捌加廿陸天婦羅居酒屋

营业中

休息中

今晚去咗旺角嘅"捌加廿陸"度食晚餐。充滿日本風特色寄居酒屋，好多唔同類型嘅日式海報，不規則嘅堆砌，成咗特色牆。店內設有樓上雅座，天花亦掛有日式燈籠，好有氣氛。套餐有小青瓜做醒胃前菜，麵豉湯亦都非常香濃。特盛海鮮天丼：黑虎蝦，外皮酥脆蝦肉鮮甜。那哥魚同喜魚，肉質鮮嫩彈牙。帆立貝，非常鮮味，齒頰留香。四季豆，口感清脆。金菇，外脆而內柔軟。白飯份量足，軟硬度適中，有醬汁嘅點綴，增加咗風味。自選天婦羅定食：主角係松葉蟹鉗天婦羅。蟹鉗嘅肉汁甜味，金黃色嘅天婦羅外皮，香脆嘅口感，食完一隻又一隻。豚骨湯烏冬，湯底味道恰到好處，烏冬掛湯入口爽滑，亦帶有蔥香，成碗清曬！

天婦羅聖地！旺角居酒屋天婦羅快樂師傅在開放式炸台即席表演，天婦羅像被施魔法炸至金黃，鎖住食材原味，炸物清脆不膩店員友善親切，有日本的風情活龍蝦天婦羅新鮮龍蝦，裹上輕盈麵衣，炸得金黃。蝦尾金黃透亮，肉質彈牙，蝦頭精華被鎖在脆衣內，鮮味炸彈！鮮味非常高，層次滿滿自選天婦羅定食自由配搭， 廣島蠔外脆內爆漿，蠔汁鮮甜，外層酥脆，內裡維持嫩滑 。鰻魚鮮甜，非常美味師傅精湛手藝，吧台座位能近距離欣賞天婦羅之誕生。

餐廳地下係吧枱座位，可以看到師傅在現場即炸食物，好有氣氛，閣樓主要為榻榻米座位，望住天花多盞吊燈籠，非常特色🥰🔸海老穴子天丼🔸$108除咗丼飯之外，仲有前菜同麵豉湯，即叫即炸非常新鮮，份量好足料，天婦羅食物包括穴子、黑虎蝦🦐、蟹柳、南瓜🎃、本菇、紫菜、四季豆，脆漿做得好薄，咬落又脆👍🏻，份量多到食唔晒，配上天婦羅醬汁食🔸蒲燒鰻魚丼🔸$88除咗天婦羅之外，呢度仲有其他丼飯食架！鰻魚好大條，加入鰻魚汁燒，外層微微燒烤，入面仍保持柔滑的口感🔸小食併盤🔸$78邪惡炸物，即叫即炸，熱辣辣又香脆，包括有魷魚鬚🦑、雞軟骨、唐揚雞😈，可配合沙律醬，柚子鹽等調味食用🔸波子汽水🔸$18食完天婦羅，配上日式波子汽水飲品，解渴又好味

呢日嚟咗呢間專門食天婦羅 Tempura 嘅餐廳食午餐🤣$38「唐揚雞鎚🍗」：雞鎚🍗炸到外皮脆脆哋，雞肉軟熟食落香口🤣$48「吉列豬扒」：豬扒比厚厚嘅脆漿包住，脆漿炸到脆脆哋，又係香口🤣$68「滑蛋豬扒飯」：呢個豬扒都係吉列嘅，加埋滑蛋撈飯食，夠飽肚🤣天婦羅（天麩羅、天ぷら、てんぷら）係易學難精嘅菜式🤣，對日本菜🇯🇵有基礎認識嘅應該會知點解🤣，$128「原隻活龍蝦天婦羅」：龍蝦🦞肉質幾結實，被厚厚嘅脆漿包住，外邊脆脆哋炸得幾香口🤣$12「可樂無糖（樽）」：凍冰冰嘅可口可樂就梗係好飲啦🤣基本上全部食物都香口🤣

