御品·千之味 (Eastmark)

主打多款壽司, 當中包括了火灸、軍艦、手卷、卷物, 另有小食、炸物供應。「特上升級」嘅壽司仲包含了大拖羅、海膽、鮑魚、和牛等嘅高級食材,經QR code所點嘅都上得好齊, 壽司飯量冇因為想填飽你個肚而整得大大舊。建議先點冷盤小食, 例如芝麻八爪魚同埋辣味螺肉, 上檯最快, 可以把握時間邊食邊等。壽司壽司款式種類多, 單睇賣相, 質素都有返咁上下, 對比某集團嘅連鎖外賣壽司黎講, 呢度水準確實好得多! 魚生都幾厚切, 食多幾件藍鰭吞拿魚中拖羅壽司、大拖羅壽司、甜蝦壽司同海膽軍艦, 已經大大提升回本率! 中拖大拖羅雖然兩者未至於肥美到魚油勁爆兼入口即溶, 但唔腥同食到少少魚香, 對於放題任食黎講確實罕見!平時係坊間食嘅帆立貝壽司, 呢度同樣係大大粒, 肥美鮮甜。軍艦方面, 每款食材都係滿滿地, 整件入口, 絕對能滿足口感。火炙壽司方面, 經火灸後, 迫出少量魚油, 令口感更軟嫩, 配搭不同調味配料, 味蕾上都有驚喜。軟殼蟹手卷: 確係即叫即整, 接過手入口, 紫菜仲係脆, 軟殼蟹熱熱地仲好香脆, 好有誠意!迷你蟹肉膏杯:  梳梳蟹肉、蟹鉗同埋蟹籽, 每啖甘香鮮味。迷你三色魚生杯: 集合了甜蝦、三文魚、吞拿魚蓉同埋三文魚籽, 配上少少飯, 口感有層次, 每啖都食到魚油鮮香。一品料理:鐵板牛油帶子: 鐵板熱辣辣上檯, 散發陣陣牛油香氣, 帶子偏林但好入味。雞軟骨粒: 炸得香脆而不油, 點沙律醬食更滋味。飲品自助形式取, 除酒類飲品需額外加錢升級任飲, 其他嘅都係任飲! 款式都幾多。…查看更多

想食抵食嘅壽司唔一定要揀迴轉壽司嘅，呢間壽司放題最平只需要$188，就可以任飲任食60分鐘😙 我就加多$78，加時至90分鐘，仲有大拖羅、海膽、鮑魚、和牛等嘅高級壽司，更加抵食啦😌壽司呢part必定係回本之選，我食咗超多藍鰭吞拿魚中拖羅壽司、大拖羅壽司、甜蝦壽司同海膽軍艦🤤火炙芥末味噌和牛壽司、三文魚籽軍艦、蟹肉蟹膏軍艦都可以一試🍣 如果唔升級嘅話都有大眾化啲，但魚生都幾厚切嘅壽司，例如藍鰭吞拿魚赤身、三文魚、油甘魚、帶子壽司、花之卷、火炙左口魚邊壽司等 。手卷大部分嘅款式都有三文魚，我就最鍾意三文魚海膽花之卷，一啖一粒好滿足😌軟殼蟹手卷都幾啱我口味 。一品料理我最推介鐵板牛油帶子同日式芝士燒帆立貝，兩款都係帶子，但係兩款調味同做法各有特色😎 本身都想叫埋清酒煮蜆，不過太飽冇叫到，見到隔離檯食得好滋味咁 。揚物呢個放題唔止得海鮮嘅，放題必備嘅芝麻雞翼、雞軟骨粒都有得任食 。吉列炸蝦、吉列炸蠔都香脆可口🍤呢度嘅飲品都係任飲嘅，有多款汽水同茶飲，雖然得90分鐘，但係食物上菜速度快，我呢晚都食到好多件壽司，主攻拖羅同海膽壽司就輕鬆回本啦😝…查看更多

今晚去了九龍灣Eastmark千之味食晚市放題。加了「特上升級」方案有得任食海膽、藍鰭大拖羅、甜蝦😋🔥 升級菜式：回本位之選！· 海膽軍艦 ：海膽色澤亮麗，入口即化嘅creamy口感，帶嚟陣陣甘甜，完全冇苦澀！· 藍鰭吞拿魚大拖羅： 入口即化！魚油甘香，豐腴得嚟無筋絡！  · 中拖羅：平衡咗魚肉嘅微酸同油脂香，口感軟滑。  · 甜蝦：蝦身飽滿，黏口彈牙，鮮甜味非常突出。👍 基本菜單：就算唔升級，基本菜單都絕不失禮~· 火炙左口魚邊：經火槍一炙，魚油香氣瞬間爆發，油香滿溢！· 火炙帶子/牛油赤蝦：牛油香同海鮮嘅鮮嫩完美結合，火候掌握得剛剛好。· 三文魚籽軍艦：每粒魚籽都飽滿爆汁，鹹鮮味十足！🍲 熱食小食：意外收穫，一樣有驚喜！· 汁煮牛舌 - 必食推薦！  牛舌煮到極致軟淋，超級入味，醬汁鹹甜適中，滋味濃厚！· 芝麻雞翼 & 吉列炸物  · 芝麻雞翼：外皮香脆，咬開肉汁豐盈。  · 吉列炸蝦/魷魚鬚：即叫即炸，熱辣辣又脆口，粉漿薄身，食落唔會滿口油。📍千之味（九龍灣）九龍灣常悅道21號Eastmark 1樓5號舖…查看更多

