德里.西廚

跨區來荃灣無無聊聊, 在沙咀道落車, 見到德里, 人不是太多, 入去吃个早歺。款式算多, 價錢亦比我住的區平。除一般的公仔麵,沙爹牛,麥皮...外, 還有賣相不錯的西式早餐。我選了双蛋配煙鴨胸午歺肉,跟有茄汁豆沙律牛角包及歺茶, 很是豐富。太陽蛋熟度剛好, 沙律菜配上少許的芝麻醬, 只是牛角飽奇小而已, 有些奇怪。 後上的咖啡熱度不夠, 啡味亦不夠濃。衛生有改善空間, 地面有積水。…查看更多

在這裏收工，我和幾個朋友吃飯，在荃灣又不想吃大排檔，看見這間西餐店不用等位，於是便走進去，誰知………… 先是黑面神經理，好冇禮貌， 好像叫你不要進來一樣……點了不少東西，先說一說pizza，可以做到薄而不脆，真是很厲害，而芝士沒有芝士味，也是要有很厲害的功力才能做到。還有那一款餐前小食，什麼肉酱薄脆，那一些東冰冰的肉醬，我真是接受不了，其他的焗飯 也只是不過不失，絕對不值得再一次到來。…查看更多

星期六中午見唔使等位就嚟左呢個伏度一試環境都叫正常服務就已經差，仲差過大家樂，無餐牌，無靈魂，無人應野食就可以用可怕嚟形容焗飯啲飯係凍嘅。。。成低白飯都係凍架。。。個什麼西班牙早餐劣到食唔落又係全份都凍嘅，個羅宋湯放埋隻碟度上，搞到成份早餐都比啲湯浸住啲罐頭黃豆唔夠30粒，根本就食唔到我終於都明白咩叫"我無寫食評習慣，但真係忍唔住"勇士們可以一試…查看更多

話說。。有日行街見都就入左去食tea。。結果中伏。。第一。。好多茶餐話無。落左單又話無。改完又改。。結過黎單承惠$14x。。哇。。咩咁貴。。原來佢計埋之前話無過d餐。。叫個經理黎同佢講。。佢完全無唔好意思咁話。。喔。。我未cut單姐。。哇。。如果我唔出聲你米照收我。。離晒普。。第二。。叫左兩個餐。。黎左三杯野。。唔緊要。。熱飲係暖既唔熱。。凍啡係凍奶啡水。。都唔緊要。。點解杯熱啡入面有塊篤爛晒既檸檬既。。隻杯仲要"蠟"次次。。叫經理理論。。佢話。。水吧落錯野。。頂。。好明顯係用左隻未洗既杯啦。。個肥仔一句sorry都無。。真係後悔無影相。。過銀份第三。。埋單比錢。。個肥仔掛住傾計。。找小錢。。我企定係到。。佢無理我。。直到我用散銀敲張檯佢先知。。一樣。。一句都無講sorry。。你老細係你後面都有同我講唔好意思啦。。一d禮貌都無點知我出左門口個陣跳肥仔仲要啤住我。。。點丫。。乜野態度丫。。真係忍唔住要寫佢。。真係後悔無影相。。如果唔係係facebook tag你等你慢慢解釋。。超氣憤丫永不回頭。。…查看更多

