必勝客 (黃埔天地)

今日去咗黃埔搵個朋友食飯 想食pizza所以就揀咗Pizza Hut！雖然係lunch time 但係人唔算多 坐得好闊落 好舒服！同朋友叫咗一人一個lunch set，一個迷你夏威夷pizza 一個迷你至尊pizza！仲加咗$3轉左龍蝦湯！龍蝦湯好濃味好好飲！加$3的確係唔錯嘅選擇！至於Pizza黎講 可惜唔算太熱 中規中矩規！不過lunch time可以有一個咁舒服嘅環境食飯 的確係一個唔錯嘅選擇…查看更多

好耐冇食過Pizza Hut嘅lunch,原來勁抵食！午餐$4x起，學生餐都係$3x起。咁多嘢食埋單都係$200 叫一個午餐海皇湯加酥皮$13午餐加小食$19/4隻海鮮寬條面個味怪怪地，啲面都冇以前咁闊芝士烤雞Dip脆批幾好食👍🏻餡料都好多，仲有芝士拉絲🤤🤤原味雞翼跟餐兩隻$13👍🏻凱撒沙律半份跟餐加$19 份量都幾多😍🥟好耐冇食過蒜蓉包，原來原價一條係$44，超級貴，依家跟餐加抵食勁多！…查看更多

同好姊妹慶祝🍾生日，揀左無限時pizza hut🍕🍹🍝晚餐； 不過今日原來都食左3小時。開頭5個人叫左5個套餐，有湯有飲品。 後來大家都想食pizza, 但如果單叫一個pizza 又好似太多，所以索性叫多個晚餐～迷你至尊pizza. 最後埋單用埋yuu優惠卷有7 5折仲抵👍🏻。 講返晚餐，湯夠熱，豬仔骨出色😋；不過大家都覺得烤雞比較鞋🤪。 香蒜意粉大家都至愛所以最快清曬。每個餐包飲品大家都叫左特飲，因為最貴只係加$15😍。 個杯雪糕啫喱特飲超正👍🏻…查看更多

最近試咗喺Pizza Hut叫外賣早餐，點咗個$34嘅火腿芝士吐司，仲有支裝水。話說，外賣系統竟然落唔到單，真係冇辦法，唯有自己親身去現場叫，等咗一陣，心情都有啲煩。終於撈到呢個吐司，開盒一睇，金黃色嘅外皮，仲有啲香味撲鼻而來。咬一口，火腿同芝士嘅搭配幾好，味道正正常常，唔算驚喜，但都食得過。吐司外脆內軟，口感唔錯，雖然等咗一陣，但都算值得。最過分係，據說呢個早餐只係幾間分店有得賣，極度唔方便！想食都要特意去一啲指定嘅地方，真係唔太人性化。整體嚟講，呢個早餐就係「正正常常」，雖然唔差，但因為服務同便利性問題，下一次我可能會考慮其他選擇。希望Pizza Hut可以改善下呢個情況，咁大家就可以輕鬆啲享受早餐啦！…查看更多

今次食經典夏威夷Pizza，火腿同菠蘿嘅搭配相當不錯，帶來一種清新的味道。餅皮薄脆，起司亦有不錯嘅拉絲效果，整體口感均衡。服務人員友善，環境輕鬆，適合約朋友一齊聚餐。如果你鐘意夏威夷Pizza，呢度值得一試！真係好味到爆！🍕 鮮嫩嘅火腿配上甜美嘅菠蘿，味道融合得好好，帶嚟一種清新嘅感覺。餅皮薄脆，起司拉絲效果仲係一絕，令人食完唔想停口😋。服務人員都好友善，環境輕鬆愉快。無論係聚會定係約會，Pizza Hut都係一個唔錯嘅選擇！🎉…查看更多

平安夜喺屋企開party🥳最經濟抵食都係幫襯Pizza Hut叫咗個4-5人超爆發火山批套餐，包兩款pizza、兩個主食、兩個小食、四個湯我哋仲另外加咗24隻雞翼 (+$45x3)▶️ 巨蝦王火山批配蟹棒酸忌廉熔Pokemon款✨佢俾漏咗插牌🥲材料應該有珍寶大蝦、小龍蝦、秋葵、本菇、車厘茄、蟹棒絲、芝士懷疑佢俾錯咗🙁無蟹柳無秋葵本身配料都比較少，係小龍蝦幾好食Pizza底醬似蜜糖芥末，食唔出柚子咖喱味😅不過甜甜地幾特別▶️ 超級至尊 芝心批 (+$59)經典pizza口味細佬鍾意食芝心批所以upgrade咗🧀有青椒🫑辣肉所以好食▶️ 酥脆雞扒和風蛋包飯估唔到Pizza Hut都出蛋包飯，但賣相麻麻🫢▶️ 海鮮闊條麵由細食到大嘅經典麵款，海鮮配料算多比較重忌廉醬▶️ 香辣雞鎚8隻 配雙色點蒜醬分別係泰式蒜辣同蜂蜜蒜香醬汁泰式蒜辣醬好辣吓🌶️▶️ 原味雞翼16隻｜香辣雞翼8隻▶️ 蘑菇忌廉雞湯x4▶️ 必勝甜芝芝奶油迷你批呢個可以當甜品～細個鍾意食，依家覺得有啲漏，有芝士又煉奶🫢佢仲俾漏咗煉奶…-都係pizza好食🍕其他麻麻地外賣單準時出，食物冇話好凍唯一係俾錯俾漏嘢🫠份量夠4-5人食，我哋8個人就另外叫埋22件壽司、原隻烤雞、炸魷魚鬚、兩兜沙律同一煲關東煮…查看更多