講咗好耐要試終於有時間去試✨每位只係$188任食60分鐘，我地加咗$78食多啲款同多30分鐘 前菜同小食我地就無叫好多，質量一啲都唔差，但得一提嘅係鐵板牛油帶子🧈鐵板上咋咋聲，帶子好大粒又燒得好香👍🏾我地主要食壽司🍣藍鰭吞拿魚中拖羅壽司同海膽軍艦都係要不停encore 好新鮮🤤因為海膽軍艦有青瓜，個人麻麻地青瓜，所以之後直接叫海膽花之戀，都一樣高水準〰️另外就係火炙左口魚邊壽司，炙燒完入口即溶，啲魚油逼晒出黎好香😋而其他壽司嘅質素都唔差的整體黎講性價比高✨以依個價錢食到質素好嘅壽司仲要任食〰️雖然想食耐啲嘅話要升級，但就算加多$78都好易食到回本！所以鍾意食壽司嘅就記得要去食啦😆…查看更多

舖頭寫住要珍惜食物食淨一舊壽司飯要收返每舊$8就有啲過份過份個位係 飯又大嚿仲要又濕又淋 師傅刀工又幾好 三文魚可以薄到透光 薄嘅程度係佢三舊三文魚先等於壽司郎一塊嘅厚度 好難食到魚生嘅味 魚生同舊飯完全唔合比例 擺明係想用啲飯黎填飽你個肚 咁樣搞放題真係過分咗 其他選擇又冇乜 連熟食都冇樣好食真係對唔住呢個價錢 一開始俾佢價錢吸引到 以為平靚正 點知最後兩個人埋單差唔多$600 不如食返出面大間嘅放題算起碼多啲選擇 刺身又大大舊…查看更多

御品·千之味90分鐘壽司放題3.0｜$188任食50款！性價比超高🍣壽司控必掃！九龍灣隱世放題王，真係食到捧住個肚走🤰終於再嚟九龍灣呢間御品·千之味，上次食過真係一直都掛住個90分鐘壽司放題3.0堅抵食！任食唔嬲，仲要包埋任飲！價錢有兩種選擇：· 60分鐘放題：$188位· 加$78升級90分鐘：有埋海膽壽司、藍鰭吞拿魚大拖羅🍣 必食清單（唔食走寶！）· 藍鰭吞拿魚大拖羅：真係超肥美，夠新鮮，油脂香爆燈💡· 海膽軍艦：味道香濃，而且帶甘香，真係要不停encore· 火炙左口魚邊：近期人氣！魚油爆出嚟，入口即溶，正到冇朋友今次仲多左迷你蟹肉杯同埋蟹肉蟹膏軍艦呢d新出品，水準同樣發揮出色，另外必食芝麻雞翼同吉列炸蠔！睇嚟又要諗定下次幾時再嚟～御品·千之味呢個放題絕對係九龍灣隱世好店，呢個價錢食到咁多款壽司同小食，仲要質素唔錯，真係冇得輸！壽司控們，快啲約埋朋友去掃場啦🎉…查看更多

