德福閣

营业中

休息中

疫情開始緩和🙌🏻部份自助餐都開始經營返🤵🏻今日就帶家人食餐好！👵🏽👴🏽餐廳位於酒店嘅下層感覺high class 樓底好高👍🏻.食物選擇有熱食、基本壽司魚生、長腳蟹、青口、十多款甜品、新鮮水果同沙律吧！🦪🦐🌊仲有每人四隻新鮮送到生蠔😋好大隻都飽滿🤤另外仲有一人一隻吉列虎蝦🍤🦀長腳蟹同青口都夠哂鮮甜👍🏻值得一提啤酒可以任飲架 比較小見自助餐有🤗.餐廳服務都好好👍🏻👍🏻每張枱附近都會有專人幫你手🤓最好坐四人枱 因為兩人枱就有少少逼😆.最後仲有火焰pancake表演🔥🔥🔥待應會每枱提醒叫客人出去觀看🌝然後全場熄燈 廚師就會表演點起火焰💥雖然都有d期待 但好快就表演完畢🤣🤣總括環境不錯 食物選擇不多😌

今日黎呢間旺角既仕德福酒店食晚市自助餐~~呢道而家做緊優惠, 價錢好抵喔, 加埋一都唔洗3百蚊....自助餐黎講算好抵食~~唔好以為價錢平就冇乜野食丫....大家最愛既蠔啦, 長腳蟹啦, 三文魚等全部都有!!!性格比可算係極高喔冷盤區有唔少海鮮同剌身.....例如有蝦, 羔蟹, 青口, 長腳蟹, 三文魚等~~~又有鴨胸, 火腿, 日式小食....唔食生蠔既朋友都有焗蠔揀丫三色帆立貝一次過試晒3款唔同口味既帆立貝仲有大大隻燒蝦添丫另外有多款熱葷選擇~~~大大盤抄蟹燒牛肉~~半生熟, 肉質好嫩喔!!每人有4隻生蠔生蠔新鮮, 好大隻又厚肉仲有每位一隻巨SIZE天婦羅炸蝦~~外皮卜卜脆, 蝦肉爽口彈牙甜品方面都唔錯.....有水果, 蛋糕, 朱古力噴泉等~~呢道既馬卡龍好好味喎~~唔算超甜又非常鬆脆師傅即場煎pancake~~pancake夾埋豐富既配料一齊食, 爽呀

好難得終於等到限聚令可以回復4個人啦，即刻要約班friend出嚟大吃一餐。講到大吃一餐，無嘢好得過去食buffet。之前去過旺角仕德福酒店食自助餐都幾抵食，而且啲蠔好肥美，好掛住佢哋呀，所以決定再去幫襯。宜家仲有75折優惠添呀🤑。 一去到已經坐滿人啦，好彩book定位咋。一坐低，職員首先送上每人4隻蠔🦪，隻隻望落都好大隻，鮮甜肥美，雪一聲就吸咗落口。今期自助餐每位都會送「吉列虎蝦🦐伴鳳梨酸甜汁」，金黃香脆，味道酸酸甜甜。海鮮方面有我嘅「飛佛」松葉蟹腳🦀，仲有藍青口、凍蝦、大蜆、日式刺身(三文魚、吞拿魚、鱲魚、八爪魚)、 雜錦壽司🍣、中日式冷麵、煙三文魚、煙鴨胸、各式凍肉、莎樂美腸伴鮮茄、麻辣豬耳、螺肉伴豆腐、味付螺肉、自助沙律吧🥗，淨係食冷盤都已經飽得七七八八。熱食方面都好多，有比目魚🐟、煙肉忌廉芝士焗蠔、香煎鯖魚柳伴胡麻芥辣汁、胡椒牛肋片、黑醋排骨、三巴汁炒蜆、椒鹽海蟹、烤鴨腿伴BBQ汁、日式雜菜魚餅、三色黃薑肉鬆飯、雜菌香蒜欖油煮意粉、咕嚕雞球、雙花雲耳炒貴飛妃螺片。仲有大廚即切燒牛肉、即焗菠菜芝士焗蠔！每晚8：00 記得擔定凳仔等睇表演，全場會熄晒燈即場表演法式火焰香橙班戟，行慢

