志成小館

🥰 老友 “意大利長介” 識飲識食, 相約師弟 “村井” 同埋 “一清” 江湖飯局, 嚟到 “志成飯店”, 聽講大廚師承 “全家七福”. 🥢 餐廳裝修簡陋, 設六張中細圓枱, 大排檔格局, 另設包廂, 今晚 “長介” 負責點菜! 自攜三支酒, 開瓶費全免.🐚 沙薑蟶子皇, 每隻$88, 共4隻. 蟶子新鮮厚肉, 沙薑提味唔搶味, 啱啱好, 十個讚!🐚 冰鎮南非鮑魚, 每隻$88, 共4隻. 鮑魚爽彈, 配川辣味道, 我非常鍾意呢個溫度.🤗 豉油皇鵝腸, $188. 狀似闊條麵, 冇乜脂肪, 略嫌唔夠爽, 合格!🥣 花膠杏汁白肺湯, 每位$88. 燉盅上, 熱焫焫, 味道香濃吸引.🦐 粉絲中蝦, $680. 蝦膏爆滿, 粉絲又入唒味, 掂! 有點貴, 哈.🐟 海斑兩食, $680. 第一食, 粟米斑塊. 炸粉極度鬆脆, 放咗一陣都冇出水, 魚肉夠熱夠滑, 我以為粟米汁係搞笑, 夾埋真係好好食喎.第二食, 陳皮蒸頭腩. 啱啱熟, 肥美!🐟 陳皮豉汁蒸大鱔, $228. 彈牙, 又少刺, 一流!🍉 生果拼盤. 免費贈送, 完美結束.🤗 總結: 用餐環境普通, 但菜品高質, 烹功火喉出色, 服務有溫度, 期待下次再訪.…查看更多

今個月同7月份生日的寶寶慶祝生日，有朋友建議去志成小館食，見菜式食評等都唔錯，就決定嚟呢度慶祝。我地叫咗8樣菜式，味道各有特色，蝦多士、豉汁炒鵝腸、花膠杏汁燉白肺湯都幾出色。蝦多士第一碟上菜係呢個蝦多士，呢道菜式好多地方都有，但講好食，志成係No. 1。佢個多士夠鬆脆，蝦亦好彈牙，而且唔油膩。平時我好怕食蝦多士係肥淋淋兼個多士好硬，好易鎅損口，志成嘅蝦多士克服我我對呢道菜式嘅壞印象，值得一試。豉汁炒鵝腸好少有一碟鵝腸係冇加上大量芽菜响底，志成嘅豉汁炒鵝腸值99分，扣咗果一分係我唔太好一啲肥糕。整體佢嘅鵝腸算大條同爽脆，雖然佢用豉汁炒，亦冇影響到鵝腸嘅香味，鍾意食鵝腸嘅朋友一定要試。宮廷秘制冰梅骨初時以為呢個係冷盤嚟，同埋應該都係啲普通排骨，嚟到係熱食，仲要個肉係大大塊，真係估佢唔到。宮廷秘制冰梅骨嘅冰梅醬，酸酸地，配上肉比骨更多嘅「排骨」，尤其响咁熱嘅天氣，酸酸甜甜令人胃口大開。花膠杏汁燉白肺呢個自己係唔會煮嘅湯，製作過程太過麻煩，出去飲就最好。豬肺係最難洗，但佢洗得好乾淨，而且口感好滑，唔會煲到柴咗。每碗湯都有一舊花膠、一件豬肺，湯味濃郁，同時亦飲得出杏汁嘅香氣，鍾意飲湯嘅朋友可以一試。豉汁蒸爽鱔第二款豉汁嘅菜式，感覺比鵝腸嘅味道更濃，相信係豆豉帶出更濃郁嘅味道，對我嚟講會稍為偏咸一啲；另外係魚肉唔算話係爽脆，雖然對味道影響不大，但變得唔完美。水煮龍躉斑球上菜時都「嘩」聲，估唔到係咁大盆。味精方面，麻味十足，起初食魚時唔覺得佢好辣，但到食啲米線時，啲辣味係慢慢咁滲出嚟。整體上係唔錯，如果魚可以多一、兩舊會開心啲。另外係米線可以轉冬粉呢啲就更正。招牌當紅炸子雞相信炸子雞係比較難處理同控制火喉嘅菜式，呢度嘅炸子雞嘅雞肉好嫩同有雞味，我刻意揀啲下欄位食，竟然都係滑嘅。不過可惜嘅係，佢個皮唔夠脆，我都知要做到外脆肉質嫩係好難做到，曾經食過最正嘅炸子雞，唯一一間做到外脆肉質嫩，竟然係一間公司嘅員工飯堂。黑胡椒牛油蝦球炒粉絲我幾鍾意佢滿滿嘅蝦球，粉絲亦都好入味，加上黑胡椒帶出唔好停嘅感覺，雖然食咗好多嘢都好飽，但都冇因為飽而令我放棄佢。呢個菜式有個建議嘅係，加啲綠色嘅裝飾，蔥又好、莞茜都好，家下就咁望落去就唔會覺得值呢個價錢。最後嘅果盤，完成美好嘅一餐。我覺得可以再嚟試其他菜式，我見到隔離枱叫啲餸擺盆好靚好特別咁。雖然睇落佢個價格有啲進取，但睇得出佢哋係用心都做呢啲菜式，甚至有驚喜。…查看更多

