扒王之王

重開之後一直想黎試下，可惜一直冇機會，今日出開油麻地順便過黎食，下午2點左右到達，唔算多人職員可以安排卡位，午餐都好多選擇，有扒有焗飯意粉，沙律等H10 鐵板牛柳配雞扒($79)，黑椒汁，配飯，紅湯，凍檸茶走冰：原來有得揀鐵板上定碟上，黎鋸扒當然要鐵板啲滋滋聲啦~職員再問牛柳幾成熟，因為唔食得生野叫左全熟，全熟牛柳都好嫩口唔怕鞋同un，肉質味濃，雞扒煎得好香口，正正常常雞扒味，亦都好嫩，兩塊扒都好大塊，墊底嘅粟米粒都好多，係唔太夠汁我再問職員拎多左兜黑椒汁撈飯，紅湯都多料有菜同紅蘿蔔條，但唔夠酸辣反而甜甜地，不過鍾意飲紅湯嘅我冇乜所謂，加上今朝落好大雨天氣涼涼地飲左碗熱湯暖左啲，凍檸茶我要求走冰職員好好話盡量幫我少冰，再比個杯我自行畢走啲冰，最後黎到真係少冰得2粒，值得一讚~(我唔明其他店嘅職員會話走冰不如飲熱檸茶，熱係加砂糖，凍係糖漿，完全唔同味，熱係澀好多囉)，凍飲個杯都算大杯，鋸扒會飲好多野飲，所以大杯係加分嘅，不過味道就普通啦~C10 鐵板黑椒德國豬手($75)，黑椒汁，配薯條，粟米忌廉湯，凍奶茶少冰：鐵板一上真係嘩一聲，豬手比想像中仲大，真係嚇一嚇，外皮脆卜卜好吸引，肉質嫩滑，肉同骨好易分離到唔會鋸得好辛苦，雖然骨唔細但肉仲多，食呢個豬手性價比好高，出面一定唔止呢個價錢而且仲要係set，薯條係幼身似麥記嗰隻，枱面有茄汁可以自行落，白湯正常味道不過唔夠熱只係暖暖地，凍奶茶就真係麻麻，可能茶底唔得所以2杯茶都係咁總結係環境舒服，上菜速度快，份量大食完好滿足，特別一讚職員態度好好，所以餐飯食得好開心，下次要再黎食過**唔知點解upload唔到相片，所以只可以純文字寫食評…查看更多