今朝(6-6- 2015 Sat)同男友去食早餐,佢尋日放工路過,話見到呢間好似好吸引o既餐廳,我就o黎試.o黎到,都有幾張吉枱,不過冇人執o野,因為得一個侍應同一個收銀,我o地唯有坐低後落單至叫人,咁佢o地就一定要執啦.男友要$33.00o既E4餐,有香濃豬骨豬柳蛋漢堡米粉,配香腸煙鴨胸,加$3.00要牛角酥,再加$3.00飲凍奶茶.我要$30.00o既E3西班牙鮮茄濃湯仿鮑魚火腿絲通粉,配午餐肉煎蛋, 厚牛油多士,加$3.00飲凍奶茶.冇耐,兩杯凍奶茶,西班牙鮮茄濃湯仿鮑魚火腿絲通粉同香腸午餐肉厚牛油多士到o黎,同時侍應話冇煙鴨胸,男友就轉午餐肉.之後香濃豬骨豬柳蛋漢堡米粉,午餐肉煎蛋牛角酥都到o黎,睇見件牛角酥好細件.我o地開動喇, 凍奶茶出奇地好,茶味有而且滑. 而我先食西班牙鮮茄濃湯仿鮑魚火腿絲通粉,仿鮑魚火腿絲又少又幼,不過係正常,但通粉就,口感好奇怪,黐黐地牙但唔係糊狀,湯就好明顯唔係好紅色,味道亦都唔同,男友話係豬骨湯加番茄湯.而香腸呢,本應都唔使寫,但係凍o既,我明白係一早煮定,但都o係上枱前烚多一下都得o掛.而午餐肉,豬柳漢堡同煎蛋都冇問題.最後到厚牛油多士同牛角酥,前者唔係厚啦,而且唔脆;後者唔太油,但仍食到啲牛油味o既.而男友o個碗呢,佢可以連湯都飲晒,個碗好乾淨,佢話豬骨湯好味.服務:由於只得兩個人,男友話落單o個個女銀銀有啲黑面.其他:睇返menu,原來香濃豬骨豬柳蛋漢堡米粉漏o左個湯字.味道係2.5分,抵食係2.3分…查看更多

這一晚很想在荃灣的飯博士吃晚飯，對焗飯很念念不忘！可是，可是，踏進鹹田街，只見到飯博士的小小門牌，內部已進行拆卸！很失望！但已經十分肚餓，又不想再老遠走到其他地方了，眼見在飯博士不遠有一家這樣的西餐廳，環境不錯，不如一試吧?下午5:45，還有15分鐘就完結下午茶時間，時間尚早，倒不如再等一下，等到6時就點晚餐吧！先看看餐牌：食物選擇不少，左挑西選，終於等到6時...店內環境不錯，裝修簡約，桌子、椅子和部分牆身選用木材，加上一、兩幅掛畫，感覺有種進入高格調的西餐廳的感覺。坐在貼近街道的位置，店內和街用落地玻璃隔着，只聽到街外的一點點車輛駛過的聲音，不常去荃灣的我，坐在這個位置，可以看到店外環境，感覺很優閒。晚餐全部都是單點食物，然而可附加$23配餐湯，牛角包，餐飲及甜品，還真夠划算呢！(雖然在OpenRice看到舊的餐牌標明只需加$19，現在多加$4，但仍覺得價錢可以接受)餐湯是忌廉磨菇湯─忌廉超級濃稠，而且湯的忌廉味稍重，磨菇只有零碎的數塊。牛角包有驚喜─不硬不脆，雖然是軟軟的，但牛角酥皮味再沾一些湯，兩者則很合配，牛角包感覺挺新鮮。餐飲是熱香滑奶茶─真的很滑，但感覺不是港式奶茶，只是奶再混茶。唉，其實我的決定錯了，西餐廳的奶茶當然不是港式味道，應當點較西式的飲品吧?當我仍在品嚐餐湯的中途，主菜─西班牙咖喱吉列豬扒飯已經來了。西班牙咖喱，會否有大驚喜呢?味道就是咖喱味，全然不辣，夠濃但不咖喱夠香，還有一些肉末兒，味道不錯，可是算得上有正宗「西班牙」風味呢?我不得而知了，畢竟是首次吃西班牙咖喱。至於配菜─小蘿蔔粒、西蘭花，都很新鮮，尤其西蘭花─烚過的西蘭花有一種新鮮的味道，不用任何配料都很好吃，鮮甜爽脆，軟硬適中。飯粒很分明，但配上咖喱則未能使兩者味道昇華。吉列豬扒比預期中大，先切開較薄的一面看看─其實炸粉、麵包糠不算太多，但味道不錯，至少不油膩，明顯用心處理過。這就是豬扒中間較厚的部分了。豬扒很鬆軟，值得一讚的是豬扒和麵包糠緊貼着，兩者不各自分開，使每一口的豬扒都有啖啖的「吉列」味道，也許這就是不需用太多麵包糠達到的效果。而且，豬扒的肉汁仍被鎖緊。吃過主菜，最後還有甜品，餐牌沒有註明是甚麼甜品，直到上桌才見到就是這麼小的泡芙。賣相不錯，但吃過前菜、主菜後，所有餐具已被店員收取，只好再用新的餐叉餐匙...味道不錯吧，忌廉很香，不用45秒已經吃畢這個「甜品」了。總結來說，雖然未能再次品嚐飯博士的焗飯，有點失望，但用差不多的價錢(不收取加一服務費呢！)可以品嚐這麼多的食物，味道不比高級餐廳差；而其中一位穿裇衫的男店員服務態度很好，很主動，讓我挺滿足。很完滿地完成是日荃灣覓食之行。…查看更多