一早就聽過呢間天婦羅好出名，好早到都排咗一陣先入去到去！可以揀定食亦都可以自行配搭今次揀咗自行配搭，想試咩就嗌咩！首先揀咗香蔥牛油飯，好有驚喜，葱同牛油味道都好濃郁，撈飯一流配料方面嗌左好多款，特別推介穴子 $22，係好大塊嘅魚，炸到外脆內嫩，新鮮又滑溜廣島蠔 $18都好正，好大隻口感仲好柔滑黑虎蝦 $12食落肉質彈牙同蝦味濃郁紫菜蝦膠 $12好特別，食落口脆脆地又彈牙每個餐仲會配埋前菜同埋湯，豐富又多元化難怪平日都大排長龍！

滿滿日本風格，牆上貼滿日本海報，掛上燈籠裝飾。有上下二層，底層bar枱，類似拉麵店咁，而上層日式榻榻米，好Chill感覺。✨特盛海鮮天丼 $108 👍🏻👍🏻👍🏻天婦羅質素高，表面淺黃色皮簿鬆脆，粉漿做得好好，食落好輕盈，完全唔油膩。套餐有7件天婦羅，黑虎蝦2件，那歌魚，帆立貝，鱚魚，四季豆同金菇，配上麵豉湯同橙。黑虎蝦同鱚魚大讚，蝦好新鮮，蝦肉彈牙嫩口。鱚魚外酥內軟，肉質好滑濕潤，完全唔腥唔乾。✨芝麻雞翼 $38一碟有兩隻，炸到表面金黃脆皮，入面仲保持嫩滑，非常香口。✨炸菠蘿雪糕 $28 👍🏻👍🏻👍🏻好有驚喜，估唔到炸完仲保持到表面咁鬆脆，入面又咁juice，再配埋雪糕酸酸甜甜好夾。

Happy friday night🤪等位也是15分鐘內+服務態度亦不錯+有水提供+食物味道好食 =happy!😇初次到訪被可自選天婦定食吸引，可自選麵/飯及炸物自選天婦羅定食冷烏冬係好彈牙爽口，食落幾開胃，炸物：牛肉餅食落係彈牙個種（有啲似平時食牛丸但軟身少少既口感），我本人係幾鍾意😙杏鮑菇仍然保持到咁juicy😝，不過蟹鉗就覺得吾值（+$23），可能咁岩吾新鮮，又比較細隻🙃熱烏冬同樣出色，湯底會較清，總之佢麵質係好爽口彈牙鮮帶子、黑虎蝦新鮮，同炸完仍保留個鮮味蘆筍夠哂juicy總結：此店的天婦羅真係幾高水準，價錢亦算平民

餐廳入面有一塊特色牆，成個裝修都好有日本氣氛，好似去咗日本既餐廳一樣！海老穴子天丼呢個丼飯賣相好吸引，全部天婦羅都係新鮮即炸，熱辣辣！啲天婦羅炸得好靚，食落去好鬆化，個粉做得好薄，去到一定要試佢既天婦羅。蒲燒鰻魚丼條鰻魚燒得好香，個醬汁味道濃，撈埋飯同鰻魚一齊食，好食！原隻軟殼蟹天婦羅我見價錢都幾抵，所以叫咗嚟試，真係原隻軟殼蟹，炸得鬆脆，而且好鮮味！柚子芝士蛋糕芝士蛋糕芝士味，加埋上面嘅柚子一齊食，又有幾夾！炸菠蘿雪糕呢個甜品好特別，下面係菠蘿，上面係海鹽雪糕，菠蘿炸完之後好甜好juicy ,好味！

