御居 (已結業)

西環裡的餐廳可謂百花齊放，高檔次與平民化、東方與西方，琳琅滿目，有待食客逐一發崛。不愁沒有好東西吃在街上遊走時，被其高端型格門面吸引，逕自走進御居碰碰運氣。燈光柔和，如咖啡廳一樣有格調的裝潢，瀰漫著慢活的氣氛。如沒有日本清酒瓶作提示，幾乎沒意識到這裡是日本料理餐館。才晚上六點整，未覺有飢餓感，決定先來一份串燒海老套餐滿足口癮。串燒盛確實不算什麼山珍海味，每一串串燒卻令人帶來驚喜。大蝦肉質飽滿爽口，故為此套餐的主角。豚肉與雞軟骨皆燒至金黃且略帶微焦，再加上鹽與蔥調味，不會掩蓋原有肉汁之味。串燒套餐中，免治雞肉棒可謂另一令人眼前一亮之作。免治雞肉團裡混和了雞軟骨、洋蔥等材料，咀嚼時混合的層次口感、與留有肉汁的免治雞肉，配搭甚佳。加上與雞蛋黃打勻，塗上雞肉串後，更能賦予另一種的鮮味。有點好奇日式的牛肉他他與西式的有什麼不同，於是點來試試。有別於把牛肉剁碎與調味料混合，日式的把半生熟的薄切牛片，漂亮的呈現眼前。像品嚐魚刺身一樣，把牛片夾起，點抹醋與醬汁，配合洋蔥等配料一起吃。牛肉鮮香經咀嚼後緩緩散發，而醋酸亦很稱職地提鮮，加上生洋蔥片的微辛，配搭新鮮。最後還是要以飯果腹吧。把海膽、三文魚籽、蛋白、紫菜等與白飯徹底拌勻，使每一口飯都帶海膽肥美的甜、三文魚籽的鹹香、蛋白的 creamy 感等。一口接一口的，三扒兩撥，順利把香港人喜歡的邪惡食物混合體KO!最近bookmark了許多西環的餐廳，名單上現在又多了這御居了。…Read More

中上環地頭蟲周圍食到悶，所以去下西環覓食，揀左「御居」因為想食串燒。值得一讃，門口貼左張「歡迎導盲犬進入」，即刻加分！！女侍應好好人，一坐底為全場所有女士送上一柸「摺骨木花梳打」，女侍應話因為好適合女士飲。第一次聽摺骨木花，味道幾清爽好味，好特別！！鷄泡魚乾，我至愛，好香口，亦有咬口，送酒一流。之後叫左三文魚壽司，新鮮，色澤靚。蟹子軍艦，紫菜爽口。燒飯團，燒到好香脆，入面配埋明太子，咸咸地，正！！「燒鷄翼～～ 我鍾意食～～ 」皮脆有肉汁。海膽溫泉蛋飯，海膽好新鮮，好足料～和牛粒串，超正，厚切有咬口，高質素牛，軟硬適中，好好味！！食物高質素，價錢合理，服務又好，非常滿意嘅一餐！！…Read More

今日係因為工作關係先突登過海，平時都好少黎呢頭，去到夜晚唔知食咩就同個朋友周圍逛下，點知又俾我地誤打誤撞搵到呢間日本野🤩🤩門口好特別，就係因為呢個射燈就俾佢吸引左入黎～樓面幾闊落，仲有個大水吧，點睇都唔似係日本餐廳。再入啲會見到有道玻璃門，可以係室外食，都幾特別。一坐低就有啲菜同蘿蔔條做配菜，仲有秘製既串燒醬（我都唔知真正叫咩醬🤣），點黎食成個味即刻唔同左，而且仲好香。之後就開始點餐，見到個餐牌都幾多選擇，不論串燒、壽司定飲料都多到揀唔到。最後我同個朋友就分別叫左一個串燒老海餐；一個羊架餐。一個套餐有好多串燒，一上菜就呢個免治雞肉棒，將隻蛋撈埋個醬汁真係十分野味😍之後陸續有雞翼、雞軟骨、一口蕃薯同飯團等等。個飯團口感唔錯，但記得要趁熱食！咁啲飯先會軟棉棉有啲口感。之後終於食主菜，我嗰個老海就係隻大蝦，啖啖肉，燒得好脆口；而我朋友嗰個就係羊架，唔蘇味道仲甜甜地。因為頭先大家都食左個飯團，但都仲係唔夠喉，叫多個蒲燒鰻魚，燒汁夠甜，而且厚切，最緊要係冇骨！如果有飯送埋就更好！最後整體都幾好，以呢個價食日本野仲要好食係唔錯，加上環境寧靜，可以專心同朋友吹下水！…Read More

