意樂餐廳 (翔龍灣廣場)

今日去咗呢間食下午茶，入面環境唔算大，坐位有啲迫，點菜可以用QR code落單同人手落單，我點咗漢堡扒配意大利蕃茄濃湯煎焗流心蛋通粉同一杯凍新鮮冷壓檸檬茶。漢堡扒配意大利蕃茄濃湯煎焗流心通粉：漢堡扒肉質好腍，好有肉味。湯底好濃郁好有蕃茄味。煎焗流心蛋，煎得剛好有少少蛋黃流出。通粉軟熟。好味！新鮮冷壓檸檬茶：檸檬味道適中，茶好濃味，非常好飲！…查看更多

FTM既生活開始啦。送完妹妹返學，再坐巴士返到屋企，已經一點幾，發現自己仲未食嘢，全職媽媽真係辛苦（明明之前返工， 11:30就lunch time）。原本好想食公仔麵，忽然發現我好似未食過意樂lunch. 跟住記起爸爸，上次話蒲燒鰻魚炒珍珠飯幾好食，所以諗住坐低試吓。我覺得都幾大碟，食唔晒。味道都唔錯，凍檸茶好飲（夠檸味）…查看更多

間餐廳嘅裝修好靚，好光猛，我哋一開始都幾期待。點知啲員工串得好緊要，去落單嗰陣好似我哋求佢哋咁，黑口黑面，全程都冇乜笑容。落完單之後，等咗好耐啲嘢食先到。啲嘢食又求其，我叫咗個黑椒雞扒烏冬，啲黑椒醬勁多，鹹到頂唔順，雞扒又鞋到咬唔郁。烏冬就更加唔掂，林晒，完全冇口感。我哋食咗幾啖就食唔落，唯有叫埋單走人。埋單嗰陣，我忍唔住同個侍應投訴，點知佢仲串我，話我哋唔識食。我真係嬲到震，間餐廳啲服務咁差，啲嘢食又咁難食，真係伏到冇朋友！！以後都一定唔再去！！！！…查看更多

外賣平台落餐後，發現店鋪送漏一個餐及一個餐包，事後致電該店同一女員工溝通，叫我一係去攞翻一係下次補翻券俾我。我去攞到應該就唔洗用外賣平台掛？另外呢，咁係咪有其中一名客戶唔洗食？跟住話咁我都幫唔到你。問對方會唔會唸辦法送過黎點都好，話「唔得丫，幫你唔到丫。你一係外賣平台落多次，我地補翻俾你丫。」落多次？問佢係咪俾曬啲錢，佢又答唔係。即係我要跌多啲錢去彌補翻你嘅錯？真係多謝佢。一句幫唔到你搞掂曬👍🏻👍🏻👍🏻👍🏻…查看更多

山行後在「意樂」吃晚飯，看過餐牌發覺選擇不少，而且價錢平民。經典五重天雜扒楝黑椒汁~豬扒、煙肉、煎蛋、火腿和德式香腸，味道口感都合格，下飯很不錯，最喜歡這款微辣、幼滑的餐湯。 黑椒一口安格斯牛柳粒配珍珠白飯~牛柳粒有少許咀嚼口感，配 黑椒汁和翠肉瓜，味道可口，兩份套餐都有蔬菜是可取的。9吋的m0m0 pizza 上有窩蛋，內裏有肉、肉醬、洋蔥、芝士。我的芒果啫喱冰冰，很喜滑溜溜的啫喱。家人的利賓納啫喱冰冰。吃得飽飽，人均消費$72。…查看更多

唔記得幾時開始，當收到D銀仔，就會睇吓係咪皇冠頭，或者只係97年出嘅特別版，收到嘅就會蓄起，最後結果係蓄起一大堆銀仔，咩都有連洋紫荊都有，女友小熊見到一大堆銀，提意洋紫荊果D就送哂去神沙車，嚟緊星期六神沙車係翔龍灣.對換咗之後，見到意樂係隔離，於是入去食晚飯.幫襯過其他分店嘅意樂質素都唔差，無伏味，所以放心入去幫襯.點咗份菘露野菌汁雞扒焗珍珠飯，鮮蜆白酒煙肉蒜香天使麵，醬燒豬肋骨.基本上所有食物都無問題，珍珠飯惹味雞扒又 Juicy，天使麵蒜香味配煙肉蜆肉出色，只係醬燒豬肋骨過哂火，比較乾身，美中不足!"我D錢呢?" 我問小熊唱完D錢去向."食哂囉! 得百令蚊之嘛，意樂果餐我仲貼錢𠻹㗎....""吓! 得咁少咩?""係咪唔信我吖!""信信信......"…查看更多

