御名園 (鴻運中心)

其實我地原本食開呢間，基本一兩個星期就要過來飲一次茶，野食冇乜正正常常，幾好食，但麻煩管理人員睇睇條post，你地請既阿嬸們全部服務好唔掟...上個小籠包話轉頭俾醋我地，跟住轉頭同另一台熟悉既阿伯阿姨吹水，之後行開完全唔記得件事。。要我地沖去搵佢先醒起我地一次過order張正常菜單（唔係放題，唔係後加單）少咗兩樣，食到最後都未上，問第一個阿姨聽唔明，第二個問咗話原來漏咗單，未落到，之後無奈咪要補加其中一樣野，隊友話麻煩盡量快d呀，轉過頭教訓我地話咁你都要體諒呀，做唔到咁快既！忍唔住即刻爆，真係整班阿婆睇我地好🦐？？你地漏咗單倒返轉我要體諒？加水加茶個d更加係唔追住求佢地都唔會睬你，呢d基本野都做唔到，哂咗個後廚認真考慮以後唔會再來，麻煩商家試下提升下基本服務，唔需要佢地笑笑下，做到基本唔落單，記得上醋碟，加下水，已經好好！！…查看更多

在某平台定位有折扣，今次就一行6人黎試吓。1.麻香口水雞，少少麻少少辣，雞肉唔嚡。2.星州金沙脆魚皮，濃濃嘅咸蛋黃香，魚皮真係好香脆。3.瑤柱海味雜菜煲，普普通通。4.神州菠蘿咕嚕肉，咕嚕肉炸得幾好，甜甜酸酸。5.西湖陳皮粉排骨，沒有陳皮味，似糖醋骨多啲。6.雙蔥炒安格思牛肉，洋蔥和大蔥惹味，牛肉軟滑，但份量唔多。7.海皇西施泡飯，番茄粒，白菜粒，酸酸地嘅番茄湯味。8.甜品-蛋散，大大件算鬆化。9.最後紅豆沙都係唔太特出。整體喺有折扣優惠下就不能有太多要求，如果以正價我應該唔會再食…查看更多

已經嚟過呢間中菜館好多次，食品質素一向穩定，裝修雅致，環境舒適，侍應服務都唔錯，以酒樓嚟講絕對係中上水平。最近佢哋推出咗任食點心放題，平日每位只需 $170，已經包埋加一同茶位費，性價比非常高，啱晒啲鍾意食點心嘅朋友。我哋叫咗好多款式，包括必食嘅蝦餃、鮑魚燒賣、灌湯餃、叉燒腸粉、炸雲吞、燒鴨瀨粉、鮮竹卷、椒鹽豆腐同椒鹽魷魚鬚等等，仲有唔少其他點心，實在多到數唔晒。如果平時單點，分分鐘要畀貴好多，但任食就可以盡情試，真係好爽！最好嘅地方係可以按人頭叫一粒或一份，咁樣就可以試到更多款式，非常貼心。但要留意，唔好造成浪費，否則有機會收額外費用。總括而言，女士嚟講應該都可以輕鬆回本，男士更加係超值，強烈推介大家一試！…查看更多

星期六中午到達，預先在openrice訂座，不用等，直接入座。酒樓環境乾淨企理，坐得舒適，加分！用點心紙點餐，選擇眾多，應有盡有。點餐後10分鐘內，炸點即送上，腐皮卷餡多皮脆，魷魚鬚香口美味，炸鮮奶外脆內軟，全都好吃！蝦春卷一般，可不吃。每位送鮑魚燒賣一粒及灌湯餃一份。燒賣非常好食，餡靚，有大大粒蝦！灌湯餃比較淡口，肉餡比較散，相對遜色。點名多數都可以一件件點，人少少非常方便。點了蝦餃，有金色邊，賣相靚，蝦多爽口，好好食。腸粉點了蝦腸和鮑魚腸，個人較喜歡蝦腸，相當出色。小籠包可比美大多上海菜館，湯汁多，皮薄餡靚，好吃。甜品方面，焦糖燉蛋、蛋散、紅棗糕，都相當美味，不會太甜，剛剛好，燉蛋香滑，紅棗糕香甜美味。整體而言，食物質素令人非常滿意，服務也很好，不斷有職員幫手收碟加水，而且臉帶笑容，整體用餐感受相當滿意。假日$168，另加茶位加一，埋單$198／位，CP值高。…查看更多

