拾月冰室

前兩日，經網上外賣平台有六折優惠，叫咗個下午茶餐外賣, 卡邦尼海皇焗意粉，仲有招牌咖哩牛腩飯，海皇焗意粉有蝦、有蟹柳同蜆肉，材料幾足，另外個咖哩牛腩飯，有薯仔、青黃椒，當然仲有牛腩牛筋，少少辣，份量足夠，感覺非常唔錯，另加兩杯嘢飲，只係60蚊。所以今早過嚟試下食早餐，但係個早餐令我有啲失望，叫咗個k餐蒜香脆皮雞扒，雞扒炸過久，成個雞肉食落好嚡及乾，跟餐有牛乳炒蛋、牛油粟米及一片青瓜，炒蛋都幾大份，但冇味，同時亦叫咗個雞中翼通粉加煎蛋，個雞中翼都係偏乾，現場冷氣唔係好夠，職員態度一般。餐廳都多人幫襯，可能啲嘢食，價錢唔算貴，見多人點炸魚柳早餐，佢嘅魚柳都幾大件夾抵食，呢間餐廳啲嘢食，唔知係撞彩，定係平時都係咁，兩次嘅經驗體驗，完全唔同，報告完畢…查看更多

之前都試過幾次食晚飯，那天早收工，又去了試吓下午茶，叫了生炸雞肶配薯條及 傳統西多士，餐飲紅豆冰。雞肶炸得好好，皮脆肉香，薯條就正正常常。西多士傳統制法（沒有夾心餡料，但可以加錢另加餡料），啱我口味，炸到剛剛好，又是皮脆肉嫩。紅豆冰，傳統味道，豆夠林，甜度適中。另外，之前試過，佢個熱奶茶都幾好。這裡的座位寛闊，環境舒適，好過那些連鎖店冰室。兩份餐加兩杯特飲，合共$88，都算抵食。唯一可惜的是，這裡沒有即磨咖啡，有少少美中不足。…查看更多

lunch time 約左朋友到公司附近的拾月冰室食午餐，我叫左個幹炒牛河+熱檸水，朋友叫左個叉燒蝦仁蛋包飯+冰奶茶，我碟牛河得4塊細牛肉，河粉又多油，不好吃！朋友就話佢個餐幾好味！…查看更多

服務態度極差，落錯單之後求其俾一樣我。然後廚房廚師嗰位又黑口黑面，食完早餐杯冬鴦都未到，趕時間唯有外賣，又加兩蚊外賣杯。。搞到極度唔愉快的早上！建議大家唔好去浪費時間同金錢。…查看更多

係度叫左個炸雞髀配薯條下午茶，隻雞髀都炸得幾脆既但就細隻左啲，啲薯條得表面個幾條乾身啲其他都林哂同好油，而杯奶茶好夠凍，但就淡到好似飲緊茶水咁，但佢勝在夠平，而員工啲服務態度真係好差，好似爭佢錢咁…查看更多

招牌吉列特長魚柳$42Crispy Cutlet Fish Fillet午餐肉+$3lunch meat +$3早餐均配煎蛋,粟米及牛油多士Set Served w/Fried Egg, Sweet corns& Butter Toast早餐奉送咖啡或茶*凍飲+$3Breakfast Set Served w/Coffee or TeaIced Drink+$3好味指數 3/5 🍭🍭🍭{好內都冇到這間餐廳食早餐了 餐廳招牌是吉列特長魚柳 今次食 質素仍然沒變 魚柳炸得外脆內軟 炸粉不會好厚 魚肉新鮮 加配既餐肉薄身 煎得較乾 蛋可選牛乳炒蛋 煎蛋 等...}…查看更多

服務沒質素，叫個早餐，除左餐蛋，咩都黎錯，黎錯野重要眼神啤住我，明明問佢有無加大通粉，變左米粉同加大奶茶！！blacklist!!!!落單時又用個腦記住，唔寫/入機，一個早餐受盡氣，個經理重要隔離食花生！！…查看更多

哎個涼瓜燘鴨飯 正常一件鴨肉都冇 全部都系鴨頸鴨屎忽 叫人點食啊投訴都冇換過碟冇料就唔好學人開鋪啦你話哂都開系私人屋苑樓下啊整啲咁嘅人比人食過唔過意得去啊無良食肆 千祈唔好幫襯…查看更多

