御品·千之味

去咗試千之味嘅純壽司放題$198 /1人 +$78升級 任食拖羅、海膽壽司.舖頭得三張枱，所以記得book位.開頭見有啲人話舊好大舊.. 食落都ok 同平時就咁叫壽司差唔多size軍艦唔建議一次叫太多 因為啲紫菜會淋.海膽好食過好多放題嘅好多而且份量唔會好少！.另外海膽花之戀 舊飯好似無咁大 .鍾意食三文魚嘅可以叫呢個代替海膽壽司 🤣🤣 可能會無咁飽。.佢另外仲會有少少小食.飲品都有啲紙包飲品同汽水任飲.係個冷氣有啲凍. 食咗一個鐘鬆啲就頂唔順要走啦..呢個價錢嚟講其實都幾抵食，有大拖中拖海膽，冇咩投訴啦！…查看更多

平時食開甜甜地既蛋糕，想搞搞新意，我就訂左千之味既壽司蛋糕同屋企人慶祝生日。成個擺盤真係好有心思！一上枱就吸引晒全場目光，勁eye catching！壽司蛋糕靚靚仔仔，唔單止睇得，更係食得。每個slice都有唔同既主角，例如三文魚、吞拿魚、蛋同埋海膽等等，好有特色。我特別鍾意以下呢幾款：🟢赤身、吞拿魚蓉🔵帶子、海膽🔴火炙左口魚呢個蛋糕size十足，4-5個食一定無問題，每件都用料新鮮，食落有股自然嘅鮮味，唔需要太多花巧嘅調味，簡單但好滿足。佢地仲要滿$300起，就可以即日落單＋即日外送到全港！超方便～…查看更多

遇到有唔鍾意食甜野既朋友生日又想買蛋糕慶祝~千之味有新選擇!😉😉呢個壽司蛋糕睇得又食得當埋正餐都仲得!😜以切件蛋糕方式呈現既自選刺身丼每人食2件真係一個晚餐份量自由度十分大~🤟🏻有3個size選擇，4件/8件/10件裝總共有13款精美壽司蛋糕自由配搭仲要每款都咁好味，千之味壽司同刺身出品一向都有質素本人最愛就係佢地既三文魚，超級肥美😍另外海膽都意外地好鮮甜!😋同埋呢個蛋糕飯做得好好，落左甜蛋同蟹籽少少甜加上口感十足，食唔停口呀~🤩…查看更多

IG見到有foodie介紹「千之味」出咗壽司蛋糕，嫌傳統蛋糕唔夠獨特搶眼，壽司蛋糕係一個驚喜，又夠飽！足料重秤，搬到返屋企手瓜都起展🏋️‍♂️自取建議搵個壯男，真係超級重手🤣預早訂咗，去到即攞唔駛等，店員一早已pack好喺蛋糕盒，入面有冰袋，所有筷子，豉油，wasabi，蠟燭，生日牌都ready好晒👌🏻打開幾驚喜，頂層刺身睇得出師父悉心砌出嚟💛所有刺身非常新鮮，飯與飯中間層層疊咗玉子碎同蟹子👍🏻有三個size，分別係4件、8件同10件裝，適合不同人數分享🎉🎉款式13款可自由配搭可重覆1. 三文魚（$55）2. 三文魚腩（$75）3. 甜蝦魚籽（$75）4. 油甘魚 （$65）5. 赤身、吞拿魚蓉（$65）6. 帶子、海膽 （$75）7. 火炙三文魚（$60）8. 火炙左口魚 （$60）9. 北寄貝、墨魚、龍蝦沙律（$55）10. 北寄貝、北寄貝沙律（＄55）11. 鰻魚、玉子 （$45）12. 加州、熟蝦（$45）13.熟蝦粟米沙律（$45）～～～～～～～～～～～～～～～～～～🚘《滿💥「$300」起即日落單 即日外送到全港」餐單及送貨詳情可瀏覽網頁：https://www.oi-shi-sushi.com/shop🚙車場停車費、特別地區入場費需客戶自付＊會於車邊交收，不設送上樓。＊逢星期日/紅日及公眾假期需加$20假日運費。＊凡購物滿$500以上免費送保溫袋（原價$20），如若想選購，可與店員聯絡。.…查看更多

個蒜香三文魚帶子炒飯啲三文魚同帶子料越嚟越少，同埋好鹹，都唔係第一次，今次想食熱嘢，所以諗住再俾多次機會佢，點知⋯都係令人好失望；個三文魚蟹子沙律細兜咗一半（換咗矮身碗），同埋三文魚粒有腥味；鰻魚壽司舊鰻魚勁細舊，只覆蓋到舊飯嘅一半位置，好似菜頭菜尾，切淨嘅頭頭尾尾；帶子壽司薄咗好多，平時起碼厚一倍；呢間千之味每個月最少都會叫2-3次，但食咁多次都未試過咁差，但呢間分店嘅質素真係好唔穩定，上一次食過赤蝦，係腥，真係唔會再幫襯🥲…查看更多