星期五晚上 留意到Pizza Hut有Pokemon Crossover 並且黃埔店剛剛裝修完成 第二度餐廳嘗試一下未到餐廳前已在app排隊輪候 有六張飛在前面到了餐廳時未有任何人在等候 約5分鐘後問一問侍應原來要改變了模式 所有人都像茶餐廳自己搵位😨找了張四人枱坐下之後 若需要會員優惠 必須scan QR code並login自己的帳戶 又用了5分鐘點餐時留意到有一個新的火山Pizza套餐加Pokemon 也好試一試新的Pizza很順利 Pizza在點餐後2分鐘已經到達 並且是冰冷的海鮮寬條麵及雞翼也在30分鐘之後送上 蒜蓉包在點餐後約45分鐘送上 酥皮海皇湯送上了一個另外一個完全失蹤 點餐後1小時告訴侍應便送上了最後點了的特別雪糕甜品 用了30分鐘也未做完下次都係食外賣速遞算了…查看更多

超耐冇食過Pizza Hut，經開黃埔唔知食咩，於是就入咗嚟Pizza Hut啦，如果個時段呢係晚市，前面都有幾台等緊，好彩都唔係要等好耐今次見呢dinner都會有一啲set可以叫，所以呢就都係叫set啦，之前都有食開嘅，所以呢就照板煮碗叫返嗰個豬肋骨，同埋一個細嘅pizza，另外佢會跟返一杯嘢飲，同埋湯，自己就加錢再叫咗個酥皮湯。喺呢度呢覺得最出色係個酥皮湯，我自己根本嗰個就係蘑菇湯嚟嘅，佢個酥皮超級脆，撈埋個湯飲呢係超級好飲，而其他嘅食物呢都係一如以往嘅水準啦，嗰個豬肋骨係出色嘅，推薦…查看更多

心血來潮想食pizza,屋企附近就有間Pizza Hut,所以耐唔耐都會去食😋加上母親節臨近，見到佢哋推出咗母親節限定Pizza套餐🥰「媽媽世一 Pizza Heart」心形芝心批，系列包括「海洋芝心」同「超級至尊芝心」兩款人氣口味🥰咁應節梗係要試吓佢啦～媽媽世一Pizza Heart（2-3人）套餐：必勝批 ： 超級至尊芝心批「媽媽世一Pizza Heart」❤️個Pizza係心形㗎😍十分ig-able!! 上面擺上精緻花形煙三文魚，仲有火腿、辣肉腸、豬肉粒、牛肉粒、菠蘿等等嘅配料，加埋釀滿香濃芝心嘅批邊就同對「世一媽媽」嘅愛意一樣爆棚❤️湯品 ：海龍皇湯（兩客）香滑龍蝦湯好好味🦞仲有好多舊龍蝦肉😍絕對真材實料👍🏻前菜：墨西哥芝士球 (10粒)墨西哥辣味好過癮！細細粒，食完一粒又想第二粒🤭意粉：明太子忌廉海鮮意粉 明太子同忌廉汁完美比例令明太子獨有嘅鹹香發揮得淋漓盡致，明太子忌廉汁沾滿彈牙意粉，每一啖意粉都好滑好好味😋配埋各種海鮮增加口感👍🏻小食：雞翼（原味 ）4隻次次都一定會叫原味雞翼🥰夠晒juicy，而且肉質嫩滑。甜品：必勝甜芝芝奶油批 (迷你批) 滿滿嘅芝士🧀可以配埋甜甜嘅煉奶，鹹+甜嘅混合層次分明，但又出奇地好夾好好食🤤（追加）甜品：DIY 甜朱朱迷你批（附送日本朱古力筆一支)打卡一流嘅心形「甜朱朱迷你批」外脆內軟，芝士同奶油又香又甜又滑😋用附送嘅朱古力筆可以親手DIY 迷你批，為「世一媽媽」寫/畫上心意字句或創意圖案❤️套餐加配只需要$29🤩（原價$58）餐飲：百事無糖&七喜總括成餐非常豐富而且好味🤤重點係CP值超高，十分抵食同啱食👍🏻…查看更多

