愛家素食 (淘大商場) (已結業)

#愛家素食奶奶每逢初一、十五食齋，早排陪佢去淘大商場一間老牌街坊素食店開餐。嗰度啲齋菜不含蛋/奶，款式多價錢實惠。悠樂湯粉($47) 濕濕地易入口，老火湯底可以俾奶奶當抗疫湯水飲用，健脾益胃。配料有扎肉、炸腐皮、蔬菜丸。嫌唔夠喉，飲埋是日例湯：芥蘭頭濃湯唔太杰身，入口香滑。又或者加$5改熱飲，大推椰漿咖啡！我要有飯落肚，叫咗一客香椿芙蓉包飯 ($48)，係呢度嘅招牌菜式。芙蓉包有多層腐皮，雜菜粉絲做餡，食嗰時點啲香椿汁，味道甘香，啱晒餸飯。食晚飯有得食純素甜品，破例俾老人家食番杯。朱古力慕絲有濃郁可可味，奶奶嗰杯藍莓慕絲，底下有椰絲，味道天然。同奶奶一人一杯熱飲，一個甜品，再閑話家常，都幾寫意！地址：九龍灣牛頭角道77號淘大商場二期地下G242-245號舖…查看更多

多個研究顯示，食素的確有助減輕腸胃負擔、減低患上慢性病及癌症等風險。要我呢個食肉獸轉全素的確有啲難度，不過依家素食產品千變萬化，有時唔講都唔覺自己係食緊素食呀～ 好似屋企附近呢間✨愛家素食 Loving Hut✨，我自己就好鍾意，今晚晚餐就揀佢～叻沙百頁豆腐烏冬自己好鍾意～ 叻沙湯濃、望落勁似魚片的百頁豆腐「索」晒湯好好味～ 烏冬滑滑～ 外賣有分湯唔怕腍～印尼沙嗲串燒煎蛋飯呢個又係好惹味！ 沙嗲汁香濃、串燒係由菇「頂」製成、口感頗像真～ 隻蛋先呃到我啊！因為呢度係純素餐廳（無蛋奶素）未食蛋果刻猶豫咗一陣，😂😂食落係勁似堅荷包蛋！另外用上半紅米飯、高纖健康～南瓜濃湯、豆漿奶茶南瓜湯creamy、濃淡得宜。豆漿奶茶顧名思義就係用豆漿代替奶去沖，估唔到味道有驚喜！香濃豆味撞落濃茶、個味道我自己好鍾意～仲有一方面我欣賞佢哋的外賣器具主要係紙類，比起塑膠環保♻️～佢哋係店舖入邊仲有一啲素食產品供客人選購，咁就係屋企都可以品嘗不同嘅款式的純素美食啦～…查看更多

九龍灣健康誠意素菜近年素食已經成為年輕人嘅一種生活態度及口味，而素食嘅款式亦多咗好多🤩餐廳素食種類多，而且不時推出新口味來迎合唔同客人嘅需要🥰餐玉牛角包🥐 配炸薯球新菜式！ ➡️純素牛角包，鬆軟香口，裡面有素餐肉，香脆又油光，鹹香惹味😋 伴上外脆內軟滑嘅炸薯球及沙律🥗小食沙嗲串燒、炸紫菜、悠樂春卷第一次食素沙嗲串燒，香濃惹味，口感豐富多層次🥰炸紫菜爽脆香口，而春卷炸得脆卜卜，餡料滿滿又好味無糖豆漿好開心有無糖豆漿，好健康…查看更多

九龍灣的Loving Hut 愛家相信係唔少素食朋友嘅飯堂愛家係一個自助取餐形式嘅 Vegan 餐廳環境坐得舒服而且價錢非常大眾化食物質素亦都相當有水準·我今次點咗印尼沙嗲串燒煎蛋飯價錢只係 $57 加 $2 有素老火湯·串燒好香菇味配上印尼沙嗲汁一流Vegan Egg 蛋白口感好好蛋黃部份係熟蛋效果都唔錯配上三色燈籠椒蕃茄青瓜同紅糙米飯材料非常豐富份量亦足夠相信男士都會飽飽·另外我好欣賞嗰個老火湯非常清甜好飲完全唔油同口渴好有住家感覺 ❤️ ·愛家最近傳出六月結業的消息實在十分可惜可以的話請大家請多多支持·📍 九龍灣牛頭角道77號淘大商場二期地下G242-245號舖·—————————————————————#vegefoxx #vegan #veganfood #vegetarian #veganlife #veganism #vegansofig #vegancommunity #veganeats #veganfoodshare #veggies #plantbased #plantbaseddiet #plamtbasedfood #veggie #veggiefood #vegetarianfood #vegetarianrecipe #vegetarianism #vegetariano #素食 #素食料理 #素食主義 #lovinghut #veganegg #veganbbq #vegangirl #kowloonbay #supportlocal #supportveganbusiness…查看更多

