捌捌陸台式料理 (D2 Place ONE)

【絕不推薦的災難級用餐體驗：服務混亂、食物不好食還要收服務費！】「貼錢買難受」！呢間餐廳絕對係離譜的飲食災難。首先，出餐完全失控。簡單一個套餐竟要苦等半小時才上桌，期間後到顧客反而先取得餐點，追問就當聽唔到。更荒謬的是餐飲部分！兩杯普通飲品足足等候超過一小時，好不容易盼來第1杯竟是錯單，而第2杯直到用餐結束都未出現。有向員工反映，只得到機械式回應「嚟緊」，然後就再無然後。最令人驚訝嘅係，「0服務」嘅餐廳竟敢收取服務費！門口只有一個唔知講咩鄉下話，溝通唔到嘅「婆婆員工」。餐廳全QR code 落單，連QR code 都係自己去水吧拎。等待半小時後，現場6枱客，有一半都未有食物，但水吧只顧出外賣，所謂「服務」根本從未存在。至於食物品質更是慘不忍睹，睇圖已經明白🤦🏻‍♀️唯一食哂嘅係4粒花枝丸。總結呢餐背脊骨落嘅晚餐：漫長等待、服務缺席、食物難吃，卻還要支付全額費用加服務費。強烈建議各位珍惜時間金錢與腸胃，絕對要遠離這個美食地雷！…查看更多

一直都話現做的蛋餅，做咗45分鐘都唔見影，問就話係現做所以會耐，耐到雞蛋都孵出雞仔了…… 見住隔離枱遲我哋25分鐘坐低，5分鐘就有蛋餅食…… 依家仲未到嘅蛋餅，急問，在線等，究竟我仲應唔應該等落去？！其他枱已經轉咗3輪…… 人哋8人枱遲嚟30分鐘都食完走人，點解我個蛋餅特別耐？其他兩個麵都等足30分鐘，之後先去催，問咗兩次先上兩個麵….食物質素普通，似味精味道，價錢唔算平…冷氣一邊凍到癲一邊熱到癲… 都唔知坐邊度好…在線等……查看更多

位於荔枝角D2 Place 的捌捌陸台式料理主打台灣夜市風味，這次試的是花雕醉雞卷肉燥飯配涼拌木耳、酥炸花枝丸及蜂蜜綠茶。醉雞卷酒香溫和，雞肉嫩滑，配上鹹香肉燥飯，味道層次分明。涼拌木耳爽口，醋味清新，作為配菜十分開胃。花枝丸外層酥脆，內裡彈牙，花枝味濃，是整餐的亮點之一。蜂蜜綠茶甜度適中，茶味清香，作為飲品剛好平衡整體口感。環境：店舖裝潢有台灣街頭風格，氣氛輕鬆熱鬧。價格：套餐約$90，以份量及味道來說屬合理。食物質素：食材新鮮，味道穩定，醉雞與花枝丸表現突出。食物種類：台式小食選擇豐富，定期推出新款，適合多人分享。如果你鍾意台灣夜市風味，這個組合值得一試。…查看更多

