拉麵凪 (已結業)

繼續找尋拉麵之自肥計劃，銅鑼灣橫行中的，今次叫了豚骨和赤骨。湯底是一樣的，濃厚豬骨味，配上好夾嘅幼細拉麵，非常夾，而且好多蔥同木耳，每一啖都有，好滿足。叉燒夠大塊，厚薄適中，肥瘦適中。另一個係辣味的，加了辣油，同有辣醬的豬肉碎。叫了3級辣，好鬼辣，食到頭頂出汗，但開頭食落其實又唔覺好勁，有啲嗆，食食下就出晒。豚骨教有叫一級辣，但就正常咁囉。佢最勁係10級，有能力同興趣嘅朋友可以挑戰。侍應同廚師係同日文落單，好有feel。…查看更多

嚟到呢間拉麵店，先講下環境，真係挺樸實，咁正好，因為我哋黎就係為咗食得開心兼滿足。點菜時個服務員笑容可掬，耐心指點，即使你唔識揀都會悉心推介。食咗「黑骨」拉麵，一試正中紅心！湯底滑溜溜又香郁，炸蒜加墨魚汁黑蒜油夾雜嘅香氣又提提味，夠晒勁！豬肉碎嘅肉球用嘴嘗，簡直太匠心！雖然叉燒想再厚啲，但質素都算上乘，咬落去有嚼勁，好過癮。「赤骨」拉麵嘅味道就更加出彩，湯底甜中帶辣，真係惹味到不得了，辣得嚟又唔會蓋過原汁原味。麵條彈牙，每一啖都嘆為觀止。啱哋啱哋嘅辣激起哂食慾，食完一碗仲想再點！仲有，佢哋家嘅秘製辣醬，一加就轉普通拉麵變身食神必爭嘅味道冠軍，真係令人回味無窮。而且啲服務員嘅態度好有心，連小插曲都馬上解決！如果想嚐鮮搵真材實料嘅拉麵味道，嚟呢度就啱晒！🍜🔥👍…查看更多

📍拉麵凪 @ramennagihk 第二次到訪嘅拉麵店🍜銅鑼灣站行幾分鐘就到，好方便😆兩次去店員都好nice好有禮貌😌今次試咗豚骨拉麵，湯底可以揀咸度(🙋🏻‍♀️普通)、濃厚度(🙋🏻‍♀️濃厚)，拉麵可以揀軟硬度(🙋🏻‍♀️硬)～拉麵比出面食嘅幼身，但依然保留口感🫶🏻湯底香濃，唔會過鹹/油✨配料有叉燒同椰菜，叉燒夠淋，椰菜吸埋湯汁好好食🥹總括嚟講係高質嘅拉麵，大家經過銅鑼灣都可以試下🫶🏻✨🍜 豚骨拉麵 $91 食物 🌟🌟🌟🌟價錢 🌟🌟🌟環境 🌟🌟🌟服務 🌟🌟🌟🌟推介 🌟🌟🌟🌟(+10% Service Charge)···銅鑼灣渣甸坊48號采怡閣地下5號舖#foodie #hkfoodie #hkig #香港 #香港美食 #hongkong #hkig #foodblog #blogger #foodblogger #香港餐廳 #cafe #hkcafe #日本菜 #causewaybay #銅鑼灣 #銅鑼灣美食 #lazfoodycausewaybay 跟住我地搵食◉‿◉ @lazfoody_ 💛…查看更多

位於銅鑼灣既拉麵凪，位置好隔涉，要入到渣甸街街市後面先會見到，見到鋪頭門口掛住一個白色既紙燈籠就會定位到餐廳位置了！不過最大遺珠係溏心蛋居然賣晒😔食拉麵無蛋就好似食榴連唔飲可樂咁！🍜豚骨揀左大廚推介，湯頭淨住一層背脂，以為會好滯，點知竟然相反。入口好重豚骨味，好濃稠香醇，單飲都覺得唔重口味，濃同油膩度適中！幼身拉麵好索湯，不過都要儘快食，如果唔係好快會變軟身🙈叉燒，蔥花同木耳絲就一般拉麵店水準。總體黎講同一蘭有幾分相似，不論係湯頭，拉麵種類同價錢定位都令我地覺得好有一蘭既影子！🥢凪牛肉拌麵睇ig見到有人推薦已經流晒口水🤤中太麵非常之煙韌又彈牙，掛汁力極佳，配上鋪頭自家製既醬汁，惹味可口，再搭配上新鮮蛋黃，洋蔥碎同辣粉，味道出乎意料之夾，仲要無係第二度食過既口味，不過唔食辣既朋友可能會覺得辣。美國牛小排🐮輕輕灸燒過，逼晒啲油脂出黎，肉質軟嫩，同爽口既粗麵一齊食好match！📍 拉麵凪銅鑼灣渣甸坊48號采怡閣地下5號舖…查看更多