有很多人都說，朋友不用多，一兩個知己就夠。計我來說，一紅一白事，更加能體會到誰是自己真正的知己。有些人，注定是你人生中一個旅客，停留的時間到了，要走的你也擋不住，能留下來的就是自己要珍惜和尊重的人。由上年經歷過朋友的喪事、到今年自己的婚事，身邊就是得這一位閨蜜，對我每件著緊的事情都不遺餘力。終於用了大半年的時間去處理自己人生中的另一階段，有一點餘閒的時間，就要趁機好好多謝這一位閨蜜所付出的努力。剛好我和她都是住在西區，方便大家收工食飯去向，最後決定搵找了最方便的落腳點---西環，也選中了一間新開張不久的日本餐廳。菜單除咗有散點之外，串燒、燒物、和食、刺身、前菜、小食、沙律、壽司、亦另設一人餐定串燒海老餐或串燒羊架餐，兩款都是$198。雜菜沙律 未開始之前便端上前菜幫助消化，沙律是一堆切段的生菜、紅蘿蔔和青瓜，很多人都不喜歡生硬硬的蔬菜，就是嫌它有一股臭草腥。幸好醮點旁邊的自家制的甜醬和海鹽提鮮，咸咸甜甜剛好辟過草腥味，還帶點水份多汁效果，消膩解渴。河豚魚乾 ($68)河豚魚乾充滿韌性而十分有嚼感，加入味淋醬汁，甜味蓋過魚乾該有的腥，濕潤黏黏、香甜入味，入口還帶點焦香的溫暖，佐酒一流。鰻魚、油甘魚、帆立貝壽司 (各$38)鰻魚塗上燒汁，再灑上點點芝麻，是經典又惹味配搭。香甜的燒汁的魚肉更加肉嫩細膩，如果能再炙燒多點時間相信就更香口。帆立貝壽司是以逐件計算，但一開為二的份量，大得連手扼做的飯團都被遮蓋住，滑嘟嘟而象牙質的白，清香鮮甜。油甘魚壽司，油潤感很強，一放入口就有種入口溶化浪下浪下的感覺。甲羅燒 ($68)個人認為甲羅燒是浜燒之中不可不食的菜式。一堆大澳蝦膏狀顏色的蟹膏，混入少許麵豉醬，泥綠色色狀的膏物仍藏著不少清晰可見的一絲絲蟹肉，再混合舖滿表面的蟹籽和鵪鶉蛋，蛋味更濃更稠，蟹味濃郁鮮甜而且一點也不腥，再配襯多士的脆口口感，非同凡響。免治雞肉串雞肉串混合免治雞腿肉、雞皮、洋蔥碎、冬菇粒混合而成，再塗上秘製醬汁將雞肉串去燒，熱力將既有肉汁鎖實，潤澤肉質，鬆化軟熟又能滲出爽脆的洋蔥碎和香菇粒，層次感明顯。再醮點自家制甜醬油和雞蛋汁，令雞肉滑嫩之餘更富蛋香。羊架、手羽、串燒雞軟骨、一口蕃薯（左至右起）羊架我就沒有品嚐過，全件都交給朋友操刀，得到的feedback是羊羶味是有的，但可以更羶，難怪我朋友是個重口味的人。雞翼外層直接落鍋去炸，炸得一身皮薄而甘脆，內裡肉質熟腍而沒有一絲未熟粉紅肉色，肉嫩非常，灑上胡椒粉調味，咸香而鮮，口感增加。串燒雞軟骨雞軟骨燒得十分脆口甘香，單純用鹽去調味，已經十分可口了。一口蕃薯煎得香甜軟糯，表面還塗上丁點蜜糖的，帶點黏黏濕濕的口感。牛舌($36)牛舌沒有預期的厚身，口感實有點削。幸好燒得手揑到位，油香豐富、肉香濃郁，灑上黑椒粉，惹味爽彈。燒飯團食串燒怎麼都不夠飽肚，幸好一人套餐還包一份燒飯團，人總要來一點澱粉質類的填飽肚。燒飯團米飯甘香，粒粒煙韌，表面微微炙燒令口感帶點焦香黏牙，再配上脆紫菜和木魚絲，令飯團帶點咸咸香香之美。在西環的小地段裡，充斥林林總總的番鬼佬酒吧，好不熱鬧，難得搵到一所地道細小的和式餐廳，無論服務、環境、或精緻的食品，都比連鎖食店更賣力，可謂是西環數一數二的高質日式餐廳。御居 (西環)西環堅尼地城吉席街18號地下E及F舖…Read More