之前食開呢間，上次以為係換晒啲員工，原來直程轉咗手做一個潮州家庭去接手，所以佢哋溝通之間會聽得到店員會講普通話 好似係惠陽嗰邊。平時食開好鍾意食佢嘅台灣牛肉麵同滷水，唔怪得知上次個蕃茄湯變咗味，今次就冇嗌，想試吓啲潮州嘢同埋佢本身鍾意食酸菜魚，唔會好油膩一點我嘅欣賞，魚片同酸菜份量都適中，不過朋友就覺得好似唔係好夠正宗味道 怕辣嘅我食都覺得唔辣呢個餐好似係$78 /98 ，因為轉餐要加$20包一個細份嘅前菜小食，譬如青瓜 🥒同埋一杯嘢飲 係普通嘅茶，不過幾好飲杯茶好大杯唔錯，但係我哋加$18呢個涼拌辣蓮藕 就有啲驚訝，冇諗過係啲醬汁咁樣，同埋好奇怪，而且係非常之辣 撈咗好多辣油？立立令嘅。… 我哋放棄咗。我嗌過好想食嘅滷水拼盤，牛腱比較硬牛肚都係，豬手同埋牛筋反而好腍好味， 雞蛋有蛋香，但係就普通質素啦，唔係靚蛋，食蛋黃就知 $88幾抵食幾大份之後覆咗以為滷水牛腱$98都係咁靚，點知係勁細份，個兜勁大擺盤好大，但係底下全部青瓜絲，牛腱切得勁薄…..外賣嘅滷水拼盤，牛腱都好似細舊啲… 係咪諗住我哋唔知？…不過呢個始終我未食過可能佢就係咁樣，其實我係想食返頭先真係台式滷水嗰種…嗌咗呢個餃，老闆都送咗幾粒唔同味試，因為我哋又再嗌 但係感覺真係好似手工劑，個皮係爛爛的 有啲似非常失敗嘅蝦餃啲餡料都好似爛蓉蓉 睇嚟廚師手工有待改善 不過之前唔見有呢樣嘢係Menu，可能佢都係創新試吓 我諗大部份人都唔鍾意呢種口感試咗紅色黃色同埋綠色，覺得綠色呢隻有馬蹄最好，其他都真係…. 又唔係難食，但係絕對唔係好食🤣🤣豬手入味好腍肚餓再嗌碗潮式粉，因為冇咩米飯，合格吧，呢個價錢都大碗 不過收埋齋$100就有啲貴…有四片魚腐四片，潮州扎肉咁嘅嘢，魚腐好味 另一個朋友都鍾意呢個甜嘅蓮藕就係喺順德食過見到有就唔理佢好唔好味都嗌咗先， $28都OK嘅 好過麻辣嗰個好多先🤣🤣不過都幾甜蓮藕粉粉地都過癮 $68.5斤餐醉雞卷拼滷肉飯 都係呢啲性價比高 但係佢唔知係咪唔識控制火候 西蘭花都好硬🤣🤣呢度有啲嘢就夠有啲嘢就好硬整體而言服務OK嘅 不過佢哋忙嘅時候就可能態度未必咁好，但係你如果有要求佢都會盡量幫你達成嘅總括而言，如果真係下次要嚟呢度，嗌返台式食物好了都唔好咁多創新嘅菜🤣🤣🤣順帶一提，如果佢個鹹雞好似有啲細隻…查看更多

位於荔枝角D2 Place的捌捌陸主打台式料理，這次試的是鹽水手撕雞肉燥飯配紅茶。手撕雞肉質嫩滑，鹽水調味清爽不搶味，配上香濃肉燥飯，味道平衡。紅茶茶味濃郁，甜度適中，入口順滑，是一款簡單但有誠意的台式套餐。環境：店面整潔，座位夠多，氣氛也比較輕鬆。 價格：套餐約$98，份量足夠，性價比合理。 食物質素：雞肉新鮮，肉燥香濃，紅茶表現穩定。 食物種類：台式飯麵、小食及飲品選擇多元，定期推出新款。如果你鍾意清爽雞肉配香口肉燥飯，這款套餐值得一試。…查看更多

以前食過一次，都覺得ok ，我懷疑係轉左手，成間野都變得不三不四，以前係做台灣野，而家加埋啲潮州野十分古怪。環境方面，現場音樂十分大聲，啲員工全部都係操普通話。今次去完全係中哂伏。服務方面，我哋一去到，已經即時用手機下單，下單過咗20分鐘，問職員先知原來廚房冇晒機紙，所以漏咗單。食物方面，台式肉燥飯唔係用珍珠米已經扣哂分。其次賣相都好差，啲肉燥淡而無味，鹽酥雞一啲味都冇，好厚粉，成碗飯就好似叮完出嚟咁，口感偏腍完全冇脆口嘅感覺。加埋杯珍珠奶茶，杯珍珠奶茶冇乜冰又冇乜味，凍珍珠奶茶竟然得三四粒冰，加埋一都要成百蚊，真心冇下次。本身個飯係叫俾小朋友食，平時都唔會浪費食物，我哋都擔心唔乾淨，所以都唔敢再俾小朋友食。…查看更多

只係一碗普通牛肉麵！完全唔覺得係我平時食開嘅台灣牛肉麵！食落仲覺得似係大陸口味嘅牛肉麵！3個字「唔好食」環境好似返咗大陸商場或葵廣啲舖咁音樂又嘈員工有禮貌大家睇路…查看更多