住開呢頭都成日經過呢間素食 但一直都冇機會試 襯今日上午食得太油 又冇晚市 所以就叫咗個下午茶Omnipork 午餐肉扒包芝麻包原來係自家製，淡淡麻香好鬆軟素餐肉煎得好香脆 雖然話係素食但都唔好以為好健康😂都係油光四溢 夠晒惹味悠樂春卷即叫即炸 春卷皮勁脆 一咬仲出晒煙 同平時食嘅素春卷嘅餡大同小異 但加入了素肉絲令口感大大提升 下午茶作小食剛好炸紫菜脆有驚喜！大大塊脆而不膩 食得好爽😝紫菜亦調味過帶咸 食落唔寡 不過唔知正確食法係點我就咁成塊咬😂老火湯：木瓜雪耳南北杏平時屋企少煲湯水 出街如果有都會叫返碗湯 內有好多料 清得嚟又夠味 真係有種家的感覺純素朱古力慕絲蛋糕本來冇諗住叫 但姐姐好有心介紹咁我就試下啦結果朱古力味超濃 慕絲質地非常綿密 有種近乎燉蛋的感覺 蛋糕層類似海綿蛋糕 層次口感都有門口處仲有好多素食食品/小食賣 食飽飽去睇吓🥰Check out our Instagram @fatsinated…查看更多

    純素餐廳,今次有好介紹用新鮮食材加上調味料,一樣煮到出色既美食我一向唔排斥素食,但前提係要好食今次黎到呢間九龍灣既人氣素食店價錢平之餘,仲要好多食材都係自家出品或全素,健康之餘亦美味一份麻油炒雜菇,新鮮炒得夠鍋氣,配上青綠紅椒仲有香葉,夠香氣賣相又精緻配上每日唔同既濃湯同埋紅米飯,份量飽足又滋味仲可以試埋佢地既純素朱古力甜品,用上入口朱古力製造而成入口都係啖啖濃郁朱古力味另一份係素食漢堡,係店家介紹配上入口牛油,自家沙律醬,仲有醃青瓜,酸爽清新,加上炸薯波,麵包烘過鬆軟純素麵包一樣咁好食,証明純素也是可以好味道,不一定要食什麼科技素肉先好食想飲奶茶呢度一樣有,改用豆乳做底,一樣咁順口濃滑平均消費$88做埋5月就結業,想食就要留意了愛家素食(淘大商場) Loving Hut (Amoy Plaza)九龍灣牛頭角道77號淘大商場二期地下G242-245號舖…查看更多

淘大呢度多左donki後又旺左，本來已經十分高人氣的商場，越來越難搵位食飯啦。是日差不多兩點半先得閒食晏，兜左個圈，決定食下愛家素食，雖然係平日嘅兩點幾，餐廳都半滿座，人氣甚高呢。叫左碗悠樂湯河粉，再加左份悠樂春卷同炸紫菜，呵呵，其實仲有好多想食，食完呢份再決定加唔加先。其實悠樂即係越南嘅另稱，所以呢碗都可以叫做越南河粉？哈哈～咁素餐廳當然唔會係牛河啦，用了素札肉，魚丸同魚片，賣相相當唔錯，色香味俱全。先試試湯底，好鮮甜喎，味道好濃郁有層次，一飲就知係足料淆出黎啦！素肉有口感，食落好爽口，唔錯唔錯。由於個碗底實在太正，成碗飲哂一滴不淨，呵呵。小食即叫即炸好香脆，春卷比廣東式略幼身，但入面都包滿餡㗎，粉絲雜菜絲等，咬落清爽又香口。另外個炸紫菜又係正，勁脆喎，雖然係炸但又唔油膩，有冇得散買返去做小食㗎？仲要讚下個醬汁，旁邊呢個檸檬汁好清新，酸得黎又鹹鹹地咁，點春卷同紫菜都勁爽，仲可以去下油膩感添。其實已經好飽，但為食相想睇下甜品，之前落單時已留意呢個甜品櫃，有五款杯仔甜品，要邊樣好呢？最後決定要個柚子檸檬蛋糕杯同一杯熱奶茶，呢度個奶茶同用豆奶沖的，除了茶香仲有陣豆奶香味，真係又香又滑又夠熱，勁好飲。蛋糕杯仲驚喜，估唔到素蛋糕都可以做到咁綿滑，濕潤有彈性，淡淡的柚子同檸檬香，酸酸甜甜味道平衡，忌廉很滑唔膩，呢個味道絕對可以一口氣食到十杯，太好味了。外表睇落平凡嘅餐廳估唔到咁高質喎，係健康的素食餐餐黎，唔係舊派啲油膩膩的齋舖，主食同甜品都好正，下次試邊款好呢？…查看更多

