摩芽雞蛋仔

营业中

休息中

去附近食完西餐，但又唔夠飽，行行下見到有雞蛋仔，啲口味賣相仲好特別，有橙朱古力啊，流心蜂蜜啊，凰梨啊。。。😍（平時好少食雞蛋仔，食黎食去都係原味），立即被吸引過去。最後叫左蜜糖星星朱古力味，8點零鐘條街都幾靜，得我地買，等左5分鐘就有喇。賣相真係好靚。新鮮整熱辣辣夠脆口，好味啊，每啖都有超多朱古力粒粒，外脆內軟。如果個軟心多啲就更加好喇。下次會想再試下其他口味咁靚一定要影番張相呃like背面真係超多朱古力！無偷工減料

而家多左好多特式雞蛋仔，係太子都見到呢間宣傳牌，就買黎試下。我揀左蜂蜜流心雞蛋仔同埋西柚夢幻多多。都幾驚喜，個流心諗住會係騙人，估唔到佢個流心係攞左蜂蜜味爆珠，造呢個流心效果。甜味適中， 好重蜂蜜味，個餅底都好脆口。而杯飲品，係呢期都幾興既蝶豆花整既。係真係幾靚嫁，味道我揀西柚味，都係偏酸，但又唔係太甜，都幾清新。35蚊飲品加雞蛋仔（好似係有優惠），價錢都可以接受。

星期五晚730開會，末齊人，買野咬下。即買番個雞蛋仔，本來想食朱古カ星星，但眼睛被流心蜂蜜四個大字吸引住，想試下幾流心，心想間野開左一般時間，應有D料到，否則執左啦，流心聽落幾吸引，就試下。等左5分鐘到，我係第四個，差吾多啦，即叫即做，店員都有笑容幾好禮貌。熱辣辣拎上手，見到有蜂蜜，再咬幾口，外表甘香微脆，內裡有肉微甜軟綿綿，正，最怕得個殼，抵讚係望落我本來以為會成手被蜜糖攪到癡粒粒，冇喎，D蜂蜜癡係雞旦仔上面，真係溶系ロ吾溶系手。蜜糖味就0K啦。

到太子搵食，特意前來當然要光顧一下我最喜歡的摩芽雞蛋仔，試過荃灣分店，但味道和誠意總不及太子這間好，而我最喜歡的就是朱古力星星雞蛋仔($23)，太子店的朱古力味也份外香濃，也烤得外脆內軟，雖然每次都要等上15分鐘以上，而這天也漏了我的單，但店員姐姐很好笑容也誠貇道歉，好吧，我還是會再光顧你們的XD

平時得長洲先有嘅大魚旦，估唔到黎到呢度都有得食，仲要唔係太貴，經濟又實惠，仲有得揀加咖喱汁，咖喱汁仲要又香又濃，鍾意食咖喱嘅朋友絕對唔可以錯過，正餐與正餐之間食反粒，又可以醫肚，又唔會係食正餐嘅時候食唔到野。

今日放工行過見到杯野飲會着燈咁得意，就買咗杯來試吓， 都有好多隻味揀我就鍾意飲荔枝，所以就試咗杯荔枝魔幻花茶，飲落去唔會太甜仲有啲茶香,好解渴，除咗杯嘢飲好飲之外仲可以用來呃like，下次都會再嚟試埋其他味道。

太熱嘅天氣令我突然之間想食雪糕，係咪都＄40所以我決定揀個最貴嘅嚟食，就係土鳯梨喇，土鳯梨雞蛋仔加雪糕，店員遞過雞蛋仔雪糕上嚟嘅時候我吾覺意跌咗個雪糕落地，店員竟然吾系擔心要整過或者整污糟地下，反而係即刻遞紙巾仲問我有冇整親，最後佢仲比多個雪糕我，搞到我都10分唔好意思，服務一流👍👍講返個雞蛋仔，土鳳梨搭雞蛋仔估吾到又幾好味，加上我至愛嘅曲奇雪糕重要有兩大個球😍雖然係賣＄40有啲貴但係真係食店員嘅服務態度都值回票價。

買左一set combo ，洛神花茶+朱古力味雞蛋仔配曲奇味&雲尼拿味雪糕，共五十幾蚊。店員做得好辛苦，企近啲間鋪都覺得好熱！ 店員好nice , 好講得笑！ 仲用佢地嘅經驗介紹我食朱古力味雞蛋仔，保證影相靚& 好食！ 一試之下，果然唔錯！ 朱古力味濃，而蜜糖星星要係遂粒放落個pan 到先整到，用心製作！ 係香港開鋪，賺到$ 先有$ 交租，唔想輸就真係要賣創意了！ 星星雞蛋仔係成功嘅～ 👍🏻👍🏻👍🏻👍🏻如果個雪糕球可以大舊啲就好了😆😆😆

