摩豆

今日行旺角，行行下有少少肚饿，星期六下昼2点几，唔想食太多，所以喺旺中揾下小食，见到呢间小食店都好多人等，所以试下。佢有好多味道拣，有啲都特别，例如罗宋汤鸡蛋仔😂今日想食得简单啲，叫左原味鸡蛋仔。等左10分钟，唔算太耐，佢新鲜热辣整出黎，食入口度仲出紧烟，表面系好脆口，好好食，但每一粒入面好似感觉冇乜味，食唔出蛋香，而且入面嘅口感亦都比较一旧旧，好似蛋酱比例调得唔够好。$20一底，表面脆口，热辣辣出炉，我觉得都算ok 啦…查看更多

今晚去买咗一份原味格仔饼，本身都好高期望因为都见有好多人食，我一食第一啖嘅时候就食到苦涩味，以为自己味蕾有事，男朋友食咗啖都觉得有，当下最怕就系佢个花生酱变咗，所以就去同同事讲，佢都俾埋佢个桶花生酱我试，原来系本身佢个花生酱有苦涩味………我个人就觉得花生酱苦得好奇怪因为平时食开𠮶啲都唔系咁，所以到最后系成个掉咗因为顶唔顺只苦涩味！…查看更多

活跃于鸡蛋仔关注组的大食妹，又再试多间鸡蛋仔小店，务求要试出全香港最好食嘅鸡蛋仔本身想试一楼嘅另一间鸡蛋仔小店，奈何去到嘅时候仲未未开门，上到2楼见到摩豆有好多唔同口味嘅鸡蛋仔，即刻叫返底试吓鸡蛋仔嘅价钱都算合理，$20-$30一底有好多口味选择流心蜂蜜鸡蛋仔$27叫咗个喺出边未见过嘅流心蜂蜜鸡蛋仔，$27唔算太贵鸡蛋仔热辣辣即叫即整，每一粒鸡蛋仔入边都有一粒蜂蜜味嘅爆珠虽然可以做到脆身，但系鸡蛋仔冇咩蛋香味，蜂蜜猪猪同本身鸡蛋仔嘅味道都唔系特别夹，呢个口味可以唔试…查看更多

喺旺角中心扫街见到「摩豆」，见佢哋有啲格仔饼即叫即整，闻到阵阵肉桂香，即刻忍唔住试咗个甜品先！🍎肉桂苹果格仔饼 $33一上枱就闻到肉桂香气，唔会太浓，啱啱好提味。格仔饼外层烘到微脆，咬落松软唔干，质感唔错。苹果馅系重点，酸酸甜甜，食落几清新，唔会太甜腻，带少少苹果肉嘅口感，几有层次。配埋热辣辣嘅格仔饼一齐食，好有秋冬甜品嘅感觉，钟意肉桂或者苹果味嘅朋友应该会几啱口味。📍摩豆弥敦道688号旺角中心第一座2楼SA27A号舖…查看更多

呢间一直都大排长龙，难得今日见冇乜人，终于尝试了。 等咗大约十分钟，终于攞到鸡蛋仔。新鲜出炉鸡蛋仔热辣辣，口味有很多，也很特别，有罗宋汤口味， 因为第一次买，所以选些保守一点的口味。今次选了班兰口味，再俾4元加麻薯， 鸡蛋仔外脆内软，非常惹味，正。…查看更多