呢幾日去元朗過復活節假期 起身梗係嚟飲個早茶琴日見到呢間諗住今日嚟試吓 未嚟過 睇到個價錢都幾經濟就入咗嚟環境非常靚，碗碗碟碟都好靚 呀姐服務態度都唔錯兩個人嗌咗九樣嘢，其中兩件係孖寶，兩件就係只有兩粒嘅啫 覺得兩粒嘅嘢唔係太抵食 因為唔係特別好味黑松露燒賣幾香幾好味 40個8嘅孖寶點心乾蒸燒賣就係類似牛肉球，但係牛肉球好味啲，因為有馬蹄 爽口金錢肚顏色好深色，應該落咗好多顏色嘅化嘢味道正常，芋頭走一啲林啲一啲冇咁諗 合格嘅腸粉就調味爭少少好好淡嘅未 我哋要點多啲醬汁不過去過腸粉皮做得唔錯👍🏻 哈就係雪藏蝦冇咩味叉燒包大大件幾好味 同埋講開，呢度嘅點心都係非常之好熱 溫度真係比滿分💯叉燒包就比較小肉喺入面鯪魚球唔好成同埋好多油 冇咩魚嘅味道雞扎嘅雞都唔多原來有棉花雞，早知嗌棉花雞…查看更多

去屋企人屋企玩貓，佢之前嚟元朗市中心飲個下午茶先。呢間其實都出邊試過唔同嘅分店都大概知係咩水準。所以都唔會抱太大期望。不過呢度就勝在坐得舒服今次坐咗喺廳房裏面傾偈都冇咁嘈。食物方面基本上係正常表現冇乜特別出色嘅地方，不過佢個及靠粥都還好，煮得綿綿的。其他脆奶、榴槤酥、流心包就好似交貨點心咁冇乜特別。…查看更多

🍽️餐飲： 雖然是晚餐，但還是要喝茶，點了香片，很香，愛茶的人就知道茶香是很吸引人的！前菜是花生，這家的花生有薄薄的外皮，像炸過一樣，但又沒有炸的油味，反而味道偏清淡，吃得到花生味，來的時候一大碟，滿滿的，不一會道吃到見底了🤭🤭兩個人點了兩道菜1. 清蒸海瓜子海瓜子蠻大條的，所以蒸出來有的魚肉比較結實，有的魚肉很滑，整體來說是好吃的，而家上面還有一大堆蔥花，配著魚肉一起吃增加香味👍🏻2. 薑汁炒芥蘭芥蘭炒得爽脆，薑汁可以再濃一點，吃到最後少不免會覺得有點油（酒樓炒菜的通病）🎄環境： 可能位置的原因，門口不太明顯，人流也不多，被安排坐在卡位，蠻安靜的酒樓乾淨程度就…一般般，碗碟還是要洗一下，枱布跟椅子會有老舊的污漬🎎服務：服務是很好的，也很體貼，原本菜還未到，白飯已經送到，經理就把白飯收走，等菜送到，再送白飯來㊗️結論：不錯吃的酒樓，看到別人吃炸蠔（應該是）也炸得不錯，有機會會再去試一試，但不用特別去…查看更多

話說我哋幾個朋友好鍾意飲茶，終於約咗日子可以試吓呢間酒樓👍🏻試過吃晚飯，但未試過飲茶🫖可以用OpenRice訂位，實在太方便！我朋友早咗少少到，侍應都俾佢早少少入座。見到可以坐卡位，都好驚喜，比起坐圓枱，感覺有多啲私密嘅空間😎我哋一行四人都嗌咗好多嘢食🤣我覺得樣樣嘢都好精緻好食😋炸魷魚鬚係大愛😍雖然樓面人手比較緊張，但侍應都常常幫我哋加水，臨尾有一個點心漏單，好像都好細心幫我哋跟進👍🏻想再來👏🏻…查看更多

