惠陽茶水檔

八點幾同啲鄰居跑步跑到去大埔工業村，跑完九點幾已經32度，大家話想食早餐回一回血，咁就去咗大埔墟街市熟食檔。佢哋有啲就試隔離魚蛋粉，另一個就同我一樣食呢一間茶檔。其實就冇乜選擇就係麵餐或者單嗌多士。為咗等埋其他人食嘢，就嗌咗個奶醬多同奶油豬食住等。個奶油豬就夠晒醬，但係就唔夠脆，呢個有少少敗筆。之後就叫咗個麵餐同凍檸啡。早跑完步再飲杯凍檸啡確係醒神，另外嗌咗太陽蛋配沙嗲牛通。太陽蛋都煎得夠脆，個沙嗲牛肉都幾有誠意，有落蒜頭落去炒過，牛肉都唔嚡有啲厚度。…查看更多

有事入大埔，完事後便來街市覓食，據說這間的奶茶不錯，咁就一於試吓；叫了餐蛋出前一丁、菠蘿油及熱奶茶。😋餐肉煎得香脆，雞蛋是至愛的燶邊太陽蛋，出前一丁更是爽口彈牙，真係幾唔錯；菠蘿油新鮮熱辣，牛油完全溶化於包內，味道唔錯，但用刀先切開後才上枱，令中間凹陷，外貌便變得唔靚仔了。😅奶茶香滑帶點茶香，但未夠濃香，算可以吧；見旁邊叫的豬仔包幾唔錯，下次可以試吓！🤔#餐蛋出前一丁#菠蘿油#熱奶茶#惠陽茶水檔地址: 大埔鄉事會街8號大埔墟街市及熟食中心2樓CFS5號舖…查看更多

大埔墟熟食中心搵嘢食已經好耐, 、但係惠陽一路都係行過, 路過, 由於疫情期間, 好多店都不定時營業, 惠陽嘅遇上係因為另外一間冇開, 惠陽係我食過最熱嘅公仔麵, 意思係由頭到尾都係熱嘅, 唔知由幾時開始, 希望一碗粉麵溫度熱,一個奢侈嘅要求.今早已經唔係第一次去, 雖然用一丁麵, 但37蚊一個餐蛋麵早餐其實唔算平, 餐蛋麵你同我都識得做, 但係你會感受到他們用心做食物那種一絲不苟的態度, 我buy.…查看更多

日期：9月15日人數：3人話說大埔綜合中心上邊嘅熟食中心有好多唔同嘅美食。一般同屋企人係大埔食野，即使唔係喺中心入邊食正餐，但都會喺入邊食下小食，飲下野咁。呢間惠陽茶水檔就係我哋其中一個選擇啦。店如其名，係一間主要供應多士類麵包食物，同埋簡單嘅即食麵，同埋各式飲品的茶水檔。我哋一家人今日喺其他地方食完野之後，上來點左一份奶油脆豬、一份西多士、同埋一杯凍檸茶。呢度嘢食係即叫即整，所以要等10至15分鐘先有得食。先講最好味嘅奶油脆豬。豬仔包好新鮮，兼烘得外脆內軟，配上好香嘅牛油同埋煉奶，簡直係Perfect。一啖咬落個豬仔包，啲牛油同埋煉奶喺口入邊標出嚟，感覺真係又好味又邪惡。至於西多士，都整得好香，配上牛油同埋糖膠，食落口都好有蛋味。只不過呢個熟食中心入邊有另一間檔口嘅西多士更加好味，比較想先冇咁精彩。凍檸茶非常慷慨地有四片檸檬，個茶底本身都好濃，味道唔錯。但屋企人唔記得咗叫少甜，所以個人覺得成杯野好甜。旁邊有另外一位女士，點左一份占多。一食落口話多士好脆，仲話味道係童年回憶。環境方面，因為喺熟食中心入邊，不會要求太高，整體十分整潔，衛生環境睇落絕對好過其他檔口。價錢方面，點左三樣嘢一共$48 ，價錢算中等。…查看更多

八月下旬‧有雨就咁，原來這個熟食中心在平日下午是沒有幾間茶檔會開的，跟週末的情況可謂大相徑庭。那在二時半又想喝杯咖啡，就來了這裡，因為差不多是唯一還開的店子了。就要了奶茶咖啡各一杯。熱咖啡味淡，口感薄，不香，以茶檔的熱咖啡來說是水準以下。熱奶茶茶味香濃，雖然不太滑，但幾香，不錯。有一樣要提提的，就是這裡的幾位阿姐服務超好！…查看更多

叫左個西多士$12杏仁露+公仔麵$24佢個西多系冇花生醬咖囉得一層個公仔麵勁吾掂!出街食公仔麵既原因都系因為懶之嘛,佢整得仲求其!真系開個罐頭加落去就算:(吾好食+吾抵食!!!…查看更多