隱世拉麵店過江龍之一，一直以來都好想試。總體感想我只能夠話一試難忘。大家嚟食到時記得要避開繁忙時間，因為店入邊真係位唔多。好彩係一個冇咁忙嘅時候入到去，侍應哥哥片我哋多嘢特登俾咗個大啲嘅位我地，非常之有禮貌同有心。睇到個餐牌有當年豚王嘅感覺。叫咗一個豚骨同埋一個綠骨。豚骨湯底非常之濃厚，食落去唔但係又唔會太鹹，唔會覺得口乾。面係幼面質地，入口感覺非常之爽，隨着拉麵有少少黑木耳。至於綠骨就比較重芝士味。最後都讚一讚店喺邊服務講說話非常之有禮貌，我覺得喺香港難得一見。…查看更多

又再到訪Nagi🤩見到佢出左牛肉拌麵 梗係要試下😆🍜 日式牛肉拌麵 $128麵汁少少甜 酸同辣 加埋蘿蔔蓉醋 洋蔥同葱粒味 食落好開胃 成個配搭💯麵粗身彈牙 秘製麵汁加蛋黃撈埋一齊之後 每條麵都好掛汁 好好食🤩牛肉好香炭燒味 牛味濃😍雖然碗麵睇落唔大碗 但慢慢食 食完都發現幾飽同溜🙈另外我叫左黑骨 $96 冇影到相🤣我每次嚟都一定要叫黑骨 個black ball係必食🤭 同埋墨魚汁湯底好濃 拉麵又掛汁 係必食嘅拉麵🤤🖐️🖐️超大力推介…查看更多

未可以去日本旅行前 太掛住日本拉麵的美味 只可以在香港搵搵日式拉麵店止止癮  同朋友星期六特地去試一試 小店可以自由選擇湯底濃淡及麵的軟硬度豚骨 $91基本的豬骨湯底濃郁鮮甜 可以飲到是長時間熬煮出嚟嘅味道 幼身拉麵掛湯 麵質彈牙 飲完不會有令人口渴的味精感 叉燒嫰滑 不會鞋身 有黑木耳同椰菜絲作配料 味道相對較清爽黑骨$96湯底以豬骨熬製而成 拉麵上有一層黑蒜油 再加上一球黑玉(由墨魚汁 黑蒜油 黑醬製造而成的濃味肉碎) 將黑玉同湯底撈均 味道更加濃郁 但黑蒜味又不會濃到難以接受 叉燒口感與豚骨一樣 沒有令人挑剔的地方 黑木耳同椰菜絲令濃厚的拉麵增加爽甜嘅口感 凪日式豚餃 $28餃子十分出色 外面煎得香脆 咬開有濃濃肉汁 再加上店家自家製的蘿蔔醋 令餃子更添風味 十分推薦另外要特別稱讚店員 除了態度十分友善 見到我身著住白色長裙更會主動問客人是否需要圍巾 十分貼心…查看更多

一蘭拉麵就成日食，今次難得有朋友介紹依間拉麵，梗係去一試👍🏻呢度有四款湯底，嗌咗赤骨，8倍辣👍🏻👍🏻呢度同一蘭一樣，都可以自己揀面嘅軟硬程度，湯底濃郁程度等等，赤骨嘅湯底濃郁，同出面拉麵店唔一樣，濃濃嘅豚骨湯底加上辣油，大蒜，唔會話淡而無味👍🏻👍🏻叉燒係用上西班牙豬肉，肥肉會相對比較少，肉質鮮美，非常好食。…查看更多

平時喺銅鑼灣喺鬼金X食拉麵，咁啱佢地裝修，咪諗住試下新野。嗌左個黑骨拉麵 $96，得塊豚骨，小小木耳。加隻蛋都要$18，男士食的話，就咁一碗麵應該唔夠飽。！！最失望嘅係個湯底完全唔夠熱！！碗麵可以用難食黎形容，個湯得浸蒜味（嗌左多蒜），冇鹹味/肉味。已經嗌左濃湯底都係好水，唔掛麵。麵底係幼麵，普通水準。服務態度正常，有凍水飲。計埋加一，呢碗麵都成百幾蚊埋單，完全唔值，呢個價位可找到好多更好的。第一次喺openrice打評語 唔建議幫襯 👎🏻…查看更多

