摩芽雞蛋仔

营业中

休息中

賣到二三十蚊嘅雞蛋仔，冇錯係好多花款，又唔同顏色又喺中間擺唔同嘢咁，可惜本末倒置，連普通小食檔賣緊$13嗰底都不如。出色嘅雞蛋仔係可以一粒一粒咁啪出嚟，而呢個價值廿幾蚊同等咗十幾分鐘嘅產物，係要用搣嘅。拎上手已經知唔對路，睇相都feel到個口感同熱香餅係冇分別（攝於出爐後一分鐘內），一食果然不出所料，淋過毛巾。咁嘅質素已經唔expect入面嘅蛋漿會幾香濃，而事實亦係完全食唔到。所謂嘅流心蜂蜜，原來係疑似蜜糖味嘅爆珠，又唔流心，又唔蜂蜜，得個甜字。順帶一提，珍珠奶茶質素亦奇低，係溝淡咗嘅茶味+稀稀地嘅奶水，實在大開眼界。

A street food that deserves waiting:1. Made upon ordering and hence a bit of waiting time2. Orange flavoured for real3. Chocolate bits in each eggetts4. Crunhy honey stars in each eggetts5. Served hot and crunchy, nom nom

今日等緊friend又有d肚餓諗住搵d小食店食少少野先行過見到呢間雞蛋仔好似幾吸引我記得之前有人介紹過喺葵廣既分店只要係介紹d星星雞蛋仔本身我都想食星星雞蛋仔覺得入面有d脆脆地既星星 口感應該幾好但轉個頭就比土鳳梨雞蛋仔吸引左呢個口味我真係第一次間唔太想像到個口味係點所以想試下食左第一啖就知自己冇揀錯啦唔食落個味其實有d似鳳梨酥酸酸甜甜咁樣但個口感唔係鳳梨酥咁鬆軟雞蛋仔既皮好脆入面就軟軟地有少少煙un而且土鳳梨一d都唔少真係每一啖都會食到呢種口感配埋呢個味好新奇而且係超級好食我以前食過好多味eg斑斕 芋頭 芝士等等但都覺得土鳳梨贏曬佢地$25黎講我覺得唔算太貴 性價比都算ok

話說今日經過太子呢頭陣陣雞蛋仔既香味已經吸引左我遠望埋去見到一大片紫色二話不說就已經埋去買左份黎食#紫薯加埋粒星#誇張到打個嗝都仲有陣紫薯味係度#忙埋偷閒#太子汝州街

約左朋友喺太子食飯, 見時間未到又餓餓o地, 周圍行下睇下有冇 D 小食可以咬下, 醫醫肚｡ 離遠已經見到呢間小食店, 因為佢個門牌好大塊, 而且好鬼光, 絕對係會吸引到途人注意｡行到小食店前面, 望望 Menu, 見到有好多款式唔同味道嘅雞蛋仔, 而且仲有星星雞蛋仔添｡ 不過, 識食嘅緊係先試下佢個原味先啦 原味雞蛋仔佢D雞蛋仔即叫即整, 所以都要等 5 分鐘左右先有得食｡ 攞到上手熱辣辣, 外面都烘得脆卜卜, 而入面嘅口感幾煙韌, 不過味道就略甜｡

返歸既時候經過呢間鋪見到有雞蛋仔，突然有衝動想食，又見無人等緊喎！就任性地行左過去望下有咩味揀！揀左陣都係揀返上次食過既橙朱古力雞蛋仔，跟住店家就推介我試下加星星，好似話脆啲喎？咁咪試下新野囉，要加錢架！平日下午茶時間無咩人，等左幾分鐘就有得食! 外貌方面就幾趣緻既，每格雞蛋仔都有粒蜜糖星星，我覺得小朋友應該見到會幾開心.....雞蛋仔緊係襯熱食啦，影完相就即食喇！咬落去，嗯，係幾香幾脆既，成底雞蛋仔都脆既，甜味適中，有朱古力味，因為佢係每格都有朱古力釘架！但就無咩橙味呀咁好似？個人認為粒蜜糖星星搶晒鏡，成個雞蛋仔係脆，但無晒內軟既質感！我都係比較喜歡無加星星果彈既外脆內軟既口感同埋質感，所以我下次會堅拒加星星架喇！

上次去葵廣無紫星好唔開心,所以今次去到太子一定要食!由於我好早就去,所以無人唔使排隊,等左陣就有得食~~我叫左紫星而對佢無興趣gei朋友就叫左橙星,姐係香橙朱古力~其實紫星要有香芋味,不過佢味道唔濃,但因為加左蜜糖星星,口感脆卜卜,所以我又覺得幾好食.就當佢純粹紫色的原味雞蛋仔,哈哈至於香橙朱古力就真係有驚喜,事關自己的話係一定唔會叫,因為我唔鍾意食朱古力,呢個味道就係tintam o個隻味,真係好香濃,橙味好出,而朱古力都唔會太喧賓奪主,起碼我都覺得好味~加上佢同紫星一樣又蜜糖星星,所以口感又係脆卜卜.兩者相比之下,雖然好唔想承認,但橙星真係好食好多有味好多.如果你本身好鍾意朱古力的話,就一定要試啦,裡面,真係有朱古力粒添阿~~~呢間店仲有D台灣腸仔~都幾好食,值得一試!