之前d朋友話意樂麻麻地，我又唔信呢個邪，轉登去食，出乎我意料喔，又幾好食，食咗個雪菜肉絲米粉，湯底都乳白色噶，有好微辣，有條腸，個蒜蓉包好好食，可以推介，沙爹牛距都有兩個餐，我覺得差唔多，一個係套餐，一個剩係個沙爹牛面，都係唔錯噶…查看更多

選了momo pizza加配酒煮蜆. 但不知為何, 外面宣傳牌寫著mama pizza!?女侍應很會說話的, 她說10分鐘左右, 但等了15分鐘; 完成一個pizza10分鐘是否太勉強的... 侍應沒有叫號. 覺得是自己的, 便上前詢問.等待期間, 發覺沒有侍應站在收銀處, 要客人叫或見有人在看餐牌才上前. 可能人手不足吧...momo pizza 是有一只溫泉蛋, 問題是切pizza時, 蛋液會破蛋而出, 到處流走, 有點狼狽. 餅是薄的, 味道不錯, 芝士略嫌不夠.收了3元外賣盒費, 是否2個盒加1個膠袋!?…查看更多

假日近近地落街食個lunch見到menu有個和風汁牛肉扁意粉 仲免費配鮮檸蜜桃啫喱冰冰個意粉一黎到已經聞到勁香既日式和風味食落果然一樣咁好味個蜜桃冰都好正好有兒時小賣部果啲吱吱啫喱冰既回憶😜…查看更多

記得之前去過另一間分店食過，質素好好。今次跟朋友一齊黎依間意樂食，質素不及之前另一間分店好，但係可以接受。我地叫左黑椒雞扒烏冬，黑椒味很重，豬扒分量好多，烏冬都炒得好好，味道ok。總的來說，餐廳環境寬敞，cp值都高，餐類選擇算多。…查看更多

下午茶餐特價加6蚊叫左個紅豆冰少冰，結果我飲咗佢從來呢世人未飲過咁少紅豆嘅紅豆冰。個粗粒花生醬西多士，也驚為天人平時食同佢張相都係西多士中間夾花生醬係咪？結果我食既係西多士上面有一細匙花生醬+ 牛油個西多士入面冇花生醬好油。。 。…查看更多

星期六打算食個靚早餐，當時餐廳已坐滿人，見到有張枱有客埋單離開，就坐低，剛巧隔離枱有位侍應姐姐落緊單，侍應姐姐擰轉身望住我，我同侍應姐姐講：「方便嘅時候麻煩執執枱」，跟住侍應姐姐好惡講：「我冇時間執枱，你咪坐呢張枱，坐其他枱」，跟住我好唔開心咁離開，侍應姐姐同餐廳大家姐（主任/經理）講：「個客好唔開心離開」，餐廳大家姐（主住/經理）好大聲講：「個客走咪有得佢走囉」。呢位餐廳大家姐見過無禮貌同客人落單，見過佢恰阿婆。呢位餐廳大家姐覺得生意唔憂做所以好冇禮貌。…查看更多

今日去買早餐, 拎返屋企發現,三文治少咗一忽,好似比嘢咬走咗一塊咁,打開三文治見到炒蛋只得一半, 偷工減料,呢間餐的質素真係越嚟越差,同第一次食差太遠, 希望可以改善.…查看更多

本人於今天早上透過openrice訂購咗一些食物， 之後就到店自取，但店內職員未有核對清楚訂單之食物，並俾漏咗1个輕怡火腿通粉給我。於是我打电話到店通知他們，一名男職員接聽电話，我道明來意，並表示漏了單，他用很不屑的態度話要核對有関訂單，之後就很不礼貌叫我回去取回食物，並没有為顧客做成不便而道歉！我奇怪，難度核對訂單食物是不是正確的基本責任不是餐廳職員而是顧客。如果職員連这个責任都不願意承擔，那就應該當面和顧客逐一核对清楚每一款食物是否正確，但當時店內的職員並沒有这樣做。跟住當我回到店內取回有関食物的時候，大約早上十時四十五分，我向一名在門口接待的女職員道明來意並建議職員應該小心核對食物以免做成對客人做成的不便，但她竟然連一句基本礼貌的道歉都没有，並一句都沒有回應，像是無声的抗議，很有性格！難道我連一句“不好意思”的回應都不值得獲得！…查看更多

沙律菜多次訂餐， 標注需要走汁，每次都沒有走汁以經第4次，我家人糖尿需介口，今次落單後專登到前台通知必須要走汁最後回家看見一樣没走汁，菜仲要 變晒色 爛菜，忙也要注意客人需要，真失望…查看更多