德福閣

营业中

休息中

跟要好的同事做到有點洩氣，大家都話要吃餐好來提升士氣。要吃得夠豐富、夠盡興一定是吃自助餐，見到咁多食物成個人就好興奮好滿足，所以我倆決定今晚一齊去食餐勁。走進仕德福酒店閣樓的德福閣，裝潢並不是一般酒店餐廳金碧輝煌，而是設計簡約優雅，以灰白色為主調，環境光猛，感覺親民舒適。餐廳地方不算好大，大部份是二至四人枱，亦有些六人枱，還有一排排舒適的長梳化座，枱椅擺得整整齊齊，枱與枱之間有一定的距離，坐得舒適自在，而食物就集中在中間，好方便。餐廳今期正推出國際海鮮美食自助晚餐，正合我們心意，因為大家都是海鮮迷，今晚實大飽口福。自助晚餐供應時間由6:30PM-9:30PM，星期一至五收費為成人 $386.4，還已包了加一服務費，抵喎!****************************安坐一會，服務員隨即送上每人一客四隻生蠔。每隻都好有份量，肉厚肥美，色澤亮麗。口感滑溜，肉質鮮嫩兼creamy，帶些海水味，蠔味香濃，較討我歡喜。****************************愛魚的我就第一時間走去清蒸海上鮮，蒸弄的時間掌握得挺好，保持鮮嫩，魚肉片片分明，又白又滑，而魚皮和魚腩就更加滑溜，

聖誕節🎄第一擊buffet，book左星期二晚同家中長老食，閒日人少啲，食得非常舒服😽😽👉🏻冷盤方面，每人有4隻生蠔🦪魚生望落幾靚仔，我哋主攻蟹腳同凍蝦，蟹腳偏咸小小但都有鮮味，蝦🦐好彈牙，必食。👉🏻熱食方面，最正係蠔皇鮮菇鴨掌貴妃鮑，鴨掌同冬菇都超稔超入味，好受長輩歡迎😹清盤最快。另外中式蒸魚都不停refill，夾左舊腩位好好食。另外仲有炸蠔、辣酒煮花螺、意式燴肉丸、BBQ汁燒排骨、香橙燒鴨胸⋯⋯👉🏻燒牛肉食左三塊，有得揀三成/七成熟，非常好👍🏻牛肉軟滑無渣。牛肉側邊有即焗嘅黑松露帶子，醬汁香濃非常正。👉🏻甜品選擇都好多，好好彩食到每輪得8杯出爐嘅疏乎厘🫶🏻熱辣辣超香蛋味。仲試左木糠布甸、香蕉豆沙餅，Movenpick雪糕。

真係咪睇佢地方細細，其實咩都有齊，連生蠔都有。雖然係每人4隻，但唔洗排唔洗逼，仲要唔洗擔心質素，同埋其實一晚4隻，好夠皮架啦，真係咁先夠空間食晒咁多款。隻隻都肥厚甜美，好好食熟食都好正，特別中意佢蒸魚，又夠多蔥又成日出新。刺身魚生超厚切，夠凍夠滿盤🥰⋯⋯片片都夠鮮甜，食左幾碟都唔滯🤣佢地嘅冷盤都好特別，最愛係凍年牛片，少少辣好開胃。甜品有朱古力噴泉，有幾款cake，仲有和果子，最正係有movapick ，我一定會配埋pancake一齊食🤭🤭🤭

係時候要book 定位同屋企人朋友底者同事迎接佳節喇♡♡旺角豉油街仕德福酒店德福閣的自助晚餐都係唔錯之選🤗--晚市價位唔算高，價錢豐儉由人市中心位置去邊到都方便菜色選擇都多，最重要係仲有生蠔食啊～有好多差唔多價位的酒店連蠔都無啊～一上檯酒店每人先offer 4隻生蠔，淡淡海水味唔會太咸易入口，初嚐者肯定好愛。-另外海鮮刺身corner 都有蟹腳，鮮蝦，青口，三文魚刺身，鯖魚，希靈魚同八八爪魚都不斷refill,-沙律吧款式都多，🍈🍇🍉🥔🌽🥕🥗無論係自製定preset左的都有又有多款前菜同海南雞--中西熱湯麵包籃🥨🫓🍞🥐另外中式熱葷有蒸魚，蒸雞，鮑片冬菇生菜或者金華火腿浸娃娃菜，🐷🐖🐮🥬🥦西式燒肉及芝士焗帶子。🍖🍗--當然唔少得要留肚食甜品，🎂🍰🧁🍮🥧由芝士蛋糕到慕絲蛋糕多款一口size 小甜點都係不錯之選葡撻同Apple Crumble -更加有即叫即煎pancake同梳乎里加埋movenpick 真係大滿足啊～🍦🍧

