御之拉麵屋

一入到店, 嗅到一陣怪味, 心知不妙! 先說說食物質素刺身: 不新鮮!很薄,沒有口感的! 味道怪怪 一口燒牛肉: 本以為好好食, 但這些牛肉加了很多味精,破壞牛肉本身的味道!中華沙律: 等了很久, 以為漏單, 一食落口,味道怪怪, 苦苦地, 原來是已經變壞了!我心想, 壞了的東西都給客人食?? 同侍應反映後, 她拎了入廚房, 甚麼也沒有說…..零SERVICE整體上, 全間店只得2枱客人, 侍應和廚房佬都在廳面看電視, 而廚房聽歌的人都唱埋一份, 十分嘈吵!!不知所謂!…查看更多

很少食放題今日同幾個朋友仔一齊去試下其實我平時只係好刺身不過食放題無理由只係叫刺身架所以第一次食到咁多款刺身以外Ｏ既日本料理刺身用冰座底出，又夠新鮮~唔錯我食Ｏ左勁多三文魚!回晒本~哈哈仲有赤貝！赤貝有冰座底出係好食好多架！！有個無意中發現，大家一定要試下個芝士焗大蝦！！正！！勁多芝士呀！個牛柳粒都幾好食~~可以試下呀~~‵仲有個我覺得幾正~~~~芝士焗帆立貝岩晒我呢Ｏ的鍾意芝士Ｏ既人＄１４８蚊我覺得抵食呀仲有好多款，不過我４個人食唔到咁多款因為食唔晒....要計正價.....所以唔敢叫得太過份....唯有下次叫多幾個朋友可以試埋其他未試過Ｏ既野食同埋４個人有海膽送~抵呀…查看更多

9點半係旺角搵野食,同細佬想食D日本野,見依間放題9點後118,比其它平,入去試一試WAITER既態度同之前既食評一樣,等左一輪佢都係慢慢清潔,我就係走廊阻住.一坐低阿姐問要118定138,原來118係少野食D,138係精D既,118就BASIC D見118都夠食就118,刺身試左三文魚,赤貝,甜蝦.三文魚OK,赤貝猩猩地,甜蝦都正常.蟹子沙津同中華沙津仲有螺肉,蟹子沙津唔夠凍同太酸金菇牛肉卷,係第一樣覺得好食既野.之後黎左一堆"好黑"既天婦羅,有蝦,蠔,南瓜,軟殼蟹,蟹鉗,雞翼......全部都好油好多粉,唔知點食落去.D野黎得超慢,9點半入,11點都未食完第一ROUND即刻寫第2ROUND,11點半多D同我地講司傅冇MARK低出左D咩野,不如落多次仲想要d咩.落唔係問題,咁我幾時有得食呀,真係忍無可忍.之後再黎左滑蛋吉列豬扒,又係有炸既,又係超油.突然有大煲牛肉火煱,第2次有驚喜,個樣幾得,由其其它d野咁"...",點知一食,d牛肉好"硬"観裝汽水任飲,全靠佢先飽.其它仲叫左好多野,但係冇黎第一次食放題,唔飽又唔想食無第2次.最後11點7忍唔到自己走人,野食又未上晒…查看更多

從未開始供應任食前來過, 果時覺得ok, 點知上個星期六去食LUCH, 先知道原來明將只是大boss, 呢間係隱藏boss! !一入到去, 侍應愛理不理, 算...叫左個雜錦魚生飯+魚翅湯 $38order之後隔左幾個字d食物都未嚟, 突然間侍應俾左杯唔熱又淡嘅茶俾我又等左一陣, 魚翅湯出現! 以前飲過係似碗仔翅咁, 點知今次飲一啖就好鹹! 為肝臟著想, 直接pass掉!又再等左一陣, 雜錦魚生飯終於出現!!! 常言道最後出現的當然是大魔王!雜錦魚生飯上有:挺多蟹籽、四/五片大大片魷魚、兩件小蝦毛甜蝦、兩片超薄切的螺片/墨魚 (?唔記得)、兩片三文魚、兩粒塞牙縫都唔夠嘅三文魚粒。d魚生全部都有陣難以形容嘅怪味又唔新鮮, 魷魚脆過薯片, 唯一ok的是蟹籽魚生只是魔王的普通技, 憑著對魚生的厚愛擋下, 誰料到平平無奇的白飯才是魔王的大絕! 食左一口....我從來沒有在任何一間餐廳食過有酸"縮"味嘅一舊舊隔飯冷飯!!!!飯一d都唔香軟, 倒鼓油都掩蓋唔到果陣酸"縮"味,一d飯似沙, 一d就似湯圓咁大的一舊舊軟飯, 明顯係無整熱過咁,正常人煮飯都唔會煮成咁, 好明顯係隔飯嘅!! (嗱~我覺得咁諗已經算好正面o架啦, 唔好話俾我聽係二手....)左挑右挑都搵唔到d可以擺入口嘅, 食左有事就唔好啦, 唯有唔食, 埋單走人。之前等候食物期間, 見到牆上貼著任食嘅人唔好浪費食物, 否則原價計算。我呢個食lunch嘅都唔知係算好彩定唔好彩,如果任食俾呢種質素嘅食物俾我, 已經夠慘, 仲要迫人食埋佢就真係慘無人道。廁所寫著維修, 無緣見到下面食評的景象。即使是明將, 他們也算是有企業良心, 他們的飯至少是可以入口的! 試問給這種質素的垃圾給客人, 良心何在?…查看更多

