志成小館

🥰 老友 “意大利长介” 识饮识食, 相约师弟 “村井” 同埋 “一清” 江湖饭局, 嚟到 “志成饭店”, 听讲大厨师承 “全家七福”. 🥢 餐厅装修简陋, 设六张中细圆枱, 大排档格局, 另设包厢, 今晚 “长介” 负责点菜! 自携三支酒, 开瓶费全免.🐚 沙姜蛏子皇, 每只$88, 共4只. 蛏子新鲜厚肉, 沙姜提味唔抢味, 啱啱好, 十个赞!🐚 冰镇南非鲍鱼, 每只$88, 共4只. 鲍鱼爽弹, 配川辣味道, 我非常钟意呢个温度.🤗 豉油皇鹅肠, $188. 状似阔条面, 冇乜脂肪, 略嫌唔够爽, 合格!🥣 花胶杏汁白肺汤, 每位$88. 炖盅上, 热焫焫, 味道香浓吸引.🦐 粉丝中虾, $680. 虾膏爆满, 粉丝又入唒味, 掂! 有点贵, 哈.🐟 海斑两食, $680. 第一食, 粟米斑块. 炸粉极度松脆, 放咗一阵都冇出水, 鱼肉够热够滑, 我以为粟米汁系搞笑, 夹埋真系好好食㖞.第二食, 陈皮蒸头腩. 啱啱熟, 肥美!🐟 陈皮豉汁蒸大鳝, $228. 弹牙, 又少刺, 一流!🍉 生果拼盘. 免费赠送, 完美结束.🤗 总结: 用餐环境普通, 但菜品高质, 烹功火喉出色, 服务有温度, 期待下次再访.…查看更多

今个月同7月份生日的宝宝庆祝生日，有朋友建议去志成小馆食，见菜式食评等都唔错，就决定嚟呢度庆祝。我地叫咗8样菜式，味道各有特色，虾多士、豉汁炒鹅肠、花胶杏汁炖白肺汤都几出色。虾多士第一碟上菜系呢个虾多士，呢道菜式好多地方都有，但讲好食，志成系No. 1。佢个多士够松脆，虾亦好弹牙，而且唔油腻。平时我好怕食虾多士系肥淋淋兼个多士好硬，好易鎅损口，志成嘅虾多士克服我我对呢道菜式嘅坏印象，值得一试。豉汁炒鹅肠好少有一碟鹅肠系冇加上大量芽菜响底，志成嘅豉汁炒鹅肠值99分，扣咗果一分系我唔太好一啲肥糕。整体佢嘅鹅肠算大条同爽脆，虽然佢用豉汁炒，亦冇影响到鹅肠嘅香味，钟意食鹅肠嘅朋友一定要试。宫廷秘制冰梅骨初时以为呢个系冷盘嚟，同埋应该都系啲普通排骨，嚟到系热食，仲要个肉系大大块，真系估佢唔到。宫廷秘制冰梅骨嘅冰梅酱，酸酸地，配上肉比骨更多嘅「排骨」，尤其响咁热嘅天气，酸酸甜甜令人胃口大开。花胶杏汁炖白肺呢个自己系唔会煮嘅汤，制作过程太过麻烦，出去饮就最好。猪肺系最难洗，但佢洗得好干净，而且口感好滑，唔会煲到柴咗。每碗汤都有一旧花胶、一件猪肺，汤味浓郁，同时亦饮得出杏汁嘅香气，钟意饮汤嘅朋友可以一试。豉汁蒸爽鳝第二款豉汁嘅菜式，感觉比鹅肠嘅味道更浓，相信系豆豉带出更浓郁嘅味道，对我嚟讲会稍为偏咸一啲；另外系鱼肉唔算话系爽脆，虽然对味道影响不大，但变得唔完美。水煮龙趸斑球上菜时都「哗」声，估唔到系咁大盆。味精方面，麻味十足，起初食鱼时唔觉得佢好辣，但到食啲米线时，啲辣味系慢慢咁渗出嚟。整体上系唔错，如果鱼可以多一、两旧会开心啲。另外系米线可以转冬粉呢啲就更正。招牌当红炸子鸡相信炸子鸡系比较难处理同控制火喉嘅菜式，呢度嘅炸子鸡嘅鸡肉好嫩同有鸡味，我刻意拣啲下栏位食，竟然都系滑嘅。不过可惜嘅系，佢个皮唔够脆，我都知要做到外脆肉质嫩系好难做到，曾经食过最正嘅炸子鸡，唯一一间做到外脆肉质嫩，竟然系一间公司嘅员工饭堂。黑胡椒牛油虾球炒粉丝我几钟意佢满满嘅虾球，粉丝亦都好入味，加上黑胡椒带出唔好停嘅感觉，虽然食咗好多嘢都好饱，但都冇因为饱而令我放弃佢。呢个菜式有个建议嘅系，加啲绿色嘅装饰，葱又好、莞茜都好，家下就咁望落去就唔会觉得值呢个价钱。最后嘅果盘，完成美好嘅一餐。我觉得可以再嚟试其他菜式，我见到隔离枱叫啲𩠌摆盆好靓好特别咁。虽然睇落佢个价格有啲进取，但睇得出佢哋系用心都做呢啲菜式，甚至有惊喜。…查看更多