就算睇食評 定係自己親身經歷，都了解呢度嘅員工本來係一啲好冇禮貌嘅學生哥， 冇禮貌之餘完全冇服務…今次一年幾嚟呢度，轉晒做啲阿姐阿叔 。佢哋親切勁多。😍😍而且服務好好而且仲見到個疑似台灣人嘅老闆，唔知係咪成家過咗嚟睇舖 上網睇見佢哋旺角嗰間執咗 Menu款式多咗好多搞到我就算食過都睇返一輪 都係揀返之前嘅選擇呢度有兩種辣椒同埋一個黑醋 呢個醬嘅味都幾好味㗎幾香朋友嗌呢個套餐，有埋醉雞同埋肉燥飯 醉雞幾入味唔錯肉燥飯，珍珠米好靚我嗌咗個滷水拼盤，之前食好味，今次食都好好味幾足料，今次牛肚牛筋嘅份量足好多😍😍之前好似得兩三嚿細細件，今次好大抽仲有好多件牛肚而且都好入味 不過鹹咗少少，香料味就可以重啲，反而個豬手嘅香料麵醃得好香，有中藥味道 唔食豬手，我都忍唔住食咗一半！牛腱就有三片 都口抵過茶木好多啦呢個滷肉青菜走同上次有啲唔同同埋浸晒油咁樣我就有啲怕怕 睇幅圖同埋之前食好似冇咁油浸得誇張 不過肥仔朋友就好鍾意😆😆🤣佢甚至拎嚟撈滷肉飯同埋台灣麵我就之前食過蕃茄湯底嘅牛肉麵，今次encore 點知冇晒蕃茄味，而且好淡見到啲水嘅顏色 有鹹嘅味道，但係就幾乎好似真係完全冇蕃茄味…我都有問店員呢個係咪真係蕃茄湯？lol 整體而言服務好咗。 但係食物嘅調味好似爭少少。…查看更多

平時好少寫食評，但今次食完覺得真係伏。價錢唔平，叫左肉燥飯，我老公話味道一般，但我覺得可以話係十分唔好食之餘…仲唔太乾淨，直頭係唔想食落去，奶茶亦好淡好淡，大家睇路至於點解會有咁多正評，我真係百思不解…查看更多

D2係一個🐶寵物友善商場🐶，裏面嘅餐廳當然大部份都可以比寵物入啦😆，其中呢一間捌捌陸台式料理就係擁有一個大露台嘅餐廳，今日就帶咗細佬🐶過嚟食飯，佢哋呢度有個一人火鍋，等我哋又試吓先🍱台灣肉燥飯套餐 $88 :呢個套餐就包一杯嘢飲，我就嗌咗鹽酥雞肉燥飯，佢嘅份量適中，唔算太多，鹽酥雞都比想像中普通😩，冇乜特別，食落都係偏腍😩，冇脆口嘅感覺，滷肉就比較少，亦都唔夠香，整體就超一般😒，嘢飲就配咗珍珠奶茶，茶底比想像中淡，冇驚喜😩😩🍲台式一人火煱 $88 :一人火鍋，佢有幾款可以揀，我就揀咗（美國頂級肥牛，鴨血，蜂巢豆腐，蔬菜，稻庭烏冬），當然啦呢個價錢唔要求佢有幾好食，份量真係偏少😩😩，肥牛得五片，口感算正常，其他嘅食材就超級一般😩🍠黑糖地瓜條 $38 :原本都對呢款小食有信心，但嚟到嘅時候係失望嘅，賣相同份量都係唔理想😭，地瓜都係腍嘅，冇咗嗰種外脆內軟嘅感覺，其實環境算唔錯，細佬都玩得開心，但係食物質素方面就有待改善🧐…查看更多

有一段時間活躍係荔枝角，呢間係呢區我最愛既食肆之一，食左好幾次，但我依然唔太專業，掛住食，都冇好好影相分享比大家😅環境❤️❤️🤍🤍🤍講真，真係好求其，一堆木枱、櫈，我黎過幾次，坐過唔同位，有張枱爛爛地，有張搖既，櫈都坐得唔舒服，佢最好係有室外座位，可以比想享受大自然同陽光既客人，但如果熱天，就邊張枱都會熱，因為係極度扯風，個門口又長期唔閂實衛生❤️❤️🤍🤍🤍員工大多係比較年輕既男士，所以細心同愛乾淨方面應該稍弱，每次執台都有好快手咁去抹，只係塊布感覺都唔係乾淨，次次坐低張枱都‘’立痴痴‘’🫥餐具都係。。筷子都好殘舊。。應該唔係故意做出黎既老式情懷吧？😶‍🌫️服務❤️❤️❤️🤍🤍原因同上，效率好快，快手快腳，快出餐，基本禮貌都有，係cool左d既，不過我ok既🥰青春、活力既帥哥啊💁‍♂️💁‍♂️💁‍♂️不過就真係有點粗心大意，衛生、服務、態度都麻麻，入座都係叫左聲隨便坐就算食物❤️❤️❤️❤️❤️老實講，餐牌唔豐富，選擇唔多又唔夠彈性，純粹係想食台式飯而試，點知一試愛上我食過佢鹽穌雞、醉雞、魯肉飯、佢仲可以揀小食，配埋杯飲品，食飽飽鹽穌雞唔係我食過最好食，但合格👍醉雞個人超級鐘意，調味真係剛好，酒味咸味好平衡帶d甘香，又唔會有苦味。魯肉既肉同配菜配搭均勻，口感相互，汁緊貼住每樣食材，調味剛好，配上白飯，簡直一流，口水都流🤤🤤但飲品就……太甜，揀少甜就變左溝水咁淡而無味。。。價錢就。。。其實我覺得有d貴，只不過佢d食物係值呢個價錢既，其他就。。。拉左個curve啦…仲有，希望餐牌多樣化少少，可以加錢附加多樣主餐既餸／白飯／小食，小食增加幾樣，絕對可以增加每張單既總價，或者整d輕量餐，有客人試過好食，之後就會愈點愈大份嫁喇！絕對有信心😎總括：肯定會再食，個調味完全合哂我河車…查看更多

