主打多款寿司, 当中包括了火灸、军舰、手卷、卷物, 另有小食、炸物供应。「特上升级」嘅寿司仲包含了大拖罗、海胆、鲍鱼、和牛等嘅高级食材,经QR code所点嘅都上得好齐, 寿司饭量冇因为想填饱你个肚而整得大大旧。建议先点冷盘小食, 例如芝麻八爪鱼同埋辣味螺肉, 上台最快, 可以把握时间边食边等。寿司寿司款式种类多, 单睇卖相, 质素都有返咁上下, 对比某集团嘅连锁外卖寿司黎讲, 呢度水准确实好得多! 鱼生都几厚切, 食多几件蓝鳍吞拿鱼中拖罗寿司、大拖罗寿司、甜虾寿司同海胆军舰, 已经大大提升回本率! 中拖大拖罗虽然两者未至于肥美到鱼油劲爆兼入口即溶, 但唔腥同食到少少鱼香, 对于放题任食黎讲确实罕见!平时系坊间食嘅帆立贝寿司, 呢度同样系大大粒, 肥美鲜甜。军舰方面, 每款食材都系满满地, 整件入口, 绝对能满足口感。火炙寿司方面, 经火灸后, 迫出少量鱼油, 令口感更软嫩, 配搭不同调味配料, 味蕾上都有惊喜。软壳蟹手卷: 确系即叫即整, 接过手入口, 紫菜仲系脆, 软壳蟹热热地仲好香脆, 好有诚意!迷你蟹肉膏杯: 梳梳蟹肉、蟹钳同埋蟹籽, 每啖甘香鲜味。迷你三色鱼生杯: 集合了甜虾、三文鱼、吞拿鱼蓉同埋三文鱼籽, 配上少少饭, 口感有层次, 每啖都食到鱼油鲜香。一品料理:铁板牛油带子: 铁板热辣辣上台, 散发阵阵牛油香气, 带子偏林但好入味。鸡软骨粒: 炸得香脆而不油, 点沙律酱食更滋味。饮品自助形式取, 除酒类饮品需额外加钱升级任饮, 其他嘅都系任饮! 款式都几多。…查看更多