一開始啲嘢double哂.. 發現佢漏單, 佢又話一定唔會.. 到 last order 時啲嘢未到又唔俾人補單... 補完又唔嚟... 等唔到舊粟米..刺身冇甜蝦冇鮑魚 芝士焗丸子居然係醬爆豬肉丸 冷麵份量足夠一個女仔嘅午餐 仲要迫人 "消滅" 哂先俾人埋單... 茶壺海鮮湯似公仔麵湯 揚物炸粉幾寸厚 有嘅刺身還可以接受唯一清酒蜆ok滿意 火灸壽司.. 啲芝士都未溶就收咗手.. 手卷又勁大舊飯.. 最慘係得兩個侍應, 一個ok一個惡死, 冇甜蝦食仲要俾佢喝...不過都好過隔離檯... 佢哋仲興...一係唔嚟, 一嚟就嚟幾大碟壽司...…查看更多

是日相約朋友們到旺角來個飯聚,朋友建議吃日式放題,說真的,自己不太喜歡旺角的日式放題店,但走訪多間仍然爆滿最後來了旺角女人街的小店,因為不用等位便可以吃日式放題大家都Order了不同款式的日式料理overall來說幾款日式料理的味道是不錯的之後問題來了,因為想去一下洗手間,沿著小路走去,望見廚碗和廚房....完全是超級污糟,洗手間更為恐佈,入裡沒有抽氣系統,充滿臭氣,只想洗個手即時出番去 (因為用手推過門)怎知連洗手盤的水都是臭的!!不知怎形容,總之超恐怖!!之後對著檯面的食物,我反胃了…查看更多

其實通菜街食日本野既餐廳好多同老公都試左好幾間係operice見到哩間御之拉麵屋都幾多心心,評分好似唔錯所以就同老公黎食lunch我叫左個金茹豆腐肥牛鍋送一碗白飯 + 一碗魚翅湯白飯唔咪珍珠米,失望魚翅湯好重味精味,老公仲話見到d侍應放入微波爐翻熱金茹肥牛鍋好足料,肥牛,豆茹全部份量都好多,足夠二人食用不過都係好重味精味,好鹹總括黎講係抵食,$4x大大鍋,不過味道唔得佢好似有做放題但食過今餐之後,真係吸引唔到我再食佢既放題…查看更多

本身想去2000 yan 食...經過呢間好似未去過...外觀好似幾是正...但咁就奶野了!!我第一次咁狠ban 日本放題!!! 打死我都唔會來第二次!!!已經唔係平過人...野食我覺得好一般...好咸好濃...好似局你飲汽水...水都無一杯比人飲野食唔太討好都算...點知佢d 態度完全唔得掂...明明點左好多樣野...等左半個鐘...我等都飽飽地佢先拎樣野比我地...但...唔係我地點既...!!!好聲好氣問佢係咪漏單...點知個啊姐話 : 係咁架...新來既客d 野係來快d...之後再輪架麻...規矩來架好野!!! 我以後都唔會來呢間食lo一次已經飽到上心口谷鬼氣我只係食左少少刺身同相果d野...但食左個半鐘...上菜速度慢到離譜...!!!…查看更多