牛肉麵嘅牛肉夠腍都好入味。個酸菜魚好好味。就係個魚片真係有啲小得滯。冬瓜茶就好甜。整體嚟講都唔錯。但係埋單仲要收+1，但全程冇理過埋單都係自己行埋去真係唔明白。…查看更多

話說想食台灣菜，行過見到，見咁大間舖，餐牌食物選擇又好似唔錯，於是幫襯吓，幫吓香港飲食業打打氣。一去到，自己揀位坐，自己落單，點完啲嘢食，發現原來其實係有下午茶，於是同店職員講，問吓係咪其實有下午茶？一臉唔願意嘅樣子喺部機度篤篤篤，完全冇答過你問題。就叫你返埋位。到啲嘢食嚟到，我完全未試過食一碗牛肉麵係冇味道，我初頭以為自己未覺有問題，就連隔籬位啲人都話點解啲嘢無味，既然係咁，我就試吓嗌多樣小食睇吓會唔會好啲，於是又用手機落單，落完單，想攞多個碗仔同朋友share，完全冇招呼，要自己行出去問佢，個店員竟然答都冇答，手指指向另一邊，思好似話叫我自己攞咁，最後有個姐姐攞俾我，然後我行返埋位之際，佢同我講個小食冇，幫我取消。都已經開始食到一肚火之際，上埋杯奶茶，我未試過飲一杯奶茶係得奶味，少少茶味都冇，即係其實我飲緊杯牛奶，結果我決定埋單走！臨走之際，我聽到隔籬枱話爭杯嘢飲，嗰個店員大大聲走去同個客講：嘢飲要等㗎，我真係覺得好大官威囉，我俾錢來食嘢，仲好似係我錯咁！我真係想講嘢食唔好食，我都覺得算數，可能會有失準，下次有機會整好啲，可以進步，但服務態度係咪真係要咁差，唔知以為我爭佢錢咁！仲好意思收服務費，如果舖頭覺得咁樣做生意係冇問題，請繼續，我真係放長雙眼睇吓你係咪咁生意興隆，所以唔好怪人哋寧願北上消費，連自己基本嘢都未做好，一味淨係識得賴！我見個餐牌又話有雞煲有呢樣嗰樣，你整好啲基本嘢先再講啦！2025年度最垃圾餐廳！…查看更多

尋日Lunch 食飯，叫咗個鹽酥雞肉燥飯套餐，有一碗肉燥飯加一碟木耳小食加一個飲品，飲品是熱柑桔蜜，價錢已經唔平$88仲要加一，肉燥非常非常難食，好似烚咗啲肉碎再溝啲芡汁咁，鹽酥雞非常普通，你價錢平啲我都會接受，但收得呢個價俾呢啲質素真係難食到極，請expect 是茶餐廳質素整台灣嘢出嚟。店員態度仲要好差，QR code 落單仲要收加一！呢間係我近年食過最難食的台灣菜，平時都好少寫食評，今次真係忍唔住，建議真係不要去。…查看更多

本身見到食評以為應該正宗台灣菜，加咗$5要蕃茄濃湯，得幾舊生嘅蕃茄，仲要個湯底係冇乜蕃茄味淡茂茂，要加幾匙羹辣醬先夠味，好失望🥲牛腱炆得幾腍嘅，但係有啲牛筋唔均匀，成碗麵份量勁少，晚餐嚟講唔夠飽，唯一好少少係有幾條菜同半隻蛋，同埋啲麵幾煙韌，可惜食兩啖就已經冇。基本上間餐廳qr code 落單，仲要排隊埋單完全冇service 可言，最後都要加一 。$93 一碗咁嘅蕃茄牛肉麵食到有啲嬲，完全唔係台灣菜應有嘅質素。…查看更多