德興酒家

【油尖旺区】【德兴酒家】之前已经写过呢间喺尖东喷水池附近嘅酒楼，但系𠮶阵时系写佢哋嘅「任饮任食火锅放题」，冇写小菜。而且，𠮶阵时我啲用餐纪录仲未懒有系统咁编 number，所以冇得追返嚟睇。加上，当时原来仲未有 1am红馆 系列，佢都系喺红馆附近嘅餐厅嚟嘛。咁呢餐就系包咗一个厅，几围枱啲套餐咁。我冇抄低啲菜式名，因为其实都系啲酒楼大路嘢，如果话佢哋好特别又真系算唔上，逐碟讲就好似有点儿那个。不过有蟹钳系过瘾，佢系传统酒楼𠮶只炸蟹钳，正。而中式酒楼嘅蒸鱼又系过瘾，鲜味十足又口感嫩滑。然而，我最期待嘅炸子鸡，佢哋就整得认真麻麻，本身已经唔系啱啱炸起𠮶种热，个皮唔算劲脆，啲肉又冇乜鸡味咁，唔知想点。好彩最后嘅千层糕都唔错，算系一个好嘅终结。总括而言佢哋都系一间唔错嘅酒楼，火锅任食又有小菜，位置便利，约咩人都啱。。。（地址：尖沙咀么地道67号半岛中心2楼）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #德兴酒家 #TackHsinRestaurant #德兴 #尖沙咀 #尖东 #火锅 #红磡 #1am红馆 #喷水池 #任饮任食 #打边炉 #肥牛 #火锅放题 #中菜 #1am1912 #1ambackup…查看更多

二百几蚊一位打边炉放题，任饮任食，包埋任叫海鲜例如鲜虾、青口、带子等等，另外任饮嘅酒水绝对系惊喜，除咗一定会有嘅Soderberg啤酒，佢仲会有贵价啤酒任饮，我试过有Hoegaarden Rose、日本Premium天然水生啤酒、1664 Blanc白啤等等，真系每次去打边炉都会有惊喜。呢间系传统港式酒楼格局，用圆枱，所以地方好阔落，约埋一大班朋友一齐打边炉高谈阔论，渡过美好嘅时光。呢度仲可以由六点坐到去佢10点几收舖，真系一个价钱可以任食两餐。仲包埋Mövenpick雪糕每位一盒、任食糖水两款。相比起出面嘅90分钟放题食到赶头赶命真系贴钱买难受，所以呢度真系冇得输、冇嘢可以投诉。…查看更多

我哋细细个嘅时候，爸爸妈妈会带我哋嚟呢度饮茶，𠮶个时候能够喺德兴饮茶都算系一个privilege。啱啱有个朋友嚟咗香港，我想喺尖东度揾一间开得比较早嘅酒楼见到少少嘅食评都讲到点心不错，咁就过嚟回味吓啦，点知我真系食到人生最难食嘅点心。真系冇乜必要大家都唔好再过嚟食点心。我哋先嚟四碟点心牛刀小试，然后等咗差唔多20分钟都冇消息。终于第一碟肠粉嚟咗，肠粉嘅皮比较糊，啲虾细粒唔新鲜。之后再等多我20分钟啦，真系以为唔记得落单。鲜竹卷同虾饺都嚟了，鲜竹卷无味的。最后再等多10分钟连牛肉都嚟啦牛肉稍为正常。去到个厕所，有封条的。其实佢哋都系打算放弃自己了。不过到最后都发觉VIP房人名应该都系book满晒嘅，可能晚饭始终都有熟客啦。最后当然就已经冇胃口，再试其他点心，急急脚走人啦。…查看更多

公联会蛇宴已经参加过几年，一直都系深水埗楼上小店，今年转左尖沙咀呢间德兴酒楼，由豆膶咁大，手肘撞手肘但却无比温暖，人情味满泻既小店变到旧式酒楼，味道究竟会有否分别？毕竟是酒楼提供的餐饮，相信也能反映酒楼的功力经过根本没人听的主持人真情表白后正式上菜先来太史五蛇羹，明明写著一人三碗，现实中一人两碗已是极限，看似足料至极，实际是否百分百蛇肉真的难说，和蛇店吃到的味道不同，当然比不上蛇店，但单论味道也算不错👌🏿百花蛇丸外带虾饼若干，我只能说，这虾丸炸得很香口，虾片都暗示了一切，名字恐怕是意思意思，味道呢，香口弹牙就是了。海味大拼盘。大家明亮的双眼看到多少海鲜我的舌头感觉到蚝豉，鱼肚，冬菇，生菜和腐竹，份量依然不多，生菜占了六成半，酱汁就是蚝油味，叫海鲜拼盘也同样是意思意思，味道ma，一般🫠终于到了我参加公联会蛇宴的唯一原因，三蛇汤，一上台药材味就扑面而来，油亮的汤色，滚热的汤汁，相当暖胃但药材味太重，乌鸡味被压下去，毫无甜味，感觉和以前饮的不是同一个味儿，明明之前可以饮3碗这次一碗停手🤔讲真餐饮至此，理应有点饱腹感，但现实中绝无此事，一人半只乳鸽实为救命稻草，味道跟外间的烧味店一样，肉汁久违，肉质却不错，不过份量还是那一点点蒸鳝，不吃鱼的我由同事口中得知，鳝肉太肥，油味过重，而且有点不够新鲜羊腩煲，真心全晚最好食既一味𩠌，羊腩相当软滑，马蹄腐皮都同样入味，有著点点的胶质口感，非常好吃蛇汁生菜⋯早前的（海鲜拼盘）就一堆，再来一盘真是无话可说同时腊味饭也上场，炒得相当干身，食味很好，烟韧入味，加上最后的几片冬天当做西瓜？蛇宴也画上句号😯整体黎讲真是吃气氛，餐饮体验相当一般，总感觉前几年的公联会蛇宴更好吃，再加上早前蛇店蛇宴太惊艳，真是没比较没伤害。吃完腹中依然空虚，回家路上又要去便利商店了…查看更多

原来上次帮衬巳2年前的事了。冬天饭局，朋友提意再去这间传统"无限时任食火锅"酒楼。平日也坐无虚席，好彩有预订。星期日至四，每位$240再加一，可由5:30-10:30pm任食，非常超值现在变了QR code落单，埋单也是拎枱号纸直接去收银处"自行了事"。服务人员更可专注在服务质素上。清理枱上杂物碗筷和落单后食物上枱也超快喜出望外，自助火锅食品选择不小，食物品质也大大提升。QR 落单的鲜虾，鲜鱼云，手打虾丸，鲜鳝片，鲜脆肉鲩，花胶，鸡子，牛肉，羊肉......也非常新鲜，不是雪藏贷亦有多款台湾，韩国，香港饮品选择，啤酒也无限畅饮美中不足是糖水(红豆沙，西米露)供应有限，一大锅，手快有手慢冇每位加送一客monvenpick(云尼拿，士多啤梨，朱古力）雪糕…查看更多