扒王之王Plus

今日同朋友去咗扒王之王Plus食lunch，試咗佢哋嘅鐵板牛扒同小食，簡單同大家分享下：🥩 鐵板美國A級肉眼牛扒牛扒份量確實夠大塊，鐵板上枱仲滋滋聲。肉質算係正常水平，以呢個價錢來講都算合理。配埋黑椒汁同鐵板雜菜，整體夠飽肚。🥗 沙律 & 湯跟餐有沙律同湯，湯係自助形式，不過限每人一碗，味道正常。🍗 炸雞翼6隻 ($18)$18有6隻雞翼真係幾抵食，炸得香脆，味道唔錯，係幾好嘅小食選擇。整體來講，食物水準還好，但勝在份量夠大，價錢合理。如果想平平地食個大份牛扒，呢度都係一個選擇。環境同服務都係一般連鎖餐廳水平，適合想簡單食個飯嘅時候去。…查看更多

以前個位既校長燒肉去過其實幾好食，款多食物唔差，而家轉返扒王之王去食下，有鋼琴個裝修都唔錯完全唔似我小時候印象既扒王。羅宋湯無味好水，個包好硬唔夠軟，叫左個肉眼扒同牛板鍵都唔錯，好食過銅鑼灣花園餐廳同樓下間莎樂美。叫左碟$18雞翼，真係平到笑，正常氣炸鍋雞翼味，不過$3隻仲想點另外有碟$24兩隻焗壕，一般般，黎扒王之王都係食返扒唔好博😅總括而言，想食扒下次都會再黎，個環境又大又乾淨有氣氛，讚！…查看更多

扒王之王係兒時美好回憶，所以咁岩經過就試下。上到黎間餐廳好大，位都闊落，環境係舒適既。見餐牌都多選擇，價錢亦好親民（過份親民？），見有個雜扒餐（好似係豬同雞）係$37雖然係有加一，但係都好平。我一心想食牛肉，所以就叫左$68 既鐵板洋蔥牛柳粒跟燒汁。另外可以自己拎湯，紅湯白湯自己拎。上餐都好快，未飲完湯就到齊。賣相其實係幾好架，好欣賞佢咁多菜，有意粉，牛肉粒都好多，$68係抵食。可惜，一食落口。。。勁咸，然後慢慢食到好唔新鮮既味道。一啖牛肉要食返意粉中和返個咸味，直到食左一半，終於頂唔順，身體同自己講唔可以再食。平時唔係咁好食都會盡量食晒，未試過食到一個點係身體唔想再食，今次試到了。我唔知其他肉會唔會都係咁，但係我應該唔會再食下次。…查看更多

知道荃灣開返扒王之王，今日下午茶時段就去試下。一個公司三文治餐一個牛板腱七成熟set味道嚟講，如果啲黑椒汁可以再濃啲就好，淋汁時個喳一聲唔係好夠🤣跟餐嘅餐湯原來係自助嘅，一人一份，湯水處寫到明如果裝多幾次要另計，提示字體都好大。啱好忌廉蘑菇湯同紅湯都新鮮refill咗，試下，味道都夠～我鍾意羅宋湯多啲。…查看更多

荃灣分店非常大，裝修亦非常舒服，行西式餐廳加酒吧的路線。已經黎過幾次，午餐、下午茶、晚餐menu 都非常多選擇，呢個經濟環境下價錢都非常宜人，自己煮的成本都分分鐘仲高。既然坐得舒適，店面乾淨又大，得閒同老公黎鋸下扒回味下細個的回憶，都幾開心。扒餐有多款牛、豬、雞、魚可選擇，包餐包、湯、飲品，可配飯／薯菜／意粉，加20幾蚊已經可以有紅白酒、啤酒，性價比高！留意返薯菜呢度行bar food style，係另上的幼身薯條，唔係港式扒餐個種係鐵板上，粗身，淋曬汁的薯條。下午茶怕扒餐太heavy，仲有焗飯、意粉同中式炒粉面，抵過茶餐廳。…查看更多

細細個屋企人帶我去西環食過, 印象深刻, 好想搵返童年味道! 荃灣店新開好想試下, 但見openrice食評好伏, 都有d驚......打去問要唔要訂位, 店員好好, 知我人多問我食唔食恐龍骨? 我完全唔知咩黎 聽完佢介紹, 原來要3日前預訂, 咁就去試下啦, 一上枱好香好大份, 勁林多汁肉味重 估唔到都夠6個人食, 以呢個價錢, 呢個質素, 真心抵 細問之下, 原來換左大廚, 所以食物好食左, 大家可以俾多次機會佢! …查看更多