中學同學新春團拜，揀咗元朗呢間御名園。佢其實都有好幾間分店，今次我哋有九個人，就叫咗八個餸。同學仔話呢檔嘢啲魚鮫好正，所以佢預先通知酒樓留咗。另外再叫咗幾碟小菜，包括有鮮菠蘿咕嚕肉，蜂蜜柚子脆蝦球，姬松茸遼參豆腐煲，金奬蝦醬海山骨等等。炆龍躉撥水翅入邊有冬菇、筍、腐皮等等，都幾入味。女同學補充骨膠原啱晒。菠蘿咕嚕肉水準之作。另外佢嘅燒鵝亦都出名，連埋皮食都得。至於兩個菜，薑汁芥蘭好有薑味；蒜蓉豆苗亦都夠火候。但就略嫌兩碟菜少咗啲。最後仲送埋個紅豆沙，紅豆沙有西米同好重嘅陳皮味值得一讚。另外見到呢間酒樓有幾間梗房，朋友聚會，有時想傾吓偈就最啱。朋友話呢間酒樓有得飲茶，點心都出色，有時間可以入嚟試吓，重點係服務非常之好！…查看更多

第一次喺雞地幫襯酒樓，真係未試過~ 見依間喺open rice算多人讚，雖然唔少人話服務差，但又有老人家，我又大住個肚，唔行得遠，都係膽粗粗試下啦！.點知食落又驚喜喎，服務亦唔錯呀，好彩我有預早book定枱，因為真係全場爆滿、座無虛席，侍應們喺百忙之中都算serve得唔錯喇😊所以想食個食評支持下✊🏻.我哋叫左冬至四人盛A餐，另加一個小菜，無諗過會最後會寫食評，所以唔係每道菜式都有影相，亦無影得menu😝所以菜式名都係我見道餸有咩就寫咩~ 見諒見諒.石斛響螺湯傳菜侍應姐姐無講錯，真係真材實料，湯頭鮮甜，唔會好油，好味道👅.上湯蟲草花浸豆苗又係抵讚菜式！大大碟，食極都仲有，而且豆苗嫩滑，一啲都唔老唔苦，味道咸淡適中，真係食極唔停😋.脆皮文昌雞(半隻)🤔🤔Um… 普普通通，不過不失，本身麻麻地食炸嘅中式雞，個人認為依半邊文昌雞無咩特別.甜豆雙耳炒北寄貝(餐牌並非此名)本身唔太中意食甜豆，但睇套餐完全唔知道係蔬菜類菜式😂點知啲甜豆食落鮮甜，亦無渣，十分有驚喜😋.芝士龍蝦伊麵好耐冇食過好味嘅芝士龍蝦伊麵！！！芝士濃郁，龍蝦新鮮，肉質爽口，伊麵十分入味，索晒啲芝士醬真係超！級！好！食！真心推介😊.黑木耳鮮百合炒勝瓜依道餸係套餐以外另加，原本只係因為有老人家一齊食，想叫啲瓜菜易咬啲，但點知又係好有驚喜🥹勝瓜好爽甜，炒得好入味，食落唔會過生或過熟，老人家亦岩口味👍🏻.原條蒸石斑魚蒸魚好食，肉質夠爽，蒸得好夠火候，魚汁好好送飯😋.五穀糕（四件）(餐牌並非此名)超級有驚喜！起初睇到套餐包埋，覺得唔知咩嚟同好唔好食，點知食落一來唔甜，二來口感煙韌又有少少𡁻頭，老人家亦讚👍🏻.紅豆沙（五碗）套餐冇包，但最後連同糕點比我哋，我哋諗係咪叫晚餐就有😂平時唔中意食紅豆沙嘅我，都覺得好味，甜度適中，紅豆亦有少許咬口，唔會煲到紅豆完全融晒，係我第一次會食晒嘅紅豆沙😋.整體評價餐廳食物整體質素中上，上菜快，套戲送啤酒及兩罐汔水，非常豐富。服務真係唔太差，侍應百忙中serve到已經好好😊我哋食晒所有餸菜後，都爭啲唔記得左甜品，後尾叫佢上返甜品，佢哋都唔好意思前唔好意思後，好快就上晒甜品，整體嘅體驗都係唔錯，長輩們都十分滿意，下次同佢哋應該會試吓飲中午茶☕️🫖😁…查看更多