上次食過雞蛋仔覺得太飽吐，今日食飽飯嘅我試咗8蚊一條嘅芝士魚棒同7蚊6粒嘅魚蛋，魚蛋好彈牙，值得推介，芝士魚棒就有啲流心嘅感覺，不過略嫌細條得滯，但食通天嘅我唔覺呢隻多地方有得食，下次想食芝士魚棒都會過來食。

上次自己來食原味，已經覺得味道唔錯，今日帶埋老婆來食，佢話要試雙重朱古力點知重驚喜，因為試過出面(其他舖頭)嘅朱古力大部份只係得個味冇樣或者只係得個樣無味，今次色水又深又濃味，啱哂我，下次一定會再來

雙重朱古力雞蛋仔外脆內軟，朱古力味夠濃，仲加埋朱古力粒，係我面前有五個人買左但係等嘅時間都唔算太耐， 唔使5分鐘新鮮滾熱辣嘅雞蛋仔就出現係我面前，仲值得一提嘅係店員嘅態度好好，比埋紙巾我，下次會再試其他口味

雞蛋仔店愈開愈多，五花百門既創意雞蛋仔真係數之不盡，有人愛食傳統原味單口味，有人愛做勇者試混合味，我就係後者。今日途經依間雞蛋仔店，見到有各式各樣既款式賣，同朋友叫左每人各一口味<<朱古力星星雞旦仔>>平時都係食開純單一口味，依款除左有朱古力味之外，入面仲加左粒粒星星，朱古力食落好香濃，粒粒星星入口仲有脆口感，軟脆雙重口感好得意<<蜂蜜流心雞旦仔>>離遠已聞到陣陣蜂蜜味，雞蛋仔質感脆囗，每口雞蛋仔內都有蜜糖流心，一咬就流哂出黎，食落幾潤喉之外都幾新穎，食完反而覺得滋潤去熱氣感覺

近年雞蛋仔大行其道，終於忍唔住！今次試呢間，點左「紫星」，個樣就真係好靚！粒粒星星都好清楚可惜，真係for 影相！味道，我直頭食唔出係咩味，香芋又唔似，紫著又唔係！好普通既雞蛋仔～雞蛋仔唔脆，大多數星星都唔脆！個配搭有點怪！食落口一堆粉咁，仲要$23，確實有點失望

最近人氣急升的雞蛋仔店—摩芽雞蛋仔憑着星星造型雞蛋仔風靡了不少食客之前雖然在葵芳見過分店 但最憎等的我見到大排長龍就放棄了🙊得知摩芽在我於太子學日文的附近開了分店有次見到摩芽沒有太多人在排隊 所以就買了星星 Chocolate Starry（$23）賣相確實與圖片相符 真的是一閃一閃小星星🌟深啡色的星星雞蛋仔每粒都包着早餐食的蜜糖星星雞蛋仔是朱古力味的 雖然朱古力味不是很重 但不會太甜 蛋漿好足料 中間是實心的 還有碎朱古力在裡面雞蛋仔烘得香脆 蜜糖星星則有少少腍 可能因為烘雞蛋仔時的熱溫烘腍了😟但的確為雞蛋仔增加多一重的口感 值得一試！😋

新店直撃❗️黎自星星的雞蛋仔🌟一閃一閃小星星～～～🎤Sweet爆的蜜糖星星😍痴住左係朱古力雞蛋仔上面呀！🤑賣相夠哂Gimmick啦！💯朱古力星星雞蛋仔 🍫⭐️🍮 ($23)小店雞蛋仔款式多到花多眼亂呀👀嘩！連流心蜂蜜同紫菜肉鬆都有！😳叫有選擇困難症的朕如何自處呢～😫一拎上手😛星星雞蛋仔造型可愛到爆呀❗️每粒雞蛋仔BB入面都有蜜糖星星架😍見到店員好好心機咁放落每一格度😂淨係心思都滿分啦！👏🏻雞蛋仔拎上手仲係熱辣辣架🔥蜜糖星星仲keep到脆身！好抵讚👍🏻細味蜜糖星星的甜甜蜜蜜☺️每一啖都咬到脆卜卜的蜜糖星星👄口感堅係好過癮呀！👻亮點黎喇‼️朱古力雞蛋仔入面仲有半溶朱古力粒架😳質感介乎溶同唔溶之間😍配合軟綿綿的蛋芯🍮品嚐到濃濃的朱古力氣息～🍫啱哂朱古力控們啦😛口感層次即刻升呢！😍