我們一到餐廳，樓下已經擠滿了食客，熱鬧的氛圍讓人感到食慾大增。食飯傾計，也想尋找一個安靜的環境，樓上有位置，我們便穿過通道，拾級而上。樓上的空間寬敞而寧靜，帶著濃厚的日本風情，榻榻米的座席先要脫鞋，讓我不禁回想起幾年前去日本旅行的點滴，那時候我也曾坐在類似的環境中，品味地道的日本料理，也參觀過榻榻米座席的製作工廠，心中充滿了懷念。點左居酒屋嘅主打菜式！🐟特盛海鮮天丼有齊不同的海鮮(蝦、蟹柳等等)，色彩斑斕。不同的食材裹上薄薄的天婦羅外衣，炸至金黃酥脆，配搭讓人流哂口水！🍤海老穴子天丼鮮嫩的海老與香脆的穴子(不是鰻魚)完美結合，吃上一口，海鮮的鮮味瞬間在口中綻放，令人陶醉。🦀原隻軟殼蟹天婦羅軟殼蟹炸得金黃酥脆之後，覺得外型好新奇，打卡都一流！蟹肉喺切開後，依然保持新鮮度。經過天婦羅的手法處理後，連殼都可以食埋，每一啖都食到蟹香，推介！🍍炸菠蘿原味雪糕 / 炸菠蘿海鹽雪糕朋友同我都好期待呢款咁特別的甜品！由香脆的天婦羅外皮咬落去，菠蘿仲保留到多汁的感覺，雪糕食慢左，都少少影響口感，但係好吃又有驚喜！海鹽雪糕係藍色的，喺視覺上感到海洋的味道。

今日好得閒，係時候清一清openrice 個list，有間bookmark 左好耐，但都未有機會去試既天婦羅餐廳，去到見有位頗為順利，見到有bar 檯岩晒我呢d 小毒獨，order 左個海老穴子丼，因為穴子夠大碌，影相會幾好睇，確實真係得個好睇，食落麻麻，蝦同蟹柳就好食，所以建議大家叫天丼，因為有兩隻蝦同有蟹柳，其他都不過不失， 個飯個汁可以再好d 既，整體上都係滿足的一餐，價錢又唔係特別貴（天婦羅餐廳來比），留待下次試試佢個龍蝦天婦羅。

呢間餐廳嘅裝修真係好搶眼！好有日本feel，天花掛滿晒日式燈籠，好似去咗日本咁。唔止裝修靚，服務員都好細心，枱面嘅餐具同醬料都準備得好齊全，環境好舒服，令人覺得好似去咗日本嘅小店咁。Menu上面有好多款天婦羅可以揀，花多眼亂。我揀咗黑虎蝦、鰻魚、炸蠔同竹輪，仲配咗凍蕎麥麵。啲食物擺得好精緻，食材好新鮮，炸得啱啱好，一啲都唔油膩。特別推介佢哋嘅黑虎蝦同鰻魚，外皮炸得好脆，但入面仲keep到食材嘅鮮味，食完仲想再食！鰻魚肉質好嫩，入口即化，真係好驚喜。炸蠔都好好食，好新鮮同有層次感。我地仲嗌咗個雞皮餃子做小食。好大塊煎到金黃色嘅雞皮包住餃子，好邪惡但係好好食。仲有，餐廳播緊唔同動漫，睇到入晒神，差啲唔記得食嘢！