御品千之味壽司放題已經升級到3.0版本，選擇多咗，九龍灣分店仲將Last order時間改到21:30，夜啲嚟食都得，啱晒我呢啲夜貓！九龍灣分店地方唔大，全店只得10幾張枱，平日晚市7點前已經爆滿。呢期壽司放題3.0啲壽司款式都幾多，三文魚、帶子、油甘魚嗰啲基本嘢梗有，仲有火炙系列、揚物、小食同埋飲品任飲，每位$188真係好抵，小童同埋長者仲有半價！ 加$78升級嘅特上版壽司放題，除咗多30分鐘用餐時間，最吸引嘅就係可以任食多超過20款食物，當中包括藍鰭大拖羅同埋海膽軍艦，呢個價錢任食真係超級抵！特上升級壽司第一輪先點齊特上升級嘅各款壽司，入面最吸引拖羅同海膽外，和牛壽司都好好食！之後就係狂食拖羅同埋海膽軍艦，千之味嘅大拖羅同中拖羅油脂分佈都好均勻，入口即化，油香滿溢，海膽大大件，一路食一路再點，不停Encore！特上升級仲可任食迷你蟹肉蟹膏杯、迷你三色魚生杯同三文魚海膽花之卷，份量唔大，都幾值得試。除咗壽司同軍艦，其實呢個放題都仲有揚物同多款一品料理，不過呢d我哋都只係點少少淺嚐，大部分時間都主要係食拖羅同海膽。壽司放題已包括自助任飲。要留意$188/位放題時間係60分鐘（45分鐘截單），特上升級放題時間係90分鐘（75分鐘截單），如果浪費壽司飯粒，會以每粒$8計算。總括而言，如果係壽司控，又想搵個CP值高嘅放題，九龍灣御品千之味絕對值得一試！P.S. 佢哋喺大埔翠怡花園、元朗合益路都有壽司放題3.0供應㗎！…查看更多

一直都有幫襯開千之味嘅外賣壽司最緊佢哋嘅壽司放題升級到3.0價錢唔貴而且質素係相當唔錯🌟✨九龍灣分店Lastorder亦改晚至21:30，夜啲黎食都得😆位置好方便，地鐵站一出穿過德福就到入到Eastmark，上電梯就見到👆🏻坐位闊落坐得舒服，壽司放題升級總共有90分鐘仲有海膽同大拖羅可以任叫😍😍壽司款式超多款，粗略數過多達60款😳除左壽司仲有多款小食、炸物、手卷、一品料理絕對係款式多唔會悶✨✨當中必食推介如下:💕三文魚海膽手卷💕鐵板牛油帶子💕藍鰭吞拿魚大拖羅壽司💕三文魚海膽花之卷另外仲有創作壽司杯都十分出色迷你蟹肉蟹膏杯，蟹膏超香超好味經典辣辣冷麵味道都十分過癮最後真係食得好滿足平時去壽司店散叫，未必每款想食都食到，價錢仲唔係特別抵🥶係千之味食壽司放題，每款想食都叫到☺️☺️而家圍返數真係抵過散叫好多❣️❣️想食日本野，唔係一定要去某啲連鎖放題，千之味同樣係一個好選擇👍🏻…查看更多

在九龍灣新地標 Eastmark，發現呢間性價比超高嘅日本放題餐廳——御品·千之味！💥只需 $188 壽司放題，加 $78 升級 90 分鐘，就可以任食多款高質海鮮同鐵板料理，真係抵食又滿足！😋🔥 必食推介🐚 鐵板牛油帶子：香氣濃郁、鮮嫩多汁，一試難忘。🍶 清酒煮蜆：鮮味十足、酒香撲鼻，開胃又滿足。🌽 牛油粟米：甜香迷人，簡單但超上癮！🦪 芝士燒帆立貝：芝士香濃+海味滿滿，滿口幸福感。🍄 牛油炒雜菇：香氣四溢，炒得啱啱好～🦀 蟹肉膏杯＋蟹肉蟹膏軍艦：鮮甜爆發，蟹控天堂🦀💖🌊 海膽軍艦：滑腻鮮香、入口即化，海味滿滿。🍥 中拖羅 & 大拖羅壽司：油脂豐富、極致嫩滑，完全無得輸。🦪 吉列炸蠔：外脆內嫩、咬開爆汁！🔥 火炙壽司系列：香氣撲鼻、煙燻感一流。🍤 甜蝦壽司：完美收尾，甜美又滿足💫✨ 環境舒適又Chill，啱晒放工聚會、朋友打卡！👉 壽司迷＆海鮮控千祈唔好錯過！…查看更多

最近去咗一間日本放題餐廳，真是一個美食天堂！餐廳環境舒適，氛圍日式又溫馨，令人一入座就放鬆心情。食物選擇超豐富，壽司、刺身新鮮得令人讚嘆特別係三文魚同大拖羅，入口即化，鮮甜無比！燒物方面，烤牛舌同和牛串燒香脆多汁，配上醬汁，味道層次分明。天婦羅炸得金黃酥脆，蝦肉彈牙，熱辣辣超滿足。拉麵湯底濃郁，食材新鮮，是一個享受！最正係任飲任食，汽水隨心飲，性價比超高！服務員態度親切，補貨快，令人食得開心又放心。整體體驗超值，無論係同朋友聚會定係家庭聚餐，都啱哂！…查看更多

而家出左放題餐牌🙈一個鐘任食都只係$188！😎超抵食仲要係有良心，舊壽司飯唔會好大舊刺身夠哂新鮮而品質都依舊咁好！無揸流攤🤣🤣出餐速度正常，唔會拖慢黎做☺️我上次下午茶時間唔洗排隊…查看更多