Happy Friday 食好西時間又到～最愛黎居酒屋放鬆下，唔飲酒氣氛都好好串燒海老餐$198呢個串燒餐好抵食呀！每樣都有一串，好豐富，唔怪得每枱都叫～免治雞肉棒（係餐廳自製架，咬落好多肉汁好鮮甜，趁熱沾埋佢嘅生蛋同醬油，更加滑）雞軟骨一口蕃薯（左）（超甜，可以連皮食，無根）白金豚肉（可能比較少聽～其實係比黑豚肉更高級嘅豬肉 ，用黎做串燒好矜貴。串燒海老（仲大條過隻手指）野菜沙律飯團（右）一定夠飽～麵豉湯因為我地兩個人，試完串燒餐再散叫左其他野～燒好就上，所以影相次序亂左冬菇$18蔥雞肉串$36三文魚飯團$28（有三文魚肉餡同有魚子喺面）明太子稻庭烏冬$68好creamy!明太子無慳住落，沾滿晒烏冬度～食落辣辣地，好正帆立貝壽司$76甜蝦壽司$58叫埋壽司食，好新鮮呢～尤其係甜蝦，無諗過咁大隻…Read More

由於朋友住西環的關係，上完佢屋企就落左街搵食。意外行左黎呢間日式餐廳。餐廳環境好寧靜，兩個人傾下計食下野岩岩好海鮮沙律配柚子汁D海鮮刺身好鮮甜好驚喜另外我地仲叫左D 壽司同梅子飯團呢個梅子飯團真係好特別!出面燒到好似米餅咁脆!入面同上面都有梅子醬酸酸甜甜GE口感真係好特別最後最後叫左個明太子烏冬，好Creamy!…Read More