今次同朋友嚟到旺角呢間天婦羅居酒屋，每次經過都見到大排長龍，今次就決定試試佢，而入到去見到牆上貼滿晒唔同POSTER同擺設，好有氣氛，令人感覺好似去咗日本咁🇯🇵！♡天婦羅大龍蝦♡第一次試原隻天婦羅大龍蝦，真係好驚喜！龍蝦肉炸得外脆內嫩，肉質鮮甜彈牙，完全保留咗龍蝦嘅鮮味，食落好滿足🦞🤤！♡軟殼蟹天婦羅♡軟殼蟹炸得金黃酥脆，蟹肉依然保持鮮嫩，連殼都可以食埋，口感豐富，啖啖都係蟹香，正到爆🦀！♡自選定食天婦羅♡自選定食有20幾款天婦羅可以揀，真係睇到心大心細！今次揀咗虎蝦、帶子、蓮藕同松葉蟹鉗，每款都炸得恰到好處。虎蝦同帶子鮮甜彈牙，蓮藕爽脆，松葉蟹鉗肉質細嫩，仲帶住淡淡嘅蟹香，好正😋！定食仲配咗龍蝦味噌湯同前菜，咁湯底另外加左爆蒜好惹味，味道更加豐富，暖胃又滿足🍜。整體嚟講，呢間居酒屋嘅天婦羅炸得好鬆脆，完全唔會蓋過食材本身嘅鮮味，值得一試！下次一定會再嚟encore！👏

旺角係廣華醫院出來嘅天橋底附近有間主打天婦羅嘅居酒屋，細細間，裝修又好有日式風味。🍱我地係樓下坐bar枱，可以望到佢地店員從炸天婦羅到出品嘅全過程，睇到曬自然食得放心啦。我地點佐特盛海鮮天丼、海老穴子天丼、小食拼盤（魷魚鬚、雞軟骨、唐揚雞）。幾乎全部都係炸物，外脆裡嫩，一次過大滿足。😋兩款丼都一樣價108蚊，鐘意食肉多啲嘅我揀佐特盛海鮮天丼，入邊有黑虎蝦2隻、那歌魚、帆立貝、鱚魚、四季豆同金菇。朋友鐘意蔬菜多啲就揀佐海老穴子天丼，有穴子、黑虎蝦、蟹柳、南瓜、本菇、紫菜、四季豆。兩款其實都有肉有菜，算係非常營養搭配均衡啦。

平時都好驚食天婦羅，因為怕佢哋好油。今次介紹依間朋友話食過好多次，叫我一定要試下。店高兩層，底層係好似拉麵店嘅L形枱，第二層就相對比較闊落，可以望到日式燈籠嘅裝飾。特盛海鮮天丼 $108打頭陣有兩隻好大嘅黑虎蝦，然後仲有那哥魚、帆立貝、鱚魚、四季豆和金菇。值得一讚炸皮唔會好厚，同時唔會覺得油膩，熟度剛好可以保持到蝦肉嘅彈性，實在有驚喜。自選天婦羅丼 $112如果鍾意自己揀嘅話，不妨可以試吓依款自選套餐。首先可以揀咗烏冬或者蕎麥麵，配料方面就揀咗鰻魚、半熟蛋南瓜等等，彈性真係好高呀。另外小食方面不妨試吓雞皮餃子和菠蘿雪糕。雪糕仲要係海鹽味，配搭酸甜嘅菠蘿都好得意。捌加廿陸天婦羅居酒屋 (旺角)旺角窩打老道31-39號翠園大廈一期地下33A號舖

自選天婦羅定食「海鮮控」必揀松葉蟹鉗同黑虎蝦！蟹肉鮮甜到爆，蝦肉爽彈仲有蝦膏香，炸衣薄到透光又唔油膩。廣島蠔大到嚇親人，咬落爆汁，鰻魚外脆內軟油脂香，牛肉餅juicy，雞肉嫩滑，最驚喜係四季豆同杏鮑菇 唐揚雞鎚即炸雞髀鎚熱辣辣上枱，外皮脆到「咔嚓」聲，肉汁多磯燒鮑魚配帶子鮑魚燒到微微焦香，咬落彈牙，帶子厚肉鮮甜到簡單用牛油同醬油調味已經夠晒吊味蘋果汁普通罐裝飲品，不過食完炸物飲返啖冰凍果汁都幾爽～ 食到咁多款高質天婦羅+磯燒海鮮，喺旺角呢個地段真係抵食！特別推薦比鍾意「揀餸食飯」嘅朋友