位於繁忙的旺角，扒王之王以其獨特的西式扒類料理聞名，成為不少食客心中的美食勝地。近日，我有幸品嚐了這裡的幾道招牌菜，包括咸牛脷、焗法式田螺以及澳洲A5肉眼扒，這些菜式不僅色香味俱全，更展現了主廚對食材的精湛處理和創意烹調。以下，我將從視覺、口感和整體體驗出發，詳細評述這三道菜，並結合照片中的細節，為大家呈現一場味蕾的盛宴。#### 視覺與呈現步入扒王之王，環境舒適而溫馨，木質餐桌搭配色彩鮮艷的餐墊，營造出溫暖的用餐氛圍。桌上擺放的菜式一亮相便令人垂涎。照片中，首先映入眼簾的是咸牛脷。這道菜盛載於一個白色淺碗中，湯汁呈淡黃色，帶有幾粒玉米粒點綴，湯面微微泛光，顯得清新可口。另一側的沙拉碗中，鮮綠的生菜葉搭配紅色的番茄，色彩鮮明，為這道溫熱的湯品增添了清爽的對比。接著是焗法式田螺，照片中這道菜裝在一個銀色小鍋中，底層鋪滿了黃色麵包屑，上面散落著數顆烤至微焦的田螺，表面帶有誘人的焦香色澤。田螺本身呈深棕色，與麵包屑的黃色形成鮮明對比，散發出一種鄉村風格的粗獷美感。旁邊的空盤則為用餐者提供了方便，讓人可以輕鬆享用這道充滿法式風情的料理。最後登場的是澳洲A5肉眼扒，照片中這道主菜盛放在白色圓盤上，肉眼扒厚實多汁，表面烤出誘人的焦褐色澤，帶有清晰的油花紋理，證明其A5等級的高品質。盤中還有一隻烤得金黃的蝦，蝦身微微彎曲，增添了視覺層次感。旁邊配以一小份薯條和幾粒玉米，顏色鮮艷，還有小份沙拉點綴，包含生菜和番茄，增添了清新的口感。肉眼扒旁邊還有一小杯濃稠的棕色醬汁，散發出濃郁的香氣，顯然是精心調製，令人期待。#### 口感與味道咸牛脷入口即有一股溫潤的湯汁撲鼻，牛脷煮得軟嫩，帶有輕微的鹹香，湯底濃郁卻不過膩，玉米粒增添了一絲甜味，與沙拉的清爽形成絕妙平衡。這道菜適合作為開胃菜，讓味蕾逐漸適應後續的重口味。焗法式田螺則帶來截然不同的享受。田螺肉鮮嫩多汁，烤製過程讓外層帶有一層酥脆的麵包屑，內裡卻保留了汁水，嚐起來鹹香濃郁，帶有淡淡的蒜香和奶油味。麵包屑的焦香與田螺的鮮味相得益彰，雖然份量不多，但每口都充滿滿足感，堪稱餐桌上的一道亮點。澳洲A5肉眼扒無疑是整頓飯的壓軸戲。肉質入口即化，油花分佈均勻，每一口都能感受到肉汁的豐富層次。外層的焦香與內裡的嫩滑形成對比，搭配醬汁後，味道更加圓潤。蝦的鮮甜與肉眼扒的濃郁相輔相成，薯條酥脆可口，玉米則帶來一絲自然的甜味，整體口感豐富多變。沙拉的清新口感則在餐後為味蕾提供了一種舒緩，讓人不會感到油膩。#### 整體體驗扒王之王的服務態度值得一提，員工熱情周到，餐具擺放整齊，環境乾淨舒適。雖然菜式偏向西式，但融入了一些本地化的細節，例如餐墊上的中文字和圖案，讓用餐體驗更具香港特色。價格方面，雖然屬中高消費，但以食材品質和烹調水準來看，性價比頗高，特別適合喜歡享受精緻料理的食客。總體而言，旺角扒王之王的咸牛脷、焗法式田螺和澳洲A5肉眼扒各具特色，無論是視覺上的精緻呈現還是口感上的層次變化，都令人印象深刻。這裡不僅是一處品嚐美食的好去處，更是一個讓人放鬆身心、享受生活的理想之地。若你計劃與朋友或家人聚餐，不妨一訪扒王之王，體驗這場味覺與視覺的雙重盛宴！…查看更多

🍽️ 《扒王之王旺角店：$158紅酒牛扒宴vs黃招牌驚魂梯！》*食物性價比爆燈*$158套餐包沙律、餐湯、紅酒、餐飲，喺旺角地獄租金下算係「良心價」！ - 肉眼扒：叫咗五成熟，上枱勉強達標，邊位焦香有炭燒味，但中心部位略乾，似七成熟多啲，好在肉味濃唔使靠醬汁搭救。 - 西冷扒：油脂分佈合格，筋位少易切，但嫌醃得過龍有啲「梳打粉味」，食落爽但欠牛香。 - 比目魚豬扒：全場黑馬！豬扒鬆化唔鞋口，比目魚皮脆肉滑，兩者夾擊下反而搶晒牛扒風頭。 沙律菜新鮮但醬汁求其，羅宋湯似罐頭溝水，免費紅酒當葡萄汁飲算係咁。 ☠️ 環境+服務：雙重伏位1. 黃色事業梯間挑戰：電梯維修要行樓梯上2樓，樓下夜總會巨型黃招牌+露骨女郎廣告勁刺眼，女仔單獨去真係「Say no到爆」！仲要經過後巷陰暗位，保安零分。 2. 服務hea到出汁： → 阿姐執枱紙巾當透明，收碟唔收垃圾，檯面長期有「戰績殘留」。 3. 懷舊裝修：地下黐笠笠*總結｜性價比：⭐️⭐️⭐️⭐️ (4/5) $158有紅酒有牛扒贏晒價錢牌 ｜服務態度：⭐️ (1/5) 紙巾都唔執？｜女客安心指數：🚫 樓下黃招牌+暗巷=100%尷晒 …查看更多