今日係同男朋友一週年既紀念去完disney玩到咁攰想食得開開心心,就揀左食放題,見松屋食到悶咪諗住試下新野所以黎左呢一間..一坐低寫左好多野食,等左一陣有刺身食,都okay既,之後一直等呀等,等呀等,等左大約20mins先有2舊肥牛金姑食,再等呀等,先黎得2串雞軟骨,見佢咁耐,忍唔住落多張單,寫左10件三文魚刺身,再等左10mins終於黎左碟刺身同燒茄子,可惜寫10件只係黎左4件,而碟茄子呢,2人份量佢足足俾左一大碟,為左唔浪費,我一個人食晒一大碟茄子..之後等左好耐,都冇再黎過食物,等到好火滾之制,waitress竟然話last order,但野食只係黎得幾碟,佢話幫我地check返有咩漏單,但佢拎黎既單全部都係其他台既單黎,咁我地唯有再落過order,點知佢一黎就黎好大碟既肥牛,我諗有5個人既份量,我同男朋友都呆左咁望住碟野,最後我地都係食d大大舊飯既壽司而飽芝士大蝦等等既食物到最後仍然係冇出現,平心而論,食物係可以既,但我唔明點解上菜既速度可以慢成咁,所有食客不停咁吹單,or夠鍾仍然唔走等食物,咁樣咪反而做少轉生意,其實如果佢係咁唔捨得俾d食物客人食,不如唔好開放題餐廳啦..…查看更多

幾個月前去過一次，雖然D野食上得好慢，不過尚算好食，所以今日再黎，點知...7點半到入到去座低，因為好肚餓，所以即刻點野食啦，點左10件三文魚、10隻甜蝦、10件赤貝、10件墨魚，and一堆熟食+炸物......去到大約7點10，先黎茄子同牛油帶子，味道OK，不過我expect食刺身先囉...唔緊要，食刺身先純綷係主觀既感受...好啦，到8點到，刺身到喇，但係數量完全不符：6件三文魚、4隻甜蝦、6件赤貝、2件墨魚...都算啦，諗住間唔中都會出錯可以原諒，即刻點住刺身黎等之前點左既熟食，等呀..等..等呀..等....開始火火地，見遲過我地入既都有野食(都係上得好慢)，諗住可能錯單啦，費事重覆點會浪費，咪叫佢check囉...點知又要睇人面色......途中過程一路都好炆......去到9點4，我再點野食交單俾佢，佢竟然好意思同我講last order，我心諗，你D野上成咁，仲好意思問???總結，我想講既係：1. 份量唔上足2. 唔識轉彎，死牛一邊頸 (完全唔岩兩個人去食，因為炒飯少份量都一碗大、某些炸物一大dou)，同我講話即整，咁點解唔可以整少D呢??3. 顧客服務差，自從劉德華廣告之後，呢間係少有令我不快既地方!!一定唔會再去!!!!!!…查看更多

做到差晒.其實食物方面無點下降.最嚴重係服務.無諗過星期一都咁多人黎.8點3到話要等3張台8點9有.咁去行下先;8點10到都未有話比多3個字9點.咁9點2到啦... 重話找數緊... 又等多陣...9點3過d先坐得底.即點野因為太餓啦!一寫好魚生紙即比左先.都要成十幾分鐘先上到魚生.朋友寫樣樣都二十嫁woo, 只係黎左4片... 爭食咁制!之後黎左清酒煮蜆. 真心係好食的.之但係食完呢個清酒煮蜆後係等左廿幾分鐘之後先有野食啦...最慘係見對面檯又係叫同一樣野食,但對面有自已無...同一個order都唔識一齊做真係好失敗!又黎魚生...又係4片4片...真係越食越餓...又等廿幾分鐘無野食. 忍唔住問佢地係唔係出錯單比左其他檯.話無woo...慘事又黎啦!對面檯食完閃人,成碟火龍卷無郁過,難為我地食都無得食...重未比人玩完...一個鐘過去真係出壽司,一次三十舊...轉過頭同一樣的壽司又三十舊同講岩岩先食完woo...之後佢拿返入去,又出返黎,又拿左order紙.真係我朋友叫左個張... 食囉...講真d壽司紫菜林成咁真係火火地.重要咁出法...最後cut晒我地有叫個d火龍卷...食到反晒艇同一肚氣囉我.重話認得我話一定比檯我,就係比你玩左鑊囉!…查看更多