第一次出post，係因為呢度食物質素同員工質素成反比，特登開post分享，不吐不快今日係御名園食飯，餐具比平時飲茶地方好，食飯過程一路都ok，食物新鮮熱辣，種類繁多，我地叫左一d平時比較少見既食物，例如花膠炒雙絲（米粉同粉絲）、炸物糯米夾芋頭，叉燒包都比其他酒樓食到既好，一籠三隻，塞滿成個籠，餡料唔係剩係得醬，而係有唔少叉燒，令我喜出望外。我食之前都睇左唔同既comment，有唔少都係話食物好，服務差，我暫時仲以為唔係。點知去到俾錢既時候，有人打尖都唔理，都已經算。終於去到我既時候，見收銀阿姐拎住張單係電腦打左一輪又唔出聲，咁我就等多陣，等佢俾張單我，我lum住佢未搞掂，費事全程望住佢大家尷尬，咪望下隔離，轉個頭望佢，見佢手上張單無左，再等左陣，依然唔出聲，於是問佢：「我張單呢？」佢好寸咁話：「你見唔到㗎咩？」我見到就唔洗問啦大佬。原來張單佢pass左俾第二個再入d資料。佢大可以話：「係果度」或者「經理仲入緊」而唔係咁既反應。果然唔係單一事件如果想去飲下茶，食物質素比一般連鎖酒樓好d，但收銀阿姐態度連茶記職員都不如。…查看更多

食物質素正常，但樓面服務差劣，廚房多得佢唔少。樓面對不同客人有明顯不同態度，其實對熟客熱情一點都無可厚非嘅，但唔代表可以當生客透明，叫極都唔應，就算有眼神接觸都走咗去！另外，睇佢外面啲装修靚靚咁，餐具精緻，點知廁所居然一大陣臭味，每個廁格裹面嘅地下同洗手盆地下好多垃圾、紙巾，衛生惡劣。雖然廁所地上嘅垃圾係客人無公德心造成嘅，好似與酒樓職員，但其實酒樓有責任安排定時清潔，好明顯酒樓無咁樣做。無下次，無下次，無下次。…查看更多

