捌加廿陸天婦羅居酒屋

营业中

休息中

最近我嚟到旺角嘅捌加廿六天婦羅居酒屋，呢間居酒屋專注於天婦羅，食物的選擇選擇多樣化，仲可以有自選丼，自己揀飯/麵同想食嘅天婦羅做餸！我哋嗌咗兩款自選天婦羅丼，每款都有跟一碗麵豉湯同前菜（橙、青瓜）其中一款選擇咗胡麻醬冷烏冬，配上天婦羅包括帆立貝、牛肉餅、雞肉同埋紫薯，特別有驚喜！胡麻醬香濃，冷烏冬口感滑順，上面仲有唔少蟹柳，配搭得恰到好處。另一款自選天婦羅丼選擇咗豚骨湯烏冬，配上廣島蠔、帆立貝同牛肉餅。廣島蠔幾大隻，啖啖肉質鮮甜！原隻軟殼蟹天婦羅外皮炸得金黃酥脆，裡面嘅軟殼蟹肉質鮮嫩，吃落口感非常爽滑，正！另一款必試的是芝士年糕。熱辣辣上枱，芝士拉絲好正！炸菠蘿雪糕，我揀咗海鹽味雪糕，甜甜鹹鹹，口感獨特！

食過幾次 朋友都話有平又好食因為喺香港 食有質素嘅天婦羅最少都要150-200 但係呢度基本上真係平價又有好多選擇感覺上好似日本嘅居酒屋 無論咩時間都好多人 但係唔會等太耐如果樓上有位 可以揀錯樓上 因為氣氛唔錯趕時間就坐就坐樓下啦鴛鴦鰻魚丼$98呢個真係有驚喜第一次喺度食鰻魚鰻魚肥美多汁 當中，我特別鍾意食天婦羅鰻魚炸衣好薄 鰻魚夠厚身分咗少少俾朋友 佢都好鍾意仲有一份天婦羅金菇 非常香脆同平時食金菇感覺好唔同天婦羅花尾龍躉 係一份小食咁樣嗌印象中幾十蚊 肉質超好唔係平時天婦羅魚的口感肉質又鮮味朋友就揀咗自選天婦羅可以揀自選配菜 例如天婦羅蝦 蘆筍 廣島蠔佢最鍾意就係廣島蠔 和帆立貝虎蝦都係$12 真係超抵佢嗌咗咁多款加埋都唔使$80定食可以揀烏冬或者蕎麥麵芝士年糕，超好食 煙煙韌韌 $38價錢合理 加埋啤酒飲正

今晚去咗旺角油麻地交界嘅捌加廿陸，裝修好別緻，好有日本居酒屋感覺，有啲玩味感。有上下兩層，下層係吧檯設計，上層係他他咪設計，鋪仔細細，用盡每一個角落。鴛鴦鰻魚丼飯$98，一件蒲燒，一件天婦羅，兩件都大大件，仲有炸金菇，飯量都好足。有碗湯，水果及前菜送。天丼 $78裏面包括黑虎蝦2隻，蟹柳，南瓜，蓮藕，四季豆，配埋醬汁一齊食就一流。豬肉餃子$38，炸得好脆，熱辣辣餡料好足，汁多到爆出嚟。小食拼盤（魷魚鬚，雞軟骨，唐揚雞）$78，份量好多，都夠兩個人食。下次要早啲去，今次七點幾到，要8點先入到去。如果唔使等位，一定要去感受吓日本風情。

看了美食新聞報道介紹 想信会負責任不会亂來 去到餐廳才知中伏......食物方面非常普通 除了炸物熱一点 尺寸同外面一样 叫了"芝士炸豬排" 見員工拿去微波爐解凍 再拿去炸 各位想想味道各方面怎樣; 叫了一个湯烏冬 湯完全不熱 告知 再重新加湯 完全是一样.......我吃慣好多不同食物 深信味覺不错 各位不防試試是否有同感但最令我不安的及不会再去 是以下的情況:1) 地方非常不乾淨 相片大家可看看2) 个洗盤放客人用完碗碟 上面就處理客人食物如烏冬 我親眼看到 还未來得切拍照3) 服務差 隔離客人叫冇水 叫到食物都到 員工求其才拿再隔離客人的水壺 在我面前有4个員工 是否真是忙到不拿給客人 入到坐低叫了食物水都無滴; 好多餐廳 開舖前都確保客人前面的醬料是否滿 紙巾盒是否有紙巾 結果紙巾盒是空的美食新聞報告應該是專業的 完全沒有報道餐廳情況 只是话好食 佢哋報到時候應該在樓上拍攝 樓上原來是榻榻米 見有女兒带父母到餐廳 看到這情況便走了总之 美食新聞報告完全不可靠 餐廳各方面都非常之差 這價錢外面好多選擇 一定不会再去; 餐廳可以經外賣平台落單 有折扣 但千祈不要因這樣去落單 真的不