   　本來我們是打算去沙咀道的扒王之王的，但到了之後才發現已結業了。天還下起很大的雨，所以我們就將就著來這間吃了。　　桌椅都靠得比較擠，而且食客比較多，所以相對比較嘈雜。　　我們都點了全日餐，有蔬菜、牛角包、茄汁豆、炒蛋、煙肉和肉腸，還有羅宋湯，餐飲我要了熱檸水。　　食物方面，我喜歡灑在蔬菜上的黑醋，甜甜酸酸的味道，各種東西的份量都是一點點，種類多而份量小，湊合起來就不會太飽了。羅宋湯則比較稀，帶酸。很醒胃，很不錯。　　味道不錯之餘，看上去觀感也佳，因為色澤很豐富鮮明，視覺效果不錯。…查看更多

阿媽生日，簡單地喺屋企附近食。呢間店之前去過一次，覺得幾好坐，又靜靜地傾到計，所以再去。當日叫左意粉，南瓜飯同pizza, 味道唔算得上好好食或有驚喜，但絕對合格。pizza最香口最好食，批底薄薄地，啱曬d唔大食又想咩都食吓嘅女仔，可以叫多幾款野食。最後點心太軟時問店員可唔可以喺個碟度寫happy birthday, 佢地話冇呢個安排。但出菜時竟然安排左，我覺得好surprise, 亦感受到佢地肯變通既貼心服務。…查看更多

其實開頭都唔係好覺呢間餐廳, 可能佢d玻璃係茶色, 門口又企滿等車的人, 所以其實好易走漏眼, 不過見佢幾乾淨, 環境比茶餐廳又高級少少, 但又唔收加一的西餐廳, 最緊要係有位坐, 於是入去試試~入到去, 其中一個示意我地坐2人枱, 原本都冇所謂, 但後來叫餐時, 另一個高級少少的侍應, 自動問我地駛唔駛坐另一張4人枱? 可能見我地叫咁多嘢食, 驚張2人枱唔夠放, 而且佢人流唔太多, 可以比我地2人坐人枱, 真夠細心~  煙三文魚凱撒沙律賣相都唔錯, d菜又夠新鮮, 不過d三文魚唔夠凍, 我鍾意食d凍d, 感覺上似啱啱响雪櫃拎出嚟, 唔似攤响度一段時間嘛~ 我好少食凱撒沙律, 但好似唔係好同我上次响意粉屋食果d咁樣, 人地d菜款式好似多d~  黑松露鮮蝦西蘭花忌廉汁意粉   黑松露對我嚟講, 都係菇, 而且仲係碎的話, 更加可以不理~  但d蝦又確實幾新鮮, 而且都好多只, 反而西蘭花就少d, 而且都係d花碎, 如果多d會正d~  個意粉軟硬適中, 而且夠哂汁, 但如果個汁可以再濃味少少, 淨係掛住吹水, 唔記得落芝士粉, 我相信落咗會好味d~  馬德里香脆雞翼  我未去過馬德里, 唔知佢地D雞翼係咪咁? 我只覺得係精品雞翼, 同埋味道偏淡, 適合女土食用~ 不過就炸得好香脆, 又唔會過火~  伴碟果D什菜幾新鮮, 又有D黑醋, 好開胃  熱檸茶有色無味  泡沬咖啡雖然唔係我飲, 但我坐對面, 都唔覺有咖啡香味唔知係咪我地研究杯咖啡, 吸引咗之前高級少少果位侍應, 佢主動問我地有咩意見, 又講返佢地部咖啡機同茶機仲調較緊, 所以味道上未夠完美, 遲d會好d~ 好, 我就憑你呢句, 比多次機會佢, 睇下佢遲d係咪有所改善? 其實呢度d裝飾都唔錯, 簡簡單單, 又有d畫去裝飾下, 感覺幾舒服, 最鍾意都係果D吊扇, 摩登得嚟又有少少懷舊feel~…查看更多

