意里奧 (已結業)

唔係第一次去，之前覺得店員有少少粗魯，野食環境都唔錯，最緊要媽媽鍾意聽歌嗎，每晚都有live之前同媽媽講等佢隻腳好返再去，點知失望咯，7點上到去連埋我地3枱客，坐低10分鐘無人比水同餐牌，見另外兩枱應該叫左餐，但咩都未上，終於忍唔住叫左幾次，應該太子仔黎落單，落兩個餐一個配飯一個配意粉都攪唔掂，前後問3次，問牛扒同羊架幾成熟，我同媽媽要7成，落完單聽到有客人話湯凍既要換，到7點半啦靚姐姐開始唱歌，由點餐到上餐35分鐘，媽媽話攪咩咁耐，呢頭就上餐，比全熟仲要好似放左陣唔太熱咯，配意又漏左，諗住聽下歌啦，見老闆(琴師)同歌首打眼色，話中場休息，吓唱左5首左右咋wow, 由於塊扒全熟媽鋸到好辛苦，食完坐左陣，好似無動靜再表演，其間老闆一家3口同廚師開飯，唔係唔比食飯，點解可以開左晚市先食，仲要叫埋單當睇唔到，前後叫左5分鐘，終於忍唔住大聲叫埋單…查看更多

今日下午黎過食肉餐先！嘩！有西冷扒係我既至愛！今次叫7成熟！西冷扒7成啱啱好！意大利🇮🇹粉又吾大硬！個汁都幾好味！今次有野要介紹下！因爲佢地開業2週年，去食套餐即時係Facebook like 1 like ! 又多柸意大利雪糕🍦啦！重有午餐冇加10% ！ 坐得又舒服！有湯，有野飲，又有大大夠肉加埋意大利🇮🇹粉！80蚊有找！重想點呀？下午茶都吾洗再叫！真係食個豐富的午餐再上路....繼續工作！先有氣有力架嗎！…查看更多

第2次幫襯，上次食lunch感覺不錯，今次食晚餐就同另一班朋友去食。。。但今次幫襯有唔愉快經歷，我諗唔會再幫襯。。。:(湯比上次好飲好多，真係好好飲呀，又夠熱又惹味蒜蓉片又脆又惹味。我地叫左餐，其他人唔講，我淨係講自己。肉眼扒，d番茄經蘿蔔薯菜都好食，但塊肉眼扒好多肥膏，差唔多3份1，係唔係正常架，我第1次食咁多肥膏既肉眼扒。我叫7成，感覺似8成或以上，d肉唔算好“un”又唔算林，總知要咬好多啖先吞到，我食到3份1個口覺得好累就開始停手。。。比我上次同想像中冇咁好食。連隔離枱有個女人都比建議話當日塊肉眼扒唔好食。。。（原來有人同我有同感）杯野飲，我叫熱薄荷朱古力，黎左杯凍飲。我覺得唔緊要啦～黎都黎左，費時叫人換，唯有飲下啦！點知完全冇朱古力味，好似薄荷溝大量水加少少朱古力。。。。上層cream超甜。。。定係成杯要連cream溝埋先得？同埋杯野勁多冰，大量水加冰難怪杯野冇味。。。咁樣價錢，跟餐加10蚊都覺得唔抵呀！整體成個餐都唔好食，連加一 ，2百幾蚊，超唔值。。。下次唔會再幫襯。PS.唔止我杯野黎錯，係期間明明係妳地同事放野飲時講錯左野飲名，我地飲錯左，到最後反而比妳地同事話係我地問題佢冇錯，仲錄大隻眼望向我朋友，我朋友好委屈，不過大家覺得都係算數，因為唔想大家掃興。不過因為咁，以後我唔會再黎了。費時見面大家唔開心。。。。…查看更多

個牛扒好咸同埋好un食第1口 成口都係黑椒粉 同埋好拿喉好勁鬆肉粉味 可能想用咸味去遮掩件扒 明明 order左5成熟但上到黎既時候 熟到好似牛肉乾唔知我以為比2百幾蚊食緊 美珍香之後我嘗試用意志力去食第3口 但都係失敗左之我要求店家換佢重同我講話 如果下次唔想甘un 應該order 3成熟ps 切開中間是淺啡色 熟哂 不是粉色重黑口感黑面甘拎走碟野我心諗 重想有下次?😂配菜同埋賣相都算啦 跳過唔講你地睇下值唔值2百蚊但明明店入面連埋我地都係得3枱客都唔知點解d質素都甘可能係我入錯地方😂😂😂希望呢家店 改善下態度及出品…查看更多

據聞這兒雪糕出名， 特登過嚟一試。雖然是過嚟食dinner， 醉翁之意不在酒。main course 點了羊架， 加18蚊沙律，青口， 食物正常水準。甜品叫了香蕉船， 有三個雪糕球， 揀了個薑汁撞奶， 小小薑味特別， tiramisu 及榛子雪糕好好味， 雪糕嫩滑不膩。餐廳設駐場歌手， 仲可以同你唱happy birthday。 顧客大都是上了年紀嘅人， 歌手唱啲歌以懷舊為主。…查看更多

之前同事已經介紹雪糕好好食呀～咁岩有朋友生日可以去試下～見到食評好似唔錯喎，之後我地就試下啦～去到唔難搵，係地鐵站附近～不過經過左都未必知道～因為要上一層先到～環境尚算OK~我地上到去仲有好多位選擇~服務態度都唔錯~正門有雪糕旋轉著，有好多口味～感覺隻隻味都好味～西湯。。。見仁見智。。。我地叫既野食，賣相同味道都唔錯～可以試下～肉既口感岩岩好～幾好食呀～最後叫左雪糕～我地唔知邊隻好食，就問職員，佢地好細心講解～我推薦奶茶味雪糕~^0^~/PS.我地拎左蛋糕去~每枱收80蚊切餅費~價錢都算OK既....PS2.我地傾左好耐計，店職員都冇趕我地走～不錯～聽講星期六好似有歌手唱歌～可以試一試聽～整體食物唔錯～特別雪糕真係好好味呀～不過環境見到有隻昆蟲飛下飛下，好搔擾。。。希望有待改善。服務職員好細心好詳盡講解～值得一讚。會再幫襯~~…查看更多