媽咪話想去食 buffet, 之前見德福酒店有優惠，只是百幾蚊，所以我立即book位！😆自助午餐由12:00-2:30，在酒店閣樓 ，距離地鐵站都有一段距離，我坐的士去！個人會推介😋😋lunch buffet 的New York Cheesecake ，冇得輸, lunch又平tim, 呢個蛋糕拍得住高質素嘅餐廳😁熱食: 👌椒鹽三文魚骨,香口，幾好食... 😋 xo醬炒蘿蔔糕佢哋d 熱食勝在夠曬新鮮每一碟都係熱騰騰的！！

收工梗係要食返餐好少少獎勵吓自己，去左附近間Stanford Hotel 食buffet。而家酒店推出海鮮自助晚餐，雖然今日係平日，但都幾多人去食。一坐低冇耐就有職員問我哋食唔食生蠔，原來餐廳每人都會贈送四隻生蠔，生蠔非常大隻新鮮，加上海水味唔太重，非常啱食。餐廳提供既海鮮選擇好豐富，有法國膏蟹、松葉蟹腳、藍青口、熟蝦等。法國膏蟹非常唔錯，蟹肉鮮甜而且非常多膏，當然蟹腳係推介之選，大大隻份量十足，另外亦有提供唔同嘅刺身。熱食方面亦有好多唔同嘅選擇，包括芝士焗蠔、烤鴨腿、咕嚕雞球，燒牛肉等等，特別推介佢嘅三色焗帆立貝，每隔一陣就會新鮮焗出嚟，芝士味十分濃而且帆立貝size都好大，入口多汁，調味亦好好。甜品方面亦有好多唔同嘅選擇，酒店係夜晚7:30會現場表演法式火焰班戟，新鮮嘅班戟配上香橙醬味道清新可口。當然焗疏乎厘、楊枝甘露、焗杞子蛋撻、焦糖燉蛋好多唔同嘅甜品都值得推介，可惜自己食得唔多只能每樣食少少。下次有機會一定要再嚟食下，加上價錢而家有七五折提供，生日決定再同屋企人嚟再食下。

因為疫情關係，都好耐無同朋友約出嚟食下飯，吹下水。唸住食好少少，係網上比我發現到一間性價比都幾高既餐廳，Stanford Café！佢係主打自助餐，有午市同晚市。個日我地就食左午市。餐廳喺1樓。一坐低，d員工就即刻走過嚟問我地食唔食生蠔。原來佢地做緊promotion，每位都會送美式同法式生蠔各2隻，讚！！！生蠔都幾肥美，入口仲有海水味，認真新鮮！食自助餐，我就鍾意按次序食。冷盤，熱盤，甜品。冷盤分別有刺身、壽司、冷麵同沙律。刺身有我好鍾意既三文魚同吞拿魚！而壽司都有好多唔同款式比你揀！刺身同壽司都係一無就補，認真新鮮，讚！！！食完冷盤就食熱盤，熱盤就食左牛排、咕嚕肉、牛舌。質素正常，可以接受！但令我同朋友最估唔到既係呢到竟然有即叫即煮既生滾粥。。。。呢樣係其他酒店自助餐少見既一種食物！配料都有幾多選擇，有豬，牛，雞，魚由你揀！食飽飽，當然要食埋佢地既甜品！甜品有Cheescake、朱古力噴泉、雪糕、即叫即整既pancake！食完勁滿足呀！如果以呢個價錢嚟講，有放題 / 自助餐揀，我會揀自助餐！食物質素好d，環境好d！讚！！！下次要試埋佢個晚市自助餐，應該會多野食d！