個人認為質素比大品牌連鎖店優勝，元朗店位置有少少偏僻，每次都係特登行入去，而家先知原來買滿$300就會包埋外送速遞送到樓下🙉元朗分店有少量堂食位置，外賣會提供冰袋，醬汁用盒仔裝，乾淨企理。-✨時令鮮魚Omakase 12貫 $328新鮮程度可以媲美平時堂食 Omakase質素，幾有驚喜！醋飯調味恰好，唔會一夾就散。-特別推薦以下嘅壽司-活赤背：鮮甜爽口，有嚼勁-海膽：冇苦味同腥味，相當鮮甜-金目鯛：清新淡雅，配搭埋紫蘇花更勝一籌-中拖羅：比起大拖羅，更喜歡中拖，油份冇咁重。-牡丹蝦：彈牙，鮮味十足，蝦膏滿滿…查看更多

以前千之味主力係做外賣，買滿$300 送貨，好耐前都試過，不過堂食真係第一次呢家分鋪環境唔大，只有3張四人枱叫左日本時令鮮魚Omakase  12貫 $338狸目張、鯛魚、活赤貝、海膽、池魚、油甘魚、大拖、中拖、三文魚籽、帆立貝、牡丹蝦雖然Omakase  但呢到係師傅由廚房整好再拎出嚟，無吧台，無刀功欣賞，同一般日式餐廳有少少唔同不過食物仍然係好新鮮當中有4款係白身魚，始終比較淡咪少少，唔洗落太多wasabi最鐘意有海膽，鮮甜軟滑、牡丹蝦黏彈爽口，入口淡淡蝦膏香，連蝦頭都不停流膏出嚟…查看更多

好耐無食過千之味依排新推omakase，分10貫  $228/ 12貫 $328外賣唔洗加一，感覺上再抵食啲而且有埋冰袋，拎到返屋企舊冰冇溶過咁 壽司醋飯夠鯰，唔易鬆散，飯量好似比以前大舊左少少12款全部都好新鮮，有鯛魚、活赤貝、海膽、池魚、大拖、中拖、三文魚籽、帆立貝、牡丹蝦..另外有2款白身魚唔肯定叫名不過帆立貝真係好大粒、海膽鮮甜creamy、牡丹蝦好香膏味而且佢地Wasabi 一如以往，落少少已經勁供鼻😂 好正                                                                                                                                                                                                                                                                                                                                                                                                                                                                                                                                                                                …查看更多

夜晚突然有啲想食sushi, 本身打算去yoho 買, 喺foodpanda search到依間, 之後OpenRice 見到超多好評, 打算外賣自取試吓, 見到好多評價都話非常新鮮. 落完單, 去到等咗勁耐先有得拎外賣. 整體上正正常常, 麻麻地,無評價上所講嘅「好新鮮」。個角切魚生飯有啲臭臭地. 一分錢一分貨, 依間野價錢平, 唔好有太大expectation. 其實差唔多價錢, 我會情願係一田買. 起碼唔洗等咁耐. 最後個服務態度可以, 友善同埋有道歉話等太耐…查看更多

啱啱去咗千之味試咗啲日式好物，真係開心到不得了！香口嘅燒汁牛肉飯，呢個牛肉咬落去真係好入味，外層微微焦香，嗜辣嘅我仲要點多幾滴辣椒醬，真係正呀！再嚟個特大赤蝦，每隻蝦都好飽滿，蝦肉甜晒入心，真係大滿足。攞啲吞拿魚同三文魚腩嚟食，實話比你知，啲魚新鮮到爆，爽滑得嚟唔腥，火炙過嘅三文魚腩咬落去有種微微炭香，潤滑得來帶點煙韌，食落更加過癮！最後嗌個五色丼飯，五種海鮮嘅鮮味，每款都配得好搭，風味獨特又唔會搶風頭，𠵱家諗起都仲想再食！整體嘅話，千之味真係可以話係味覺享受嘅小天堂😍，價錢公道到喊，我保證你食完都會打算再嚟！下次親友聚會，我知道邊度叫外賣啦！🥢🍣🍱…查看更多

諗住去轉轉冇咩預期, 點知撞正一間湊仔食到飽嘅港式車仔麵檔添！丫告！個湯底巧妙咁融合咗甘香同出晒汁嘅肉骨茶風味，飲一啖靚湯，頓時温暖哂心窩。😋 嗰啲麵條，選咗銀針粉，滑溜溜又帶勁，入口後彈牙得嚟唔爛，真係過癮！麻辣牛肉上場，又辣又夠咬勁，實行令人一試難忘。跟住又嚟咗個香煎魚皮雞翼，外皮焦脆，裡面嘅肉就嫩滑得嚟帶𡃁嘅微甜，香氣撲鼻，夾埋班麵，一啖雞一啖麵，冇得輸！試咗啲自家製嘅辣椒醬，味道正到彈！酸酸辣辣，開胃過人。😊 加上肚仔叉燒都唔俗喔，外面微焦，裡面肉香突出，叉燒汁甜得嚟唔膩口，滿分！最後甜品送上雙皮奶，滑溜得來蜜糖嘅甜度啱哂我心水，甜而不膩，完美收尾。真係讓我意想不到嘅驚喜，好食好玩，值得再去添！🍜🌶️🐔…查看更多