在油麻地站附近的一間酒店有奶茶雪糕食，地舖是外賣的雪糕櫃位，行上一層才是餐廳。當中最特別的是，奶茶雪糕是用上平常在茶餐廳沖熱飲的黑白淡奶的瓦杯，充滿香港特式, 非常有趣。.食物方面: 雪糕質地算是軟滑，味道就有淡淡的奶茶味慢慢滲出，當中尤以紅茶味稍為突出。底下有一些棉花糖粒墊底，可能受到冰凍的雪糕影響，所以硬得像香口膠一樣！總體來說，奶茶和雪榚味道配合得不錯，帶出奶茶的香滑紅茶但如果棉花糖方面可改善就更好！…查看更多

好懷念從前的民歌餐廳，聽吓吉他民歌，一班自己良朋，食吓嘢，聽吓好歌，嚐吓雪糕，過一個輕輕鬆鬆的晚上。叫咗個五成熟牛扒，食物味道不錯，份量夠大，加飯，红薯蓉同薯角，夠晒飽。雪糕夠新鮮味夠滑，全無冰粒。…查看更多

今日突然好想食西餐，所以係油麻地附近覓食期間，見到呢間門口有gelato雪糕轉下轉下，仲有兩人餐，逢星期六晚上仲有民歌表演。最後嗌左兩個set dinner，首先餐湯可以選擇中/西湯（金銀菜南北杏，忌廉雞蓉湯），餐包（蒜蓉包）又熱又脆，沙律（麻醬雞肉，煙三文魚），仲有杯白酒/花茶。主菜嗌左鵝肝牛柳，大蝦帶子意大利粉，鵝肝唔錯，牛柳有兩薄塊，完全無5成熟，反而大蝦帶子意大利粉好足料，各有兩大隻，仲幾好味最後加埋杯餐茶同埋兩球雪糕，又有好聽既音樂，愉快的晚餐就係咁。利申：心血來潮第一次打食評PS唔使加一，埋單$400…查看更多

今天又來到盛世酒店的餐廳再度享用午餐。今次這個豬手飯，係快餐類別，order了之後，真的很快就出現了。碟邊的青瓜蕃茄味道一般，飯的份量剛剛好，豬手切的size 也很合適，所以每一啖的口感都符合「一啖啖」的感覺，加上去埋骨，不需要花費另外的力氣去處理此豬手；再配合一個泰式酸辣汁，淋上去D豬手度，好似有助消除豬手普遍的油膩感；此豬手的肥瘦分佈都算平均，不像一般的肥豬手，唔會食到一半就食唔落，所以最後可以全碟食完。…查看更多

朋友介紹黎這間餐廳，一試難忘！食物水準一流，價錢公道，環境舒適！意大利雪糕仲超級好味，老板親自處理，健康、有創意，洛神花同薑汁撞奶真係好好食！😋星期五、六、日仲有歌聽，去邊到搵呀！喂！老友，快d黎試吓啦！👍🏻…查看更多

一行四人重回這家意里奧，發覺這裡越來越熱鬧，一定係食物水準得到大家信任。今日點了三個款式的午餐，各有各精彩。今日12:55分入場，唔需要等位。這個頗有特色的「麻香手斯雞」，味道ok，價格抵食，賣相不錯，只係凍左少少。法國紅酒牛展意粉，味道較甜，肉質一流，真正牛展，不是普通牛肉。日本鯛魚，能夠符合客人需求，薯菜走薯。更令人Surprise就係有一條秋葵我地上facebook like完，就獲送一球Yogurt，好好味。另外再點了一球薑汁撞奶雪糕，薑味好特別，只係稍微甜左DD…查看更多

今天環境清靜，坐得算幾舒服，用餐方面比上星期在拉斐特好DD，服務可以，有問一下客戶的仔細用餐需求，包括薯菜可以要菜唔要薯，D汁可以另上，看得出前台樓面與廚房的關係算係不錯。食物質素，在油麻地區的茶餐廳來說，符合水平。…查看更多

本人嚟過幾次, 每次都絕非繁忙時間， 原因因為餐廳在酒店內及人流非常少可以安心靜坐等人，食物時好時壞，這已不是一個大重點，本人每次都挑選坐角落，而今次我聽到坐在角落旁一個像是老闆的人跟他下屬說: 食個幾十蚊坐咁耐. 請問餐牌價錢我定的嗎？請問這是待客之道嗎？請問我有不停要你們服務嗎？我連水也沒有要你們多給一杯!請問慢慢喝杯咖啡是錯的嗎？請問整間餐廳加埋我最多只有三枱客我有阻到你嗎？請問周圍都有蚊飛嚟飛去是正常的嘛？請問一間連接酒店的西餐廳只接受速食客人嗎？真的憤怒了！…查看更多

今日由於要添置廚具，出來油麻地碰巧經過，貪新鮮試下新餐廳....餐湯，同其他餐廳一樣，無驚喜餐飲，係有茘枝味，但飲得出係用茘枝糖漿...主菜吉列炸豬扒飯，個廚唔知係咪顧住玩手機而個豬扒炸到過咗火咬落個外皮好硬，同肉質略乾不過個咖哩味道唔錯…查看更多