御.上澄

買了《什錦壽司套餐+叉燒拉麵/烏冬》外賣。叉燒拉麵的拉麵是唯一覺得幾好食，很有蛋味。D叉燒又唔似日式又唔似中式咁，粟米粒硬的又有渣，當求祈食一碗麵醫肚還 ok。壽司就真係…… size 是迷你版，大概1.5件才等於争鮮的1件size，那可想而知飯面的魚生會有幾大塊。壽司飯是沒！有！落！醋㗎囉～成件事超唔對路。我還要企在店外足足20分鐘才有得攞。趕時間呀大佬！上星期來呢頭，買了爭鮮才看見這間，諗住下星期一定要試下…… 今次試過啦…… 我諗，我下星期，下下星期都係食返爭鮮好過。…查看更多

雖然啲野抵食，服務都算ok,食物方面串燒味道吾夠鹹，牛舌食落有啲梅梅地，三文魚吾夠新鮮，啲壽司還可以接受，三文鱼炒飯就幾香， 啲麵豉湯好似水咁，衞生方面，豉油樽起哂積有點恐怖希望佢地可以改善下…查看更多

做街坊生意既呢間日式料理餐廳，好耐無食，今日行過就去食個下午茶。日式牛肉飯，下午茶黎講都幾大碗，牛肉份量都頗多，薄切既牛肉都幾易入口，味道係燒汁味道，唔會肥利同埋唔會鹹。一個人食係夠晒飽，仲包埋杯野似都唔使30蚊，抵食啦。…查看更多

咁啱約左朋友，諗住想靜靜地坐低同佢傾下計,食個飯。見其他餐廳多人怕嘈，咁啱剩係呢間又冇乜客，所以就入去試下，入到先見餐廳環境原來好擠迫，餐具水杯望落去好舊。已經冇乜意欲，所以同朋友叫左個雜錦壽司套餐同叉燒拉麵，價錢唔平，係連鎖壽司店嘅價錢，但出到黎嘅食物係咁嘅質素...成個場待應得一個，服務會好先算雜錦壽司套餐:壽司出奇地細舊，壽司飯散修修都算， 魚生比人感覺唔新鮮，山葵落唔夠仲要問先俾，套餐另有拉麵，啲湯冇味，好似清水咁，完全唔係湯黎！拉麵用鍋上都冇用，賣相麻麻叉燒拉麵:叉燒係一細舊再剪開兩舊，餸少配菜更少..湯冇味，野飲加三蚊仲要比得好細杯同朋友食完之後，自己都唔好意思拉左佢入黎，最後賣單仲要加一！下次寧願去幫襯連鎖壽司店…查看更多

今日因為工作關係，要到美孚一行，䃥正晚飯都係醫一醫肚先。路經此店，見到門外放咗好多食物相，於是放膽入內一試。到店內，晚餐選擇眾多，選擇後叫了三文魚炒飯，加了三文魚刺身，明太子雞翼，上菜喇！明太子雞翼炸得很香, 店員還很細心提點 ‘睇熱‘。跟住到三文魚刺身上枱。＄18三片的三文魚刺身，無論份量和質素都是中上。最後炒飯上枱，一個字－熱：想不到此炒飯除了熱，還好吃，炒飯乾身。一轉眼，想不到自己可以把所有食物掃清。如下次再需要到美孚，還可認真試試其他食物。…查看更多

今日同同事食LUNCH, 諗住試下新野, 見到呢間日本野好似幾多人, 個樣好似好地道咁, 就一於試下啦! 點知, 中伏了!見到個餐牌, 好多選擇, OVERALL價錢又OK, 同事要個咖喱豬, 我決定試個鰻魚 (但個我鰻魚飯又唔係真係咁平, 都要$68)我地坐唔夠一陣已經坐滿, 大部分係學生咖喱豬, 個汁既色唔同平時, 比較淺, 食落正常咖喱, 個豬扒普普通通, 有D乾, 唔JUICY我個鰻魚飯, 嘩, 我從未食過D咁靭既鰻魚, 好似橡筋咁..... 又燒到燶哂.....真係我有史以來食過咁多個個鰻魚飯算係數一數二最差架了 我想講咁既質素真係好唔JUSTIFY呢個價錢囉!SORRY, 呢度我真係一次KO左, 唔會有下次!…查看更多

今日經過美孚，諗住求其食D野就返屋企，有人提議食日本野，於是就入左呢間《御.上澄》，因為見到都幾多人食，諗住試下冇壞。三個人，叫左一個饅魚飯，一個三文魚炒飯同一個豬骨湯烏冬，一食就中伏：－1. 饅魚飯唔够汁，飯難食，條饅魚勁硬，唔知以為食緊豬肉。2. 豬骨湯烏冬完全冇味，跟餐既所謂刺身完全同張相係兩回事。3. 三文魚炒飯己經算係最正常，雖然講唔上好食，但起碼唔難食。仲可以收埋加一，真係令人難以置信，我冇可能再幫襯⋯⋯…查看更多