因为朋友食过一次之后，然后再连续去了2晚，所以很好奇是否真的这么好食。之后有朋友生日就排了到这间庆祝，佢位置非常方便在漆咸道南中段，但冷气就真系唔够冻。食物方面，Overall 质素系中上，尤其系个烧鸡真系好好食，皮脆肉滑兼多汁，必食。个蚝食倒系好新鲜，但可能overcook左,有d韧。个蟹系好惹味，但感觉就有d普通，所以下次会试d出面无嘅菜式。佢哋menu 上有好多出面唔会有嘅菜式，所以期望下次再试。价钱方面中间，如果唔计请朋友生日，约$500个头。。。叫了5个送，有2个唔记得影。。。不过只系菜同小食。…查看更多

2025-6-21SFAC学长推介尖沙咀志成小馆一间好有心嘅食肆，用心做，有创意，值得推介！酥炸斑粒⋯⋯脆而不油腻烧云腿炒鸽脯⋯⋯鸭肉煮得啱啱好花胶杏汁炖白肺汤⋯⋯非常足料黑椒牛油焗瀬尿虾(粉丝底）⋯⋯濑尿虾啖啖肉，好惹味藤椒膏蟹蒸肉饼⋯⋯必食香葱蒸指天翅⋯⋯鱼皮超弹口，鱼肉嫩滑，一级口感享受招牌炸子鸡豉油皇炒面30年陈皮红豆沙/蛋白杏仁茶鲜果盘盛惠每位$580如果喜欢够味小炒，你一定会钟意呢一度，本人比较喜欢清淡嘅味道，所以略嫌𩠌菜味道稍为重咗少少，但系并冇影响每一道菜嘅美味程度，我一样享受咗美味嘅晚餐！…查看更多

同朋友去咗隐世小馆吃了高质中式菜 ，呢间小馆系在繁华尖沙咀区，路过见到都未必会察觉到，系朋友吃过好吃介绍么的，小馆主打大排档特式风味。我哋叫了一款小吃，六款菜式同一款汤，全部都整得好出色，大家都食到舔舔脷同埋吃到师傅用心制作，呢度无收加一服务费，但服务非常满意👍。话梅小蕃茄🥢 $88 好清新酸酸甜甜的话梅小蕃茄。荷塘煎藕饼 🥢 $128 好惹味的煎藕饼，仲食到粒粒莲藕，好吃。酥炸班球🥢 $238又酥脆又好食的炸班球，鱼又juicy 又弹牙，食得出鱼鲜味。 宫廷秘制冰梅骨🥢 $158 有惊喜的冰梅骨，肉质鲜嫩入口即化，酱汁又调味得刚刚好，非常好吃😋，推荐大家必叫之选。胡椒猪肚煮花甲皇🥢 $238很香胡椒味道，花甲皇又大只又鲜甜又美味，加埋猪肚同胡椒汤一齐饮，好正，饮完好暖胃。30 年陈皮蒸指天翅🥢 $402尼个🐟蒸指天翅蒸得刚刚好，鱼肉鲜味好滑又弹牙，鱼皮平时我麻麻地，但整得好好食，好弹牙，朋友话满满骨胶原。姜葱火腩生蚝🦪煲🥢 $298超级大只潮汕🦪好肥美，配埋姜葱火腩一齐食好惹味。生炒糯米饭🥢 $168 粒粒生炒糯米饭，软硬适中，炒得又亁身，好吃。食完仲有生果拼盘送，抵赞。…查看更多