【旺角•捌加廿陸天婦羅居酒屋】@ππππππππππππππππππππππππππππππ蒲燒鰻魚丼鰻魚燒得恰到好處，外焦內嫩，醬汁濃郁，搭配米飯，滋味無窮。滑蛋豬扒丼豬扒嫩滑，滑蛋鬆軟，兩者結合，口感豐富，令人滿足。雞皮餃子 (5隻)餃子皮薄餡多，雞皮香脆，搭配醬汁更是美味，適合下酒。磯燒鮑魚配帶子鮑魚鮮美，帶子肉質彈牙，燒烤的香氣引人入勝，海味十足。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 280✨✨✨✨✨✨✨✨✨✨✨✨✨#旺角美食 #捌加廿陸天婦羅居酒屋 #web3旺角捌加廿陸天婦羅居酒屋窩打老道31-39號翠園大廈一期地下33A號舖

今日去咗一間日本人氣日式居酒屋，未入去先要等位。等咗半個鐘就入座, 入到去氣氛好好, 餐廳樓底好高,掛住日本燈籠喺天花板,一張長木枱坐住10幾個人,一齊食更婦羅、丼飯。仲可以望住廚師，即炸天婦羅比你食。特盛海鮮天丼黑虎蝦兩隻、那歌魚、帆立貝、鰻魚、四季豆果然係「特盛」，超多餸舖係飯上面。最啱我呢種，花多眼亂，樣樣都想叫嘅人選擇。鴛鴦鰻魚丼飯一半鰻魚係用燒汁整成另一半係用天婦羅方式炸成，感覺幾新鮮特別好有創意。小食拼盤（魷魚酥、雞軟骨、唐揚雞）餐前小食，非常適合用來送啤酒。魷魚酥非常彈牙、雞軟骨好脆口，雞粒炸到啱啱好，唔會炸粉醬多過肉，雞肉非常鮮嫩彈牙。提子汽水日本都見有得賣，呢度有得叫。波子汽水細個好鍾意飲檸檬味波子汽水最特別係要將波子撳落去先有得飲。好有兒時回憶。

呢間天婦羅大件夾抵食！食過一定會想再黎食，用料好新鮮😍冷烏冬 $48.0佢每個set 都會有有小食，生果，同埋湯 鮮帶子 @$18.8 帶子大大粒，鮮甜！肥豬叫左個海鮮天丼 $88.0黑虎蝦1隻、帆立貝、那歌魚、蟹柳、本菇、紫菜、四季豆全部都勁大件，好抵食，咁多料都係$88 勁大件🤣🤣 炸得香脆可口！小食： 鮑魚配帶子 鮑魚唔會un 大大粒原隻活龍蝦天婦羅🍤 簡左貴$20 既活龍蝦，好鮮甜，啖啖肉，仲有小小蝦膏 ，難怪枱枱都叫🦞有期間限定menu ~

在最近的一次用餐體驗中，我來到了專注於天婦羅的日本餐廳，點了一份特盛海鮮天丼。這道菜的味道非常不錯，炸得金黃酥脆的海鮮與新鮮的蔬菜相互搭配，外脆內嫩，令人一試成主顧。配上濃郁的醬汁，整體口感十分豐富，讓人不禁讚嘆廚師的廚藝。餐廳的裝修也頗具特色，傳統的日式風格與現代的設計元素相結合，營造出一個舒適的用餐環境。每個細節都彰顯出對日本文化的尊重，讓人感受到濃厚的日本氛圍。不過，餐廳的開放式廚房卻讓這次用餐的體驗稍有瑕疵。廚房的清潔程度不如預期，看到一些污垢和凌亂的狀況，難免讓人感到不悅，影響了食慾。這點希望餐廳能夠加以改善，因為美味的食物應該配得上整潔的環境。總體而言，這家餐廳的海鮮天丼值得一試，雖然廚房狀況令人失望，但仍然無法掩蓋其出色的料理。期待未來能夠在更佳的環境中再次品嚐。