疫情下對自助餐、放題、火鍋呢類型既生意好大影響，所以開返晚市之後就即刻book位去光顧，好耐冇食得咁豐富，第一次到呢間酒店食buffet，都幾期待🤣.一打開𨋢門就見到甜品區同埋朱古力噴泉🥰仲有部即叫即整pancake機，而旁邊就有雪櫃放著精緻甜品杯，再行遠一點就有熟食區同埋海鮮區，食物集中係餐廳中間位置，方便攞食物👍🏻餐廳仲有枝裝汽水、啤酒、蘋果汁、咖啡同埋維他命水冷盤選擇都幾多，除左有自製沙律同埋火腿之後，有比較少見既滷水雞腳、涼拌手撕雞伴雲耳，味道唔錯，幾入口同惹味👍🏻刺身區有三文魚、八爪魚、吞拿魚等，但全部已經切好一片片，蓋著放在凍櫃上，我覺得有點影響刺身鮮味，同埋唔夠凍，口感差一點，不過三文魚幾肥美，我都有再encore🤤海鮮類有凍蝦、青口、法國羔蟹同長腳蟹，refill得好快，每次經過都見到7-8成滿，羔蟹都幾多膏，味道幾鮮味，長腳蟹有少少雪味，不過長食長有，供應好足夠😋熟食區幾有驚喜，日式吉列大蝦好香脆，羊架好軟腍，味道不錯，仲有即焗三色帆立貝，有忌廉、茄汁同埋菠菜味，雖然晚市食到9點就完，但差不多8點半既時候店員都有繼續攞新一盤食物出黎，不斷提供新鮮食物，這一點很讚☺️餐廳

獎勵投資進賬第二擊🤭,依家好多酒店食自助餐都有折扣，好耐都冇食過午市自助餐，今日就約咗朋友去豉油街仕德福酒店呢間德福閣食自助餐。Buffet 12:00開始，坐低一陣已經爆咗場，佢哋每位客人都送一份生蠔，坐低一陣，經理就送上枱，勁大隻喎🤩，又肥美又新鮮，梗係第一時間食咗先啦🤣食完生蠔先出吧枱睇下有乜食，基本上冷盤、沙律、熱食、餐湯、生果、甜品同雪糕樣樣都有，日式有刺身同雜錦壽司，三文魚肥美厚切，仲係魚腩添😋現場仲有即切燒豬腩肉，廚師切咗厚厚一片燒豬腩片，肉汁豐富，有嚼勁😋甜品當然要食啦，每款食少少，雖然已經好飽，但又見有即製pancake食，又忍唔住食埋個香蕉pancake 😂連加一都唔使💰200，食到咁多元化自助午餐，食物質素又唔錯，下次要再同老公黎食先😋

好耐無同媽媽去行街食野，今次帶佢去酒店吃自助餐先德福閣係在openrice 上找到，而且訂位有折扣，真係抵，週一中午都易訂到。行到入去都好多人，餐廳安排了一個好安靜的位，我同媽媽可坐得好舒服😌午餐每人免費送四隻生蠔🦪，兩美國兩法國🇫🇷自助餐可以自己拎食物，款式多，有日式壽司🍣刺身、冷麵，也有中式排骨飯、湯、燒味，也有拉麵檔，西式熱食都有多款，味道也好。甜點有幾款蛋糕，生果，也不果汁🍹咖啡奶茶自己任飲，仲有pancake 檔，好味😋花之卷都有架有盅頭飯的自助餐，好特別食物都好精美企理