今天又是聚會既時候啦 ~ 依次揀咗元朗 "御名園" 。之前我都去過架啦，覺得食物質素同服務都唔錯，所以介紹俾他們，真係飲茶聚餐好地方。入到去已經見到大大個魚缸，有魚、蝦、蟹、鮑魚等等，樣樣新鮮生猛  ;  酒樓地方闊落，環境潔淨舒適，依家除咗大廳有多張枱之外，另設有獨立房間用餐。中午時候嚟到，餐牌內有多款精美小菜、巧手點心、生滾煲仔粥、大師粉麵飯、燒味自選組合、燉湯套餐、手工甜品等等，選擇非常多。XO醬蝦球粉絲煲    $138色澤金黃既煲仔菜，粉絲炸至乾身，條條分明，粉絲吸盡XO醬香味。蝦球都幾大隻，鮮嫩可口，爽滑彈牙，配合雞蛋絲、爽口芽菜、紅蘿蔔和蔥一齊食，口感特別豐富。雙蔥炒安格斯牛肉    $138依款小菜又係我最鍾意嘅，鑊氣十足！安格斯牛肉非常嫩滑，肉味濃厚，吸收醬油既香味，加入蒜茸炒，味道層次提升。蔬菜方面配有紫洋葱、紅黃椒、京葱等，新鮮爽脆，確實係好惹味既菜色。㰖香酥米蝦球    $138炸到非常脆脆既米米同㰖菜，香酥可口，用來做小食都唔錯。蝦球彈牙爽口，肉質鮮美，與㰖菜同脆米一齊吃很滋味，這道帶嚟色、香、味俱全既菜式。沙参玉竹燉生魚湯    $33.8/盅喜歡依度既養生燉湯，燉盅熱騰騰的，打開蓋已經聞到香味，飮到生魚同沙参玉竹既清香，以及唐排、雞肉味，好足料既燉湯，湯底清徹，味道鮮甜，順喉清潤。鮮味蝦餃皇    $34.8蝦餃都好大隻，外皮唔會太厚，加上餡料飽滿，蝦肉非常多，鮮味多汁，彈牙爽滑，鮮甜美味，確係真真正正既巧手點心。出爐叉燒滑腸粉    $34.8最怕食厚皮腸粉既我，呢款係即叫即整，純人手製作既腸粉，師傅拉出透、薄、香、軟既腸粉，然後再包著用秘製醬汁醃製既半肥瘦叉燒，口感軟滑，帶有啖啖叉燒既香味。…查看更多

同得老大出街食既👨‍👩‍👧‍👦家庭晚餐🥢佢一定會揀中菜，依𝐝係咪叫傳統？🤔點都好啦，最緊要𝟐老開心🫡不過依個餐咁抵食，我銀包都表示開心😏~•~•~•~•~•~•~•~•~•~•~•~•~•~•~•~•~•~•~• 👨‍👩‍👧‍👦 御鮮薈 𝟒人套餐 (優惠價 $988) 👨‍👩‍👧‍👦(*經𝐭𝐨𝐠𝐞𝐭𝐝𝐚togetda 訂購優惠) .▪沙薑豬手 拼 醬香小青瓜冷盤小食黎講，都幾多舊，豬手唔會有雪味🐷，小青瓜爽脆🥒.▪御膳佛跳牆灌湯餃 皇太后👩‍👧去親飲茶必食灌湯餃依個點心，但依個係加強版❣️豪華版❣️大大隻餃🥟之外，再有齊晒鮑魚 • 魚翅 • 海參 • 蟲草花...仲要係𝟏人𝟏個唔洗爭🤭.▪𝐗𝐎醬碧翠炒蘭花蚌幾惹味，平時唔太好豆既我都食唔少🥢.▪孔門魚咬羊 (淮陽漫釀海花斑)條魚🐟個肚脹卜卜，因為入面釀左羊肉粒粒🐐曾經聽過人講"鮮"係魚+羊組成，𝟐樣拼埋就可以互相提升鮮味💦連底既魚湯都勁鮮甜🍲.▪黑白胡椒燒鵝皇令立立✨燒鵝髀，外皮脆脆，點埋酸甜醬一流🧡.▪紅茄鮮竹泡菜苗食左咁多肉類，梗係要食返個菜清清💚有埋鮮竹紅 • 黃 • 綠色都有齊晒🤩.▪乾煏金磚馬拉糕煎香表面，軟熟又香甜😝.▪精美甜品咁岩撞正我鍾意既紫米露🥣.▪茶位($15/位) • 餐前小食($28).~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費🔺有𝐖𝐈𝐅𝐈，週末同長輩飲茶都唔怕爆𝐃𝐚𝐭𝐚📱~•~•~•~•~•~•~•~•~•~•~•~•~•~•~•~•~•~•~• …查看更多

呢間裝修幾大氣 座位舒服 樓底夠高食物質素 符合價錢 我地午市叫左個海皇泡飯 大概120蚊未加一如果比海港 呢間就一定貴d 但如果比翠園 呢間就抵d由於距近西鐵站 同 yoho 如果唔想挨yoho 貴酒樓 又想舒服飲餐茶 唔需要超好食 可以考慮…查看更多