快樂麵麭

去到灣仔快樂餅店，唔試佢哋嘅招牌忌廉筒真係等於白行！🥐✨呢款幾乎失傳嘅港式麵包，外層係金黃酥脆嘅千層酥皮，入口鬆化，咬落去冇渣，香氣撲鼻。內餡係由鮮牛油打發而成嘅忌廉，質地滑順，甜度適中，唔會膩口，仲帶少少鹹香，令人一試難忘。每一筒都係由師傅親手製作，由搓麵、焗皮到唧忌廉都一絲不苟，保留住最原始嘅港式風味。即使放咗幾個鐘都唔易溶，依然保持口感，真係好有功夫。👨‍🍳💯快樂餅店重開後，依然吸引大量街坊捧場，唔少人專程排隊就係為咗呢一味童年回憶。🍽️🧁如果你鍾意懷舊港式麵包，呢個忌廉筒絕對係必食之選！…查看更多

舊鋪位處皇后大道東，好多時搭車都會經過，一路都覺得係一間個名幾快樂嘅街坊麵包舖。亦都慶幸好耐以前已經試過佢嘅出品，覺得奶油筒其他地方比較少見之外，大致上就係一間傳統街坊麵包舖嘅水平。直至有段時間傳出結業，一時之間群情洶湧。之後喺同一條街覓鋪重開，但評語好似毀譽參半。其實，佢定位本來就係一間街坊麵包舖，突然間要當佢係高級麵包咁去評，其實亦都唔太現實。但係，幫襯街坊麵包舖，食街坊水平嘅食物，一樣可以好快樂。只係希望佢，唔好畀一時嘅群情洶湧充昏頭腦，畀心機做好本業咁就好喇。…查看更多

時間飛逝，又來到了一年一度生日的大日子，好友們都知我喜歡開心果及海綿蛋糕，特別於快樂餅店訂造開心果蛋糕。平時我去快樂麪包買傳統嘢，例如我最愛的腿蛋包、蛋撻、紙包蛋糕，從來冇食過佢啲蛋糕，今次真係非常驚喜！估唔到老牌餅店都趕上了開心果的熱潮！蛋糕好大個，實而不華，體現了傳統餅店的務實的態度，原來佢嘅海綿蛋糕都幾好食，中間有一層朱古力開心果脆脆，配上開心果味的忌廉及滿滿的雜果，生果竟然有好多元化，果然食到開心的感覺，快樂滿滿🥰…查看更多

飯後經過快樂餅店，幾年前結業之後重開改名為快樂麵麭，主打懷舊麵包及曲奇小食等，當中忌廉筒最受歡迎，記得以前係灣仔返工有時都會幫襯佢做早餐(仲係快樂餅店同多數都係食紅豆沙翁)，感覺係唔同，但仍想幫襯下。 入到去又係比開心果吸引左。開心果奶油忌廉筒，$15，都幾細件，但因為係飯後甜品即興食反而ok左，外層酥皮香脆，內餡忌廉奶油軟滑，味道鹹鹹甜甜，忌廉面層有開心果碎，有少許開心果味，唔算好濃郁，如果以開心果甜品來計味道普通，可能原味好食點。…查看更多

快樂麵包@灣仔經過見到入去睇睇 有好多唔同款新年呢排就有豆沙餅 角仔個d賣又有合桃蛋糕 麻糬包 燒餅 老婆餅等好多都想食!🤤最後揀左芋頭麻糬布丁蛋撻 ($13)見佢好似好多料咁即刻比佢吸引左都算大個 高身 曲奇皮 幾鬆脆幾香蛋味 中間有麻糬 不過唔多但就完全食唔到有芋頭 失望🥲其實食落都係普通蛋撻咁 太大期望不過有機會都想再試下佢其他野…查看更多

每週也要幫襯這家一兩次 今天排隊買單時看到收銀大嬸和一位男客人起爭執 大嬸點錯 男客人按照錯的數字給 之後大嬸又說自己點錯要加錢 男客人不太高興 兩個人就你一言我一語 出門前男客人講 大清早你自己點清楚 不要罵罵咧咧 （大意） 最精彩的來了 當時收銀大嬸沒有說話 被同事按住 在男客人出門後她目露兇光 大罵男客人不願意給錢（？？拜託是你自己計錯） 大嬸表情之惡毒嚇到我了 腦袋一懵這家店的食物並沒有什麼問題 價格也很親民 但是這位收銀員真的不是一人在吐槽我真的建議店家換人 …查看更多

去完教會後路過快樂麵包店，買了喜歡的馬仔。個收銀員同其他職員係道互駡。已經是第二次見她好不禮貌，對客人也冇禮貌。我見其他食評也寫過，相信是同一人。希望老板見到會對她訓示。如果她是老闆的話也不應在人客面前同同事起爭執。影響舖頭的聲譽。真係快樂麵包不快樂。…查看更多