突然收工想食扒，忐忑緊去邊間食嘅時候，OpenRice突然彈咗扒王之王出嚟，撳入去見到好似靚過以前好多，所以就入去試一試。🥩航空母艦（美國大型牛仔骨）佢聲稱係二人份，但係係上到枱其實份量唔係好大，我深信我一個人都食得晒😂😂冇問過我哋要幾成熟，但係生熟到啱啱好。除咗有肉之外，連牛仔骨嗰條好有咬口嘅筋都幫我哋切成一粒粒方便我哋食用。除此之外，另外仲有燒菠蘿做伴碟，開胃得來又解膩。👅炒牛舌粒見到上面個二人份牛仔骨份量都唔係咁足，所以決定叫下其他小食。食扒嘅地方果然只能食扒，呢個炒牛舌沒有任何調味，而且每一粒都炒到非常乾同埋韌。個人就唔太建議啦。🐚田螺田螺本身牛油味好香，但係啲薯蓉就唔係好得，口感好似食緊泥膠咁，就算我將啲田螺汁倒落去撈埋一齊食，都冇辦法令啲薯蓉起死回生。總括依然我覺得呢度啲扒，肉類係可以嘅，而且價錢都唔算貴，但係小食就真係不了。…查看更多

好耐冇食鐵板牛扒，經過見到扒王之王，就入去懷念一下。見到餐牌，全部都係鐵板套餐，有什扒，西冷牛扒，封門牛柳，羊扒和豬扒等等。揀來揀去，決定叫牛柳拼比目魚，鐵板上，薯菜、黑椒汁、紅湯。羅宋湯味濃多料，沙律都新鮮爽口。鐵板上台後，系自己淋黑椒汁的，叫了五成熟，切開應該有八成熟。牛柳好淋，比目魚都滑，有黑椒汁的粟米好好味，但薯條太幼身，炸到乾晒，感覺麻麻，索了黑椒汁後又可以接受。整體都可以，服務又不錯。…查看更多

見到有呢個美國珍寶牛柳同埋另外一款肉眼扒，咁就問侍應有咩分別啦？佢嘅答案係唔同部位囉。多謝晒我梗係知唔同個位啦。咁我就揀咗美國珍寶牛柳。之後佢問幾成熟，我就話三成啦，佢話多筋三成會韌。好啦咁叫5成啦唯有。之後見到有薯蓉焗田螺諗住試埋啦。咁啲食物究竟係咩質素呢？首先嗰個湯，淡淡地咁冇乜特別。等咗好耐終於有個薯蓉焗田螺出嚟啦，點知啲田螺好鹹啲薯蓉焗到死晒硬掘掘。啲薯蓉仲有啲腥味添。主菜牛扒嚟啦，咁個汁要自己倒落去。我就好期待到落去嘅渣渣聲。點知倒落去一啲聲都冇，塊板唔熱。塊牛扒有牛味嘅。…查看更多

最近去了一趟旺角的扒王之王，食物雖然不算特別好，但也不至於差。自稱“王中之王”似乎有點誇張，讓人忍不住想笑。點了兩個套餐，雖然送了兩杯紅酒，但我和女兒都不喝，所以沒要。不過，值得一提的是，侍應的服務態度非常親切誠懇，這在如今已經不多見了。餐廳的環境也相當舒適，讓人感到放鬆。然而，旺角區的晚飯時間卻只有三至四桌客人，讓人感到有些心酸。最後，我們的兩套餐加上一份焗田螺，總共四百四十元，整體來說還算滿意，至少用餐過程中沒有受到困擾。希望這家店能夠吸引更多客人，因為服務和環境都值得好好珍惜。…查看更多