今日經過荃灣扒王之王，諗住試下童年回憶嘅味道，一上到餐廳拾枱嘅男侍應慢吞吞咁擺咗兩位位出嚟就走咗去，枱上冇點餐QR code餐牌又冇，問佢唔該有冇餐牌，佢跟住拎住張餐牌就咁用力劈係枱到，枱上嘅墊枱紙都飛起，雖然唔期望收加一有服務但都唔洗咁晦氣嘅態度對客掛，搵咗另新位女侍應叫咗份蜜糖芥末雞扒意粉同鴛鴦扒餐，雖然人地第一日返工唔識用點餐機，但有禮貌。好快兩個餐嚟到買相已經唔得，味道更係難食，鴛鴦扒餐啲薯條腍哂，豬扒硬到飛起，雞扒又乾，至於雞扒芥末意粉雞扒一樣乾，得意粉叫做撈汁可以食吓，另外叫咗兩杯熱奶茶，認真大x樂大x活嘅奶茶都好飲過佢，似奶加大量水溝出嚟咁，一啲奶茶味都冇，仲有個無限任飲餐湯，可以唔洗飲都得，飲茶餐廳嘅例湯都好過佢多多聲！我絕對唔係因為服務而針對食物嘅味道。而係冇諗過細個食過嘅一間餐廳可以失色咗咁多！整體嚟講一個字差！一定冇下次！…查看更多

年初六初次光顧，門外沒有任何標示，但當我選在門外貼出的 menu食品時（鐵板餐），說沒有，只有晚市套餐（比鐵板餐貴近百元），算了，幫朋友慶生，不計較。選了兩款，侍應先盛多餐湯，我看看單據，列有餐包，但等了會，未見送來，便問了，答好，但又等了很久，待我用眼神追時，才去取，也轉了兩圈才拿來，湯也涼了，吃西餐的，大概都不會分開吃吧。接著，朋友要六成熟，我要七成熟，待扒來了後，切開，我的七或熟比朋友六成熟的還要生。也罷。叫餐飲，看看餐牌，基本上除了酒類便全是咖啡，便選了兩款，侍應回應：沒有咖啡，叫別的！不想喝酒，便再問可有什麼熱熱，答可選朱古力或可力，天！我再問，有沒有奶茶，才說，可以！什麼服務，還要加一！？奶茶來了，味道普通，又要我問，可有糖？才又去拿。卻在這之後，聽到鄰座叫餐時，客人要求鐵板上，侍應答可以啊！ 但為什麼在我想要時說沒有？！ 實在令人費解，太差了！…查看更多

心血來潮見到原身放題後既扒王之王，打算上去一食😋到舖後裝修不錯，坐位舒適，亦有兩個玻璃房可以一大班人開party👍🏻點餐order兩個晚餐，一份肉眼牛扒（3成熟）➡️黎到變左7成，肉味已俾汁醬掩蓋了，食不到原有的味道，另一份牛柳（5成熟），味道亦一樣，而且非常“鞋”。兩個餐點選了薯菜，但只有2條菜及洋蔥，簡單的薯條/薯溶也沒有😤非常失望😔餐後有職員協助order飲品，但一個簡單的Latta都唔明白是什麼，到底這店是一間茶餐廳嗎？反問我係唔係咖啡？我要的不是茶餐廳咖啡，何解不明白時，尋求協助呢？到底呢個收費值得嗎？所謂的服務費要受氣嗎？:(…查看更多

經過荃灣，見到開左間扒王之王plus，心血來潮，想試一試童年嘅回憶味道。嗌左個鐵板雜扒餐，滿心期待。食物黎到，可能平時小去鋸扒，第一次嘗試冇牛扒嘅雜扒餐，見到食物時已感覺到失望，去到食鋸扒既重要時刻”淋汁”，鐵板唔夠熱，完全冇食鐵板既氣氛。冇氣氛，食雜扒冇牛扒都唔緊要，最估唔到食物連質素好差，塊豬扒又硬又嚡熠熠，簡直係放唔到入口。羅宋湯又冇味，有生之年唔會再去食，一間專食扒既餐廳連最基本既食物都做唔好…查看更多

