意樂餐廳 (翔龍灣廣場)

今日去咗呢间食下午茶，入面环境唔算大，坐位有啲迫，点菜可以用QR code落单同人手落单，我点咗汉堡扒配意大利蕃茄浓汤煎焗流心蛋通粉同一杯冻新鲜冷压柠檬茶。汉堡扒配意大利蕃茄浓汤煎焗流心通粉：汉堡扒肉质好腍，好有肉味。汤底好浓郁好有蕃茄味。煎焗流心蛋，煎得刚好有少少蛋黄流出。通粉软熟。好味！新鲜冷压柠檬茶：柠檬味道适中，茶好浓味，非常好饮！…查看更多

FTM既生活开始啦。送完妹妹返学，再坐巴士返到屋企，已经一点几，发现自己仲未食嘢，全职妈妈真系辛苦（明明之前返工， 11:30就lunch time）。原本好想食公仔面，忽然发现我好似未食过意乐lunch. 跟住记起爸爸，上次话蒲烧鳗鱼炒珍珠饭几好食，所以谂住坐低试吓。我觉得都几大碟，食唔晒。味道都唔错，冻柠茶好饮（够柠味）…查看更多

间餐厅嘅装修好靓，好光猛，我哋一开始都几期待。点知啲员工串得好紧要，去落单𠮶阵好似我哋求佢哋咁，黑口黑面，全程都冇乜笑容。落完单之后，等咗好耐啲嘢食先到。啲嘢食又求其，我叫咗个黑椒鸡扒乌冬，啲黑椒酱劲多，咸到顶唔顺，鸡扒又鞋到咬唔郁。乌冬就更加唔掂，林晒，完全冇口感。我哋食咗几啖就食唔落，唯有叫埋单走人。埋单𠮶阵，我忍唔住同个侍应投诉，点知佢仲串我，话我哋唔识食。我真系嬲到震，间餐厅啲服务咁差，啲嘢食又咁难食，真系伏到冇朋友！！以后都一定唔再去！！！！…查看更多

外卖平台落餐后，发现店铺送漏一个餐及一个餐包，事后致电该店同一女员工沟通，叫我一系去攞翻一系下次补翻券俾我。我去攞到应该就唔洗用外卖平台挂？另外呢，咁系咪有其中一名客户唔洗食？跟住话咁我都帮唔到你。问对方会唔会念办法送过黎点都好，话「唔得丫，帮你唔到丫。你一系外卖平台落多次，我地补翻俾你丫。」落多次？问佢系咪俾晒啲钱，佢又答唔系。即系我要跌多啲钱去弥补翻你嘅错？真系多谢佢。一句帮唔到你搞掂晒👍🏻👍🏻👍🏻👍🏻…查看更多

山行后在「意乐」吃晚饭，看过餐牌发觉选择不少，而且价钱平民。经典五重天杂扒楝黑椒汁~猪扒、烟肉、煎蛋、火腿和德式香肠，味道口感都合格，下饭很不错，最喜欢这款微辣、幼滑的餐汤。 黑椒一口安格斯牛柳粒配珍珠白饭~牛柳粒有少许咀嚼口感，配 黑椒汁和翠肉瓜，味道可口，两份套餐都有蔬菜是可取的。9吋的m0m0 pizza 上有窝蛋，内里有肉、肉酱、洋葱、芝士。我的芒果啫喱冰冰，很喜滑溜溜的啫喱。家人的利宾纳啫喱冰冰。吃得饱饱，人均消费$72。…查看更多