呢間餐廳記憶中十幾年前食過佢嘅自助午餐，今次再次重臨係因為報名參加咗香港旅發局最新一輪嘅賞你遊本地一天旅行團。餐廳今日都招待咗兩個賞你遊嘅團，所以其他散客唔多，餐廳坐位較迫，通道空間狹窄，整間餐廳地方不大，擺放食物地方都較集中。先介紹下有乜食物先：生蠔每人有4隻，坐低冇耐就有專人奉上，但刺身就欠奉。凍海鮮只得凍蝦同藍青口，壽司就有三文魚、吞拿魚、帆立貝、赤貝、八爪魚、素翅、腐皮同加州卷等，另外還有日式冷麵。沙律就有基本沙律菜、紅腰豆、粟米粒、車厘茄、青瓜片同半邊桃等。冷盤就有凍什肉、煙鴨胸、牛蒡絲、枝豆伴胡麻醬汁、泡菜、味付螺肉、柚子蓮藕片等。隔離位還有海南雞、炸春卷伴薯角同蒸燒賣。熱盤有墨西哥燴豬、清炒菜心、金銀蒜粉絲龍脷柳、腐皮素春卷、天多利燒雞、日本關東煮同xo醬櫻花蝦海鮮炒飯等。另外還有即印香草燒豬柳同即淥泰式冬蔭功湯麵。水果就有西瓜、哈蜜瓜同菠蘿。甜品就好普通，不值一提。最後還有本地品牌雪糕杯同自助即沖咖啡機。食物味道方面，凍蝦同藍青口都幾好，生蠔算大隻及肉厚，但味道好一般，海南雞就冇乜味，沙律同凍肉都正常，反而最讚係味付螺肉，味道非常好，其餘熱盤同甜品就好普通。

久違咁去食自助餐，睇openrice食評好似性價比都幾高，所以揀咗呢間旺角嘅酒店自助餐，由630食到930pm﹐ 加埋一成人大約$400位。先講講食自助餐嘅回本位凍海鮮，佢有青口、長腳蟹同埋蝦。我只係食咗長腳蟹，唔算特別大隻，但品質ok嘅，海水味濃。而且每個人會送四隻生蠔，唔使自己攞，係佢會送上嚟，嗰個生蠔係超大隻！ 另一個我主攻嘅部分係刺身，佢有4款，我主要食三文魚，係厚切嘅，大讚！熱食buffet大家最在乎嘅燒牛肉佢都有，係肉眼嚟嘅，但我反而大推放佢旁邊嘅蟹子帆立貝，非常好食！以為係醬汁但好似其實係d 蛋液焗熟，加埋好好食。甜品亦係我嘅重點部分，好開心佢有朱古力噴泉！好耐冇食過，真係食自助餐先會食呢樣嘢嘅。佢仲有即焗嘅梳乎厘，細細個我覺得自助餐呢個size非常適合，但我更recommend佢即席整嚟嘅crepe﹐味道幾唔錯，我encore 食咗兩個！蛋糕嗰啲款式唔算好多，但原來係食完佢會攞另一啲款出嚟嘅。 雪糕佢係有movenpick嘅，仲有3隻味，very nice. 同埋佢甜品係中西式都有d, 居然有芝麻糊同紅豆芝麻球。Overall佢場地唔算大，食物都集中放咗喺一張長枱，睇落

真的好耐無食BUFFET了，因為疫情真的唔太敢食，現在見疫情都還可以，就同HONEY去食德福閣的DINNER BUFFET，DINNER BUFFET重頭戲頭盤一坐低會送上每人4隻鮮美大隻的既生蠔，對我地來說，份量都可以，食落都好JUICY~~同埋三文魚好油甘香，另外蝦同埋哈密瓜HAM都系ENCORE推介，真的好多人都拿~~熟食都唔錯，同埋佢地的中式熟食都好多款，有清蒸魚，蟲草雞，同埋西冷牛扒，對我鐘意熱食來說真的OK另外飲品方面有支裝COKE，同埋其他汽水，另外都有D熱飲同埋一人要排隊拿一個的梳FU理，真的好多人搶住拿~~另外甜品都有芝麻胡，PANCAKE，同埋唔少得有雪榚，同埋有埋個朱古力噴泉，真的好吸引~~佢的TIRAMISU真的好正!!哩度的BUFFET真的對得住佢價錢，有機會要約埋父母來食先~~

