悠蔬食 (渣甸中心) (已結業)

12月6日同朋友慶祝生日，早於兩星期前打去訂位，順利並成功。 點知當天上到去，發現𨋢上唔到25樓，以划火個𨋢壞左，所以上左26樓諗住落一層，去到26樓有店員話我地知間鋪關了門，「聲稱」裝修喎～～～ 如果要裝修，無理由兩星期前還接訂位啦～ 電話又無個，搞到摸門釘😤😤😤😤真掃興…查看更多

滷水花菇毛豆百頁豆腐~ 咸咸的，豆腐很Q彈，不錯紫薯紅菜頭雪球~味道酸甜，紫薯軟棉，配上紅菜頭的爽甜，驚喜的雪燕椰菜花南瓜甘荀薑湯~層次豐富及很creamy，好味😋菜樹菇竹笙黃耳百合燉湯~湯很清且濃，很適合吃素的人仕喝多兩碗百靈菇青醬鮮豆包黑松露薯蓉焗千層闊麵~這個超好味❗芝士極多，拉絲拉不停和風大啡菇蘆筍燴扁意粉伴溏心蛋~不錯，但不夠千層麵滿足🤣班蘭椰汁千層糕~上桌時暖熱的，不像平日吃到的是冷的，椰汁味亦濃，好味玫瑰荔枝乳酪蛋糕~一小件的，酸酸甜甜，完全解膩，但再大件一點就好了🤣🤣…查看更多

最近愛上左食素食，但素食都可以係美食又真係唔係咁容易，今次同老婆二人在銅鑼灣搵到間素食試試😊。睇睇餐牌，都好多選擇，仲有d係三少之選（而選三少之選仲可以以半價享用燉湯）健康👍🏻。而我還是鍾意飲水果茶多d（熱），又香，又可以食水果☺️，我們點了田螺，賣相不錯，食落真的以為是田螺，再來泰式香煎魚餅，美味，跟住這個真係不得了，和風素鰻魚炒飯（有蛋奶），好香，而且味道一流，如果唔同你講，這是素鰻魚炒飯都食唔出來，推介👍🏻👍🏻，最後焗蓮茸西米布甸結尾，滿足😊。下次再帶家人黎食過，食得健康屋企人最鍾意👍🏻…查看更多

個人好鐘意食蔬菜，亦好注重個人健康。平時間中都會食齋，清理一下腸胃，呢間「悠蔬食」位於銅鑼灣繁茂地帶，地鐵一出行數分鐘就到。佈置裝修，以白藍色為主，日頭有陽光照射少少，環境非常舒適，簡潔明亮。叫左個午市套餐先黎沙律，湯和飲品。一試沙律我已知道呢間餐廳會有驚喜，蔬菜好新鮮，好爽口。少少酸酸甜甜，令人打開了個胃。個湯係西洋菜南北杏羅漢果湯。個湯勁足料，其實仲有粟米、眉豆等湯材，好甜，好健康。芋頭栗子雜菌燘豆腐卷煲配珍珠糙米飯顧名思義，由多種菌類和芋頭煮成，有汁，餸飯一流。糙米飯有粒粒口感，頭幾啖最有感覺，因為有黑芝麻係上面，咬落去有少少脆脆的，好特別。見啲嘢食都幾好食，我決定食埋佢嘅甜品，加$20耶香紫薯千層班戟淡淡的紫薯香味，食落口中，覺得自己食緊紫薯但係唔係紫薯係班戟😂證明廚師落足料。👍🏼👍🏼👍🏼順帶一提，唔會好甜，適合少甜主義者。…查看更多

第一光顧，食物比預期好吃，份量十足，晚上每人最低消費$200，我哋叫了一個set dinner 另外再加其他食物，原本打算叫夠400就停，但又好多野食想試吓，所以埋單五百幾蚊！多到食唔哂😂最有驚喜是腐皮卷，好好味！其他食物都可以，下次一定再去試吓下午茶，好似幾超值…查看更多