今次試咗～～～開心果醬奶油筒～～～外層夠脆～～～配合埋開心果醬同開心果粒真係幾夾～～～值得一試😋😋😋綠茶味～麻糬波波～外面夠脆～～～內層麻糬份量ok~~~大大隻～～～總括嚟講呢兩樣嘢都值得試😊今次仲見到呢個懷舊嘅中秋節食品，童年回憶返晒嚟😂😂😂快樂麵麭 (灣仔)灣仔皇后大道東66-68號地舖#開心果醬奶油筒 #豬籠餅 #快樂麵包 #灣仔麵包舖 #懷舊麵包舖 #灣仔美食 #港島美食地圖 #開心果 #奶油筒…查看更多

裝修之後未去過，今日滿心期待去買呢間店舖麵包，簡咗6個麵包後，排隊準備比錢時，見到廚窗我仲未去睇，打算行去買多幾個.點知我都未行近，乜都無做又無講過嘢，個收銀阿嬸超惡咁叫我，唔好去睇，你要就問我啦！我心諗，我都未睇點知你有乜嘢食品放喺果度，仲叫我唔好睇個紙牌，寫啲嘢唔岩，問我啦！😂真心無奈，廚窗果啲食品店入面都無任何紙牌，我又唔會行出店外睇，都唔知佢講乜鬼，我又無用手拎又無叫人拎比我，我只係都未行近睇，望下咋喎咁都唔得？我都費事同佢講嘢。未裝修之前啲價錢係平嘅，裝修完而家麵包仲貴過出面，又唔覺得特別好味，服務又令客人唔快樂，咪鬼幫襯，一吐氣！…查看更多

$10嘅麻糬波波自然會有expectation，同一個價錢同銅鑼灣真係冇得比，試咗個朱古力味，好硬又乾，以為自己食緊麵包咁，中間有粒麻糬係OK嘅，軟身有咬口，但係麻糬波波真係做得太差，好彩淨係買咗一個。第一次食呢間餅店係喺舊舖，覺得好懷舊，而且個曲奇蛋撻暖暖哋，出奇地好食，今日買咗個酥皮蛋撻又凍又唔夠鬆又甜，加價唔緊要，只係想食到好味嘅嘢。應該唔會再特登行過嚟買麵包啦……………………………………..…查看更多

一入到間舖得一個客係度俾緊錢，個收銀員嘅服務災難級，個客買多少少嘢佢已經計數計唔掂，俾個客話找錯錢，搞左勁耐都唔啱數。我就排個客後面，慢慢等佢計啱數，之後突然有個阿姐係後面直接擺盤麵包埋去，我已經即時同佢講我要個蛋撻，想表明俾個阿姐同收銀員知我係等緊，個收銀員應左句"等一等"。收銀員計啱數之後佢就夾起打尖個阿姐盤飽想計數，我就話我排先過佢，個收銀員竟然話"你排錯隊"。一流服務，蛋撻無買到，亦都無興趣再試。…查看更多

Once closed down, this bakery shop has reopened in Wan Chai, and I deliberately went to visit it..For my first trial, I bought a Sausage Bread. Liked how their bread was always hotly-served and soft, which fit well with the sausage. Later, my colleagues bought Egg Tarts, and they even got Taro Mochi Pudding Egg Tart for me. The Egg Tarts smelled fragrant becoz of the butter. The custard tasted sweet as well, just that its crust was a bit dry and not that crispy. The Taro Mochi Pudding Egg Tart was fair enough, but not too memorable. .Many ppl recommended their cream cone, so one could try it.…查看更多

星期六灣仔掃街，試左幾間有歷史嘅麵包餅店，其中呢間快樂餅店話題好高，最多人推介奶油筒$11。老實講，我真係用左好大勇氣先買嚟試，因為我真心討厭食Cream嘅人😂夾奶油筒果陣已經Feel到好酥脆，食落真係好輕身、好酥化、好空氣，奶油好實在、唧左好多好滿...不過我試左一啖真係頂唔順果種油膩感😐...抱歉我食唔出奶油香，只有油膩感，我地四個都食唔落😥。另外買左牛皮蛋撻$7，呢個價錢喺灣仔真係算抵。雖然唔係剛出爐，但由於下午食左個極難食嘅蛋撻，喺有比較嘅情況下，呢款正常普通嘅蛋撻，即刻覺得好味😅…查看更多

小店結業後，馬上在同一條街另開新舖，不過大不如前。未搬舖之前做得不錯，亦會感受到快樂，但搬左舖之後就明顯以搶錢為主。普通一個菠蘿油都要賣到 $13。麵包份量亦明顯縮細了。麵包蛋撻出爐唔熱，明顯放左好耐。味道一般，已經沒有以前快樂嘅味道。以前麵包舖人流不絕，搬舖後位置較偏僻。收銀員目無表情，就連收銀機都用人民幣顯示，八達通機亦經常有意無意收多錢，任何一句說話都沒有。這間麵包舖販賣的香港懷舊回憶，老實說連 7-11 都不如，遊客千萬不要再專程去光顧。…查看更多

新手法的咖喱酥，件頭比手掌還大，酥皮非常鬆化，層層酥皮分明且鬆脆；咖喱沒有一般的濃烈，比較溫和。牛油皮蛋撻蛋芯夠厚，撻底焗得夠不會沉濕，烘得香脆。包餅多款，款式亦新，一定會再試吓其他款式。…查看更多