有時帶小朋友唔可以食太多炸物但劉媽👩🏻點會忍到口今日就捉住劉爸👨🏻一齊去食 @baka_tempoura一入餐廳就被一列大紅燈籠🏮吸引住好有置身日本Feel咁原來呢度有2層地下係吧枱可以睇住師傅炸嘢😁樓上係日本榻榻米 啱哂三五知己聚會今次我哋order咗🍽️鴛鴦鰻魚丼飯 $98鴛鴦鰻魚是指鰻魚兩食鰻魚肉厚 肉質嫩滑無骨燒汁鰻魚 醬汁味濃但不會太咸天婦羅鰻魚 鰻魚加上炸漿 外脆內嫩🍽️特盛海鮮天丼 $108天婦羅有黑虎蝦2隻、那歌魚、帆立貝、鰝魚、四季豆、金菇黑虎蝦鮮甜爽脆、帆立貝都好大粒金菇天婦羅好爽甜🍽️小食拼盤$78有魷魚鬚、雞軟骨、唐揚雞最鍾意佢哋炸粉唔厚👍🏻炸得好香口🥤可樂🥤雀巢檸檬茶枱面仲有3款調味我哋就鍾意加少少柚子鹽一齊食🤗捌加廿陸天婦羅居酒屋 ( #旺角 )📍旺角窩打老道31-39號翠園大廈一期地下33A號舖

隨著2025年的來臨，大家都希望能夠以一個特別的方式迎接新一年。對於我來說，選擇一間好味兼具儀式感的餐廳是不可或缺的。今次，我們選擇了這間令人期待的天婦羅餐廳，彷彿一秒鐘就被帶到了日本。這裡的每一道菜都充滿了精緻的工藝，而最吸引我們的，無疑是那隻活的大龍蝦！我點了自選天婦羅丼，搭配冷蕎麥麵和蘆筍。天婦羅的每一口都讓我驚艷，外酥內嫩，特別是那新鮮的蘆筍，保持了原有的清脆口感，與天婦羅的香脆形成了完美的對比。而冷蕎麥麵更是帶來了一絲清新的感覺，搭配著淡淡的醬油，讓我在味覺上有了一種平衡。朋友則選擇了自選天婦羅丼，配上豚骨湯烏冬。這碗湯烏冬的湯底濃郁，豬骨的香氣四溢，讓人欲罷不能。裡面的鮮帶子和廣島蠔也都非常新鮮，帶來了海洋的鮮味。紫菜蝦膠和蘆筍的搭配，更是為這道菜增添了層次感，讓整碗烏冬在口中回味無窮。最讓我激動的是那隻活的大龍蝦天婦羅。當服務員將這道菜端上來時，整隻龍蝦的色澤金黃，外皮酥脆，散發著誘人的香氣。當我輕輕咬下去，龍蝦的肉質鮮嫩多汁，彷彿在口中舞動。每一口都讓我感受到海洋的鮮味，這絕對是我在新年之際的最佳享受！對於喜歡海鮮的朋友來說，活虎蝦天婦羅也是一個好選擇。它的外皮脆而不油

捌加廿陸天婦羅居酒屋門口好有日本小店既feel, 比佢吸引左入去試下。居酒屋的環境非常舒適，木質裝潢營造出溫暖的氛圍。牆身貼滿poster, 恍如置身日本一樣。Menu選擇非常多！除了定食，還有自選天婦羅丼，總有一款啱心水。期間限定菜單仲有龍蝦天婦羅，即刻心心眼。可惜到訪當天售罄，唯有揀貴少少嘅原隻活龍蝦天婦羅🤪Order 了特盛海鮮天丼及天丼，每款都有二隻虎蝦，天丼再配上蔬菜及蟹柳。特盛海鮮天丼另外仲有魚及帆立貝，最令人驚喜的是金菇天婦羅，外表漂亮，味道驚喜香脆又惹味。每一口天婦羅都外脆內嫩，油炸得恰到好處，沒有油膩感。特別是蝦天婦羅，鮮甜的蝦肉與酥脆的外皮形成完美的對比，令人回味無窮。天婦羅的搭配醬汁也很出色，清淡的天婦羅醬增添了風味，另外可添加鹽、柚子鹽及七味粉。捌加廿陸天婦羅居酒屋的天婦羅不僅味道鮮美，還注重食材的新鮮度和炸製技術，是喜愛日本料理的食客不容錯過！