因為朋友食過一次之後，然後再連續去了2晚，所以很好奇是否真的這麼好食。之後有朋友生日就排了到這間慶祝，佢位置非常方便在漆咸道南中段，但冷氣就真係唔夠凍。食物方面，Overall 質素係中上，尤其係個燒雞真係好好食，皮脆肉滑兼多汁，必食。個蠔食倒係好新鮮，但可能overcook左,有d韌。個蟹係好惹味，但感覺就有d普通，所以下次會試d出面無嘅菜式。佢哋menu 上有好多出面唔會有嘅菜式，所以期望下次再試。價錢方面中間，如果唔計請朋友生日，約$500個頭。。。叫了5個送，有2個唔記得影。。。不過只係菜同小食。…查看更多

2025-6-21SFAC學長推介尖沙咀志成小館一間好有心嘅食肆，用心做，有創意，值得推介！酥炸斑粒⋯⋯脆而不油膩烧雲腿炒鸽脯⋯⋯鴨肉煮得啱啱好花膠杏汁燉白肺湯⋯⋯非常足料黑椒牛油焗瀬尿蝦(粉絲底）⋯⋯瀨尿蝦啖啖肉，好惹味藤椒膏蟹蒸肉餅⋯⋯必食香葱蒸指天翅⋯⋯魚皮超彈口，魚肉嫩滑，一級口感享受招牌炸子雞豉油皇炒面30年陳皮紅豆沙/蛋白杏仁茶鮮果盤盛惠每位$580如果喜歡夠味小炒，你一定會鍾意呢一度，本人比較喜歡清淡嘅味道，所以略嫌餸菜味道稍為重咗少少，但係並冇影響每一道菜嘅美味程度，我一樣享受咗美味嘅晚餐！…查看更多

同朋友去咗隱世小館吃了高質中式菜 ，呢間小館係在繁華尖沙咀區，路過見到都未必會察覺到，係朋友吃過好吃介紹麼的，小館主打大排檔特式風味。我哋叫了一款小吃，六款菜式同一款湯，全部都整得好出色，大家都食到舔舔脷同埋吃到師傅用心製作，呢度無收加一服務費，但服務非常滿意👍。話梅小蕃茄🥢 $88 好清新酸酸甜甜的話梅小蕃茄。荷塘煎藕餅 🥢 $128 好惹味的煎藕餅，仲食到粒粒蓮藕，好吃。酥炸班球🥢 $238又酥脆又好食的炸班球，魚又juicy 又彈牙，食得出魚鮮味。 宮廷秘製冰梅骨🥢 $158 有驚喜的冰梅骨，肉質鮮嫩入口即化，醬汁又調味得剛剛好，非常好吃😋，推薦大家必叫之選。胡椒豬肚煮花甲皇🥢 $238很香胡椒味道，花甲皇又大隻又鮮甜又美味，加埋豬肚同胡椒湯一齊飲，好正，飲完好暖胃。30 年陳皮蒸指天翅🥢 $402尼個🐟蒸指天翅蒸得剛剛好，魚肉鮮味好滑又彈牙，魚皮平時我麻麻地，但整得好好食，好彈牙，朋友話滿滿骨膠原。薑蔥火腩生蠔🦪煲🥢 $298超級大隻潮汕🦪好肥美，配埋薑蔥火腩一齊食好惹味。生炒糯米飯🥢 $168 粒粒生炒糯米飯，軟硬適中，炒得又亁身，好吃。食完仲有生果拼盤送，抵讚。…查看更多

臨時飯局撞正星期五，唔知食乜好，記得近尖東這間小菜館，去到發現已轉手，老闆話已經3個月了。在推介下點了招牌炸子雞，我哋還點了上湯豆苗及啤酒！那款招牌炸子雞，皮脆肉嫰，係冇介紹錯嘅，半隻$298 都算貴；而豆苗都ok, 份量大，有雜菇；服務ok嘅，自動加茶水，又冇限時間。小插曲，幫我地倒啤酒，發現隻杯裂左，酒連杯掉咗，話補番支啤酒比我地，不過後來我同朋友都飽了，冇問佢地要番支啤酒，買單後發現原來冇收我哋支啤酒錢！…查看更多