去到美孚先至知冇飯開，唯有去附近解決，最尾揀呢間試下我同女友選了鰻魚飯，壽司定食，炸蝦天婦羅同蟹籽沙律。整體水準麻麻，壽司定食包括有三文魚，鰻魚，蟹籽壽司各四件，仿蟹柳巻六件，但係相比平時食開的就太細件，仲細過惠康果d，唔捨得比人食，雖然話五十五蚊有十幾件仲想點，不過話哂日本舖連壽司都唔得就那個一點吧。天婦羅蝦漿分離，蝦毛咁細夾硬加一pet漿去炸，外觀冇問題，但食落去心照啦，仲要食得出唔脆果下至失望。係沙律同鰻魚飯較正常，沙律用蛋黃醬去撈，廿八蚊算還好。加埋二百三十五蚊，是失望的一餐，事頭婆在門外點宣傳都冇用了，冇下次。本來第一稿被話"建議閣下更多有關食物的味道或賣相等的描述"而不被刊登，我真係好嬲! 打算刪左去算鬼數! 但我認為善意的批評是可以改善餐廳的水平所以一定要寫，又打回頭的話算了吧…查看更多

原本打算食越南間餐廳，但太多人，見呢間係日本野諗住試下。叫左一個牛肉鍋烏冬(蕃茄湯)味道都ok，蕃茄湯味都算濃，有隻半生熟蛋啲肥牛都大舊同都算多。另外一個魚子三文魚腩飯三文魚腩有五至六塊，肥肥地，都算新鮮。但啲飯就差，唔係珍珠米，好似食耿茶餐廳啲碟頭飯既飯咁。不過啲侍應服務就差囉，個個都係二十歲左右既男仔，冇乜禮貌。如果轉左啲人應該會好啲。…查看更多

早餐時間，美孚區的茶餐廳多爆滿，唯獨這間必定有位。點了個叉燒烏冬，賣相全不吸引，亂糟糟像有人吃過似的，沒想過叉燒只有兩片細，還是一開二的兩片叉燒，肉身沒味，像用水煮熟似的，烏冬煮得過久，"淋"到⋯服務不用說了，只有一個待應，想要好服務都幾難。…查看更多

叉燒拉麵, 舊叉燒吾講係叉燒都估吾到, 成舊劣等豬肉款, 麵糊的很難食.炒烏冬麵, 淡而無味, 完全很憤怒的吞下這等劣等的爛麵, 這是食齋嗎?金菇牛肉卷, 唉! 吾想再回憶這些經歷, 難食到無心再寫.…查看更多

經過美孚 原本諗住食個車仔麵當lunch，但系車仔麵附近見到呢間舖有日本嘢食，就諗住試~點知中曬伏。。一入去，我叫咗個叉燒拉麵，諗住叫啲大路嘢實冇死，點知個叉燒拉麵一嚟到，我呆咗。。舊叉燒細到喊岀嚟，個size就好似一塊正常既叉燒剪開當兩塊-_-個麵底好難食，又淋又冇味，吾洗點咬就feel到一舊泥咁既嘢系個口度，同埋個湯底好多味精，食完好口渴，仲要收我32蚊！真心覺得五十嵐都好食過佢。。…查看更多

美孚呢一邊真係吾多野食放左工之後同朋友係到討論食咩好突然好想食三文魚 又記得有一間日本野係到 所以就黎左呢到試啦黎到睇個餐牌選擇吾多 到最尾我地選擇左一個定食同埋一碟刺身定食就係滑蛋雞扒飯有配菜 支豆 加18蚊仲有三文魚刺身三件食左一啖仲以為自己味覺有問題D雞無味的 成碗飯都好淡😖😖之後食個配菜 支豆 都係好淡 無咩味吾似平時食開果d有咸味😞😞餐飲叫左杯凍檸茶 飲落去無茶味架仲好苦好澀到最後個刺身到左啦有三文魚 牡丹蝦 針魚 吞拿魚三文魚係腩黎的  好有口感而吞拿魚味道有d怪怪地針魚就太多骨最值得讚既就係牡丹蝦好鮮甜好好味 好食到再叫多一客牡丹蝦個蝦真係值得一食…查看更多

好明顯，廚師根本無心整食物！唔喜歡做食材嘅廚師根本唔應該開店囉！想賺錢應更有心先得！炒個烏冬完全無味，醬汁一pat pat仲衰過我自己整！所謂廚師推介嘅泰式生蝦刺身啲汁只係咸！總之，試過一次當買個教訓，永不再幫襯！…查看更多

每次經過這家店都一直想試下，這次我就點了一份九州拉麵外賣多蔥，我看到圖片還以為會不錯的。拿回家一打開，一粒蔥都沒有，賣相沒有，分量好少，都不管了好餓！一口吃下去my god！沒口感的拉麵！清水湯底！快哭了我花了$40的！算了，本來打算只吃那片叉燒了，沒想到一口咬，兩口咬都咬不開！好硬！沒味道的！氣死我了！氣的我真有衝動想拿回去讓那個廚師試一下！要是我早點看到這家店有這麼多劣評我一定不吃！全香港最難吃拉麵拿第一位了！…查看更多