朋友生日飯上openrice睇下有咩野食先，見這間 素食都幾得意， 菜式有中有西便試一試。未試過便每人点了Dinner set share 食， 1) 三款頭盤酸酸地幾開胃2) 手卷有2款揀， 我試了芒果牛油果， 好清新幾特別3) 桃膠忌廉湯好好味4) 主菜: 很難選最好味因為每款都各有特色， 最欣賞係冬陰功湯同埋咖哩，餐配薄餅都很脆好好味， 蘿蔔牛腩像真度高5) 甜品不過不失6) 飲品選了藍蝶花雪梨汁，顏色好靚，比出面飲的多了一份雪梨清甜因為朋友生日所以訂埋壽包，估唔到壽包都好出色， 有啲鹹香又唔會太膩，最後老細見我朋友生日大家又食得咁開心仲送咗份生日禮物畀我朋友， 抵讚…查看更多

悠蔬食Environment: ★★★★★Service: ★★★★★Taste: ★★★★★位於渣甸中心的悠蔬食是一間素食餐廳，今次就和大家談談我於悠蔬食的用食經驗吧。泰式香煎如餅 （2件）$38如餅外皮炸得酥脆，配上泰式醬汁，味道不錯。法式薯蓉焗素田螺 $88薯蓉好吃，這道菜亦用上芝士等材料，芝士味十分香濃，可惜的是這道菜份量比較少。蜜汁脆鱔 $98脆鱔炸得香脆，這道菜用了菇類和麵筋等等模仿鱔的口感，配上酸酸甜甜的醬汁，十分特別。香脆五殼杏仁牛乳 $35杏仁味道香濃，配上牛乳是一個很好的配搭，很好喝。鮮磨腰果露 配 四粒湯圓 $48腰果露十分香濃，很好喝，另外湯圓是芝麻味的湯圓。焗蓮茸西米布甸 $42:不會過甜，份量合理。總的來說，悠蔬食的食物製作得頗特別，頗有心思。🔛🏃‍♀️🏃‍♀️🏃‍♀️銅鑼灣渣甸街50號渣甸中心25樓#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoodie #hkblogger #hungry #foodphotography #holiday #foodstagram #hongkongfoodie  #hongkongfood #hongkong…查看更多

食肉獸有時都要改變下，今日去左間樓上素食餐廳而呢間新派素食餐廳將多國美食素食化，味道一d都唔會被真肉比下去。晚市有full dinner set或散叫，為左唔洗諗咁多就點左2個dinner set share。前菜有3款:百靈菇山藥伴黑豆，醬燒味幾濃又香，百靈菇煙靭又易咬開無渣，山藥爽脆。奇亞籽紫薯蘋果蘿仔內裏好多重口感先係紫薯軟蓉再咬落有蘋果爽脆既甜味之後到薯仔既粉口感味道幾清新。泰式香茅金柚沙律金柚酸酸甜甜開胃。手卷各2款有蘆筍素香鬆及芒果，素香鬆好有肉鬆既感覺但食落又無咁甜同咸。芒果鮮甜內裏以豆芽菜當白飯簡單得黎又唔會太飽。餐湯各一，中湯係燉湯味道無肉都好清甜而且帶膠質飲落好滑，內裏又足料。西湯係牛肝菌湯第一啖飲落牛肝菌味已經好濃好香菌味濃而不濁，湯底打得幻滑而且內裏有桃咬加多重軟彈既口感。主菜黑松露椰菜花野菌忌廉意大利飯配香烤茄子，茄子面上鋪上芝士焗到金黃色咬落仲有拉絲效味，茄子軟又夠淋加上芝士後香甜，意大利飯內加左素肉扮煙肉幾得意食落真係有少少煙燻味。椰香野菌雜菜湯鍋配泰式雜菜炒飯，湯底係冬蔭湯底都幾足味同平時食味道一樣咁濃內裏唔同係多左好多蔬菜而且仲有素蝦幾得意。甜品法栗星晨見到賣相已經好靚，中間係外層加左朱古力層既栗子蛋糕而外圍加上糖碎再配上士多啤梨醬營造星空既感覺，食落口感好鬆軟輕盈唔會過甜太甜。oreo乳酪蛋糕oreo味重質感夠實唔會鬆散食落香oreo味得黎又唔過甜。…查看更多