平時嘅post好少會用到”隱世”呢兩隻字，但係呢一間位於銅鑼灣嘅Ramen Nagi絕對稱得上係隱世，要從希慎出面一路沿渣甸坊行入去，行到差唔到盡頭先搵到呢間拉麵店，如果唔係喺朋友推介，我哋一定唔會行入呢條巷，唔會發現原來條街收埋咁多餐廳😂 今次我哋就一人嗌咗一碗拉麵再加多一個店員親自推介嘅日式豚餃。拉麵凪嘅拉麵係唔包玉子，所以想食嘅話就要另外追加玉子喇，可惜我哋去嗰陣咁啱日本有禽流感，餐廳冇蛋供應 ，試唔到佢嘅玉子🥹 黑骨($96) & 赤骨($96) 🍜不論係黑骨定係赤骨，佢哋個湯底都係用豬骨熬製，分別在於加黑蒜定辣椒油。拉麵上一球嘅嘢其實係肉碎嚟嘅，店員提醒我哋撈勻啲肉碎落個湯底度再去飲啲湯會更加濃郁。整體嚟講個湯底好濃郁，黑蒜味唔會話太over。赤骨我地就揀咗大廚推介，所有野都等大廚決定，出到嚟都幾好食，但個湯底都有啲辣，唔食得太辣嘅都係自己揀返辣度比較好。拉麵嘅軟硬度亦都有得自己揀，黑骨我地揀咗普通軟硬度，但個麵出到嚟其實都偏軟多啲啲，如果你鍾意食淋身少少嘅話就啱晒。配菜方面，雖然冇咗隻蛋🫠🫠，不過叉燒肥瘦適中，黑木耳同埋椰菜絲增加咗拉麵嘅口感！ 凪日式豚餃 🥟小食方面，餃子煎得幾脆，食到肉嘅甜味，自家製嘅蘿蔔醋別有一番風味，值得一試！ 特別要稱讚店員嘅服務態度，上菜嘅時候會同我哋講解應該點樣食。最後，溫馨提示大家，佢哋嘅拉麵係極度限量供應，如果遲過7:30嘅話基本上可以第日再嚟過，因為真係太受歡迎好早就會賣晒，我都摸過一次門釘先真正食到🥲🥲…查看更多

係渣甸坊嘅橫街有間細細嘅拉麵鋪，之前睇拉麵關注組見到有人推薦佢哋，見到唔洗排隊就去試吓先(ˊo̶̶̷ᴗo̶̶̷`)🍽食物Menu好簡單，淨係得5款拉麵可以揀，連小食都係得2個選擇✨豚骨 $91 8/10最基本嘅豬骨湯底好濃厚鮮甜，係好真材實料咁熬煮出嚟嘅精華～麵底一律係幼麵，麵質彈牙，雖然揀左硬麵但都要趁熱食，如果唔係好快變淋～因為啲麵索湯索得好快，所以一邊食一邊係咁飲埋個湯底😂但食完都唔會覺得好口渴～✨赤骨 $96 8/10同豚骨都係豬骨湯底，但就加左辣油同一球辣肉碎，就咁睇有啲似雪糕😂撈勻之後個湯底有啲似擔擔麵，辣味係比較溫和，岩晒想要啲刺激但又食唔到太辣嘅朋友✨黑骨 $96 8.5/10三個之中我最中意黑骨，係濃郁嘅湯底加上蒜香，層次比起豚骨更豐富同鮮甜～真係可以成碗連湯食晒😂 佢哋嘅叉燒係豬梅肉，軟嫩得嚟又唔會太肥✨阿波尾雞翼 $45 8/10佢哋標榜無激素雞翼，大隻到好似手掌咁，表面焦脆入面肉汁豐富，唔會有奇怪嘅味道，簡單嘅調味已經好好味！得2隻唔夠喉呀！⛩環境👍🏻裝修簡單，全部都係吧枱，有日式小店嘅感覺💁🏼‍♀️服務👍🏻全部店員服務態度殷勤有禮📝總評 8/103款湯底都零伏，其實我已經回訪過幾次，每次嘅水準都keep到，冇令人失望過！有時喺銅鑼灣唔知食乜就會去食碗拉麵😋佢哋會不定時推出限定湯底，係有緣人先食到呀～👛人均消費 ~$120(連加一服務費)⏱冇限時…查看更多