我們喜歡吃的給的份量每人各一，不是太喜歡吃的卻是大大碟我和朋友兩人去吃放題 由於朋友當時非常餓 所以就點了非常多的食物 根據我們以前吃放題的經驗 食物每碟的份量都只是小小的一碟仔 但.....這裡的食物一碟是4人份量的 我們見到都O嘴 最後當然是飽到嘔啦 因爲我們都是不會浪費食物的人開頭來了三碟大大的：金針菇，炒野菜；魷魚 天啊~~味道一般 然後來了一些刺身和壽司 味道都是只是一般 壽司的飯很大0舊 特別玉子壽司 賣相不好兼不好吃我們當時中段的時候與其中一個比較年長的女侍應說要cut單 她懶關心地說我們廚房師傅都覺得你們吃不了這麽多食物的了 我們都想問你需不需cut番D食物 我聼了她的説話 我覺得她好假啊 如果有心就應該落單的時候提一提我們啦 馬後砲然後我們開始飽飽的了 當時覺得來這裡吃放題最好是多人來吃 不然就會好似我們這樣飽死但之後來的食物 我都是非常滿意的芝士大蝦 芝士凡立貝 牛柳粒 炒牛肉 照燒雞肉串不過好吃的食物都是後來才上的 因爲這些好味的食物 我下次會再光顧的 但會有技巧地去落單…查看更多

佢d 單已經有d奇，咁我地問得好清楚 應該點畫法，點知黎野食既時候完成失左預算 因為6既三文魚係得6片，但6既尢魚so 係有炒飯咁大碟.... 由此，貴既就得1片平既就一大碟，豆腐寫6又係1人一磚，好似百福豆腐咁大 後黎d炸野未到大家見勢色唔對，咪問個阿姐，佢話果d係斷份量計 咁見咁多野咪叫佢cut 單 點知佢話炸野炸緊 佢話炸緊生蠔， cut 唔切 只有cut 炸蠔之後果d， 點知把戲在此 點知再上2大盆炸物 (炸蠔、炸餃子同炸蝦同炸蟹鉗)其實10隻炸蠔我覺得都ok 但之前果d已經食到嘔 後尾果d 炸野間直係玩野 又lone 又黑， 好似番炸過好多次咁 d 炸蠔同炸蝦同炸蟹鉗得粉團 大家都無心機食 之後埋單 個妹妹仔走埋黎話食剩太多要按正價計 望一望唔對路 我同佢講，將心比己la~炸到咁叫人點食ar~佢話咁你應該一放低就話唔要， 跟住咪同佢講，我地已經叫cut 單 個妹妹後尾沖番入去喊 跟住有第2個幫拖， 都係妹妹仔 佢話捉住我話我地d單係咁落，炸蠔要10隻 咁我咪話如果之前d野唔係咁黎，之後d炸野係唔會食唔到 跟手講左幾句又有個阿姐過黎話要按正價講 咁又係重覆果d pts ~ 佢話"你頭先行開左,我已經同你d朋友講左個分量係一人份量" 所謂一人份量係任佢開 本來有個話要叫飯，阿姐話個飯係好似lunch 咁大碗，有2-3飯碗咁上下 跟手唔同佢講咪話我會照跟番138加一比我一定唔會比正價果d 我話你收就收，唔收就報警算 最好笑係我根本無行開過 咁之後佢收左 佢仲講多2句，我咪話lor~你打開門口做生意，你同我係度抝係無意思，我唔岩 食最多下次唔黎，你攪到要嘈，最多咪唱衰你 跟手就起身閃la~如果我唔出聲按正價比分分鐘要比多個double 有突。…查看更多

今日同衰佬及豬骨3人諗住出旺角買聽日去旅行既用品, 之後就開始搵食la,豬骨話佢女朋友黎過呢間御之拉麵屋食野話ok,我地就一齊去試試,試過之後都ok,但等食時間耐左小小,鋪面感覺局促,都但可以既…查看更多

因為小妹收9點,所以晚晚都冇野好食,但見上個月又出左雙糧,今個月又出左信加人工,咁岩今日大人又做野做到好攰就諗住請佢食飯等佢開心下,由於出到去都10點幾,原本想去金龍船,但因為夜得滯,冇得食咁就諗住o係女人街搵下野食,行行下見到呢間好似幾好咁,就決定試下啦.任食黎講佢都唔少野可以揀,但舖仔細細,d野都幾好食,wasabi鴨胸幾好,鴨胸薯蓉好好食,牛肉鍋超正,大人超推介呀! d豆腐好滑,份量唔會太少,個湯底好甜,刺生都好新鮮,辣硯好夠味牛柳粒同牛舌熱辣辣鐵板上,,其實仲有好多都好好食,真係講唔晒.不過我地都仲有好多未試!可以下次去再試服務都幾好,好主動見我地食完會幫我地收碟,又會提我地拉麵係大size(因為係平時散叫既份量,所以好大碗!),亦都好有禮貌!下次想食日本放題,又多一個好地方揀 =]*不過因為太餓,唔見得影相.…查看更多