個人比較偏愛小店多過連鎖式集團，所以喺西環想搵間小店食晚飯。喺openrice見呢間小店評價不錯，於是就喺堅尼地城站落車，行左5分鐘左右就搵到呢間御居，地點好方便！發現店舖環境同食物質素，店員服務都好有驚喜！會想再encore！星期日的晚上7點，店內竟然只有一枱食客，我地兩個人坐低左之後大半個鐘先開始有其他食客入黎，而且似係熟客，佢地同老闆娘好好傾。小店的人情味往往是最珍貴的串燒羊架餐 $198好抵食 兩個人share都好夠羊架—上碟己經切好左，無羶味，肉juicy，不愛羊肉的我也覺得不錯一口蕃薯—甜甜的，燒香左更美味白金豚肉—好好食！係店內推介選擇之一。半肥瘦的肉，入口半溶但不油，肉質鮮嫩爽口！因為套餐只有一串，有衝動想叫多一串，但最後我地決定多試其他款免治雞肉棒—手打雞肉，肉汁夠，雞肉嫩，份量大，整體不錯，只是醬汁有點咸，輕輕點就夠了飯團—飯素同個醬汁幾夾，飯團不會散開，讚。另外我覺得伴碟蘿白好食！哈哈試左串燒餐之後覺得食物質素都好，於是我地就叫埋其他食物日式牛肉他他—好食！亦是另一款店內推介選擇之一。無生肉的腥味，肉嫩多汁，而且一碟八片份量都算多，兩個人食好夠鹽燒白鱔—呢個好有驚喜，因為初時驚會燒到好乾，而且平時比較多食汁燒鰻魚，怕食鞋十十的鱔。呢個燒到外皮脆口，但不失肉汁同嫩滑，而且味道剛好不會過咸，出色的！店舖人流不算太多，食客多是斯文街坊熟客，餐廳乾淨，裝修精緻舒適，比一般市區日式餐廳／居酒屋大好多，加上樓底高，成餐飯食得好舒服，老闆店員禮貌服務亦很好，下次會再來支持家庭式小店！…Read More

今次同男友搵食搵到入去港島盡頭，堅離地城既一間日式餐廳地點唔算太難搵，好近堅尼地城海邊雖然餐廳有各式各樣壽司，串燒，刺身，清酒同熟食可以揀，但好似我地呢啲咁懶既人當然係揀定食同串燒餐🤷🏻‍♂️呢個串燒餐既野菜沙律頗有特色，啲菜非常爽脆，配上麵豉醬一齊食，非常開胃👍🏻個人覺得呢個刺身真係非常不得了，厚切肥美，又新鮮，口感一流👍🏻👍🏻👍🏻刺身包括三文魚，油甘魚，帶子同三文魚子，每款兩件，絕對滿足到刺身愛好者😋呢個免治雞肉棒打開既時候仲熱氣騰騰，點上生雞蛋食，別有一番風味！終於都到主角海老出場！有時咁大隻既蝦燒完難免啲肉會乾同鞋，但值得一讚既係呢度既蝦燒完冇呢個問題，啲蝦肉仲係非常嫩同彈牙🤩最後仲有一碗烏冬同一個飯團，食哂已經飽到反肚埋單兩個人都係四百鬆啲，性價比超高！推薦👍🏻…Read More

云云日本菜中超級鍾意食串燒，每一串都喺心機，食材也十分廣泛，燒蔬菜都可以好好吃。所以不時遊走港九去食串燒，今次食到西環，地鐵出行幾分鐘就到，好方便。樓底高，坐位闊，仲有露天位，地方比一般串燒店大好多，可以慢慢享受，唔駛趕住走。串燒羊架餐 ($198)幾抵食，有羊架、白金豚肉、免治雞肉棒、串燒雞軟骨、一口蕃薯、野菜沙律、麵豉湯、飯糰。兩人可以share食一個餐，再散叫其他食物，咁就可以試多D！先上野菜沙律，野菜有蘿蔔條、青瓜條和椰菜，新鮮爽脆，點咸咸地的麵豉醬食好開胃。日式牛肉他他 ($108)賣相精美，連隻碟都好靚。半生熟的牛肉很嫩，質地有如食緊刺身一樣，個sauce酸味味，可配紫蘇葉或葱花和洋蔥一齊食，非常美味。免治雞肉棒，黃色的鮮雞蛋和藍色的碟很配，顏色視覺效果唔錯。雞肉棒內有雞軟骨脆卜卜，好有口感，沾上蛋汁食，口感更rich。串燒雞軟骨好香口。厚燒牛舌 ($36)，牛舌口感爽彈，調味剛好。白金豚肉燒得很香，充滿油脂，似五花腩，肉質超嫩滑。三文魚茶漬飯 ($38)，木碗上很精緻，熱燙燙的上枱。炙過的三文魚很香，不是碎肉上，魚肉扎實，配白芝麻、紫菜和葱，加了wasabi，多了層次，好味道，飯可以再多點。明太子雞翼 ($52/2隻)脹卜卜，微辛，鮮嫩彈牙，明太子混入雞肉和蔥再釀入，非常香口，好惹味。羊架燒得不錯，沒有膻味，肉唔會太瘦，帶少許肥才好吃，肉也有不少，不會只有骨頭。鹽燒白鱔 ($68)，魚皮又脆又香，肉質超嫩滑，令人再三回味。一口蕃薯很甜又夠稔。麵豉湯幾清，唔會好咸，內有麵筋、豆腐。的式的飯團好可愛，附黃瓜，味道稍為清淡，不過都幾健康。…Read More

