德福茶餐廳

行完沙灘、行完發電站，腳仔都軟。依度菜餐廳有哂地理優勢，所以係唔會冇客人既。一坐低已經係TEA TIME時間，但冇下午茶餐，大家明既。只有散叫，但每人最低消費係30，冇錯係30蚊。 好老實如果我唔係太攰太渴，就一定唔會入去。門面冇任何餐牌，亦冇講明最低消費。咁都算啦，可能味道驚為天人呢。 收銀果位靚姐好熱情又有禮貌，其他既就絕對不值一提。說明佢地菜餐廳招牌有三款。紅豆冰雞翼薯條唔記得左哈哈哈 事關紅豆冰覺得唔值依個價，所以一人一杯飲品加個雞翼薯條。 凍鴛鴦($16)茶底唔夠濃，基本上飲到既係奶。凍OT($16)都係茶底唔濃，變相飲檸檬糖水。 雞翼薯條($38)招牌果然係招牌，雞翼大大隻又好味。薯條就冇乜技術可言，又唔係自己整。同埋有幾條炸到好黑索哂油既，貿素都參差。講緊如果係招牌既，我唔會比果幾條B品既薯條比人食。 除左散叫，有咩選擇？午市飯，做緊＄４２，包野飲，凍飲加＄２。如果想飲紅豆冰？加＄１５。一杯散叫＄２３，大家可以做個參考喇。隔離個客類似係南丫島住，係度番工既。佢只要叫杯野飲，唔洗叫到最低消費咖。可能好似人地會所咁啦，有住戶證有特別優惠咁。 作為行山既一個補給站，同跑10K既補給站，你唔會要求佢好高，因為始終係一個過站。但講緊做一個要比錢既補給站，下次我會簡買支涼茶清下熱，或者坐低食件餅飲杯coffee。…查看更多

一年多前，搬進了南丫島榕樹灣。這個小海灣，被自然景色環抱，有如渡假般的悠閒氣氛。而榕樹灣大街是這個社區裡最熱鬧的地方。商店、餐廳、酒吧、菜販，聚集於此。喜愛港式茶餐廳，喜愛港式常餐，喜歡港式奶茶。即使搬進了離島，喜歡的事物還是沒改變。只要一段時間沒嘗到，心裡的「癮」就會暗暗發作。南丫島榕樹灣大街有三間茶餐廳。每一間我都試過最少三遍了。其中，前名德福的茶餐廳、現已更名的德記茶餐廳，是三間茶餐廳之中舖位最小，所以坐得最擠。這種家庭式小店沒有特別裝修，勝在乾淨企理。另外，它的冷氣非常猛，夏天經過很想進去坐坐喝杯冷飲。　吃過他們的乾炒牛河和早餐。牛河炒得香，河粉分明算爽口，牛肉不老，就是鑊氣較弱。不過喜歡少油的朋友可能會喜歡。　早餐方面，通常會點沙嗲牛肉麵配炒蛋。炒蛋意料之外地夠滑嫩而且份量多，幾吸引。牛肉口感不俗，沙嗲味中規中矩。而他們的熱奶茶和凍奶茶都幾好喝。夏天的時候路過，有時候會忍不住外賣凍奶茶。　總體而言，也是值得光顧的。在我主觀評價中，德記在三間茶餐廳中排第二。…查看更多

經過見到佢個原粒芒果糯米磁已覺得好好食，買左粒試試果然好正，皮薄柔軟、唔多粉、啖啖有芒果、芒果新鮮好甜，好正！食完一粒，太好食，結果買多左六粒走，哈哈。值得推介！…查看更多

在南丫島，如在平日食的選擇不多，島上閒遊不是主打南丫島的海鮮，西式的cafe興趣又不大，尋尋覓覓找到這日街坊茶餐廳，下午茶時間，沒有下午茶餐，但包類倒也不少，見到街坊或是外賣的多食包類，但我....就點了是日Ｅ餐上海粗炒+凍檸樂。上海粗炒很熱辣辣的，但麵條似烏冬多過上海麵，但沒有所謂，味道炒得好就可以，加點肉絲及椰菜絲，不太油，算是不錯。加上檸樂罐裝可樂自己篤檸檬，感覺十分好，用罐裝可樂感覺特別良好，總覺得是飲多一點點！價錢很抵食，只是35元！…查看更多

德福茶餐廳看起來小小的，但賣的東西種類還真不少。他們有各式各樣的麵包之外，還有雞批，蛋撻等。早上有早餐，中午有各種各有特色的飯麵套餐，味道可口，價格也很合理。如果要來南丫島到他們店用餐，有一點要注意，他們不賣晚餐，因為此店每天只營業至下午五點。好吃的東西其實很多，這次不是要介紹他們的套餐，而是一樣特別的甜點：芒果糯米糍，他們剛推出此產品時，只接受訂購。那就是錢先付了，要等一兩個小時才去拿，拿到回來時等於是現做的，那糯米外皮軟糯綿密富彈性，芒果新鮮濕潤多汁，芒果和糯米粉合在一起，甜度剛好，只吃一顆真是意猶未盡呢。以前要訂購等於只能賣給島上居民，需知糯米糍如果賣不完是不可以隔夜的，那就是得浪費掉了。現在糯米糍也在餅櫃擺售，代表糯米糍確是好吃，受歡迎了，其他的遊客也就有口福了，可是也要記得，要買的話，最好不要太晚，不然就賣光了。…查看更多

晌榕樹灣依邊，想食茶餐廳，一係文記，一係就牛記，兩間都係位處榕樹灣大街，質素覺得OK啦。但舊年初開多咗一間，晌榕樹灣後街，即係去洪聖爺灘方向，接住榕樹灣大街轉左就係後街。青綠色招牌，門口落地玻璃，望入去通透光猛，最吸引係門面前一列麵包櫃，有咩包，賣幾錢，一眼清楚睇晒！晌南丫島無乜賣港式嘅麵包鋪，頂多咪晌大街獨市嘅佳佳麵包店，不過，款式唔多。入到鋪內，你就見到鋪後有餅房，麵包係自家製，周時傳來香氣，就係新鮮出爐時。依家多個對手，希望有競爭，就有進步。今趟同老婆嚟食早餐，星期六嘅早上，客唔多，不過已叫做差唔多坐滿，因為店內間咗後面係餅房、廚房，然後係水吧，淨番大概半個鋪位擺枱凳，約莫20個位左右，所以鋪頭細細。但比起文記、牛記，好坐好多，主因都係環境較新簇，再者，啡凳白枱，型格少少無咁老餅。食物選擇唔係好多，三文治、公仔麵以外，早餐有4款，其次就係10多款炒粉飯麵。不過好得意，早餐竟然係假日暫停，我諗大概要啲客樣樣散叫，咁樣可以賺多少少啦。同老婆一樣要早餐A，有餐包或方包，伴煎雙蛋或炒蛋（我要前者，佢要後者），再加一碗火腿通粉，跟熱飲，早餐計都好豐富喇！餐包好鬆軟，果然不愧係自家製，勝在新鮮。煎蛋出色，煎得靚，夾餐包嚟食，一咬蛋黃爆漿特別正。但點解只得一隻蛋？唔係煎雙蛋咩，變相加咗價喎。火腿絲通粉，好普通，因為湯底淡口無乜味，通粉勉勉強強，一開始食已經有啲腍，明顯煮過籠。]到茶餐廳總係鍾情飲奶茶，今早亦係，德福嘅奶茶好夠茶香，但唔算好滑，不過不失啦。]…查看更多