試過紫色嘅尖沙咀店，今次就試吓粉藍色嘅銅鑼灣店呢款手卷係即點即做，牛油果係一直被視為super food，維他命 E 有強勁的抗氧化功能，有助身體避開自由基的攻擊，從而有效保護腦部細胞，達到預防腦部衰退的功效；而苜蓿芽(alfalfa sprouts)就係一種低熱量高纖維量，營養豐富的天然碱性食物，佢嘅草青味就未必個個人都啱，但我就好鍾意，味道夠fresh。上菜時，侍應會好細心咁提醒大家要盡快食，因為紫菜放耐咗會淋，讚！呢個係三人份量，三款前菜都好味，特別鍾意四喜烤夫，有多種有益的礦物質嘅毛豆，如果個青瓜可以爽脆D就更加好喇~呢度嘅燉湯係我至愛，仲要係素，邊款都鍾意沙嗲串燒完全唔似素，猴頭菇扮肉實在太似！沙嗲汁仲可以點埋件法包 ，nice~上菜時都諗咗一諗，點解會有炸魷魚圈？切開先知原來係吉列蒟蒻做的，廚師一定花咗唔少心機去研究！訂枱時店員有表示限用餐時間，但如果之後無人等位，基本上可以繼續坐，不失為銅鑼灣區素食好選擇！…查看更多

呢間叫悠蔬食啲嘢食果然名不虛傳，蔬菜手卷令你成個口都填滿菜，啲fusion素食幾特別，我鐘意佢前菜用料，多種生果混合，呢餐食材同菜式都夠哂fresh，食完第日痾得好暢快🤤裝潢上清一色Tiffany blue + 白色擺設，俾人好清新既感覺前菜：涼伴日本黑豆亞塔子黑木耳、紅火龍果藜麥沙律伴無花果醋醬、泰式香茅金柚鮮果沙律手卷：蘆筍素香鬆苜蓿芽手卷、香芒牛油果苜蓿芽手卷湯品：菠菜桃膠忌廉濃湯、姬松茸竹笙黃耳百合燉湯主食：風乾番茄紅菜頭蘋果核桃意大利飯伴吉列牛油果、牛肝菌粒粒意粉酥皮盒伴苔菜三絲脆卷甜品：柚子乳酪蛋糕飲品：藍蝶花雪梨汁、紫貝天葵荔枝梳打…查看更多

好好食，我最鍾意食佢嗰個牛油果手卷夠飽之餘又好夠味不過有少少草青味。同埋佢個中式飯都好好食，啲栗子好夠味啦同埋朋友食嘅意粉都話好似有肉嗰種肉醬意粉嘅味。不過價錢就有啲貴囉，會再食嘅。…查看更多