因為鍾意食拉麵，所以間中都會周圍尋覓一下，這次有朋友介紹位於銅鑼灣的這一家「拉麵凪┘。舖頭位置比較隔涉，係D橫街窄巷，係無期望的情況下，估唔到竟然有驚喜，仲要係高水準㖭。店舖小小，坐位非常有限，目測大約坐到15-16個人左右，但環境尚算闊落，未至於坐到好逼狹。值得一提的是，店員的態度十分友善，見我著住白色衫會主動問是否需要圍巾，真的十分窩心，完全體貼我這些容易食拉麵食到周身都係的人，仲會介紹4款湯底。黑骨 – 黑蒜油加埋墨魚油同秘製黑𨡐，味道雖然濃烈，但又唔會太搶喉，配上我比較喜歡的幼身拉麵同嫰滑的叉燒，整碗拉麵係出乎意料地好味。豚骨 – 湯頭好重豚骨味，但又唔會膩，亦都唔味精，食後離開也沒有狂飲水。最簡單的這個豚骨湯底，最食到呢間拉麵既真材實料。 …查看更多

好多人都話唔會喺香港食拉麵，因為點都貴過喺日本食，但由於年頭去完日本後都冇時間再去，一於睇返自己個wishlist睇吓有咩想食~見網上D group好多人推介呢間，一於試吓～今次去冇期間限定拉麵，食咗黑骨同赤骨。黑骨用咗墨魚汁加黑蒜，所以夠厚身。上面嘅肉碎同赤骨有D唔同， 唔知係咪有加少少墨魚，比較有咬口。店員見我著白色衫，超細心咁問我要唔要圍裙，喺小店都可以有咁嘅服務真係好！赤骨拉麵個辣味好香，唔係想像中咁辣，但剛好。兩個拉麵相比下我更喜歡赤骨，好似更有個性同特別！下次想試豚骨同希望有期間限定拉麵！…查看更多

好耐未喺香港食過好高質嘅拉麵，是日出開銅鑼灣，用OpenRice搜尋一下附近嘅拉麵餐廳，撇除晒所有大集團旗下品牌之後，選定左呢一間小店嘗試一下。見佢評分都幾高，不過位置就有啲隔涉，係渣甸坊女人街側邊，店面招牌完全唔起眼，入邊亦都冇乜裝修，不過一入門口，店員就非常親切有禮貌，由打招呼到落單，都用日文，元氣十足，感受到好有誠意，真係有心做。食物唔係好多選擇，我哋揀咗黑骨同豚骨。黑骨即黑蒜同墨魚，麵質就一定係揀超硬啦，湯底揀咗超濃厚，店員強烈推薦加少少佢哋秘製辣醬，我哋都加咗。食物一到，試一啖湯頭，非常濃厚濃郁，兩個湯都好出色！豚骨好重骨膠原感！黑骨都好正！麵屬於比較幼身，有啲似一蘭果種，我鐘意！香港已經好少有咁高質嘅小店，非常值得支持！一定會再回訪！…查看更多

🌟 拉麵凪。銅鑼灣🌟（10分為滿分：🌕）味道：🌕🌕🌕🌕🌕🌕🌕🌕🌗🌑豚骨拉麵($91)凪豚餃 ($28)糖心蛋（$15）替玉（$15）夜晚銅鑼灣一枝公唔知食咩好，碌下google map見到呢間comment大部分都幾好就去試下。鋪頭主要四款拉麵（豚骨，辣味，黑蒜油，羅勒）🍜，第一次黎就梗係試豬骨哩，個湯頭係好濃味。但唔會膩，麵底係幻麵，加埋佢地自家製炎之醬，其實有少少一蘭感覺，但個湯底比一蘭更好。叉燒就正常發揮，糖心蛋有流心效果😛但整體份量唔多，男仔應該都係要加麵先會夠然後，到今晚既重頭戲，就係個餃子🥟！呢個餃子暫時係香港食過最好味既🤤外皮勁脆同入面係超級juicy，加埋自己整既蘿蔔醋同蘿蔔蓉係上面，差啲想叫多碟！即叫即整要等耐啲時間，不過絕對值得🤫價錢：🌕🌕🌕🌕🌕🌕🌗🌑🌑🌑係香港食拉麵本身唔平，呢度如果要加麵加蛋加餃子，埋單都要160蚊左右，不過銅鑼灣黎講晚餐都唔會平得去邊🥹交通：🌕🌕🌕🌕🌕🌕🌕🌑🌑🌑位置係京華中心附近，不過要再行入啲巷仔，有少少隔涉🤣第一次去行過左都唔知要番轉頭🥴環境：🌕🌕🌕🌕🌕🌕🌑🌑🌑🌑鋪頭偏細，但都坐到15-20人，位置間正常拉麵鋪咁既間隔性價比：🌕🌕🌕🌕🌕🌕🌕🌑🌑🌑鋪頭職員好友善，會介紹番唔同拉麵口味既特性，食完後老闆仲會下岩唔岩食。雖然有少少貴，但個味道真係有啲日本既感覺，個餃子驚為天人，絕對會再encore🤓…查看更多