🎉🎉團年飯局🎉🎉21/1-2025 菜單 （2 圍）前菜:椒鹽鮮魷 荷塘煎藕餅👍金沙茄子笑蝦蝦脆多士 👍杏汁菜膽豬肺湯豉汁蒸蟠龍鱔 紅運當頭炸子雞 鳳梨千層咕嚕肉 土魷馬蹄蒸肉餅野菌燒豆腐 金鉤啫啫芥蘭 金瑤扒豆苗 瑤柱蛋白炒飯今次我們選擇在志成小館團年飯。朋友推介大廚曾在多間名店做大廚。菜膽豬肺湯燉湯燉上數小時，味道鮮美，材料豐富，好多豬肺。12人份量，每人差不多有2碗。豉汁蒸蟠龍鱔鱔好新鮮又入味，好有口感，大廚有刀工，賣相擺盤不錯 。紅運當頭炸子雞 用新鮮炸子雞，吊起來炸，皮脆，雞肉每個部位都很嫩滑。菠蘿千層咕嚕肉 咕嚕肉夠口感，醬汁酸甜有度，配以新鮮菠蘿非常出色。笑蝦蝦脆多士脆炸蝦多士好乾身，咬起來無油，盡見大廚功夫了得。其他：荷塘煎藕餅，自己啄肉有口感。瑤柱蛋白炒飯，無油好乾身，食哂。因為食店當晚全部滿座，老闆安排我們坐地下不做晚市的點心店。變咗包了場。免開瓶費，是大家歡聚暢飲好地方。…查看更多

對於我一個向廣東人嚟講 都係鍾意食原汁原味的食物 老闆新鮮為主 我媽咪加埋兩個姪女食得好開心 值得推介 真心覺得好食 價錢亦都好合理 老闆亦都好有人情味 會經常不停問我哋意見問我哋好唔好食飲什麼要 改善❤️🔥🔥🔥…查看更多

第一次到訪充滿期待食物可以的我哋四個人、佢竟然用一張麻雀枱扮飯枱俾我哋最後我帶佢嘅紅酒、因為麻雀枱表面不平差啲倒瀉努力挽救，最後仍然難免，我自攜嘅深愛紅酒杯因為麻雀枱不平，砸碎了😭🤬我本來唔知我嗰張餐枱係麻雀枱最後我脫開枱布，終於明白了十分不負責任的食肆…查看更多

皮脆內嫩，連雞胸肉都係滑滑，薑蔥蠔，每次都係肥嘟嘟好飽滿，夠晒薑蔥夠晒鑊氣，呢度嘅炒球同埋蒸頭腩，都係恰到好處，每次都keep到水準，未有失望過，環境坐得好舒服洗手間亦乾淨…查看更多

老公上星期食過一次，評價唔錯，所以決定自己親自試吓。今日訂咗枱，一家四口食晚飯。 食肆地址唔難搵，不過原來要行樓梯上樓上，而食肆地方唔算太大，但乾淨明亮，唔錯 👍🏻👍🏻。坐低有碟腰果小食。睇餐牌，唔算太貴見佢豬肺湯要訂，即刻問老板，佢話今日有，$88/位。 價錢 ok wo冰鎮鮑魚，老板推介，但我覺得一般沙薑蟶子，呢個好味 😋😋😋蝦多士 花膠豬肺湯，正 😋😋😋椒鹽鮮魷，無特別 上湯豆苗 (豆杯)，好食 生炒糯米飯 千層咕嚕肉 👍🏻👍🏻👍🏻👍🏻綜合成餐飯，好食，招呼好好，收碟收得快，侍應們有禮貌 👍🏻👍🏻👍🏻👍🏻👍🏻 會再幫襯 Remarks: 一定要訂枱，今日唔係周末周日，但都爆棚 …查看更多

尖沙咀呢間中菜館麻雀雖小，但係五臟俱全。啲食物質素相對好。菜式雖然簡單但係但係完全唔馬虎。叫咗薑蔥雞同蒜蓉炒豆苗，薑蔥雞厚實又嫩滑！蒜蓉炒豆苗又好夠火候。值得再嚟！…查看更多

今日約咗幾個朋友喺尖沙咀行街，今晚見到間小店就決定入去試試佢，結果有驚喜！我哋三個人叫咗三個餸隻雞好嫩，肉質結實唔會好肥！豆苗炒得好香，蒜香十足，火候控制得好好唔會炒到好老。最後個肉餅但送飯一流啊！雖然啲餸唔複雜，但feel到廚師好認真。…查看更多

行過路過，諗住係尖沙咀是但搵餐飯食，行過見到呢間志成小館，價錢又唔貴，就試一試，竟然有驚喜。平凡嘅欖菜四季豆，鮮甜得來夠鑊氣，又唔會鹹到死。土魷蒸肉餅好新鮮，龍蝦湯稻庭烏冬好滑好食，冇味精，所以淡口d，我最鍾食嗰個胡椒牛油粉絲蝦球煲，好香又特別，佢環境幾好，d枱唔會密麻麻，方便同朋友傾計。最緊要招呼好好，待應不停加水加茶，又會問下d餸好唔好食，又有禮貌，香港食肆少見。 原本冇諗過寫食評，所以肉餅同四季豆都冇影相…查看更多

这顿饭真是太符合我们的口味了，送的猪肉汤和买的海鲜龙虾泡饭、鱼米线都很好吃，超级鲜，简直最爱😍so nice！感觉很热闹，午市坐满了，不再去茶餐厅了，还想再来！…查看更多