呢排沙律吧夜晚做買一送一，我同太太琴晚今晚(11~12/3/2024，大約七點前後)都走咗去食。Scan QR code點咗沙律吧之後，侍應就送嚟一個人一個木碗。一個碗分量，只能夠去沙律吧攞一次，攞到幾多就幾多，遊戲規則就係咁。正常我地預計，Pizza Hut做得呢個promotion，沙律吧應該要預備比平時更多料俾客揀俾客攞，誰知道完全唔係呢回事！我太太攞完第一碗，發覺d雞嘅份量唔夠俾屬於我嘅第二碗，又發覺有女侍應離遠望住佢，轉頭又望住自己隻錶，似乎係度計緊時間。我太太冇理咁多，開口請女侍應補充d雞，女侍應大話一堆，話d雞冇咁快出嚟㗎！要烤十分鐘㗎(但我地食入口係凍㗎喎)！我太太乖乖地等咗十分鐘又十分鐘又十分鐘，先至有幾片雞走咗出嚟(當d客係乞衣？我地有俾錢㗎……)；我再問第二個女侍應，再等咗十分鐘，就冇料到啦！唔再補貨，當我冇到……第二晚我同樣請一位男經理補充雞，佢嘅藉口仲多，話要時間解凍，又話要切，又話要醃，要整成晚……總之冇就係啦！其他雞肉替代品(例如火腿)都一樣冇！時間咁早，d料咁少(男經理聲稱已經係成晚嘅份量啦！)，上一個攞完，下一個分分鐘就冇，公平咩？想攞個買一送一嘅噱頭，又唔俾客食雞淨係食菜，天下冇呢個免費午餐掛？倒不如收皮唔好做呢個promote啦？做得咁小家，真係唔怪得依家d人北上………查看更多

欣賞pizza hut 定期有唔同口味pizza,差唔多每有新品都會試，雖然這些年好多新pizza店，始終覺得佢地既pizza最好食，特別鐘意黃埔店，幫襯多年，轉過好多人，早排轉手機落單好多長者有困難，間中有服務員唔耐煩，但普遍服務都ok 好helpful! 好難得，因為今時今日要有正常服務唔容易:(…查看更多

之後開party已經食過蜜糖五味芝士同卡邦尼味嘅pizza🤣🤣選擇困難去嘅時候諗咗好耐究竟食邊個味好，因為我印象中呢兩個都係好好食😛😛點知去到發現原來可以一半一半，二重奏必勝批 : 半蜜糖五味芝士;半卡邦尼🥰🥰（其實我仲加咗$18 extra cheese) 超滿足~不過咁樣一齊食就比較到，我係鍾意蜜糖五味芝士多啲嘅🤣🤣，下次可能會叫一個大嘅蜜糖五味芝士hahaa📍啟岸巷子Pizza Hut外賣店地址：土瓜灣啟岸巷子地下G02號鋪 …查看更多

由於上月新年PIZZA HUT有APP優惠，每日登入APP內送一款食品甘因為就來過期今日就去換外賣買5蚊汽水就換到啦個意粉好香蒜頭味，份量足夠 (份量無變)不過係APP買果時有D問題，無法登入個APP，搞左好耐，之後要上佢個網到買…查看更多

[ 香芒鮮蝦沙律 ] 很喜歡芒果的我們，健康一點，點一盆沙律一同分享。沙律份量不大，以半份鮮甜芒果，結實彈牙的蝦子，伴以日本芝麻醬組成，味道不俗。 [ PIZZA] 黑松露香菇Pizza，以黑松露醬圍邊，松露味甚為香濃特岀。香菇和松露實為絶配，配上如餠乾的香脆批底，一人三塊也不會飽哦。[ 忌廉意粉 ] 味道值得推介的意粉，為此而來的我大感滿足。大量CREAM滿佈每一條天使面，份量極多不吝嗇，超開心的。忌廉汁濃稠略黏，需要快一點吃，不然會全部黏住了。…查看更多

We used to visit Pizza Hut on Christmas Eve when I was a kid, and somehow it has stuck as a tradition for our family 😍 Our latest favourite pizza crust is their hand-crafted pizza crust (三藩市式手藝批) 🍕 , way lighter, airier and less oily than the traditional thick crust (鬆厚批), but just as fluffy and satisfying! The Italian delight (意式風情) is just a classic with their iconic thousand island sauce (千島醬) base! They also have healthier options now, being two different types of roasted chicken, one with just herbs (香草烤雞) and french fries/potato fries, and another with some sort of sauce (獵人烤雞) and salad. Both were incredibly juicy and tender, personally though I preferred the simple herb roasted chicken!We were quite impressed by their Spanish seafood fried rice, which turned out way better than my last impression of how their rice dishes are in general. And of course, we had to have their classic garlic bread! That toasty, garlicky yet soft tender goodness has just always been a winner!❤️…查看更多