意樂餐廳 (荃錦中心)

平日甚少出外进餐嘅我，第一次帮衬呢间餐厅，请细妹、家姐& Joey 妹一齐食lunch!细妹同Joey到先，等咗三分钟有位，地方唔算阔落，但尚算舒适，布置亦几靓！午餐menu主打套餐，冇素食、冇扒餐，全部都跟饭或天使面或拉面，起初我都有啲失望，因我本身唔食肉！庆幸套餐可以加钱换小食，有得换两款素食：长柄西兰花&葡汁芝士焗什菜，呢两款都好好味，我都喜欢！尤其长柄西兰花，我觉得好爽脆好入味，但我细妹&家姐就话好硬、冇牙咬，结果三碟我食哂！葡汁芝士焗什菜虽然都好味，但就腻咗啲，里面仲有pat薯蓉，感觉有少少呃咗啲菜嘅感觉！餐牌本来有椰菜花饭同芝士炸鸡，两款都系我细妹至爱，可惜又话冇！呢个系第二个失望！如果有椰菜饭就好，起码俾食客多个轻食选择！今餐我请，佢哋点到成枱食物，结果两张枱唔够摆，要拼埋隔离张枱，夹埋三张枱先勉强放得落，侍应都好震惊！整体食物质素唔错，我见我家姐食哂成个牛扒定食，侍应亦算有礼貌，系环境嘈吵啲！食到尾声，因有好多人等位，侍应要求我哋退返张枱出嚟，我哋亦乐意配合，佢哋都不停同我哋讲唔该！埋单$439, 我觉得都ok！起码大家都食得开心，最重要系有机会重聚！…查看更多

叫个肉酱意粉，等咗45分钟先上到，隔离枱无耐前到嘅客人都上咗餐点我嘅都未上。其间叫职员摧咗3-4次单都要咁耐先上到！！！个餐上到嚟仲见到啲配菜㶶㶶地，价钱以一间西式茶餐嚟讲还可以，但系不时出现漏单情况…查看更多

叫咗纽西兰西冷牛扒饭同埋半熔芝士炸鸡炸鸡OK几好食 嫩滑的 纯粹少贵$32得5块唔算大跟住块牛扒...上到嚟以$76算大算厚 食落去味道👍🏻 而且嫩 多汁但系我咬完望一望 中间似乎系完全唔熟？然后我睇系咪成块扒都系咁 切开果然系成块1成熟虽然我接受到牛扒生生地 但系明显中间大部份血红色...好食还好食 始终安全起见我叫厨房返兜然后uh 过多阵上嚟嘅系另一块 细啲+薄啲+无咁靓嘅扒切开 well全熟 干晒 无乜汁有啲极端 一系就1成熟 一系就全熟 可能控制火候方面有待进步？食物大致不错 以后会再嚟食 但唔太推荐叫牛扒 …查看更多

叫咗个午餐包牛角酥，外卖自取，叫人帮手取督。点知冇俾到旫想食嘅牛角酥，五六十蚊，好揾笨。 系咪生意太好，连check都唔check一下，自问冇可能自行打开个袋嚟睇吓啲嘢齐唔齐。…查看更多

平时去开美孚果间食，我老公好中意食佢既牛扒，今日系荃湾行街就试依间、牛扒冇问题，但啲配菜系冻，我叫左个日式咖喱鸡柳管意粉，鸡好硬，管意粉我第一次食，我个人觉得吾好食、好以好硬禁，可能星期日太多人，上菜速度都好快、但食物质素都要有啰！食一次下次都吾禁来😤…查看更多