依家去邊度食飯都限時得一個半鍾， 講真叫得野食黎， 食埋都無時間傾計， 何況一班姐妹聚會， 敢耐無見聚埋一齊緊多野傾， 呢間餐廳就可以比到我地開懷暢飲， 食幾耐都無趕客，低讚細細件，夠晒我地淺嘗，又可以食多幾樣野， 味道幾好， 做開胃小食一流黑松露意粉，平時成日食白汁 同鮮茄意，食到悶晒， 轉下口味試呢個， 你會一試愛上， 如果自己一個食， 一定食吾晒肉排個汁好fresh ， 肉質仲好嫩，吾似出面d又重口味，又似湯渣的肉排， 不過份量真係大， 無4，5個人食， 都食吾晒因為大家都傾到吾願走， 所以直情係度叫埋甜品， 焦糖燉蛋個焦糖吾係隨便比沙糖燒一燒， 焦糖係厚到一層薄薄的焦糖片， 整碎再同滑滑燉蛋一齊食， 正啊…查看更多

從前的好好味 今天放假諗住再食，點了個卡邦尼煙肉天使麵太濕了又冇味，同以前的差太遠了，跟著是簡單不過的腿蛋治等了很耐仍未到，一問之下等了陣就到，一望已經有問題 成隻蛋都有鑊濃，食落仲有怪味咁都比得客人，真係好嚇人呢間野真係冇必要都咪鬼幫襯。…查看更多

去惠顧的人請小心。明明餐牌寫住+19蚊轉餐，俾錢果時夠膽同我講+23蚊。唔係4蚊的問題，係你加左20％，你唔通知人，唔改餐牌，仲同我講係呀，我地無改!!!!!最後找錢果時仲掟錢!!!!…查看更多

星期日食早餐，一入到去成間舖都放滿枱櫈，密密麻麻，只有窄小通道，明顯想做多啲生意。好不容易搵到一個無咁大冷氣嘅位，老闆應該唔想客人坐咁耐阻住做生意。點了兩個早餐，一個沙嗲牛肉出前一丁，一個沙嗲牛肉烏冬。出前一丁先到，完全無出前一丁味道，一丁面亦淋晒，牛肉有咁薄切咁薄。之後烏冬因為有豬骨湯底所以好啲。餐茶係食晒所有嘢之後催咗兩次先到。明白唔關員工事，因為全店放滿餐枱，但只有兩個樓面，連收錢都要做埋，簡直忙到癲。總結，味道唔好，環境唔好，服務唔好，老闆無諗過令客人再次幫襯，趕客！…查看更多

