 仲有抹茶紅豆 但都未吸引到我 (聽講抹茶味...) 反而係伯爵茶味！我極有興趣呢order脆d留邊 但店員話無得留邊的 甘就是但la～脆d就ok見到店員係用紅茶粉加入原味蛋漿 再拌勻的 食得lu～伯爵茶雞蛋仔 $23拎上手有d輕 (平時拎開媽咪雞蛋仔既抹茶紅豆太重) 不過這樣剛好！食完飯都仲食得落 而且食完都有點滯有點驚喜 味道不錯 伯爵茶味道挺出的！由頭脆到落尾 不過如果袋子有d洞洞會更好 第一次光臨 給我的印象不錯 會再來的 想試斑蘭味下午茶又多個選擇喇

Modos嘅雞蛋仔愈出愈多款，不過我每次嚟到都係一如既往會食返我最愛嘅積及橙朱古力雞蛋仔。積及橙朱古力雞蛋仔$23以依家坊間嘅特色雞蛋仔價錢嚟講唔算太貴，即叫即製熱辣辣，螢光橙色相當奪目。雞蛋仔唔算墜手，食落外脆內軟，而且質地係輕盈一啲，唔會好滯，味道完全就同積及橙朱古力餅一模一樣，中間嘅朱古力粒份量超多，有啲半溶有啲就似Oreo餅碎咁脆脆地，足料又好食。雖然情繫積及橙朱古力雞蛋仔，但係下次再嚟都希望試下其他人推介嘅土鳳梨酥雞蛋仔！