這波疫情外帶飯盒當然吃不少吧！印象深刻的還有愛家的素食套餐~九龍灣淘大花園, 方便易去, 也有各種急凍食物方便買回家。-每個套餐也配白飯及每日湯品-是日湯品是 鮮竹芙蓉羹咸香之中帶有滿滿腐竹香，暖胃。-1. )金牌 叉燒芝士蛋飯 素芝士及南瓜肉做成的煎蛋，外形賣相100分叉燒也不錯吃啊-2.) 滷東坡飯是百頁豆腐arr！咬落彈牙，百吃不厭^^配菜也超好吃的!蘿白煮得淋甜，芽菜爽口不會太單調。白飯也配紅米飯，吃完有飽足感!卻能感受滿滿的誠意…查看更多

1.羅漢果菜乾南北杏湯估唔到例湯都足料，俾左好多菜乾同埋豆我地，而且個湯飲落去喉嚨好舒服，少少甜甜地，重點係冇咩油！我覺得就冇落味精，所以唔覺意飲哂🤪🤪2. 金牌叉燒芝士蛋飯開頭好好奇，明明餐牌寫住冇蛋冇奶，點解仲會有芝士蛋飯？嘩，原來芝士同蛋都係素食整🤩🤩🤩蛋白係豆腐乾，蛋黃應該係綠豆蓉😜😜叉燒上面啲蜜汁都唔算好甜🤏，叉燒質感還好，都係豆乾做嘅，如果硬多少少，口感會仲似🤪 3. 香椿芙蓉包呢個都扮蛋，都係豆造🤭🤭🤭我覺得比叉燒蛋仲似蛋，有小小玉子燒嘅感覺😆😆但佢落左粉漿剪出黎，又有好多香椿，即時香口左🤣不過女仔食可能會好飽4. 曲奇餅我幫襯個日咁岩20週年，店舖送左曲奇餅俾我，有原味/朱古力/培茶味🤪好似有少少overcooked，但都算係鬆化😆😆…查看更多

今日去咗九龍灣Donki行下，經過呢間純素食快餐，一於入去醫肚咁啱開業15週年送咗啲純素曲奇，無蛋都整到咁香咁鬆脆，厲害！印尼沙嗲串燒煎旦飯 $57-個樣同平時食啲串燒差唔多，味道口感都有啲似肉，但竟然係以菇類整成！而個煎蛋亦好有質感，有啲素鴨嘅味道叻沙百頁豆腐上海麵 $38-百頁豆腐有啲似魚片，而啲豆卜好脆，索曬啲湯相當惹味個湯有菜乾、雪耳、南北杏等，好清甜凍茶啡 +$8-用豆奶替代牛奶，味道同普通咖啡差唔多Kiwi我第一次食對素食改觀，原來素食可以咁多元化，會再嚟食呢啲平民化又健康又好食嘅素食…查看更多

想健康咁食一餐素食，但往往俾人感覺價錢高高在上，但九龍灣有間好親民嘅快餐店:)裡面竟然全部都係素食，價錢近人呢碟咖喱飯，雖然用菌類代替牛肉，但口感仍然實在，咖喱風味無減，薯仔同蘿蔔煮得剛好配上紅白米，樸素又惹味叉蛋飯仲犀利，叉燒都係以豆腐製作，味道似外脆內嫩版嘅百頁豆腐。煎蛋更加高章，係用南瓜同素芝士煮成，仲好味過堅蛋是日特色湯水係木瓜雪耳南北杏，素湯完全不遜於肉湯㗎甜品都係純素製作，朱古力mousse質感綿滑，濃味不亞於坊間嘅朱古力蛋糕咖啡蛋糕食落都好實在，咖啡香氣撲鼻，值得一試連飲品都係堅持純素，咖啡以豆奶代奶，不減咖啡本色，依然濃味醒神，飲完幾舒暢…查看更多