係疫症下，好耐冇去食buffet今日難得lunch有時間就去咗旺角德福閣食lunch buffet。去到呢已經有工作人員招呼我哋，餐廳亦好細心提供左紙袋俾我哋裝口罩。每堂之間亦有足夠嘅空間。咁之後就出咗去行咗個圈，呢到咁放置食物嘅位置都相對集中同埋都好乾淨企理。咁首先呢就先睇前菜下咩食，有各式嘅火腿、煙三文魚、沙律前菜等等。特別欣賞佢部份嘅前菜有用小碟裝起方便取用，餐廳亦提供四款刺身、壽司、凍海鮮，味道都分唔錯。另外雖然係午市自助餐但酒店亦有提供橙汁咖啡茶等飲品值得加分。主菜都都已中餐為主有牛仔肉、咕嚕肉、魚、焗青口等，而有驚喜就係個羊脾，肉質好冧，而且冇羶味值得encore。另外家人今次就試咗中湯係西洋菜南北杏煲陳腎，味道好濃郁而且飲落一啲都唔油膩，食太多野，飲下靚湯都係一個好選擇。餐廳亦有提供即煮麵檔而且配料都有幾款選擇，今次個湯底可以選擇泰式湯底另外佢本身亦有跟一個泰式森巴醬都好有風味，建議食到辣朋友要食下。最後嚟到甜品環節甜品啦，亦都好多選擇除咗一般嘅西式甜點外亦有提供楊枝甘露及即製班㦸等坊間Buffet較少食到嘅甜品。即製鮮果班㦸師傅會按照你所想食嘅嘢再即刻係你面前整，因為係

之前因為疫情 , 已經好耐冇食過自助餐 🥺 , 今日近近哋嚟到旺角仕德福酒店嘅德福閣 , 因為好多好評 , 而且價錢吸引 😝平日晚上嚟到都幾多人喎 😲 一坐低店員就送上每位一客嘅吉列大蝦 , 🍤好大隻 , 香脆 , 新鮮熱辣 ~食完即刻去我最愛嘅海鮮吧 ~ 海鮮款式雖然唔算多 , 但勝在每款質素都唔錯 , 有長腳蟹蟹腳 , 青口 , 凍蝦 , 仲有平時比較少見嘅法國膏蟹 🦀🦀 ~ 長腳蟹蟹腳多汁多肉 !! 凍蝦都好好食 ~ 法國膏蟹嘅膏好香 🤤 !! 無膏嘅蟹鉗都好食 , 超多肉 , 超級推介 !! 🤤🤤刺身有八爪魚 , 鯖魚 , 三文魚 , 吞拿魚 , 仲有一款白身魚 , 質素正常 熟食方面 , 羊架高質 , encore 咗好多次 👍👍 , 另外仲有炒蜆 , 椒鹽炒蟹 , 咕嚕肉 , 牛肋肉 , 西蘭花等等 平時我唔太鍾意食燒牛肉 , 因為好鞋口 , 但係今次呢個燒牛肉我成塊清曬 😲😲😂😂 牛味甚濃 , 而且厚度適中 , 咬落去口感啱啱好 , 我哋揀咗黑椒汁 , 偏辣都幾過癮 甜品有好多選擇 , 甜品杯 , 糕點 , 即叫即製班戟 , 朱古力噴泉 , 望落幾吸引 , 特別推介黑豆豆

晏晝行旺角經過呢間酒店，好似環境唔錯，就望下有咩食。有buffet同酒樓，見做緊優惠，就上去試下間buffet。一上到去好光猛，好多玻璃窗，啲陽光照入黎好舒服，好有空間感。.一坐低，會簡單咁介紹下，仲每人有4隻生蠔。啲蠔好鮮甜，仲提你25分鐘內要食左佢😹免得擺太耐食左會唔舒服。.食完生蠔，就出去拎左刺身同燒羊髀。羊味好夠，燒到個邊脆脆地，好好味。仲有燒汁或者黑椒汁比你揀。.另外，佢有廚師即場煮麵，我揀左魚蛋米。湯底方面有清湯同冬蔭公湯。見有冬蔭公湯咁特別就揀左佢，味道方面好唔錯！酸味都好夠。食到咁上下都想食下啲中式野，有西蘭花同咕嚕雞，味道都好唔錯。有種想叫碗飯黎送下啲菜既感覺😹食完主食就開始甜品！有個廚師即場整pencake，睇住佢整都覺得好開心^_^香蕉花生醬pencake配煉奶簡直係天堂既美食。.仲有朱古力噴泉比你玩，啲朱古力仲好好味！另外仲有cheesecake 同brownie，細細件，唔會食到好濟！