第一次黎食扒，都係第一次用碟食。坐低落單，嗌完餐，揀埋咩汁，冇覆單就咁行走左後黎出餐先發覺係用碟出，並唔係鐵板出。食到一半已經keep唔到原本嘅熱度。以為係餐廳唔會用鐵板，亦都唔會問碟出定係鐵板出，點知…餐廳開始多人，同一個侍應係隔離檯落單，明明嗌嘅嘢一樣，點解個侍應會問埋人地係碟出定係鐵板出？？？今時今日咁樣做扒餐廳侍應，最基本問呢個問題都做唔到！細節真係決定成敗。希望其他人都唔會遇到呢個情況出現下次唔會再去：）…查看更多

今日一支公系MK食晏，行过见到扒王之王就走咗入去試下。 我哋依個年纪嘅人，可以話系睇住佢大睇住佢壞少年时代由经常去食变成唔多去食。 今日入去都系抱住一个懷舊嘅心態，本身都冇乜期望。一入去見到環境舒適，座位宽敞，唔会逼夹夹，洗手间亦整齊清潔。員工都系一班中年人士，但系手脚爽快亦非常好礼貌。 尤其系两位經理，中氣同幹勁都系十足。餐牌款式非常多，有啲花多眼亂嘅感觉最後叫咗鐵板蒜蓉牛扒，配意粉加餐飲同餐湯。白湯味道正常，有好多粟米粒 牛扒唔會好似出邊咁俾鬆肉粉乸到腍晒同埋冇肉味。意粉同热華田正常水平。份量绝對足够一个大男人食以咁嘅價錢（HKD 69+10%)食到咁嘅食物質素同埋環境&服務, 绝對冇投訴。將来如果嚟開依邊，絕對可以再食。亦希望佢哋俾心機越做越好…查看更多

重開的扒王之王室怖裝修簡潔整齊，有點意外。雖然我們只有4 人，但兩名有一定年紀的職員主動為我們搬來多一張2 人檯，好讓我們有多些空間!印象分大增!港式羅宋湯不會水汪汪，茄膏味濃郁，且有紅蘿蔔和幾片蔬菜，及格。火雞沙律的蔬菜爽口，醋酸令食慾大振，及格。牛板鍵扒 我點了十成熟，還以後會頗老，怎料肉質仍然頗腍!好驚喜!檸檬茶的茶底好特別，與茶餐廳有明顯分別!茶味有着淡淡的普洱味(?)，配上酸酸的檸檬，好喝!…查看更多

之前見到扒王復活，一早想食睇吓有冇以前嘅水準，地點都好方便喺朗豪坊隔離，去到睇返個餐牌真係好平民，服務同環境都好好，好老實呢個價錢都預咗唔會話啲扒好靚，但係食咗之後覺得啲扒唔係太差，而且份量好大，羅宋湯都好好飲咖啡都好掂，但缺點就係冇餐包個雜扒就牛同雞都一般，但豬扒好入味而我同行嘅朋友叫做肉眼佢覺得啱啱好，而且好有牛味，係啲薯條腍咗啲，其實呢個價錢真係非常合理希望香港人多多支持呢啲小店，如果有機會絕對會再去…查看更多

以前細個成日食扒王之王，後來執淨一兩間今日路過旺角就試下今次嗌咗個封門柳，配上黑椒汁，同薯菜個前菜揀咗羅宋湯，唯一同以前唔同嘅係，佢唔再配餐包，而係沙律個封門柳上碟黎，淋上黑椒汁，滋一聲，例牌拎張紙巾擋住。啲肉汁好腍，索唒啲黑椒汁，好入味。係童年回憶，啲質素同以前差不多…查看更多