就到聖誕🎄，當然要慶祝一下。同朋友去staycation，順便一齊食埋晚餐先走。入到餐廳首先會有頭盤，亦即係每人4隻生蠔🦪大大份量，好新鮮，加埋微酸嘅檸檬味🍋，更加清新提鮮，作為前菜，十分開胃。而唔同zone有唔同嘅美食，有主打蝦、松葉蟹同青口嘅冷盤（特別鍾意佢嘅蟹肉，十分鮮甜，有咸咸地嘅海水味）、日本🇯🇵限定刺身（厚切三文魚、八爪魚、油甘魚🍣），亦都有不同卷物（例如我最鍾意嘅加洲卷，不過好可惜無得食炙燒salmon wuwu）。另外，旁邊亦都有唔同款式嘅沙律（例如吞拿魚、菠蘿雞）、蟹柳、螺肉、泡菜、鴨胸、火腿片等等。熱食方面，特別鍾意佢個炒飯同清蒸海上鮮，咁啱我遇著條魚新鮮出爐，魚肉蒸得啱啱好，入口嫩滑🤤食到飽肚之後，可以試下唔同款式嘅甜品（都有10-20款），包曬中西式，任君選擇，亦有廚師即叫即整嘅梳乎厘可以試。

過開嚟旺角買嘢，唔知食乜，記得以前食完呢間buffet 好抵食。即興走入嚟，竟然有位。Weekday Lunch buffet $188 per 1, HSBC credit card仲有9折。咁嘅價錢真係好平，出邊都係食個set lunch。坐低冇幾耐，就送上每人四隻生蠔🦪，好大隻飽滿，不過蠔味比較淡。食物的選擇當然不算多，但以咁嘅價錢，性價比超高。另外值得一讚的是，德福閣聘請的侍應多是上了年紀的，但十分殷勤有禮。👍👍👍

食盡旺角之自助餐 — 德福閣————————————————朋友話德福閣既lunch buffet 星期一至五只需188一位，大家一時興起就早幾日book左去食，客人一入座冇耐，就會安排送上4隻生蠔，生蠔睇落都幾大隻，4隻都好夠😄，lunch buffet呢個價錢，刺生選擇就當然唔會太多，但佢既熟食款式都唔錯，其實有好入味既關東煮，肥美既鴨胸肉，同埋嫩滑海南雞🐥另外佢既甜品表示都唔錯，例如有煮得好濃味嘅芝麻糊， 棉花糖朱古力噴泉，同埋即叫即整既水果pancake👌總括而言，呢一間嘅質素對得起佢嘅價錢， 侍應收碟嘅速度都好快而且亦都有禮貌，環境正正常常唔迫，加上佢會送4隻大生蠔幾唔錯🤗

這酒店的自助午餐從$105元光顧到現今收費約$200/位，食物選擇及質素大不如前，下降不小了，還好的是餐廳職員服務態度仍能保持水準，收拾餐具迅速快捷，態度有禮，這方面真的需要讚揚一下。整體來說食物質素真的一般(中下)，相信短時間內不會再光顧了。

又到奶奶生日的大日子啦，自然要請佢老人家食餐好嘅，有乜嘢好得過食自助餐，大把選擇又可以食得飽，唔怕唔啱佢食🥰揀呢間德福閣因為近佢，又有生蠔食，自助晚餐每位送四隻生蠔，不過奶奶佢唔食生蠔所以我可以一人獨享八隻生蠔～正呀😍生蠔肥美脆口～滿足😋刺身有四款選擇包括有三文魚、鯖魚、八瓜魚同希靈魚，而熟嘅海鮮就有松葉蟹腳、加拿大青口同凍中蝦熱葷都有好多選擇，例如有蒸釀蟹蓋、泰式炒青口、四川水煮牛肉、墨西哥式燴豬，都好啱奶奶口味仲有天多利燒雞、XO醬櫻花蝦海鮮炒飯，欣賞炒飯夠爽身又惹味其他還有清蒸海上鮮、焗蟹籽帆立貝同海南鮮雞，魚同雞都做得好滑燒香草肉眼，原條肉眼非常吸眼睛，肉質軟腍，燒得剛好仲有關東煮及兩款中西湯水選擇甜品都有勁多選擇，最鍾意喺即製梳乎厘同班戟奶奶勁鍾意食巴馬火腿伴哈蜜瓜，佢話咁樣配搭好特別，鹹鹹甜甜唔覺膩飲品方面有橙汁、維他命水、咖啡、啤酒同汽水，鍾意有樽裝汽水提供，非常夠汽

