惠陽茶水檔

八点几同啲邻居跑步跑到去大埔工业村，跑完九点几已经32度，大家话想食早餐回一回血，咁就去咗大埔墟街市熟食档。佢哋有啲就试隔离鱼蛋粉，另一个就同我一样食呢一间茶档。其实就冇乜选择就系面餐或者单嗌多士。为咗等埋其他人食嘢，就嗌咗个奶酱多同奶油猪食住等。个奶油猪就够晒酱，但系就唔够脆，呢个有少少败笔。之后就叫咗个面餐同冻柠啡。早跑完步再饮杯冻柠啡确系醒神，另外嗌咗太阳蛋配沙嗲牛通。太阳蛋都煎得够脆，个沙嗲牛肉都几有诚意，有落蒜头落去炒过，牛肉都唔嚡有啲厚度。…查看更多

有事入大埔，完事后便来街市觅食，据说这间的奶茶不错，咁就一于试吓；叫了餐蛋出前一丁、菠萝油及热奶茶。😋餐肉煎得香脆，鸡蛋是至爱的㶶边太阳蛋，出前一丁更是爽口弹牙，真系几唔错；菠萝油新鲜热辣，牛油完全溶化于包内，味道唔错，但用刀先切开后才上枱，令中间凹陷，外貌便变得唔靓仔了。😅奶茶香滑带点茶香，但未够浓香，算可以吧；见旁边叫的猪仔包几唔错，下次可以试吓！🤔#餐蛋出前一丁#菠萝油#热奶茶#惠阳茶水档地址: 大埔乡事会街8号大埔墟街市及熟食中心2楼CFS5号舖…查看更多

大埔墟熟食中心揾嘢食已经好耐, 、但系惠阳一路都系行过, 路过, 由于疫情期间, 好多店都不定时营业, 惠阳嘅遇上系因为另外一间冇开, 惠阳系我食过最热嘅公仔面, 意思系由头到尾都系热嘅, 唔知由几时开始, 希望一碗粉面温度热,一个奢侈嘅要求.今早已经唔系第一次去, 虽然用一丁面, 但37蚊一个餐蛋面早餐其实唔算平, 餐蛋面你同我都识得做, 但系你会感受到他们用心做食物那种一丝不苟的态度, 我buy.…查看更多

日期：9月15日人数：3人话说大埔综合中心上边嘅熟食中心有好多唔同嘅美食。一般同屋企人系大埔食野，即使唔系喺中心入边食正餐，但都会喺入边食下小食，饮下野咁。呢间惠阳茶水档就系我哋其中一个选择啦。店如其名，系一间主要供应多士类面包食物，同埋简单嘅即食面，同埋各式饮品的茶水档。我哋一家人今日喺其他地方食完野之后，上来点左一份奶油脆猪、一份西多士、同埋一杯冻柠茶。呢度嘢食系即叫即整，所以要等10至15分钟先有得食。先讲最好味嘅奶油脆猪。猪仔包好新鲜，兼烘得外脆内软，配上好香嘅牛油同埋炼奶，简直系Perfect。一啖咬落个猪仔包，啲牛油同埋炼奶喺口入边标出嚟，感觉真系又好味又邪恶。至于西多士，都整得好香，配上牛油同埋糖胶，食落口都好有蛋味。只不过呢个熟食中心入边有另一间档口嘅西多士更加好味，比较想先冇咁精彩。冻柠茶非常慷慨地有四片柠檬，个茶底本身都好浓，味道唔错。但屋企人唔记得咗叫少甜，所以个人觉得成杯野好甜。旁边有另外一位女士，点左一份占多。一食落口话多士好脆，仲话味道系童年回忆。环境方面，因为喺熟食中心入边，不会要求太高，整体十分整洁，卫生环境睇落绝对好过其他档口。价钱方面，点左三样嘢一共$48 ，价钱算中等。…查看更多

八月下旬‧有雨就咁，原来这个熟食中心在平日下午是没有几间茶档会开的，跟周末的情况可谓大相径庭。那在二时半又想喝杯咖啡，就来了这里，因为差不多是唯一还开的店子了。就要了奶茶咖啡各一杯。热咖啡味淡，口感薄，不香，以茶档的热咖啡来说是水准以下。热奶茶茶味香浓，虽然不太滑，但几香，不错。有一样要提提的，就是这里的几位阿姐服务超好！…查看更多