最近同朋友去咗仕德福酒店嘅德福閣食自助餐🍽.食物種類就唔算好多🥺不過都有啲食物推介俾大家🤗松葉蟹腳🦀蟹腳都幾大隻😉剪開就有大大條蟹肉食，食落幾鮮甜😋另外仲有法國羔蟹🇫🇷藍青口同凍蝦🦐刺身有呑拿魚、八爪魚同鯖魚🐟.吉列虎蝦🍤每人限咗只有一隻😢不過都幾高質☺️虎蝦外皮炸到好脆😆蝦肉仲 keep 到爽口彈牙👍🏻.另外試咗日式冷麵同壽司🍣冷麵清爽輕盈💦壽司就普通咗啲😝而前菜比較推介鮮蝦配菠蘿🍍 juicy 菠蘿配上鮮蝦非常清新🤤.熱食方面🥘推介三色帆立貝同芝士焗生蠔🦪帆立貝大隻新鮮，面頭嘅薯蓉綿滑🥔芝士火腿唔會搶左蠔嘅味道🧀.甜品方面🍮比較推介朱古力布朗尼🍫日本和菓子🍡即製梳乎厘🥚玄米茶杯裝雪糕🍵🍨仲有火焰香橙班戟🍊呢幾款水準比較高😬.呢度除咗有提供各種熱飲☕️橙汁🍹維他命水🍋仲有提供玻璃樽裝汽水

疫情曙光漸露。今日放假一天，趁著有不少酒店的自助餐正做大優惠，我就盡盡孝道，和媽媽二人到一早已訂座的旺角仕德福酒店德福閣食個Lunch Buffet。德福閣9月份正在做一個國際美食自助午餐的promotion，星期一至日的Lunch Buffet 共有75折，折後價為每位$193.8，$200元有找，非常超值。加上，平日去食的好處就是可以避開週末的人流，始終相信不會有太多人在平日中午去食Buffet吧。我們訂了12:00正，早到了15分鐘，店員非常有禮貌地讓我們在旁邊的座位先坐坐，因為他們還在準備各款食物。看到餐廳非常整潔，向每一位入座的食客說明拿食物必須配載口罩，兼且提醒冷熱食品需要分碟盛載。在疫情下，餐廳的清潔水準其實是先決條件。Buffet 的食物種類，在傳單上亦一一列明，我們先在坐位上細閱一下，想想先後次序。由於有各種食物，我就在這個Lunch Buffet 重點推介幾款必食的讓大家參考（排名不分先後）：⁑ 1. 沙律吧沙律吧有冰塊在底保持溫度，衛生程度亦做得不錯，Buffet 先食沙律開開胃都是常識吧。⁑ 2. 椒鹽三文魚頭腩媽媽推薦這款熱食。她說三文魚頭腩炸得香口而不濃鹹，

兩百令蚊左右既lunch buffet😳去邊到搵喎經Openrice訂座仲有7折，真係好平。有三文魚、吞拿魚、魷魚等等既刺身，同埋壽司冷麵等等嘅日本料理做頭盤；熟食嘅種類有豬（咕嚕肉同埋排骨飯）🐷牛（牛舌）🐮魚（三文魚頭）🐠等等，仲有即刻切出嚟嘅羊髀添，咁大隻羊髀，啖啖肉，其實都值回票價；個小食蘿蔔糕粒煎得好香脆，有XO醬同埋蛋香；最後值得一提嘅係，呢度嘅甜品種類超級多， 十分精緻，例如有日本大福、桂花糕、朱古力批🍩、cheescake、朱古力噴泉，仲有即叫即係你面前整嘅🍨pancake，熱辣辣，配料任君選擇，個人就加咗椰絲同花生醬，加多一球雪糕🍦都飽腹滿足