🍣#tagnshare西環篇……………………《Tasting Report • 西環有驚喜》💰$198 一人前套餐超低食一人套餐👍🏻又新鮮胡麻豆腐，和風沙律，刺身有三文魚，帆立貝，油甘魚同三文魚籽🤤壽司都有四款🍣再加多個豬骨湯烏冬..💰$68 甲羅燒蟹膏再加蟹肉釀落個蟹蓋度🦀蟹膏再配脆多士食，唔會有好膩既感覺💰$118 海膽溫泉蛋飯溫泉蛋再配海膽呢配搭其實係停唔到口😂 . #西環#堅尼地城 #日本菜 ...……………………👧🏻肥妹小編.............................👇🏻地址👇🏻御居 西環堅尼地城吉席街18號地下E及F舖 .………………………Read More

Weekend 過來堅尼地城探朋友，順道找找新野食餐廳位於吉席街，唔算近地鐵站，但反而多了一份寧靜、舒服既感覺是晚選擇了兩份套餐，相當抵食新鮮蔬菜配味噌醬Sashimi 不錯，份量亦多，估唔到每款有兩件呢！魚子、帶子同油金魚鮮甜好味，三文魚就留俾同行愛好者吧壽司一般般吧最喜歡這個串燒白金豚肉，肉味香濃而滑，食唔停！雞軟骨燒到岩岩到，脆脆地有咬感，助酒一流燒飯團又是驚喜，粒粒餸連飯一齊食，好惹味燒羊架另外加了個鮑魚手羽，好特別既配搭鮑魚醃製過再釀入去左骨既雞翼，啖啖肉好滋味…Read More

首次到西環食晚飯, 首次到御居用餐, 這兒環境清靜舒服, 食物質素也高。我和朋友點了串燒羊架餐, 海膽溫泉蛋飯, 西京銀雪魚及日本水蜜桃雪葩。每樣食物都新鮮且各具特色。 串燒羊架餐有多款串燒各一串, 除了有五成熟的軟淋羊架外, 還有肥瘦均勻, 一咬便本身豬油香的白金豚肉、好像烤了的雞肉丸的咬口和味道但再軟身一點的免治雞肉棒, 它是配以雞蛋和豉油進吃, 很特別。餐裡還包爽而不油的雞軟骨、一口甜薯、野茶沙律、飯團和麵豉湯, 很豐富可口。海膽溫泉蛋飯頂瓜瓜, 海膽很新鮮, 配以溫泉蛋再跟軟身飯粒攪拌而吃, 口感很棉滑, 味道鮮甜, 優質食物! 西京銀雪魚同樣新鮮, 魚的肉質是嫩滑, 軟身得來很實正, 夾時不會散爛, 而且味道很有銀雪魚的鮮甜及魚油的鮮香, 淨吃已很好味, 配合少少旁邊的七味粉沙拉醬, 味道提昇了! 最後很欣賞日本水蜜桃雪葩, 它用半個空心水蜜桃上菜, 食下像雪糕質感, 有很重的水蜜桃香, 已是很好吃, 如果加入水蜜桃粒更好吃更有果香味和讓人新鮮的味道! 整體有水準, 高分推介! …Read More