依間餐廳長期超熱鬧，有兩層，地下係一條長形bar枱，適合1-2人排排坐，傾下計，又可以望住廚師炸天婦羅😌！環境幾chill，抽住日本音樂，天花有好多燈籠🏮佈置，令人感到很夢幻既日系風格。樓上係日本榻榻米，只有少量位置，私密度好高。餐廳招牌—天婦羅特盛海鮮天丼：所有天婦羅都係勁薄炸粉炸，所以一d都唔會過於油膩，可以食好多塊話明係「天丼」款式梗係多～黑虎蝦超肥美，肉質又彈牙。成日覺得d金菇炸左變成一支支脆麵條咁好得意😎龍蝦🦞天婦羅🍤：原來龍蝦都可以製成天婦羅，去殼炸完成條啖啖肉，加左鹽巴係表面好香口惹味，肉質好嫩滑。鮑魚及帶子天婦羅依款小食好吸引到我依位海鮮愛好者。一啖一粒，質感彈牙好味😋

旺角天婦羅專門店「捌加廿陸」係咪34😂店名好特別，好奇之下入咗去食lunch，lunch set都有頗多選擇，不過有D sold out。店內裝修都好日本feel，牆身貼滿海報，樓下坐bar 枱，可以睇住師傅炸天婦羅，樓上就係榻榻米，另一個小天地。🍤特盛海鮮天丼🍚$108黑虎蝦🍤兩隻、哥拿魚🐟、帆立貝、鱚魚🐠、四季豆🫛、金菇，睇住師傅炸天婦羅飯，零捨吸引，新鮮熱辣，炸衣薄薄一層，金黃酥脆。虎蝦肉彈牙，魚肉嫩滑，帆立貝有鮮味。天丼淋上特製醬汁，吧枱仲有其他調味料，柚子鹽、七味粉、鹽，增添風味。天丼附送麵豉湯🫕、漬物、生果🍊。我仲追加咗蘆筍、茄子🍆、牛肉餅🐮、半熟蛋🥚，散叫每件$8起，牛肉餅咬落似牛丸比較結實，我自己就最鍾意半熟蛋，加D柚子鹽送飯食😋。定食仲有麵豉湯，味道普通，漬物一小件青瓜漬，生果係一小件橙。

好耐冇去居酒屋食嘢，今次同朋友搵到間係油麻地既居酒屋，聽聞佢地既天婦羅又脆又抵食，之前成日經過都見到排曬長龍，今次好好彩直接可以入去。果日六點幾嚟到，都已經坐滿人！樓下以bar枱形式既設計，直接可以望到廚師煮嘢食同沖嘢飲，而樓上就以榻榻米形式，好似去左日本咁，佢佈滿了唔同充滿日本特色的雜誌、卡通、甚至動漫，牆身幾靚，適合喜歡打卡的朋友。估唔到食到一碗性價比超高的天婦羅！今次點左海鮮天丼，入面包括有天婦羅黑虎蝦、帆立貝、那歌魚、蟹柳 、本菇、四季豆同埋紫菜，非常豐富！丼飯仲會配一啲前菜小食同埋麵豉湯，最後埋單竟然人均100都唔洗，真係超抵食！中意食天婦羅既真係要嚟試下，超有日本氣氛！

呢間bookmark咗好耐，但係遲遲未有機會食，朋友都有介紹佢啲天婦羅幾出色，終於嚟咗食午餐。嚟到門口見到佢嘅門面都非常有特色，禮拜六下午嚟到都幾多人，要等咗一陣先有得入座。我哋坐地下嘅Bar枱，對住師傅好似置身日本嘅餐廳，幾有feel。點餐之後嚟到，賣相都非常吸引，下次都值得再嚟。海鮮天婦羅天丼💜💜💜💜💜天婦羅炸得非常鬆脆，麵豉湯都比較清唔會太鹹。食物嘅質素同賣相一樣都冇令人失望，可以下次再encore。