必勝客 (東堤灣畔)

東涌pizza hut 最近新裝修完成，而且更新了午餐餐牌，有我最愛的全日早餐，所以今天中午便來試吃一下。中午時段有午餐餐牌，最便宜只需49元起，不過全日早餐價錢不便宜，需要$89，我另加$10升級酥皮忌廉湯。可惜的是，全日早餐的份量十分少，只有一塊十分細塊的雞排，沒有味道的炒蛋，乾巴巴的窩夫，細小的煙肉以及不飽肚的蔬菜，除了雞排的味道比較好之外，其他都很難吃，完全不值$89的質素。至於酥皮湯方面，酥皮的味道挺好的，外層香脆可口，可惜內裡的忌廉湯完全是罐頭湯的質素，甚至味道比罐頭湯更差。價錢方面，全日早餐$89，酥皮忌廉湯$10，餐廳有加一服務費，最後總共是$108.9。總結來說，全日早餐一點也不划算，味道又差，大家千萬不要點，試吃其他午餐算了。…查看更多

東涌shopping, 行到肚餓，又唔係好知呢度有乜食，見到pizza hut，真係好耐無幫襯過，費事行，就食佢。長假期～又估唔到幾爆棚，安排係’水舞間’座。一路食一路滴水，啲水仲要咁嘅色？！快快脆脆落單食完走～買一送一，一個’ 夏威夷‘，一個、瑪格麗特、，夏威夷～淡到好似完全無味，連菠蘿都冇味，好耐無食pizza ,點解個批無蕃茄醬墊底，下次去第二度考究下。「瑪格麗特」，反而味度不錯，反差竟然咁大，加二杯凍啡凍茶，埋單二佰七。回頭度～3/10食物同菜單無吸引力，可能係地理因素，啲服務水準同質素都好差，由其係黑衫類似經理果位「女事」！…查看更多

Pizza Hut 最鍾意搞 gimmick, 最多新花臣，就係人都知 ....Mother's day 玩到 "媽媽世一 Pizza Heart" 就真係冇人夠佢玩， 出得「媽媽世一」呢個朵，一定要買一個請阿媽食，氹下佢開心 ~媽媽世一 Pizza Heart (海洋芝心)： 簡單來說，其實就是一個「海鮮薄餅」加上幾片少得可憐的煙三文魚，味道平平無奇； 批邊也不算多芝心餡 .... 哎唷！都話是 gimmick 㗎啦，最重要就是有一個心形的批底 .... 老媽見到，開心就 OK 啦！本篇完 ~…查看更多

18:59進入店舖使用手機落單19:05來了蔬菜湯！19:13來了披薩！19:15來了可樂！然後...19:49問了位女服務員催單，竟然反問還有甚麼餐點未到？然後才對顧客說明後台機器故障.我的天，如此大的連鎖店，如果故障不是應該向顧客說明先嗎？是顧客的錯？此時隔壁檯已經有顧客抱怨餐點未到取消餐點。19:58來了蒜蓉包！其他檯客人也開始鼓譟餐點未到20:03來了被朋友說像是吃剩的意粉...T.T20:04經理出來說明後台機器沒有紙，向我們道歉，並說明此餐消費打七折，當下我立即拒絕，這麼大且有名的必勝客，我也不是貪心這七折，只是未免也要客人等太久...20:06來了豬仔骨！肉好柴，原本是預定半份，但我覺得應該是整份豬仔骨。總結，一進來整間店非常吵，聊天聲音很正常，但開始小孩哭鬧，阿伯看抖音，唉.能吃的也只有披薩，看著被人說像是吃剩的意粉...…查看更多

同朋友經過東涌喺地鐵站附近有間Pizza Hut所以係到食下午茶千島海鮮迷你pizza，千島醬好多，食到好滿足，海鮮配料都好充足，唔錯！朱古力啤梨窩夫，士多啤梨雪糕，如果有多啲配料會更好食卡邦尼意粉，份量比較少，味道正常！忌廉曲奇朱古力咖啡，幾重咖啡味！忌廉湯正常…查看更多