知道喱到有咖啡紅豆冰即想試下呀,除左咖啡紅豆冰之外,仲要奶茶紅豆冰呀,我地3人要咖啡紅豆冰呀,大家要少甜呀~!咖啡紅豆冰~好大杯,同即諗會係咩味呀,不過而加好多野飲都係溝來溝去架啦,特別果d珍珠奶茶店,攪混之後飲,個咖啡味ok濃呀,果然少甜係最好,加入左紅豆又冇影響到咖啡個味道,只係多左紅豆食唧,而紅豆落就真係有咖啡既味道了,同反而覺得喱個冇紅豆冰咁漏呀,估唔到係幾好味~!奶醬多,要左厚既多士呀,個多士幾軟身既,個醬唔算太多,普通啦~!奶油豬,一點都唔似呀,以為上錯了,個面有點燶,個包太薄唔夠厚,仲要唔係硬既,唔係豬仔包呀,雖然味道唔係差,不過有點不對板,有待改善呀~!綜合來講個咖啡紅豆冰幾好味,可試下,不過奶油豬唔太得~!值得讚既就係態度上真係幾好人呀,好友善,感覺好舒服~!…查看更多

在街上與紅顏碰面, 她一開口便問食晏食什麼, 我就由她決定, 結果是茶記, 食少少野先, 再出去. 行下行, 她央點了街市, 而正好, 讓我寫一寫我經典回顧大埔的其中一間漏了的惠陽.她不想吃東西住, 只叫了一杯檸茶. 我就如常一杯熱TEA, 食少少野啦, 咁就一份鮮油多, 好讓我對比一下.鮮油多, 一樣熱辣辣, 沒有我喜愛的剖腹功夫, 牛油既份量落得尚算好, 但感覺不夠, 牛油亦不夠凍, 溶得太快了....奶茶方面, 濃烈度適中的, 只能說OK........小妹不肯食野........我話一角仔都要食, 一起身野都唔食件點得....昨夜食多左又點...........小妮子聽話地食了那一角仔..............嘻嘻.....…查看更多

14-3-2009入大埔行行食食的第 3 個 target 其實係華輝蘋果批, 但因為又售罄, 唯有上街市碰碰運氣, 兼0係度飲杯茶食件多士.食了一件朋友又叫的奶油多 ($6), 烘得算夠, 煉奶份量 ok, $6 收貨吧.熱奶茶亦 ok -- 質地幾滑, 茶味算幾香, 係略嫌單調0左少少.凍奶茶就唔係好掂, 好甜又好稀, 唔怪得朋友又飲唔晒.可惜我0地咁晏 (5:xx pm) 先0黎到街市, 下次再食朋友 J 介紹的炸豬扒炸雞翼吧.…查看更多

在大埔街市買了勁多靚菜和頤和園辣椒醬後又到下午茶時間!! 熟食市場裡每間店都人頭湧湧,肚子還飽飽的幾個女子只想來杯飲品休息一下而已,所以什麼魚蛋粉、豬扒麵今次不予考慮,來了這間打正茶水檔旗號的小店。月巴人第一時間被桌上這張龍鳳檸樂吸引了,阿姐問可樂要大還是小??當然要大!!! 爛gag時間又來:咁咪係大龍鳳囉??? 阿姐也忍不住笑了 原來加了咸檸的檸樂味道頗為特別,平時的檸樂是帶點清新,這種新發明都有這種感覺但內裡又有點咸味,古怪得來有點新鮮,一試無妨。只是這裡所用的檸檬不太夠酸,檸檬香有點不足,稍為失色。表妹的熱薑茶雖說是來貨加水泡製而成,但那陣薑味真的很濃,杯底佈滿了粗粗薑粒,用料也絕不手軟。大人回氣過後要吃多士,點了鮮油多一件放肆一下。多士送來時表妹驚覺多士已細心地分成四小份,平時所吃的都是切開一半嘛!! 誰知打開麵包下些砂糖時發現,原來店方連牛油也細心地分成四小份,令每份多士也有著牛油,真的好細心唷!!! 多士用上薄麵包,吃來當然沒厚多那麼過癮,不過麵包總算烤得平均,鬆脆感不俗;牛油充滿著牛油香,冰凍牛油在半溶狀態中實在美味!! 看到鄰桌食客的蛋牛麵好像很好吃,似乎可以一試!只是這裡那麼多選擇,要每間試勻也要好一段日子嚕。笑臉是給店方的細心表現而已。…查看更多

平時幫襯的大排檔有時會休息，無セ選擇下，曾經在惠陽茶水檔吃沙爹午肉丁麪，好咸，咸到食唔到幾多就放棄。…查看更多

9/3(六) 3:30pm於惠陽柯打了點喝的,茶走$9及凍檸茶$10.先說茶走,茶走滑雖滑,但茶味不明顯,香度自然欠奉.檸茶茶味倒清香,亦如願地做到少甜之效,說到底也是一間廉價茶水檔!…查看更多