海南雞飯 D飯又硬又立唔知點樣做到 好似隔夜飯咁 仲要一D飯咸一D飯淡 雞就淡到無味又切到爛曬 仲衰過食2餸飯 最經典既係杯凍奶茶 只有膠膠既糖味 果然係極品冰室 自問對食無要求都接受唔到…查看更多

剛巧在世宙附近又遇上午餐時間，見到這間冰室餐牌有很多選擇，我哋決定入去試吓！見到午餐啲選擇都幾吸引，所以就叫咗招牌咖喱牛筋腩飯，首先講呢一個咖喱汁，望落去都幾傑杰撻撻😅係馬拉椰漿嗰啲味⋯不過就真係唔好味😖另外一個雙蔥干炒牛肉河～一般啦！冇乜鑊氣！講真味道真係一般般～唔知係咪咁啱我哋今次冇咁好味呢🫣…查看更多

是咁的，諗住貪方便，之前又有人講話呢間都ok架，就去試下。好好彩入到去岩岩有張枱走，有位🙈朋友嗌個星洲炒米，顏色試係差少少既。但係夠味個味都ok既。另外個朋友就嗌左個西多，個西多好特別。一塊厚多士加啲蛋漿。炸！！西多士唔係有花生醬既咩？🤨而我就嗌左個海南雞走胸我：唔該，要個海南雞走胸職員：海南雞冇骨係手撕，走唔到胸比你。我：下？！（以為自己聽錯）職員：你要走胸的做唔到比你，咁唔好食啦！如果唔係同幾個朋友一齊食，我絕對會係第一時間走！不過最後我都係嗌咗個無骨海南雞睇吓佢點樣手撕咁特別，點知……被騙了🤣…查看更多

之前好鍾意 呢度幫襯， 因為我覺得座位舒服，店員服務亦都好好。 啲嘢仲好好食之前有水餃質素好好 不過 現在 食物質素 十分之差 而家真係差到唔會再返轉頭， 下午茶餐食咗個乾炒牛肉 意粉今次啲牛肉全冇味， 咖哩牛腩飯水汪汪， 牛腩同啲 咖哩汁 完全冇關係， 真係好難煮到咁 難食。 真心覺得非常 可惜， 而家仲要用紙杯十分唔環保。 以後應該唔會再嚟…查看更多

同屋企人打算入去食住早餐，等小朋友放學，時間啱啱好。入到鋪，等咗一陣冇人理，又坐滿人，得返張一人位嘅枱。隔離坐緊二人枱嘅一位食客好好心，主動開聲話同我哋對調，點知個侍應大大聲話「入咗單，唔調得」然後叫我哋自己拉張櫈，放喺嗰張一人枱向超窄又勁多人行嘅走廊度坐（我啱啱先見佢，拎住一大盤幾碗滿嘅粉麵，行過都有啲困難）正打算拎張櫈，就見到有隻小強行過，嘩，寧俾人知莫俾人見啦！估唔到表面又新又乾淨，點知喺店面都見到小強，內裏有幾「乾淨」真係唔敢想像.....最後即刻走頭！…查看更多

拾月冰堂由他開鋪到現在我都不時去光顧一開始吸引我的是他店鋪很寬敞，讓人可以舒舒服服的進餐🥘焗芝士咖喱薯仔雞扒飯他剛開店時我就點了這個焗飯，當時的味道我覺得很一般。因為咖哩汁焗出來的效果不太好，就是還是很流質的那種口感。但第二次，我也鍥而不捨地再次點了。我想說的是新店是真的都很需要大家的支持、意見和機會，再次點的焗飯簡直是黃金比例。咖哩汁和芝士剛好融為一體，加上外脆內軟的薯仔完美的進入我的理想餐牌。雞扒應該也先煎了一下，十分脆口因此我也成為了拾月冰室的常客了…查看更多

真心難食、服務又差、開係樓下貪方便、又見裝修新新哋、唔洗過馬路就去左幾次、難食不特止、去4次漏2次單、追都冇用！趕時間貪快叫個燒味飯、結果半粒鐘都唔到、食個早餐沙嗲牛肉韌到𡁻唔到、沙嗲汁唔知以為好珍貴，成碗野得個一匙汁係面、塊多士淋既、牛油硬既、豬排通粉、個湯底水一樣、得塊豬排、通粉同水、冇味冇配料、茶少甜次次都X甜、 此餐廳從此black list, 咁既水凖和態度、實在想不明白如何在元朗區生存！ 附近大大話話2、30間茶記、唔駛講最差係呢間！…查看更多