是日同老公約了細佬、大哥食飯，細佬喜歡pizza，知道最近Pizza Hut 與老字號「蛇王芬」推出蛇羹、臘味飯Pizza！相約去屋企附近東涌呢間pizza hut食，一直很喜歡呢間有玻璃窗睇街景幾好。12:00前去到，即刻有位，自己手機掃QR code落單，Menu唔見有蛇嘅？問咗職員，佢話蛇肉買晒，得臘腸pizza，佢哋麻麻哋臘腸，我哋揀了【期間限定】扭出芝味4人套餐。原本我同老公都飲雜菜湯，點知居然冇！叫咗2個蘑菇忌廉雞湯、2個牛肝菌濃湯 (+$6），飲咗忌廉湯，淡味啲，之後飲牛肝菌濃湯，濃味啲啲，但係可以提供嘅兩款都係忌廉湯，冇雜菜湯真係有啲過分！水牛城雞翼d（8隻）（+$5)上枱仲以為佢比錯咗，以為水牛城係芝士，原來係辣椒醬，味道好一般，早知食返平時食開嗰隻辣雞翼。焗白汁煙肉薯蓉好普通囉！金牌葡汁雞焗飯，我冇食，大哥話個葡汁雞皇幾好食。蒜蓉包，大哥唔食蒜蓉包，但食咗個，覺得幾好食，佢之後食咗三四個，覺得個包都幾軟，又有好香蒜蓉味。黑椒海蜆炒意粉都幾好味，啲蜆肉又係好多，我唔食飯，包底食晒碟意粉。威尼斯迷你批，切到一格格，好似格仔餅咁，好多芝士！細佬上次話呢個似油器？又話太細，但我覺得有咁多芝士又唔錯。Seasea 鮮煙三文魚扭紋批(只供應指定批底及餡料不能更改）加倍芝士 (+$10），都OK喇，感覺上冇咁鹹囉，扭紋批底薄啲，餡料煙三文魚冇相/廣告咁大塊，都預咗，加倍芝士係唔錯。大佬飲凍cappuccino、細佬飲凍latte我哋兩個飲凍檸茶，冇得揀走甜，係自己倒糖水，飲品方面大大杯冇呃錢。可能我哋去得早，唔太多人，輕輕鬆鬆，可以慢慢傾偈都幾好。蒜蓉包威尼斯迷你批蘑菇忌廉雞湯蘑菇忌廉雞湯牛肝菌濃湯 (+$6）牛肝菌濃湯 （+$6）焗白汁煙肉薯蓉水牛城雞翼d（8隻）（+$5)金牌葡汁雞焗飯黑椒海蜆炒意粉。Seasea 鮮煙三文魚扭紋批(只供應指定批底及餡料不能更改）加倍芝士 (+$10）凍意大利泡沫咖啡 （+$8)凍鮮奶咖啡（+$8）凍檸檬茶 (+$3）凍檸檬茶(+$3）Total: $647Service Charge(10%)$64.7$711.7…查看更多

本來好期待食的甜品 朱古力窩夫配雪糕 等咗成個鍾都冇得食，等其間問服務員追咗4次都未出到俾我，好明顯服務員冇D責任都冇去幫我跟過，最後等到不想再食，叫咗個下午茶餐朱古力窩夫配雪糕$58,加酥皮忌廉雞湯$14，衹食咗個湯，就一直等甜品，最後都冇等到，等到一肚氣，唯有取消朱古力窩夫配雪糕餐，硬俾佢收我正價酥皮忌廉雞湯$50，如果知係咁我唔食湯啦，感覺好像被人坤左，係佢哋的問題，但冇聽到佢哋講過一聲冇意思，出餐慢又冇人跟，唔再去幫襯…查看更多