重新開業在旺角一所舊式商住大廈內,午市五十幾蚊(不計加一）就吃到穀飼豬扒和燒豬手,似是走抵食路線,我之前都光顧過覺得水準尚算不過不失. 而餐廳最大優點在於環境,多窗引進自然光令環境光猛,座位亦夠闊落,雖是同樣用經驗老到的侍應,然而服務態度和禮貌較同類型的餐廳優勝.晚上餐廳無自然光透入,光線稍暗但情調卻不錯. 我選了148蚊的V12美國頂級安格斯西冷牛扒餐,餐牌上寫驚喜價且每日限售30份,要睇睇是否真的超值呢？先來餐湯,揀了紅湯～蕃茄雜菜湯,微酸加上無味道的蔬菜,普通茶餐廳水平.煙火雞沙律~個名就幾吸引! 以為至少都有一兩片火雞片,但原來只是雞碎粒,炸得只有脆,是否火雞根本都食不出來. 另外黑醋汁太多,連蔬菜最基本的清新都被搶奪了.主角安格斯西冷牛扒(五成熟）~以面積和厚度來論份量算不錯. 表面沒有格仔坑紋的牛扒通常都無炭火香氣,這塊亦然. 口感較粗糙,肉汁少應是烹調過火,肉味則尚可. 扒旁的脂肪位是成塊扒最好的地方,味道有所提升. 配菜上碟賣相普通,薯條算夠脆,粟米和菜味雖淡亦不算難食.這個V12美國頂級安格斯西冷牛扒餐不算什麼驚喜,最多只能說是價錢公道. 然而百幾蚊能吃到大塊厚切,味道正常的牛扒,絕對是合格水平.…查看更多

落單個阿叔以為自已好好記性啊？背號碼去落，話左飯另上，又唔記得仲要等左45分鐘，我哋催之後先有得食黎左又要錯每個月都至少去1-2次之前服務都ok，出品都正常速度今日4月21日，侍應態度同廚房出品速度都好差食物好，但人令到我好反感，好失望但試左幾款牛之後，我覺得都係V19最好食我媽唔食牛，只有幾款豬可以選擇但V1無貨又唔貼上售完，比餐牌之前又唔會通知總之今日係我食扒王之王第一次咁反感，餐廳店舖已經越來越少，品質自己仲要做得越嚟越差…查看更多

睇到網上一篇文章，話扒王之王執咗笠。我細個嗰陣好鍾意食扒王之王，所以聽到呢個消息都幾失望。點知過咗一排，我又喺網上見到有人話扒王之王其實冇執，只係搬咗去新填地街。咁我就趁住有機會，去咗新填地街嗰間扒王之王試吓。新填地街嘅一棟舊樓上，門口有個大大個嘅中文書法字招牌，仲有霓虹光管招牌，好有香港風味。餐廳入面嘅裝修都幾簡單，不過坐得幾舒服。我點咗份美國頂級安格斯有骨肉眼，女友小熊點咗頂級西冷，兩份都係7成熟，都係黑椒汁。待應問我哋要鐵板上定碟上，我哋當然揀咗鐵板上。鐵板發出獨有嘅「咋咋」聲，而且夠熱，唔會凍冰冰。紅白餐湯雖然質感比較水，但味道唔算淡，合格啦！伴碟用上粟米粒，雖然唔係我愛嘅三色豆，但總好過俾半個蕃茄或西蘭花或椰菜。有啲扒房，件扒又醃過，汁又味濃，結果一併埋就過鹹。但今次幫襯扒王之王，兩件扒都無醃過，黑椒汁味道適中，唔會過鹹而且惹味。有啲餐廳幫你淋啲汁上鐵板，但我中意切完件牛扒先上啲汁上，扒王之王係後者，夾自己習慣。頂級西冷肉質鬆軟，讚！…查看更多