今晚約了住附近的朋友晚餐，他挑選了這一家吃串燒的日本餐廳。本來我預計吃串燒的餐廳收費一定很貴，但這裏有提供串燒套餐，抵食很多！另外，除了串燒，這裏還有壽司刺身等。店內燈光比較暗，環境比較寧靜， 適合和友人談天說地。我們點了一個串燒餐和一個壽司刺身餐。最先出現的是兩個餐的前菜這新鮮爽囗的蔬菜配麵鼓醬吃，非常開胃！胡麻豆腐及沙律味道也不錯，清新醒胃。接下來的刺身有驚喜！由於我不吃油甘魚，餐廳幫我安排了魷魚代替刺身非常新鮮，帶子很厚身，三文魚也很肥美壽司我最喜愛左口魚裙邊，輕輕火炙的左口魚裙邊油脂豐富，好好味！串燒餐的串燒稍後就出現了！燒大蝦味道一流，蝦肉爽口彈牙，燒完仍然保持肉汁免治雞肉棒的精華在於那雞蛋燒香的雞肉棒沾上濃味的蛋汁好味道我們還散點了串燒雞翼，皮脆肉嫩，送酒一流壽司刺身餐還有一碗烏冬，份量也不少！而串燒餐就包括一個飯團，不用擔心不夠飽啊套餐沒包括甜品，於是我點了一個柚子sorbet! 吃到飽飽的每人才200多元，實在是一頓抵食又好味的晚餐…Read More

係堅尼地城地鐵站一出幾分鐘就黎到呢到門口仲要有個投影機射住地下 所以好影搵到<3小店格局 播住日文歌 人未算好多我地兩個人靜靜地傾計就岩哂feel喇而且佢地仲會好細心 一道一道菜咁上唔洗食得好急 服務一流~!呢個海鮮沙律配柚子汁 海鮮同沙律菜都好新鮮 好鮮甜佢既海鮮其實係刺身 兩人食 岩岩好而佢地既壽司我地都差不多叫齊哂 飯既軟硬度岩岩好唔會係過凍 / 熱 紫菜好夠脆 刺身更加不得了 係好鮮味而呢個梅子飯團真係好特別 出面燒到好似米餅咁而入面係咬到一粒粒好軟既飯粒入面同上面都有梅子醬 酸酸甜甜好特別口感同味道都好與眾不同而我地最後叫呢個明太子烏冬 真心大愛佢地個醬汁+左薯仔同牛油同明太子 食落好滑 好香 好Creamy而且烏冬條條分明 唔會一pat野 真係好出色~!食完再行去海邊行陣 吹吹風 爽呀…Read More

今日同男朋友去開西環泳棚影相就梗係搵嘢食醫肚不過本身都唔係好熟西環所以睇吓邊間合眼緣就入去食見到呢間食日本嘢嘅好似好高級又唔係好貴 所以就入咗去食我就叫咗個串燒羊架餐而男朋友就叫咗個一人前再share食 咁就乜都食到啦首先嚟咗個沙律 同埋另一個有蕃茄沙律食得出兩樣嘅蔬菜都好新鮮 好開胃之後就嚟咗個刺身同壽司 每一款都好新鮮絕對食得出唔係放題質素之後就陸陸續續嚟咗好多串燒全部都好香口唔會燒得太油膩之後仲拎咗個烏冬同埋飯團成個餐基本上啱啱好但鍾意食明太子嘅我 見到Menu上面有個明太子烏冬又忍唔住叫了勁正呀 係明太子撈烏冬 唔係平時食西餐個種明太子醬 所以仲有一粒粒嘅明太子喺度 好有咬口呢一餐好滿足…Read More