我同同學今次order嘅係豐盛二人餐，而pizza hut個app就有張電子八優惠卷，張卷上面寫嘅使用方式係付款時出示，但去埋單嗰陣個職員就同我講話係要落單時出示，佢部收銀機上面都係咁寫，但app上卻唔係咁寫，導致我同嗰個職員有D爭執，雖然最後佢幫我開多張單用咗呢張優惠卷，但都導致我有一個唔好嘅用餐體驗。然後就係食物方面，我地嘅二人餐包2碗忌廉蘑菇雞湯、4隻微辣雞翼、一碗白汁煙肉薯蓉、一碟拿破崙芝士意份同一個夏威夷pizza(薄脆底)1. 忌廉蘑菇雞湯 3/5礶頭湯，但牌子唔錯，都算香濃。2. 微辣雞翼 3/5唔辣但算嫩，唔洗特登叫3. 白汁煙肉薯蓉 1/5白汁超少，只有中間少少，搞到四周圍又乾又冇味。而且嗰D都唔係煙肉，係嗰D食起身似午餐肉嘅嗰D好難食嘅火腿。4. 拿破崙芝士意份 2/5大家樂水準，茄膏加冇芝士味嘅芝士，食唔到牛肉(佢個餐牌寫含牛肉)5. 夏威夷pizza(薄脆底) 2/5嗰D火腿又係嗰D食起身似午餐肉嘅嗰D好難食嘅火腿，芝士冇芝士味，薄脆底唔脆，似餅幹，又食唔對番茄醬嘅味，菠蘿就正常礶頭菠蘿。但係都有好嘅地方，個waitress見到我同學生日特登過嚟講生日快樂，而且因為我去得早所以上菜快。…查看更多

好耐冇食pizza hut，唔知係分店問題定係咩，依間舖頭落咗單之後等咗勁耐先有嘢食，添個汽水都等20分鐘，汽水上到嚟，冰都冇晒。啲客個個都喺度等緊嘢食，啲服務員仲要hea 吓hea 吓咁，慢慢行。嘢食方面，唔係特別好食，特別係個辣肉腸飯。有其他更好的選擇，下次唔會再食呢間…查看更多

農曆四月初七(星期四)，佛誕前夕，怕人多太擠，錯峰出行，提早1天到寶蓮禪寺浴佛，約下午3時返回東涌，天氣太熱，得找家餐廳歇歇及補充水份。之前吃過東堤灣畔Pizza Hut，覺得不錯，今次encore，點了2份下午茶餐，包括以下的：#公司三文治配炸薯角：份量很足！麵包烘得香脆，配料有煙肉、雞柳、蕃茄、生菜、火腿，豐富！炸薯角好好味！#華夫餅配朱古力雪糕：很大份，華夫餅很脆，朱古力雪糕是我的最愛！#熱咖啡：點了2杯，非常濃郁，不是人人喝得慣，但我喜歡！不足：冷氣壞了，熱！…查看更多

很久沒有吃薄餅，今天去完東涌游泳便去這間連鎖集團的餐廳食薄餅。午餐時段款式很多還包了飲品，午餐款式有拿破崙蘑菇腸焗飯，各種味道迷你薄餅、焗雞皇飯、寬條麵等我叫了拿破崙蘑菇腸焗飯，份量頗多，醬汁鋪滿飯面，非常惹味，蘑菇腸咬落有口感，而且混合芝士和酸酸地的茄汁，甚為美味。雖然不是昂貴的午餐，但有這水準，價性比十分高。🎉🎉最欣賞的是焗飯熱辣辣，不會覺得過火，柔軟度適中，餐廳不會因是午餐套餐而降低質素，值得一讚。👍🏻薄餅有一貫水準，叫了錦繡至尊，各種肉的餡料非常多，芝士味濃，芝士拉𢇁好吃😇…查看更多

好耐冇喺屋企食pizza，所以今次叫外賣pizza返屋企慢慢歎😋外賣送到屋企已經聞到香味四散，我們點了千島海鮮pizza，餡料都算幾多，厚厚的批底加上批邊很脆，就是這種熟悉的回憶味道，配埋紅椒粉及芝士粉味道一流😋菠菜蘑菇長通粉，佈滿菠菜真夠健康，蘑菇略為小但長通粉很淋身幾好味😋忌廉雞湯幾香滑幾濃郁，自己加熱仲好味😋原味雞翼拼腸唔會燶唔太油膩😋喺屋企食pizza可以一邊睇電視一邊慢慢歎，感覺真是大滿足😋…查看更多