喺淘大都已經開業多年，每次經過都想試吓。今日終於一試，買外賣返屋企食。餐廳夠平民化，多款素食選擇，價錢抵食！▶️咖喱薯仔🥔素蝦飯$47非常之足料！咖喱夠辣，有好多薯仔、菇、紅蘿蔔🥕等等。鍾意佢配上紅米飯，健康又好食！▶️脆皮炸腐皮扒飯$57腐皮扒炸得阿香脆，咬開幾鬆脆。一份有三件，仲有醬汁。飯或麵送玄米茶/凍豆漿，加＄2改轉湯。是日老火湯：木瓜雪耳南北杏。非常之足料好飲，而且好滋潤。呢間素食用心製作，價錢又抵食，健康之選！曲奇好好食，非常香脆！有伯爵茶、牛油、朱古力味。…查看更多

愛家素食餐廳推廣素食，以快餐形式經營，咁啱今日係佢地開店15週年㊗️店員仲送咗自家製嘅曲奇俾我地，好有愛🥰餐廳裡面幾個冰櫃同陳列架，放滿自家製素食材料同調味料，可以買返屋企自己煮，選擇十分豐富.🌀羅漢果菜乾南北杏湯估唔到素湯都可以咁好味，湯入面除咗菜乾、羅漢果，仲有雪耳、紅蘿蔔等材料，落足料製作，味道份外清甜👍🏽.🌀炸紫脆炸紫菜口感鬆化，而且唔會有油膩感，係健康又好味的小食.🌀悠樂春卷 春卷入面包住木耳絲、粉絲等材料，外皮香脆，以伴碟嘅生菜包住食，增加一份清新感.🌀印尼沙嗲串燒煎蛋飯串燒入面加咗菇菌類食材，入口有似肉纖維的口感，配上濃郁花生味嘅沙嗲汁，同出面食嘅羊肉串幾可亂真特別一提煎蛋係餐廳自家製嘅素蛋🍳像真度極高，十分有誠意💯伴碟仲有青瓜、蕃茄同炒椰菜，正好提醒平時少食菜嘅我要食多啲菜呀🙌🏽.🌀紅燒玉燥豆腐飯清淡之選，無莊因改造令人食得更放心❤️肉燥同豆腐煮得入味，配搭紅米飯，飽肚又健康👍🏽.🌀椰子咖啡咖啡以豆奶取代牛奶，口感依然順滑，隱約飲到清淡椰子味🥥…查看更多

去左九龍灣行街，之後朋友推介一間位於九龍灣淘大廣場既素食餐廳，素食既選擇都幾多款式，入面環境闊落，仲擺放左一d素食健康產品响餐廳近門口附近位置方便入黎食野既顧客食完可以行下同選購反屋企，當中包括醬汁，健康食品等等，我買左一個金牌叉燒飯，叉燒其實係用左好似豆腐去整成，無添加基因，個樣同味道都有d似肉，份量都算幾多，仲有白蘿蔔，紅蘿蔔絲同菜放响底部，夠晒營養同健康，飯仲要用左紅米加白飯，紅米營養豐富，同埋叫左個咖哩素腩飯，入面仲有豆，素腩好似冬菇，咖哩味都幾濃。…查看更多

對上一次黎呢度係夏天,食過返轉頭再食,好鐘意呢度個模式同價錢都好似大_活,又快又方便,仲非常之親民今次食印尼沙嗲串燒飯,價錢同普通同類餐廳比較差唔多,但素食餐廳黎講非常之平飯量都幾多仲有餐湯送,素串燒非常惹味,見到周圍啲枱嘅客人有唔同年紀唔同行業嘅,素食能夠咁受歡迎真係一件好事呢度唔單有又平又好味嘅餐,仲有乾貨同凍貨買,就好似以前嘅Gree_ Comm_ _ 咁,不過Gree_ Comm_ _依家唔係自助了,變左要加一愛家分店唔多,要食真係要專登出黎食,希望可以開返間係我屋企附近成為我嘅飯堂啦…查看更多