摩豆

营业中

休息中

收工約咗朋友去旺角整香薰蠟燭，忙到冇時間食野突然間好想食雞蛋仔，於是自己就走咗嚟旺角中心，見到呢間有好多唔同口味嘅雞蛋仔，於是就叫咗一個斑蘭雞蛋仔，因為感覺幾特別唔係度度都有得食。因為佢即叫即整所以要耐心等候，不過就係咁新鮮出爐熱辣辣先至好食呀嘛望落去啲顏色都好有斑蘭色，食落去清清地又唔太甜，不過我就覺得佢啲味道同普通嘅雞蛋仔差唔多，食得多反而仲有啲口乾，可能真係要加錢配埋佢啲嘢飲食會好啲掛下次嘅話我會想試吓肉鬆雞蛋仔鹹鹹地應該味道會豐富啲

ʚ 摩豆ɞ旺中人氣雞蛋仔之一～🧇🧇🥚🥚🧇🧇ஐ —-ஐ —-ஐ —-ஐ —-ஐ —-ஐ —-ஐ —-ஐ✿ 雪糕雞蛋仔【$34】原味雞蛋仔+雙球雪糕(雲尼拿味&朱古力味)即叫即整，外脆內軟，食落脆脆地，入面唔係咁厚實，但好似麻糬口感個人幾鍾意，加埋雪糕一齊食，超正！口感好豐富。📍 摩豆 (旺角)旺角彌敦道688號旺角中心一期2樓SA27A🌟推薦指數(滿分五粒🌟)：🌟🌟🌟#hkfood#hongkongfoodie#hongkongfood#hkfoodie#foodiehk#foodstagram#instagood#foodlife#hkig#hkeat#香港美食#cloverlandhk四葉草#摩豆#旺角美食

🌿斑蘭味雞蛋仔 $23行過聞到浸好香嘅雞蛋仔味，見到班蘭味咁特別就試一試🤣 佢係即叫即整，所以係熱辣辣嘅，等咗5分鐘左右就有。口感來講，個雞蛋仔做到外脆內軟，個皮脆卜卜，裡面嘅口感有啲似麻糬，煙煙韌韌。味道方面，個雞蛋仔唔會太甜，但小編就覺得佢同普通雞蛋仔冇太大分別，斑蘭嘅味道就唔太出，要認真啲試先至覺得有少少斑蘭味，對於真係想食斑蘭味嘅人可能就會有啲失望。而且味道比較單一，食多幾粒會有少少厭嘅感覺。呢間嘅雞蛋仔嘅口感係做得唔錯，但今次試嘅斑蘭味就麻麻哋，可能其他味會好食少少，但呢一款就唔太推薦啦。味道: 6/10服務: 7/10回頭率: 6/10總評: 6/10

因為今個月生日無意之中發現網購平台有做生日優惠 送一張$30優惠券 買滿$31就可以用到 跟住我就搵啲差唔多價格嘅嘢去睇下有咩選擇 跟住就發現咗呢間舖頭啦～因為之前用個網購平台去staycation嘅緣故 所以有啲積分係入面 啱啱好等於免費 送咗個沙冰同埋芝士味雞蛋仔✨個益力多沙冰幾好味唔會好酸 好似有大杯細杯嘅分別 依杯應該係細杯✨嗰個特選芝士雞蛋仔 食得出有兩種芝士 面頭燶燶哋嗰一層 都係係芝士黎 ～燶燶哋食落去好好味好香 如果另外一種芝士 改用用水牛芝士嘅話 就會可以做到拉絲嘅感覺 感覺會仲正

上次就食過夾餅今次就食雞蛋仔😉蜜糖雞蛋仔食落脆既但質感就無咁實中間就係平時飲手調飲品既 蜜糖爆珠幾乎每粒都食到蜜糖既👍🏻結: 有構思過既組合👍🏻不過對我黎講就未致驚喜🥴經過又想食下野應該第二個選擇黎#蜜糖雞蛋仔 #摩豆

黎開旺角，食完正餐想食個甜品，就同朋友入左旺中，行左一圈，最後揀左食呢間雞蛋仔其實之前都食過兩次，覺得質素OK既 朋友揀左斑蘭味雞蛋仔，我地再加左兩球雪糕即叫即做，所以喺現場等左大約十分鐘啦到手係用左個杯裝住比我地，食起上黎都算方便~外貌就好靚喇，味道就一般般啦斑蘭雞蛋仔，朋友同我一致認為好普通，唔重斑蘭味，又唔係特別脆喎雪糕就揀左雲呢嗱同芒果，其實都無咩特別，應該係雀巢出品啦上次我試左呢間既流心蜂蜜雞蛋仔，係好味架，真係有流心，甜甜地咁，幾特別！推薦大家食嗰款啦 斑蘭就唔好喇

本身都幾鍾意食斑蘭蛋糕🙈經過旺中竟然見到有斑蘭雞蛋仔！仲要都幾多人排隊等緊😬就二話不說即刻走咗去買～雖然佢係即叫即做😆攞上手熱辣辣外面睇落去脆卜卜聞落去都略為有蛋香味但食咗之後發現... 兩個字 — 大伏😅其實我要求都唔高呀有啲斑蘭味就可以了🤨結果同原味雞蛋仔冇分別或者連普通雞蛋仔都不如🥲蛋漿明顯唔太均勻外脆內軟都做唔到🙁完全係空心嘅雞蛋仔$21蚊唔算平😞除咗個賣相還可以接受之外水準完全係below average食完之後突然之間sad咗🙃曬咗錢又嘥咗個肚食其他好嘢中晒服呀大佬真係搞唔掂可能係整呢個店員有問題🥶因為我見網上都有啲好評唔知啊反正以後唔會再食如果大家有食過不妨都分享吓好唔好食...⭐️ CP值：🐘🐘⭐️ 打卡able：🐘🐘⭐️ 舒適度：N/A⭐️ 再食指數：建議唔好🥲