突然聞到薄餅香氣四溢，決定今晚就食呢間連鎖集團薄餅店啦，試下同我當年既質素有沒吾同。鬆厚批二人餐：蘑菇忌廉雞湯：大路罐頭🥫湯，比較濃稠，真係有大量蘑菇同雞絲肉，熱辣辣吾HEA你，唯調味咸左點點。焗白汁煙肉🥓薯蓉：熱辣辣焗起即呈上，煙肉焗到脆身，薯蓉好滑，食得出用鹽稍作調味，白汁味道吾夠突出，比煙肉蓋過，但整體燙口香滑，不錯。千層肉醬闊麵配薯蓉：又係焗到熱辣辣，肉醬份量多，酸酸甜甜，好惹味，話明係千層面，每一層夾著香甜有咬口的肉碎，包裹著香滑薯蓉， 口感層次豐富。海鮮至尊： 整體分到6件左右，夠曬兩人食。餡料有帶子、 大蝦、 蜆肉、菠蘿🍍、紅椒、青椒🫑、紅洋蔥🧅，千島醬，當然要加錢轉芝心批。老實講餡料都係普通大路野，但都有誠意，大蝦經過胡椒調味，帶子仔香甜，唯菠蘿🍍真係無咁夾，大量千島醬做底，酸酸味吾錯。芝心批做到拉絲效果，批邊焗至金黃脆身，芝士又會食到好膩，反而一口接一口。總結：芝心批是必點的 拉絲效果出色出品質素好左 得閒會再光顧 …查看更多

滿$50送一張$200-$10coupon，優惠活動可以短期內孖三五知己食多次。千島海鮮批 迷你厚批底，好rich嘅海鮮topping，由細食到大，依然回味無窮。卡邦尼意粉濃厚卡邦尼醬，醬汁兜得夠勻秦，不過忌廉味預咗有少少滯，飲品叫返杯檸茶/檸水可以中和返～蒜辣蜆肉扁意大利粉落咗好多蜆肉😍真心幾辣吓🔥fit 晒好辣人士，扁意粉比較硬身，賺咗個飽肚感。如果怕天氣熱、或者唔想食熱嘢，呢度冷氣都大，啲嘢食好快涼晒😆…查看更多

姨媽生日，無得出街食飯，唯有叫外賣。叫咗附近嘅必勝客同別的餐廳，講真，一路都對必勝客無乜期望，已經好耐無入餐廳食飯，只會平時一大班人聚會先會貪方便嗌佢嘅外賣。我哋8個人叫咗個二人大批套餐，包一個大批、一款小食、一款飯或麵同兩罐汽水。我哋叫咗千島海鮮芝脆批（額外要加40幾蚊）、香蒜肉絲意粉、8隻原味雞翼（另加$15）同汽水（汽水可以加錢轉綠茶或者湯）。加加埋埋大概$300。好彩路程唔遠，拎到返屋企都仲係暖嘅。最先要試嘅當然係佢嘅比薩啦，一食，咦，都唔錯喎，比想像中好好多，當然唔可以話好好食，但起碼可以食得晒。始終因為係外賣，個邊已經唔脆了，不過芝士係足料嘅。但大家都可以見到其實佢其他啲餡料都好少，海鮮少、菠蘿少、配菜少，哩個係我唔太鍾意必勝客嘅原因，唔只唔足料，佢嘅醬汁都好少，所以食落去主要係食到包味，希望佢哩方面可以改善吓。香蒜肉絲意粉由細食到大，配料亦好少，不過肉都幾香口，有好香嘅胡椒味，但蒜味就唔太夠，只可以話味道清淡，啱老人家食。原味雞翼反而唔錯，都幾入味，肉好嫩，焗嘅時間啱啱好。不過不失，但比想像中好…查看更多