今日約左寶貝喺呢頭開飯~心中好想食沙律同湯~所以主攻西餐廳~喺網上搵到呢間似乎唔錯~所以決定一試~!!入到去地方唔算好大~~我中意D細細地的餐廳!!揀左個心儀的位置,I LIKE小圓枱有種溫馨的感覺~!一齊睇睇餐牌~前菜薄餅飯同意粉的款式選擇多~而且睇落價錢唔貴~似乎可以試多几款可惜寶貝今日抱恙~所以我地最後點了D輕食~!!芝士西蘭花 - 上枱時份量真係小得真係嚇左我地一跳~ 滿滿的細細碟的... 西蘭花入口係爽口而且好味的~食埋每人都唔夠兩件,低層仲有三份一的薯溶頂住~芝士味就冇乜,可以改名做白汁西蘭花會好D~三文魚凱撒沙津 - 上枱時我接問了服務員呢碟係乜野~服務員當然可以答到我了,一睇出品確係有點失望~三文魚份量只有數條魚絲, 凱撒沙津就少左D煙肉,沙律汁唔見得多~啱啱几片沙律菜上都有咁多了~水牛芝士茄子雜菜沙津 - 水牛芝士唔錯~至少唔會太咸~相信來貨品唔會差得去邊~雜菜上加了點點黑醋~感覺味道有點到喉唔肺...木瓜巴馬火腿 - 見到之前兩碟出品之後,對往後的都唔敢有期望~本身已經唔係點D好特別的菜式,但求安穩似樣~~木瓜有三大件,巴馬火腿就拉長得一片..黑松露野菌薄餅 - 全餐可話係主菜的薄餅,完全聞唔到黑松露香味~有理由相信佢係冇落到~成個餅只有几粒野菌,配菜如粟米及青椒等就有點搶過主菜~差D唔記得自己點左乜~!薄餅底真係薄餅底~,香脆係有的(條邊),似係餅干上加D材料...芝士欠奉,可能係呢間舖的特色...餐牌的價錢好似唔貴,但食完就覺得其實好唔化算~份量其少,食完唔覺得自己食左野而且同心中想像有距離..總括黎講..算係見識過佢的出品~可能這個價錢的話,先放下自己的要求及幻想.. 可見的未來相信唔會再見,真心希望佢地他日可以有所進步店舖本身冇洗手間設備~要解手的話就要去商場的洗手間.或要去二樓酒樓的洗手間~兩邊都要行好遠~~~…查看更多

很久很久沒有寫食評了, 昨晚食到一肚氣, 令我認為有寫食評的需要。 此餐廳剛開業不久時, 被其門面吸引, 在荃灣區非商場內有此等西餐廳, 認為可以一試, 奈何初時在這網站內未能找到任何有關餐廳的資訊及食評。 終於, 早前在團購網站買了2人團購餐劵($98)，有次心血來潮想訂當日星期日晚的位，但接聽電話的阿姐竟然話現在很忙, 叫我遲些再打來, 於是我稍後(大約11:30午市時段前)再打去, 阿姐一樣是這樣答我(她說依然很繁忙, 叫我遲些再打來) 這就是待客之道? 那倒不如不要接聽電話好了？！ 可想而知此餐廳真的不夠人手! 當然，在限期前我都訂不到任何的星期六、日晚市, 就連平日的7點正常晚飯時段都訂不到位, 最後唯有訂5點的時段。 滿心期待, 我和家姐帶著差不多20個月大的姨甥準備開餐, 入座後店員竟然說BB要收$40人頭費 我說為甚麼訂位時無講明？佢呆了呆問: 訂位時有冇講有BB? 我話當然有, 佢就話可能當時講漏左, 我初時怕自己誤會佢意思, 於是拿出團購劵再問: BB只有歲幾, 而且佢都只係 share 我們餐的食物而已，為何要收費?? 佢依然只說佢地要收人頭費的。 其實好多自助餐都不會收3歲以下的錢！更何況這根本不是自助餐, 就連半自助餐都算不上(只有餐湯可以任飲而已), 簡直不知所謂！！我當然很不服氣, 認為極不合理且感覺被騙，但奈何團購期限翌日到期, 已再沒有時間可去了！說回食物水準, 全餐份量不算多。 如有男士共餐就未必夠飽。 除了 pizza 較有水準外, 沙律、餐湯、西班牙海鮮飯甚至餐飲都只是一般貨色。 雖然餐湯可以任飲但質素猶如茶餐廳水準, 根本不值得再飲所以我們沒有再 order。 我們反而加錢點了兩杯特飲: 黑加倫子檸檬特飲及薄荷青檸特飲, 前者家姐認為OK但後者就麻麻了，薄荷味有點似藥水味!! 全程食得很不高興, 有個肥大叔比我們更黑面, 完全0服務。 待客之道"更上一層樓"!! …查看更多