今晚突然想食壽司，跟住上網搵吓，見到有一間叫千之味嘅外賣壽司鋪，就飛的過去買啦。餐廳原來重有堂食，下次可以坐低慢慢食👍🏻 食物種類都有好多，我覺得價錢唔貴，算抵食。發現原來餐廳買滿$300係可以送貨嫁😂都唔駛要啦，咁近，自己攞都一樣（安慰自己中😂）燒汁牛肉飯 - 牛肉好多汁，好好味，餸飯一流👍🏻 重有沙律伴碟，夠晒健康。特大赤蝦刺身 - 好鮮甜，赤蝦好大隻，一啖係食唔晒嫁👍🏻 佢哋好細心，蝦尾部份都幫客人整走埋🦐三文魚腩壽司 - 佢哋件三文魚真係好大塊，三文魚油嘅味道好濃，好少有咁大件三文魚腩做壽司🍣火炙三文魚腩壽司 - 一樣好大塊三文魚腩，但香味更出，因為經過火炙，口感更實在，而且火嘅熱力令三文魚油嘅香味走晒出嚟，好香😍赤身吞拿魚壽司 - 超大件吞拿魚，正呀👍🏻位置係無根的，入口好快就溶化嘅感覺，呢個價錢，真心抵食😊五色丼飯 - 份量好大份，有三文魚刺身、墨魚刺身、油甘魚刺身、赤蝦刺身及蟹籽。刺身放滿飯面，好吸引，刺身新鮮，加入壽司豉油及芥辣，非常鮮甜美味🤤…查看更多

天氣咁鬼熱，真係唔想出街，但又要食嘢，叫外賣服務就好幫到手。今日發現呢間叫千之味嘅日式餐廳，佢哋有得外賣自取或送上門，勁方便，又唔算貴👍🏻👍🏻我叫咗好多壽司同三個丼飯同屋企人一齊食，份量都好大，好夠食🍚壽司好新鮮，送過嚟時重有個保鮮袋裝住，加埋乾冰，服務一流🧊壽司上面大的刺身好大件，三文魚鮮味，三文魚腩油香味好正。赤身吞拿魚好甘甜，特大赤蝦刺身都好鮮甜，又大隻，一啖食唔晒😂火炙壽司都幾高水準，將刺身入邊啲油脂香味迫晒出嚟，口感一流呀。最鍾意火炙三文魚腩壽司，果個魚油香味，食過返唔到轉頭👍🏻👍🏻三個丼飯都好出色，五色丼有三文魚，墨魚，赤蝦，油甘魚，全部都大大件，好爽呀👍🏻👍🏻雙色三文魚丼都唔錯，有三文魚加火炙三文魚，啲魚油加埋壽司飯一齊食，真係好好味😋…查看更多

之前只做外賣，依家有埋堂食仲方便左，可以即刻享用到美味既壽司。舖內有3張4人卡位枱，都算寬闊。火炙壽司冷面餐$85噚日食咗火炙壽司冷面餐，真係好美味！佢哋嘅火炙三文魚腩、三文魚、左口同埋鰻魚，炙燒得啱啱好，魚肉鮮嫩，入口即化。特別係佢哋嘅火炙甜蝦，鮮甜彈牙，真係好味！另外，佢哋嘅冷面好開胃，配合芝麻醬汁食，味道更佳。整餐飯量啱啱好，啲分量啱啱啱好，啱晒一個人食。下次再去都會食返呢個餐，真係好推介！…查看更多

自從醫生話要食多啲魚！我就嘗試揀多咗魚類🤭特盛蒜香三文魚帶子炒飯 $188超級無敵大份！係有三個人的份量吧？係日式個款加醬油炒濕濕地的炒飯 有三文魚碎同帆立貝火炙盛盒A $284總共25件！盛盒會俾散叫平架～有三文魚腩、芝士三文魚、芝士鰻魚、左口魚邊、芝士熟蝦 個人最鍾意芝士熟蝦！照燒雞扒飯定食 $73照燒雞扒不錯！係香煎的～套餐包括前菜同埋飲品厚燒玉子 $30呢個係凍食同埋甜的 上面係沙律醬加州手卷 $23正常～入面係蟹柳青瓜雞蛋御品·千之味 (元朗)元朗合益路17-53號合益中心地下25號舖#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳 #香港美食 #香港好去處 #甜品控 #壽司 #日本 ，…查看更多