有日放假經過旺中，聞到香濃嘅蛋香味，就係「Modos摩豆買咗一份伯爵茶味嘅雞蛋仔，價值$25！😊等咗五分鐘就拎到，除咗濃濃蛋香之外，伯爵味都好出，甜度適中，食完仲有一種齒頰留香嘅感覺！呢個小店仲有其他特色口味嘅雞蛋仔同格仔餅想試！😋

一直都幾鍾意食依d特色的雞蛋仔，可能今日唔好彩揀左個味麻麻地。。。積及橙朱古力雞蛋仔，見到店員整左一個，之後唔成功😂😂，再整多個比我。聞到好香橙味，外皮都幾脆，內心軟軟地又帶左少少Q彈幾好口感，但食唔出橙味？？？ 朱古力係朱古力粒，d朱古力都比得幾多下，幾夠味。有d失望係食唔到橙味，但又聞到….，下次揀過第二個口味應該冇問題，整體黎講係唔錯的，會再次幫襯試下其他味。不過依d真係要趁熱食，凍左之後個心就冇咁Q彈店員服務態度都好好👍

今日去開旺角，經過童年回憶旺中忍唔住入咗去掃街🥰 第一站就係雞蛋仔。Modos有好多特別口味揀，例如流心蜂蜜、土凰梨酥、肉鬆蝦乾等。不過同行朋友接受唔到咁進階嘅口味，所以我地就食咗平凡中帶點不平凡嘅伯爵雞蛋仔。等咗大約10分鐘，熱辣辣嘅雞蛋仔就到手喇！見到伯爵茶落得一啲都無手軟，成底雞蛋仔都舖滿茶葉碎，聞落係好香嘅茶味。咬落好有驚喜，餡料煙韌，偏向麻糬質地，大滿足！注意事項⚠️鍾意食脆卜卜嘅，到手記得要盡快食，我地行到出旺中都腍咗了🙈📍 摩豆 旺角彌敦道688號旺角中心一期2樓SA27A

好難食雞蛋仔黎講真係好難好難好難食點解？個雞蛋仔係濕架！濕再淋 難食到好似食緊未熟既麵包又粉 吾知點形容 總知就係咁大個人未試過咁難食既雞蛋仔仲要係冇味 好似成個雞蛋仔用粉黎制作不可一不可再仲要成$18 一啲都吾值！以為大家拎住係正常嘅嘢 點知係伏到咁最嬲係話即是制造，但都咁難食係點做到？搵人笨嘅係旺中黎講真係中心位 好位置但浪費其他冇試 都吾會有下次，食左一淡馬上掉因為吾知食緊啲咩落肚 就好似食緊啲粉落肚咁 唉 中伏

人生第一次食到呢啲咁難食既雞蛋仔 一拎上身見到勁薄 可以用晶瑩剔透泥形容！！都算 我當佢皮薄啲 點知食落口 口感軟綿綿 淋到好似放左好耐先拎出添泥比我咁 仲衰過出面街邊個啲 仲要係暗花特別版（起洞洞）重點係仲要夠膽死賣18蚊原味 咁我幫襯返街邊個啲唔好 本來之前聽朋友講其他味個啲得個色無味 我諗住原味應該無伏 點知咁垃圾以個人食雞蛋仔既經驗：制作慳料，溫度控制差。一個字：伏 兩個字：大伏四個字：伏伏伏伏一個字：伏 兩個字：大伏四個字：伏伏伏伏

除咗難食就係非常之難食人生食過最難食嘅雞蛋仔簡直係伏到不得了嘅雞蛋仔仲要$25真係拎食拮魚蛋燒賣仲好簡直係刺激眼球完全係一Pat野扁撻撻咁連想完整摵一粒食都有困難說好的雞蛋仔呢？有圖有真相無吹水真係好醜嘅雞蛋仔見到個樣都知唔好食仲衰過果啲空心雞蛋仔空心雞蛋仔起碼都仲有個形係度呢個真係唔知咩玩法同一塊抹布差唔多俾返少少拱形都好呀大佬呀一拎上手一分鐘都無就已經扁到咁想點呀可以話係完美演繹被坦克車輾過的雞蛋仔

🍵宇治金時格仔餅 $26佢哋嘅雞蛋仔同埋格仔餅都係即叫即整預大概要等10分鐘透過薄薄嘅紙袋摸到佢熱辣辣格仔餅好厚身 咬落紮實但唔會話成口麵粉帶蛋香味 反而抹茶味唔太突出。話明宇治抹茶當然唔少得紅豆厚厚嘅格仔餅夾著紅豆蓉質地綿密黏黏哋 唯獨調味略顯過甜整體都幾有份量 建議同朋友分會更滋味！

好耐冇行過旺中，見到呢間雞蛋仔menu吸引，口痕痕就買個班蘭雞蛋仔（$21）試吓啦。見號碼只係四個，點知等等等等等，等咗20分鐘先有，原來中間仲有個foodpanda整成六七個雞蛋仔。早講要咁耐，我就行吓再返嚟啦。等咁耐，以為慢工出細貨，點知一拎上手係咁：整得咁肉酸嘅再睇落啲……嘩！直頭蓮蓬圖咁根本冇心機整。趕交貨都唔係整到咁吖。味道方面好驚喜，係驚喜地差。外脆內軟做唔到，完全係空心雞蛋仔，班蘭味係香精味。$21唔算平，賣相唔得又難食再加等咁耐，冇下次。中晒伏。