近年愈來愈多人注重健康飲食，素食餐廳亦隨之變多。這間悠蔬食以新派各國素食為主，不同於傳統中式素食的油膩感，食物多了清爽的感覺。裝修以白及藍綠色為主，予人一種舒服感。通道有少少迫，如坐中間位置，體態不夠標準的話可能要打側少少走。餐牌上有標明蛋素及奶素，有部分也有寫明可走埋呢兩樣材料，方便不少吃全素的人士。食物方面，我點的全都好好食，味道及質感也是上品。我點了一個套餐，有前菜、手卷、餐湯、主食及甜品，好多野食~前菜: 有三款，一款涼拌，兩款沙律，都是酸酸地的開胃菜，入口清新，踢走悶氣!手卷: 以苜蓿芽代替了壽司飯塞滿，苜蓿芽青草味都頗重，不過配合芒果、牛油果和沙律醬，青草味中和了不少! 包紫菜非常脆，完全無淋到中湯: 以菇為主，因是素湯完全唔油，看上去非常清徹，湯料多，菇味濃郁，不遜於肉湯!主食: 青咖喱嗅到椰香味十足，不過入口不會覺得椰味太搶，反而咖喱味更重。裏面有甜椒、洋葱、芋頭、花菜類等材料，煲得剛好，每一款口感也是剛好~ 印度薄餅又酥又脆，我諗真係接咗好多層先有呢個效果!  飯只有少少一舊，可以用來撈咖喱汁試試，不過我個人鍾意咖喱配薄餅食!!甜品: (+HKD20): 法栗星辰是銅鑼灣店的限定，成個蛋糕好鬆軟，外面層朱古力啱啱漿著外層，唔硬亦唔會流落碟! 最驚喜係蛋糕周圍舖咗D爆炸糖，一齊食都好match!餐飲 (+HKD20): 藍蝶花雪梨汁，雖然我無飲，只是男友試。不過佢就話清清地，有D雪梨肉咁幾好飲。除了套餐，都散叫咗幾款野食。黑松露薯蓉焗大啡菇: 三大隻啡菇都超級juicy!! 而且都幾厚~配上少少酸甜的茄汁，好味~酥脆腐皮卷: 如何將腐皮卷到成隻雞鎚咁? 原來裏面蔵了一支扁木棒! 炸得脆之餘，仲有陣"發酵"過的味道~雖然淡淡的，但食到臭豆腐的味道!  有驚喜!泰式香煎如餅: 口感真係有少少似魚餅，食到有香茅味，真係泰國風味。講完食物，要講吓服務。待應非常親切，間中會跟我們閒話家常咁，仲話咗比我地知呢間舖每月1號會轉套餐餐牌，定期會換吓常設餐牌，增加新鮮感，唔怪得這天平日來，又不是星期一也是客滿狀態! 待應話當日常設剛換了餐牌，分享給大家看看~…查看更多

有時想自己放空一下，所以今日lunch我獨自吃。上網搵到銅鑼灣這間素食餐廳，啱哂放空吃清淡一點。餐廳座位有粉藍卡位一邊和偏廳，店員安排我坐偏廳這邊，我蠻喜歡窗邊這位置，很寫意舒服。 午巿有套餐選擇，有好幾款我都好想試，而且套餐包前菜、湯、主食、飲品，都幾豐富抵食！首先前菜是鮮柚香橙藜麥鮮蔬沙律，蔬菜新鮮，加了柚子汁酸酸地幾開胃。 湯有2款選擇，我這個是青木瓜甘筍花生雪耳湯。 一來到已嗅到香香的住家湯味，湯裡有很多配料，好驚喜，我特別喜歡花生和雪耳，煲到好淋好入味，我成碗飲哂，好好味呀！ 主食我選了點心拼盤配日式蕎麥湯麵。點心拼盤中春卷很香脆，內裡多蔬菜饀料，好吃！素菜餃皮薄饀靚，一咬開超多菜啊！燒賣好大粒，入面有粉絲，有趣。素叉燒包吃下第一口像真的叉燒包味，但食食下才知道是菇味，也不錯！ 日式蕎麥湯麵也合我心意，太喜歡湯底的味道，又夠多海苔粟米白蘿蔔，甜甜地的麵豉湯味湯底好味到不經不覺吃掉全碗！ 見到甜品加$20可試草莓千層班戟，所以唔爭在試埋！心目中係疏乎里班戟，原來是千層蛋糕，但吃不沒失望，粉紅色的很可愛，淡淡草苺香，而且班戟夠薄，Cream平均也不太甜。食埋甜品真係好飽好滿足，這個Set lunch好豐富啊 ~! 套餐還包一杯飲品，我點了檸蜜生薑茶消消滯，味道都幾好。 其餘幾個餐都幾吸引，下次再試！…查看更多