千之味價錢: $188+$78好味程度: 4/5服務🍴: 3.7/5環境🗾: 3.3/5性價比🥢: 5/5!回頭率😚: 3.7/5-$300有找可以任食海膽拖羅，呢個價錢真係好癲😱最基本$188+1的放題都有普通壽司、軍艦、卷物、炸嘢、小食，不過限時一個鐘食得會好趕。加$78可以任食高級好多嘅食材，咁多少少一品料理同埋30分鐘，所以完全建議要加錢💰-✅放題壽司。整體啲刺身都唔會太薄，唔會好似唔捨得俾人食咁。帶子當然唔係好厚肉好鮮甜但係都OK，仲有火炙款配埋沙律醬🥳赤蝦推薦，大隻有甜味！火炙左口魚，如果炙燒得更耐就好，不過而家都食到魚油香！蟹籽同吞拿魚蓉軍艦都放得滿滿嘅料，蟹籽脆卜卜、吞拿魚蓉口感軟滑，溶雪做得OK，冇雪味😌-✅✅升級壽司。中拖大拖真係有分別，不過兩者都唔係話肥美到入口即溶嗰隻，但唔腥🥰甜蝦好食，比起赤蝦更有生蠔黏黏嘅口感。海膽未去到好鮮甜，不過唔臭或者冇唔新鮮，色澤都正常係橙黃色，不過加咗生青瓜，就會有浸菜青味🧐所以個人更加鍾意食海膽三文魚花之戀！-✅手卷。紫菜係脆的！入面嘅料都有佔到大半！合格🈴-✅芝麻雞翼/炸雞軟骨/吉列蠔。全部都冇炸得過火，同埋係新鮮熱辣辣炸的。雞翼唔會太乾炸雞軟骨愛好者嘅我可以實現雞軟骨自由，開心😆吉列🦪正常。-食完覺得質素對得住價錢，以呢個價位嚟講真係冇得輸，出面食幾舊散叫壽司都要呢個價了🥺 環境就麻麻地，坐得迫少少，不過如果鍾意食壽司同埋可以食得多飯嘅人，呢個都推介！…查看更多

因為突然間興起想食任食放題，但係夜媽媽冇訂座，所以唯有早早十一點二十分就去到問職員，女職員話仲有位可以食，好好彩，個女職員好有禮貌仲比我入去坐住等 ，好貼心。因為想食大拖羅壽司所以加左78蚊，壽司選擇真算係幾多，每次都一定上齊，所以食得哂先好叫，大拖壽司中規中矩算唔錯，壽司飯唔會太大舊唔會太酸。 飲品可以自己去攞。食左3輪都覺得好滿足，環境唔算好逼，不過位真係會小啲。呢餐價錢唔貴性價比幾高，時間都好足夠食飽。…查看更多

經朋友介紹，第一次光顧，壽司種類多，有沙律及日式前菜, 熟食有牛肉烏冬、鰻魚飯、冷麵，炸物有炸蝦、炸蠔、7味粉雞翼、雞軟骨、炸餃子、薯格，清酒煮蜆、鐵板帶子等等，飲品任飲，他們與一般放題最大的分別就是沒甜品供應，但食物質素真的不錯，性價比高，$188 +10%任食60分鐘，沒有假期需另加費用。如果喜歡吃拖羅壽司／海膽壽司，就可以追加$78任食這兩款壽司，（$188+$78）+10%吃到90分鐘。我們吃得很滿足，很滿意，下次會在光顧，讚👍🏻食物質素：整體食物都很美味，又夠熱，賣相很好上菜速度：整餐飯都沒有漏單情況，上菜速度很快 服務態度：員工很友善，收碟很快，很有效率餐廳環境：地方雖小，坐位之間比較近，但環境衛生…查看更多

御品·千之味$188放題激戰！90分鐘狂吞拖羅+海膽壽司 九龍灣打工仔食堂🤤 「九龍灣返工一族必mark！」Eastmark商場御品·千之味$188壽司放題2.0（加$78升級90分鐘），竟然食到拖羅+海膽壽司！🔥放題重點- 藍鯨吞拿魚大拖羅壽司油脂豐富- 海膽軍艦鮮味濃郁口感creamy- 火炙左口魚邊壽司：魚油香味爆燈！微微炙燒過邊位夠爽脆- 三文魚壽司：一d都唔hea，肉質肥美夠新鮮 另外中拖羅、三文魚籽軍艦、帶子、甜蝦、象拔蚌等多款壽司都超有水準！仲有多款小食、揚物同手卷真係多到食唔哂，記得留定個肚先好嚟，唔係嘅話好快就食到飽哂！呢個價錢多野食到咁性價比真係超高，我諗我好快又會再嚟～…查看更多