不少香港人都對扒王之王呢個名字唔陌生～因為佢係陪伴好多80後經歷中學時代的鋸扒餐廳！今晚竟然出奇地俾我哋搵到荃灣嘅一間分店，食到有驚喜而滿意嘅高質素晚餐！前菜我哋要咗個虎蝦焦糖香梨沙律（$78），黑醋汁有伴碟畫花裝飾下，虎蝦幾彈牙，最有心思係香里有焦糖化過！做得幾decent! 之後媽媽想食蔬菜，幫佢叫咗個忌廉菠菜，（$48），你冇睇錯係$48，就有一大碗菠菜、忌廉汁一啲都唔吝嗇！係好好味嗰種！主食我哋share咗一個牛舌安格斯牛柳粒焗飯（$92），牛脷同埋安格斯牛柳粒都好香軟，雖然睇落好似未熟晒紅紅地塊肉，不過又唔會話有啲咩血水出，係幾好味嘅呢個焗飯，唔係一般大家樂焗飯嗰種！總括來講，今晚都好滿意！…查看更多

放假落街同老公揾野食，諗住是但食， 發現開左間久遺嘅扒王之王，就上去食。 上到去無諗過咁多人，都坐左8成枱，侍應都好有禮貌，同我地講下呢間扒王之王plus 係升級版，只係開左幾個月，老闆都係舊時個個， 但環境食物都比以前升級左👍🏻當年仲係初初出黎打工， 叫野食都要慳住叫🤪依家緊係要食豪啲😆叫左龍蝦湯、炭燒美國prime頂級肉眼扒、虎蝦櫻花蝦汁意大利粉、Margherita pizza，食到好飽， 好滿足，下次可以再去…查看更多

上星期六我和先生去了新界區，想要享受一頓西餐，並提前慶祝聖誕，於是選擇了「扒王之王plus」。最初我並沒有抱太大期望，但卻意外收穫了驚喜！餐廳的空間寬敞，我們預訂了靠窗的位置，坐得相當舒服。服務員不僅有禮貌，而且親切，耐心地解釋餐單並推薦值得嘗試的菜品。我們點了兩份聖誕餐，前菜是蟹肉牛油果沙律和南瓜堅果沙律。我特別推薦蟹肉沙律，口感非常好，味道也令人滿意。湯品方面有忌廉龍蝦湯和泡沫磨菇湯，搭配面包，質素不亞於酒店水準，遠超茶餐廳的水平。主菜方面，我們選擇了頂級肉眼扒和火雞。我個人更喜歡牛肉，厚切且肉質嫩滑，真的非常美味。至於飲品，我們點了紅桑格利亞和莫希托。紅桑格利亞的味道不錯，甜度恰到好處；而莫希托則稍微偏酸，並帶有一絲苦澀的味道。整體來說，這次用餐經歷超出了我的預期，不僅美味，還性價比高，值得再次光顧。…查看更多

聖誕前夕去咗新開既荃灣扒皇之皇。因為童年回憶，所以特登約埋朋友去嚐試一吓。點知去到好大驚喜😚首先呢個鋪位之前係校長燒肉，而家變咗扒皇之後裝修過變得又大又乾淨😲（最緊要係廁所都竟然好乾淨噃）而且座位仲好闊落添！ 個水吧仲好大，而且竟然仲有生啤飲🍺1664，Hoegaarden都有😍⋯⋯食物方面質素仲比之前食過既扒皇提升咗，唔講咁多，掛住食😋⋯總之有圖有真相🤣，食完係有驚喜，試過就會明🤭食物質素和賣相，感覺上去咗高級餐廳咁。大蝦意粉蝦夠彈牙，Pizza餅底夠脆，牛扒🥩唔駛講試吓就知👍🏻食後感：一定會再去，下次約埋幾個女仔去呢度飲生啤🍻傾偈好過去酒吧飲🤭因為🍺價錢比酒吧平而且地方乾淨又唔會好似酒吧咁雜又烏煙瘴氣⋯⋯傾偈又唔會嘈😎除咗晚飯，去呢HH都唔錯👍🏻…查看更多

今次🐮帶我去食扒，佢話荃灣開間扒王之王，咁我地去食，上到去，餐廳係夠大，但係d 侍應就一般般。D 侍應好唔熟手，一時又話呢個唔曉落單，一時叫佢哋開個冷氣好熱就叫左幾次都處理唔到。我地叫左兩個貴扒（已經係menu 上最貴的牛，我地叫左5成熟，但點解五成熟會切唔開，又多筋，又唔淋😓🐮知道我鍾意食薯條，叫左份薯條我食，上枱就好似係係一碟炸完好耐，淋d 芝士上去再叮一叮🙄原本我冇諗住寫食評，所以冇影齊相，結果食完我同🐮都覺得好差🙄🙄又貴！請好好改善質素！…查看更多