好耐都冇媽咪等我放工去銅鑼灣行街😍，行完打完之後，就梗係食嘢啦😁。媽咪話食肉類，食得太多，於是我醒起之前同朋友，食過一間令人回味嘅素食🤤，即刻帶媽咪試吓，好彩早到咋，立即有位，我哋坐咗一陣間就已經full晒啦，仲聽到有啲食客係之前已經book咗位嘅添👍🏼。媽咪覺得個環境好舒適又乾淨，打開個menu，仲花多眼亂乜嘢都想食，於是我哋每人揀咗一個set Dinner。Set Dinner 好豐富架，有前菜(餐廳好細心已經set好晒)、手卷(二選一)、湯類(二選一)、主菜及甜品（加錢仲可以轉班戟或者銅鑼灣店限定嘅甜品），另外仲可以加錢配埋飲品添😁。以下就係我哋揀嘅晚餐喇😋🥢 前菜 - 涼拌日本黑豆亜塔子黑木耳及紅火龍果藜麥沙律伴無花果黑醋及泰式香茅金柚鮮果沙律🥗 (三款菜式非常豐富，又開胃又好食😋）🥢手卷 - 蘆薈素香鬆苜蓿芽手卷 (夠晒Fresh😍)🍵 菠菜桃膠忌廉濃湯 (👩🏼‍🦰嘅選擇，佢話用桃膠嚟做西湯，好特別好creamy)🍵姫松茸竹笙黃耳百合燉湯(👧🏻嘅選擇，每次去都要飲，真係好清好甜，真係成個人潤晒😋)🥢青咖喱椰菜猴頭菇配印度薄餅及珍珠糙米(👩🏼‍🦰嘅選擇，雖然話係小辣，但係媽咪話一啲都唔辣，唔食得辣嘅但又想食咖喱嘅朋友可以一試👍🏼，味道非常好😋）🥢牛肝菌粒粒意粉酥皮盒伴苔菜三絲脆卷(👧🏻嘅選擇，好香嘅菌味加埋第一次食粒粒狀嘅意粉好特別，酥皮盒同三絲脆卷焗到好脆，好正好味😋)🍰甜品 - 👩🏼‍🦰推介草莓乳酪千層班戟(好香🍓味， 同埋一啲都唔甜，媽咪同我都覺得好好味👍🏼）👧🏻推介柚子乳酪蛋糕，一陣陣嘅柚子味加上芝士蛋糕，真係好清香又夠Rich😍）去到呢個時候，雖然係食素食，但係我哋兩個都食到飽飽，根本都享受唔到呢度嘅特色飲品🤦🏻‍♀️。。媽咪話下次一定要試吓其他菜式，仲話搵日要帶埋朋友一齊嚟食😁(老實講，確實係好食嘅素食，我都要同朋友再嚟過😁😁🤭）…查看更多

瘦編有定期食素嘅習慣，銅鑼灣依間素食店悠蔬食我已經光顧過唔至一次。佢嘅菜式同傳統嘅素食店唔同，會好多新㯋現代化嘅菜式。💕-佢嘅Lunch Set會包例湯、主菜同飲品。主菜我就揀左點心拼盤配日式豆腐蕎麥湯麵。成個套餐好豐富好飽，點心拼盤包括有素叉燒包、素燒賣、素餃同素炸春捲，新鮮做起。日式豆腐蕎麥湯麵味道比較清淡，啲料仲有粟米紫菜蘿白等等，比較岩食得清淡啲嘅人。😍-相反，如果鐘意食得濃味少少，可以食大啡菇野菜炒烏冬加雜錦天婦羅，炒烏冬味道會濃啲，天婦羅有冬菇南瓜茄子，都係新鮮炸起，好脆口。🙈-味道評分▶️🌕🌕🌕🌕🌗(4.5)抵食評分▶️️🌕🌕🌕🌑🌑 (3)回購評分▶️️️🌕🌕🌕🌕🌑 (4)-➡️悠蔬食 (銅鑼灣)📍銅鑼灣渣甸街50號渣甸中心25樓-…查看更多