好耐無食過自助餐啦😄 主要係因為貴，又覺得自己食得唔多會倒蝕🥲 不過朋友搵到呢間價錢親民嘅自助餐，晚餐只係$398，可以一試😘 估唔到性價比都幾高！野食嘅種類當然唔可以同5星級酒店比較，但呢度都有齊平時會食嘅海鮮冷盤，壽司刺身，前菜沙律吧，各樣熱盤，中西湯，甜品同雪糕😋 佢地仲有野飲吧，竟然有玻璃樽裝可樂😍 即刻拎番枝啤啤佢🤣海鮮冷盤方面，有蟹腳，大蝦同青口，我最like嘅當然係蟹腳，蟹肉鮮甜有咸咸地嘅海水味，而且會不停refill食到最後都仲有蟹腳喺出面👍🏼 除左出面自助吧，餐廳仲offer每人一份4隻即開生蠔🦪每隻都大大隻好肥美！刺身有4款，我比較多都係食三文魚🍣刺身係厚切，食落啖啖肉，絶不孤寒😄熱盤方面都有10幾樣，其中我推介嘅係清蒸海上鮮，咁啱我遇著條魚新鮮出爐，先拎舊魚腩，魚肉蒸得啱啱好，入口嫩滑🤤 另外再推介燒牛肉同芝士焗扇貝，食到lamlam脷😋甜品方面都有成10幾20樣，中西式都有任君選擇。我個人較鐘意嘅係檸檬cheesecake，芝士味濃郁，食完好滿足🥰 最後埋尾當然唔少得雪糕！呢度竟然有movenpick雪糕！仲有3隻味揀！我當然每隻味都要食啦😌 當堂回哂本🤣 食完

💡性價比高的自助餐好耐無食過buffet，今次就同朋友選左性價比都算高dinner buffet，位於旺角市中心，自助餐6點半開始，餐廳雖然唔算好大，但都算闊落。$300幾黎講食到咁多野都算係唔錯。🍽海鮮🦀🦐首先每位都會送上4隻生蠔，好大隻都飽滿，又唔會有好重海水味。另外仲有長腳蟹，凍蝦，青口，而刺身方面有三文魚，劍魚等等。凍海鮮當中蝦最為出色🦐蝦肉爽彈鮮甜，三文魚🐠厚切肥美。冷盤有好多款式，有海南雞、煙鴨胸、巴馬火腿配蜜瓜、螺肉、八爪魚等等，當中海南雞幾好食，雞件滑嫩，仲有齊海南雞🐔三款醬任選🍽熟食熟食方面有好多選擇，有四川水煮牛肉、泰式炒青口、墨西哥燴豬、燒雞、牛腩、蒸魚等等。另外燒牛肉好食，肉質軟腍，牛味濃郁。仲有必食回本推介係芝士焗蠔🦪供選擇🍽甜品有芝士蛋糕、芒果布甸、仲有小朋友至愛朱古力噴泉，最正係限時供應的即製鮮果班戟，可以自選配料，有雜果、香蕉、杏仁片、忌廉、朱古力醬、草莓醬等等。當然最後要食番個movenpick 雪糕先開心😍

星期日唔想煮飯，去左仕德福酒店德福閣食自助午餐，實行要食多d，一餐等於三餐食，價錢每位$258，唔算貴。呢度野食好集中，餐廳中間有一張長長既餐枱放滿野食，唔洗行黎行去。生蠔每人包四隻生蠔，生蠔都頗大隻，今次肉質都可以，味道唔會太鹹，應該洗得夠乾淨。自助美食有：一) 凍海鮮刺身都係希靈魚，立魚，八爪魚同鯖魚。唔洗等，自己夾。質素都正常。鯖魚係酸咪咪，希靈魚脆脆地。壽司有北寄貝，馬刀背，三文魚，沙律軍艦，甜蛋等。試咗北寄貝都唔錯。凍海鮮有加拿大青口同幾鮮甜既凍中蝦。仲有一兜兜日式冷麵。二）沙律沙律吧有鮮青瓜片，車厘茄，希臘沙律，粟米粒，紅腰豆，雜法國生菜同香桃。我鍾意食紅腰豆。三）冷盤冷盤有煙鴨胸，日式帶子裙邊，味付螺肉，雜凍肉，牛蒡絲，中華沙律，枝豆伴胡麻醬汁。特別在有柚子蓮藕片，食落甜甜地又脆脆地，好特別。海南鮮雞點甜醬油都幾好食。 四）熱盤熱盤有雜錦腐皮素菜卷，墨西哥式燴豬，金銀蒜粉絲蒸龍脷柳，四川水煮牛，日式關東煮，清炒時蔬（係菜心，非常嫩綠），天多利燒雞，XO醬櫻花蝦海鮮炒飯，春卷伴暑角，燒賣。另外有專人切香草燒豬柳，肉質算嫩。泰式冬陰功湯麵有張紙仔比你自己揀鍾意食既配料。湯有兩