Egg waffles are flavourful and crispy. Their prices ranges from $15-$25. They have interesting flavours like pineapple and taro

喺ig度見到摩芽嘅哩款星星造型嘅雞蛋仔，cute到爆，想食佢好耐㗎啦，咁啱喺嗰附近，就算唔順路都要去買黎試吓啦。去到連排隊嘅時間都慳返，即刻就買到啦，不過要等6mins左右。由於係香芋嘅diehard fan，所以諗都唔諗就揀咗「紫星」😎 話咁快熱辣辣，脆卜卜嘅紫星雞蛋仔就整好啦，每粒雞蛋仔都包住一粒星星㗎，雞蛋仔外面好脆，再加埋啲星星，簡直係脆上加脆lor。雞蛋仔裡面係實心㗎，仲有幾濃嘅香芋味，我鍾意啊。- 紫星（$23）

今次第三次光顧，每次水準不斷下降，三次都order double chocolate 味道，第一次還可以，雞蛋仔外脆內暖，第二次好明顯火候時間有問題，成底雞蛋仔既，到今日再光顧，底雞蛋仔居然可以自已左右分開左，好明顯根本未得就俾客，留意返今日冇人都唔使排隊，應該唔會再光顧

下午餐時間到又唔想食得太飽，啱啱經過太子見到這間雞蛋仔，記得之前電視都有介紹過！店員都好落力推介，之後就點了一款芝士味雞蛋仔！因為這些雞蛋仔是即叫即整的關係，大約等了五分鐘香噴噴熱辣辣嘅芝士雞蛋仔就有得食喇！ 一咬落口外皮係脆卜卜,入面 暖暖的,好香濃嘅芝士味, 甜甜地鹹鹹地 ,好好味 雖然25蚊一底覺得有少少貴，但係味道勝於一切，下次會再試其他味道的！

雞蛋仔一向是港式地道小食的代表之一，喜歡吃雞蛋仔的香港人數目之多，從各大雞蛋仔名店往往需要排隊購買便可知道。在眾多主力售賣雞蛋仔的小食店之中，已在九龍、新界各區開了五間店舖的「摩芽雞蛋仔」可算是後起之秀的表表者，售賣的雞蛋仔口味多多，從最便宜的「原味」（$16）到最貴的「土鳳梨酥」（$25）都有，而初次幫襯的我，就捨棄了其他同樣吸引的口味，好像「橙朱古力」、「雙重芝士」、「流心蜂蜜」、「紫星香芋」等，揀了「土鳳梨酥雞蛋仔」來作第一次的嘗試。 這以台灣有名的土鳳梨酥作為餡料的雞蛋仔，無疑在味道層次上是較豐富的，香脆的雞蛋仔除了討好的甜味外，還夾雜有餡料中的土鳳梨酸味，煙韌的土鳳梨酥，也著實為外脆內軟的雞蛋仔增加了另類的口感，不過這雞蛋仔的土鳳梨酥餡不是太多，所以土鳳梨酥的味道不算十分突出。也許，店子是不想酸味太重把雞蛋仔的甜味蓋過吧？不過喜歡吃台灣鳳梨酥的我，就寧願土鳳梨的份量多些，味道再突出些了。

雞蛋仔。香港人十分熱門嘅小食，近排仲有個專屬嘅藝術節添。雖然無咩興趣想去，但經過呢間鋪就買返底黎應吓節。蜂蜜雞蛋仔。一底二十三元正。雖然無廣告圖咁流心，但都算足料。差不多每個雞蛋仔入面都有兩粒蜂蜜珠。可惜的是蜂蜜不是蜂蜜，感覺係搽多士嘅糖漿。食晒一底都幾''漏''的。但雞蛋仔本身都做得鬆軟，邊邊位都脆。雖叫流心，但應該更正做爆心先啱，因為為蜜糖珠要食到入口先爆開，所以流心效果不如理想。行街行到口痕，港式小食絕對係唔錯嘅選擇。

經過太子，見到呢間鋪頭，記得之前電視有介紹過，就停抵睇下佢有咩特別之處。呢間雞蛋仔以新式雞蛋仔而出名，除咗傳統雞蛋仔，仲有啲咸味雞蛋仔，好似咖哩肉鬆咁，仲有一啲視覺為主嘅，紫星係當中比較特別嘅一個，係香芋味雞蛋仔，配上星星脆片，睇落都幾靚。原本都有諗過紫星，但最後驚太伏，所以就揀咗感覺比較保險嘅流心蜂蜜味，雞蛋仔味道香甜，外面微脆，內部就幾鬆軟。只所以叫流心，係因為雞蛋仔入面有啲蜂蜜爆珠，一咬開，啲蜂蜜就會爆出泥，做成流心效果，尚算驚喜！

行行下街，肚仔餓，見到個staff好落力sell雞蛋仔，就買咗流心蜂蜜雞蛋仔。流心蜂蜜雞蛋仔流心，流心？即叫即整，由於少人，所以等咗幾分鐘就有，熱辣辣。雞蛋仔外表香脆，剛食時內層就好似空心既，有啲都有蜜糖味，但都唔流心。當覺得好失望，食到中間位，雞蛋仔中間嘅蜜糖真係有流心嘅效果，爆出黎，又有驚喜了。但個蜂蜜味，冇想像中既美味。蜂蜜似用咗蜂蜜味既爆珠，咬完有張皮係入邊。蜜糖偏甜，唔純正。